Արխիվային լուսանկար

Էրմիտաժը բողոք է ստացել․ մերկ քանդակները վատ են ազդում երեխաների վրա

37
Տնօրենի խոսքով՝ բողոքը ստացվել է երկրի պետական գերատեսչությունից, ինչին իրենք չեն կարող չարձագանքել։

ԵՐԵՎԱՆ, 7 ապրիլի- Sputnik. Սանկտ Պետերբուրգի հայտնի պետական Էրմիտաժը պաշտոնական բողոք է ստացել անչափահաս այցելուների վրա մերկ քանդակների բացասական ազդեցության վերաբերյալ։ Տեղեկությունը հայտնում է ՌԻԱ Նովոստին։

«Մենք շատ բարձր ինտերակտիվություն ունենք՝ մեզ շատ են գրում, շատ են բողոքում և երբեմն` շատ ագրեսիվ։ Բայց կան կարևոր առաջարկներ և պահանջներ, որոնք պետք է հաշվի առնել ապագայի համար։ Կար ժամանակ, որ ես ծիծաղում էի, երբ մեզ ասում էին` հավաքեք ձեր բոլոր մերկ քանդակները մեկ սենյակում ու մուտքի մոտ փակցրեք «18 +» նշանը՝ մեր երեխաներին չփչացնելու համար։ Բայց սա արդեն պաշտոնական բողոք է, որը մեզ է հղվել պաշտոնական մարմիններից, և մենք դրան արձագանքում ենք»,- լրագրողների հետ զրույցում ասել է թանգարանի գլխավոր տնօրեն Միխայիլ Պիոտրովսկին:

Տնօրենը չի հստակեցրել, թե որ կոնկրետ որ գերատեսչությունից է բողոքը ստացվել։

Ուժասպառ սովի սարսափելի ճռռոցը, կամ ինչպես էին գերմանացիներից թաքցնում Էրմիտաժի գանձերը

37
թեգերը:
բողոք, երեխա, Քանդակ, Էրմիտաժ
Ըստ թեմայի
Լոռիում անչափահասների կողմից կատարված հանցագործությունների թիվը կրկնակի ավելացել է
2021-ին Գյումրիում արձանագրվել է անչափահասների կողմից հանցագործության կատարման 2 դեպք
Բռնության են դիմել, սնունդի մնացորդը տվել. ամուսինները թրաֆիքինգի են ենթարկել անչափահասի
Սամվել Կարապետյան

Սամվել Կարապետյանը «Forbes»-ի վարկածով Ռուսաստանի ամենահարուստ գործարարների ցանկում է

374
(Թարմացված է 20:23 21.04.2021)
«Տաշիր» ընկերությունների խմբի նախագահի կարողությունը 2020 թվականի արդյունքների համեմատ աճել է 32 տոկոսով։

ԵՐԵՎԱՆ, 22 ապրիլի – Sputnik. «Տաշիր» ընկերությունների խմբի նախագահ և հիմնադիր Սամվել Կարապետյանն ընդգրկվել է «Ռուսաստանի 200 ամենահարուստ գործարարների» վարկանիշում, որը կազմել է «Forbes» պարբերականը (№5, 2021):

Forbes-ի գնահատմամբ` Սամվել Կարապետյանը 3,3 մլրդ ԱՄՆ դոլար կապիտալով 46-րդ տեղն է զբաղեցրել ռուսաստանցի գործարարների ցանկում: Այսպիսով, «Տաշիր» ընկերությունների խմբի նախագահի կարողությունը 2020 թվականի արդյունքների համեմատ աճել է 32 տոկոսով։

Սամվել Կարապետյանը հայտնվել է ռուսական անշարժ գույքի արքաների եռյակում

Կարապետյանը «Forbes»-ի ամենահարուստ գործարարների ցանկում է 2011 թվականից։ Վարկանիշում 200 անուն է ընդգրկված։ Ավելի վաղ նա միլիարդատերերի (Forbes world ' s Billionaires List) համաշխարհային վարկանիշում զբաղեցրել էր 925-րդ տեղը:

