Հույս ունենք մեծ քանակությամբ «Սպուտնիկ-V» ձեռք բերել. ՀՀ վարչապետ
(Թարմացված է 17:29 07.04.2021)
ՀՀ վարչապետը հայտնեց, թե երբ է Հայաստանը ստանալու ռուսական պատվաստանյութի առաջին խմբաքանակը։ ԵՐԵՎԱՆ, 7 ապրիլի – Sputnik. Հայաստանը վաղը կորոնավիրուսի դեմ ռուսական պատվաստանյութի` «Սպուտնիկ-V»-ի առաջին խմբաքանակը կստանա։ ՌԴ վարչապետ Վլադիմիր Պուտինի հետ հանդիպման ժամանակ ասաց ՀՀ վարչապետ Նիկոլ Փաշինյանը` անդրադառնալով կորանավիրուսի հաղթահարման ուղղությամբ 2 երկրների աշխատանքներին։
«Ռուսաստանի հետ մենք շատ սերտ համագործակցել ենք կորոնավիրուսի հաղթահարման ուղղությամբ։ Վաղը կստանանք ռուսական պատվաստանյութի առաջին` այսպես ասած սիմվոլիկ խմբաքանակը, սակայն հույս ունեմ մեծ քանակության ձեռքբերման»,–ասաց Փաշինյանը։ ՀՀ վարչապետը նշեց, որ ավելի քան 1 մլն դեղաչափի կարիք կա Հայաստանում։
©
AFP 2020 / MARVIN RECINOS
ՌԴ նախագահն էլ իր հերթին ընդգծեց, որ պաստվաստանյութի արտադրության գործընթացը շարունակական բնույթ է կրում և կարծում է` խնդիրներ չեն լինի։ Նրա խոսքով` ճիշտ է, Ռուսաստանում ավելանում է պաստվաստվելու ցանկություն ունեցողների քանակը, սակայն համապատասխան քանակությամբ պատվաստանյութ էլ արտադրվում է։ «Այնպես որ, այդ հարցը կքննարկենք մենք»,–ասաց Պուտինը։
Նրա խոսքով` գործնականում ռուսական պատվաստանյութն արդեն իսկ ապացուցել է իր էֆեկտիվությունը, և Հայաստանի համար շատ կարևոր է, որ հնարավորություն ունենա հենց այդ պատվաստանյութը ձեռք բերել։
Նշենք, որ այսօր ԱԺ–ում ՀՀ Առողջապահության և սոցիալական հարցերի մշտական հանձնաժողովի նախագահ Նարեկ Զեյնալյանն ասել էր, որ միասնական հարթակի հետ կա պայմանագիր, արդեն իսկ փոխանցվել է նախնական գումար` 800 մլն–ի չափ, որպեսզի այնտեղից տրամադրվեն պատվաստանյութեր` «Pfizer», «Astra Zeneca» և «Moderna» ֆիրմաների։
Նա տեղեկացրել էր, որ ՌԴ–ի ու միասնական հարթակի միջև բանակցություններ են ընթանում` ռուսական արտադրության «Սպուտնիկ-V» պատվաստանյութը ևս հարթակում ներառելու համար։
Մինչ այդ, նրա խոսքով, Հայաստանը ևս ՌԴ–ի հետ բանակցում է ռուսական պատվաստանյութի նոր խմբաքանակ ներկրելու հարցի շուրջ։
Բժիշկը հերքել է կորոնովիրուսի դեմ պատվաստման միջոցով բնակչության «չիպավորման» միֆը
2000 չափաբաժին նվիրատվության ձևով տրվել է ՀՀ–ին, որոնք ներարկվել են ռիսկային խմբերի անձանց` ինֆեկցիոնիստներին, այն բժիշկներին, որոնք անմիջականորեն զբաղվում են հիվանդների բուժմամբ։ Նշել էր, որ դա շատ փոքր խմբաքանակ է։ Հիմա բանակցություններ են գնում նաև ՌԴ–ի հետ իրենց պատվաստանյութը ձեռք բերելու ուղղությամբ։
«Խափանում է եղել». ԵԽԽՎ-ում ՌԴ ներկայացուցիչը՝ հայ գերիների հարցը քվեարկելու մասին
(Թարմացված է 17:45 20.04.2021)
Ռուսական պատվիրակությունը փորձում է հասկանալ քվեարկության տեխնիկական անսարքությունների պատճառները։ Նրանք այնքան էլ չեն հավատում զուգադիպությանը:ԵՐԵՎԱՆ, 20 ապրիլի – Sputnik. Եվրոպայի խորհրդի խորհրդարանական վեհաժողովում ռուսական պատվիրակության ներկայացուցիչ Սերգեյ Պախոմովը անդրադարձել է հայ գերիների վերաբերյալ հարցի քվեարկությանը:
Պատգամավորն Instagram-ի իր էջում պատասխանելով բաժանորդներից մեկի հարցին` հայտնել է, որ այդ հարցի քվեարկության ժամանակ ամբողջ պատվիրակությունը տեխնիկական խափանման է բախվել։
«Մենք էլ շատ չենք հավատում զուգադիպությանը։ Համապատասխան դիմումներ ենք ներկայացրել», - գրել է Պախոմովը։
Գերիների հարցի ներառումը ԵԽԽՎ օրակարգ արդեն իսկ դրական է. «Իմ քայլը» խմբակցություն
Հիշեցնենք, որ գերիների հարցը գարնանային նստաշրջանի օրակարգում ընդգրկելուն դեմ է քվեարկել 21 պատգամավոր, այդ թվում՝ ռուսական պատվիրակության հինգ անդամ։ Ռուսաստանի պատվիրակության պատգամավորներից 7–ը ձեռնպահ են քվեարկել։ Այդուհանդերձ հարցն ընդգրկվել է օրակարգում։
«Ռուս գործընկերներից ճշտում ենք». Մարուքյանը` ԵԽԽՎ–ում գերիների հարցով քվեարկության մասին
թեգերը:
Ռուսաստանի արևմտյան սահմաններին իրավիճակը լարված է. Շոյգու
(Թարմացված է 17:32 20.04.2021)
Ռուսաստանի պաշտպանության նախարար Սերգեյ Շոյգուն գերատեսչության կոլեգիայի նիստում հայտարարել է երկրի արևմտյան սահմանների երկայնքով լարվածության աճի մասին:ԵՐԵՎԱՆ, 20 ապրիլի – Sputnik. Ուկրաինայի ղեկավարությունը փորձում է ապակայունացնել իրավիճակը Դոնբասում։ Տեղեկությունը հայտնել է Ռուսաստանի պաշտպանության նախարար Սերգեյ Շոյգուն Ռուսաստանի պաշտպանության նախարարության կոլեգիայի նիստի ժամանակ:
Դրան զուգահեռ ԱՄՆ-ի և ՆԱՏՕ-ի ուժերը շարունակում են սադրանքներ իրականացնել օդային տարածքում և Սև ծովի ջրային տարածքում:
«Ռազմաքաղաքական իրադրությունը հարավարևմտյան ռազմավարական ուղղությամբ բարդ է մնում»,-ասել է Շոյգուն:
Նա նշել է, որ լարված իրավիճակը կապված է այն բանի հետ, որ մի շարք պետություններ փորձում են մեծացնել իրենց ռազմական ներկայությունը Ռուսաստանի Դաշնության արևմտյան և հարավային սահմանների մոտ։
ՆԱՏՕ-ն հրահրում է սպառազինությունների համաշխարհային մրցավազք. ՌԴ ԱԳՆ
Comedy Woman-ի աստղերը եգիպտացորեն են վայելում Դիլիջանում
(Թարմացված է 00:00 21.04.2021)
Դիլիջանում են Comedy Woman-ի հեղինակ Նատալյա Եփրիկյանը, ռեզիդենտ Ալեքսանդր Գուդկովը և «Պուտինի նմանակ» Դմիտրի Գրաչովը:
ԵՐԵՎԱՆ, 21 ապրիլի - Sputnik․ Comedy Woman հանրահայտ ռուսական նախագծի աստղերը այժմ Դիլիջանում են։ Նախագծի հեղինակ Նատալյա Եփրիկյանը լուսանկար է հրապարակել Դիլիջանի «պավառոտներից»։
Նկարում իր գործընկերները, այդ թվում՝ հայտնի հումորիստ Ալեքսանդր Գուդկովը եւ «Պուտինի նմանակ» Դմիտրի Գրաչովը, վայելում են եփած եգիպտացորեն։ Եփրիկյանի գրառումից պարզ է դառնում, որ նա այդ օրը նշել է իր ծննդյան օրը։
View this post on Instagram
«Ամեն անգամ ասում եմ ինքս ինձ, որ սա իմ լավագույն ծննդյան օրն էր։ Բոլորին շնորհակալություն շնորհավորանքների համար», - գրել է նա։
Եփրիկյանը նաև Story է տեղադրել Գուդկովի հետ։ Նրանք երկուսով հայկական գորգի ֆոնին են, իսկ նկարը մակագրված է. «Իսկական տժվժիկ»։
«Ես Հայաստանում եմ, «ձետկա»»․ Նատալյա Եփրիկյանը կարանտինն անցկացնում է Ջերմուկում
Comedy Woman հաղորդավարուհի Նատալյա Եփրիկյանը վերջին անգամ հայրենիքում եղել էր անցած տարվա օգոստոսին։ Այն ժամանակ էլ նա ակտիվ հանգիստ էր անցկացնում Հայաստանում և տարբեր տեղերից լուսանկարներ հրապարակում։