«Արարատ լեռը Հայաստանում». ի՞նչ է Սամվել Կարապետյանը նվիրել Մոսկվայի հայկական եկեղեցուն

«Տաշիրը» ռուսական խոշորագույն դիվերսիֆիկացված արդյունաբերական-շինարարական խումբ է, որի կազմում են ընդգրկված Ռուսաստանի տնտեսության տարբեր ճյուղերում գործող շուրջ 200 ընկերություններ և ձեռնարկություններ: Հիմնադրվել է 1999թ.–ին և ավելի քան 20 տարի շարունակ ավելացնում է ակտիվները ռուսական շինարարության և զարգացման շուկայում, ընդ որում` հաջողությամբ բիզնես է ծավալում ֆինանսական և էներգետիկ ոլորտներում, արդյունաբերության, ռիթեյլի, ռեստորանային բիզնեսի և այլ ոլորտներում: Աշխատակիցների ընդհանուր թիվը գերազանցում է 45 հազարը։ Գործունեություն է ծավալում Ռուսաստանի և արտերկրի 51 քաղաքում։ Ընկերության հիմնադիրն ու նախագահը Սամվել Կարապետյանն է։ Գլխամասային գրասենյակը գտնվում է Մոսկվայում։

Սամվել Կարապետյանի դուստրն ընդգրկվել է ՌԴ–ի լավագույն երիտասարդ ղեկավարների 100-յակում

374
թեգերը:
վարկանիշ, մեծահարուստ, «Տաշիր» ընկերությունների խումբ, Սամվել Կարապետյան, Ռուսաստան
Վլադիմիր Պուտին

Դոնբասյան ակնարկներն ու Լուկաշենկոյի պաշտպանությունը․ փորձագետները՝ Պուտինի ուղերձի մասին

83
(Թարմացված է 22:56 21.04.2021)
Դաշնային ժողովին ուղղված ուղերձում ՌԴ նախագահ Վլադիմիր Պուտինը նշել է Արևմուտքի լռությունը Բելառուսում պետական հեղաշրջում կազմակերպելու փորձերի առիթով և պատմել սադրանքներին համարժեք պատասխան տալու պատրաստակամության մասին։

Ալեքսեյ Ստեֆանով, Մարիա Նաումենկո

Ուկրաինական մասը

Ռազմական փորձագետ Ալեքսեյ Լեոնկովի կարծիքով՝ Վլադիմիր Պուտինի նախազգուշացումները՝ ուղղված սադրանքների կազմակերպիչներին, որոնք սպառնում են Ռուսաստանի անվտանգության շահերին, առաջին հերթին վերաբերում են Ուկրաինային։

«Ռուսաստանը դադարել է խաղալ այն կանոններով, որոնք նրա համար սահմանել են։ Մոսկվան կարծում է, որ շատերն աշխարհում ռազմական ճանապարհով են հարցերը լուծում, բայց ավելի լավ կլինի` պայմանավորվեն։ Ով չի ուզում պայմանավորվել և այրում է բոլոր կամուրջները, նա պետք է հասկանա, որ պատասխանը կլինի արագ և համարժեք։ Ուկրաինայի հետ կապված իրավիճակը կապված է տարբեր պատժամիջոցների հետ Ղրիմի և Դոնբասի պատճառով։ Ռուսաստանին պարտադրել են կանոններ, բայց այդ ժամանակներն ավարտվել են, և նախագահն այդ մասին ուղիղ ասել է», - կարծում է փորձագետը։

Վլադիմիր Պուտինը հստակ հասկացնել է տվել, որ ցանկացած ռազմական սադրանք կուղեկցվի պատասխան միջոցներով, իսկ Ուկրաինայի ներկա իշխանությանը փաստի առաջ են կանգնեցրել նրա գործընկերները․ Լեոնկովի խոսքով՝ նրանք պետք է պատերազմեն։ Չէ՞ որ Ուկրաինայում մեծ փողեր են ծախսել, զինծառայողներ են պատրաստել։

Ռուսաստանի տնտեսության վերելքը ձեռնտու է Հայաստանին. փորձագետը` Պուտինի ուղերձի մասին

Փորձագետի կարծիքով՝ պատահական չէ, որ Զելենսկին հանկարծ խոսել է Դոնբասում մարտական շփման գծում Պուտինի հետ հանդիպման մասին, բայց այդ հանդիպումը չի կայանա, նա պետք է հանդիպի Դոնեցկի ու Լուգանսկի ղեկավարների հետ և նրանց հետ երկխոսություն վարի։

ՌԴ–ն կարևոր դեր է խաղացել Ղարաբաղի զինված հակամարտությունը դադարեցնելու գործում. Պուտին

«Եթե Պուտինը ուղերձի ընթացքում կոնկրետ բաներ չի հայտարարել Դոնբասի և Ուկրաինայի մասին, ապա պետք չէ դա ընդունել որպես թուլություն», - վստահ է Լեոնկովը։

Հեղաշրջում Բելառուսում

Պուտինի ուղերձում հատուկ ուշադրություն է դարձվել բելառուսական խնդրին։ Ռուսաստանի գիտությունների ակադեմիայի Եվրոպայի ինստիտուտի բելառուսական հետազոտությունների կենտրոնի ղեկավար Նիկոլայ Մեժևիչի գնահատականով՝ ՌԴ առաջնորդը հասկացնել է տվել, թե հատկապես ինչպես է պատրաստվել պետական հեղաշրջումը Բելառուսում։

«Վլադիմիր Պուտինը փաստեց, որ հիմա հասկանալի է՝ ինչու է Արևմուտքը հրաժարվում համագործակցել Ռուսաստանի հետ կիբեռանվտանգության ոլորտում․ Բելառուսում պետհեղաշրջումը ենթադրել է, որ աշխատանք է տարվել նաև համացանցում։ Իսկապես, գլոբալ աշխարհում անվտանգության համակարգ ստեղծելու համար բավական է երեք տերությունների՝ ԱՄՆ-ի, Ռուսաստանի և Չինաստանի ջանքերը, բայց ամերիկացիները չեն ուզում համագործակցել ո՛չ Ռուսաստանի, ո՛չ նրա դաշնակիցների, ո՛չ Չինաստանի հետ։ Ուստի աշխարհն այնտեղ է, որտեղ գտնվում է», - կարծում է Նիկոլայ Մեժևիչը։

Տրանսպորտային-լոգիստիկ միջանցքները եվրասիական գործընկերության կարկաս կդառնան. Պուտին

Փորձագետը չի կասկածում, որ Վաշինգտոնն առնչություն ունի Բելառուսում բռնի իշխանության փորձին։
«Ես չեմ հավատա, որ Լիտվայի հետախուզությունը կարող է ինքնուրույն նման որոշում կայացնել։ Կամ նույնիսկ Լեհաստանի։ Ակնհայտ ամերիկյան ձեռագիր է, որովհետև անհնար է մյուս գերտերությունների մոտ հետաքրքրություն առաջացնել։ Իսկ նախագահներին հեռացնելը վերջին երկու հարյուր տարիներին ամերիկացիների սիրելի զբաղմունքն է։ Ոչ մի նոր բան», - ասել է մասնագետը։

Կորոնավիրուս, ԶՈւ, ՌԴ–ի արտաքին թշնամիներ, Արցախ և Սիրիա. Պուտինի ելույթի հիմնական կետերը

83
թեգերը:
Ալեքսանդր Լուկաշենկո, Դոնբաս, Վլադիմիր Պուտին
Սեպտեմբերի 1

ԿԳՄՍՆ–ն հրապարակել է առաջին դասարանցիների հայտագրման հաջորդական քայլերն ու ժամկետները

2
(Թարմացված է 15:53 22.04.2021)
Յուրաքանչյուր ծնող աշխարհի ցանկացած վայրից կարող է իր երեխային առցանց համակարգով գրանցել պետական հանրակրթական դպրոցներում։

ԵՐԵՎԱՆ, 22 ապրիլի – Sputnik. 2021-22 ուսումնական տարում առաջին դասարանցիների ընդունելությունը ՀՀ պետական հանրակրթական այն դպրոցներում, որոնք տվյալ բնակավայրում միակը չեն, կրկին կատարվելու է hayt.emis.am առցանց համակարգի միջոցով։ Տեղեկությունը հայտնում է ՀՀ կրթության, գիտության, մշակույթի և սպորտի նախարարությունը և ներկայացնում հայտագրման փուլերը։

1-ին փուլ

Մայիսի 3-ին՝ առավոտյան ժամը 9:00-ից սկսած, ծնողներն իրենց անձնական տվյալների առկայությունն ու ճշգրտությունը պետք է ստուգեն՝ մուտք գործելով stugum.emis.am կայք։ Այդտեղ բացվում է երկու դաշտ, որոնցում պետք է մուտքագրվի ծնողի և երեխայի հանրային ծառայությունների համարանիշը: Եթե ծնողը մուտքագրել է հանրային ծառայությունների համարանիշը, սակայն ստացել է պատասխան` «Համակարգը չի հայտնաբերել ծնող-երեխա կապը» (որն ավտոմատ պետք է բերվեր Քաղաքացիական կացության ակտերի գրանցման գործակալության տվյալների բազայից), ապա ծնողին կառաջարկվի կայքում համապատասխան կոճակին սեղմելու միջոցով տվյալները փոխանցել ՔԿԱԳ, որպեսզի դրանք թվայնացվեն։

2-րդ փուլ

Հունիսի 1-ից՝ ժամը 9։00-ից սկսած, hayt.emis.am կայքում կմեկնարկի բուն հայտագրման գործընթացը՝ ըստ սահմանված առաջնահերթության։

Հունիսի 1-10-ն ընկած ժամանակահատվածում կհերթագրվեն հետևյալ հայտատուները՝

  • 1-ին դասարան գնացող երեխայի ծնողներից մեկը տվյալ դպրոցի աշխատակից է,
  • 1-ին դասարան գնացող երեխան ունի տվյալ դպրոցում արդեն սովորող հարազատ քույր կամ եղբայր:

3-րդ փուլ

Հունիսի 11-ից՝ ժամը 9։00-ից սկսած, կկարողանան գրանցվել նրանք, ովքեր չեն համապատասխանում վերոնշյալ երկու կետերին: Համապատասխան դպրոցում լիցենզիայով սահմանված տեղերը լրանալուց հետո առցանց համակարգը տվյալ դպրոցում գրանցման հնարավորություն չի տալիս: Միաժամանակ քաղաքացին կարող է համակարգի միջոցով խմբագրում կատարել իր ներկայացրած հայտում` փոխելով ընտրած դպրոցը և հայտագրելով այլ հանրակրթական դպրոց:

Հունիսի 11-ից համակարգը բաց է լինելու ողջ ուսումնական տարվա ընթացքում։

Ի՞նչ անել, եթե գտնվում եք արտերկրում

Յուրաքանչյուր ծնող աշխարհի ցանկացած վայրից կարող է իր երեխային առցանց համակարգով գրանցել պետական հանրակրթական դպրոցներում` առաջին դասարան հաճախելու համար. համակարգը բոլորի համար ապահովում է մեկնարկային հավասար պայմաններ:

Եթե ունեք անհրաժեշտ փաստաթղթեր, ապա կարող եք գրանցվել նաև արտերկրից, իսկ եթե փաստաթղթերի, մասնավորապես հանրային ծառայության համարանիշ ստանալու խնդիր ունեք, ապա գործընթացը կարող եք կազմակերպել լիազորագրով` անձնագրի և ծննդյան վկայականի նոտարական վավերացմամբ պատճենների առկայությամբ: Հայաստանում գտնվող օտարերկրյա քաղաքացիների ու նրանց երեխաների համար նույնպես հանրային ծառայությունների համարանիշը պարտադիր է․ այն տրամադրվում է անձնագրային բաժիններում հաշվառվելու դեպքում:

Հայաստանում «բեյբի բում» չի՞ լինի. նախարարի խորհրդականն ասաց` ինչ ծրագրեր են սպասվում

2
թեգերը:
Կրթության, գիտության, մշակույթի և սպորտի նախարարություն (ԿԳՄՍ), դպրոց, Հայաստան