Զենք

Հայաստանն ու Ռուսաստանը շարունակում են ռազմատեխնիկական համագործակցությունը

85
(Թարմացված է 17:08 07.04.2021)
Ավելի վաղ երկու երկրների միջև կնքված պայմանագրերով բոլոր մատակարարումները կատարվում են ժամանակին և ամբողջ ծավալով։

ԵՐԵՎԱՆ, 7 ապրիլի- Sputnik. Հայաստանն ու Ռուսաստանն ամբողջ ծավալով իրականացնում են ռազմատեխնիկական համագործակցության ծրագիրը։ Տեղեկությունը հայտնում է ՏԱՍՍ-ը՝ վկայակոչելով Ռուսաստանի ռազմատեխնիկական համագործակցության դաշնային ծառայության մամուլի քարտուղար Վալերի Ռեշետնիկովային։

«Հայաստանը շարունակում է մնալ ռազմատեխնիկական համագործակցության մեր ավանդական գործընկերներից մեկը։ Ավելի վաղ երկու երկրների միջև կնքված պայմանագրերով բոլոր մատակարարումները կատարվում են ժամանակին և ամբողջ ծավալով», - տեղեկացրել է Ռեշետնիկովան:

Նշենք, որ քիչ առաջ Մոսկվայում մեկնարկել է ՀՀ վարչապետ Նիկոլ Փաշինյանի հանդիպումը ՌԴ նախագահ Վլադիմիր Պուտինի հետ։

Ավելի վաղ ՌԻԱ Նովոստիին տված հարցազրույցում ՀՀ վարչապետ Նիկոլ Փաշինյանն ասել էր, որ Հայաստանն արդեն ձեռնամուխ է եղել բանակի լայնածավալ բարեփոխմանը, և, հաշվի առնելով ՌԴ-ի հետ մեր սերտ դաշնակցային և գործընկերային հարաբերությունները ռազմական և ռազմատեխնիկական համագործակցության ոլորտում, համապատասխան խորհրդակցություններ են ընթանում, իսկ փորձագետների մակարդակով արդեն անհրաժեշտ շփումներ են հաստատվել:

85
թեգերը:
Զենք, սպառազինություն, ռազմարդյունաբերություն, Ռուսաստան, Հայաստան
Ըստ թեմայի
Ռուսական զենքն իրեն-իրեն չի կրակում․ Զատուլինը պատասխանել է ՀՀ իշխանության մեղադրանքներին
Արդեն փորձարկել են․ Ռուսաստանն անսովոր զենքով կպաշտպանի հյուսիսային տարածքները
Իսրայելն ու Ադրբեջանը համատեղ զենքի արտադրության գործարք են կնքել. հայերը ցույց են անում
ԵԽԽՎ

«Խափանում է եղել». ԵԽԽՎ-ում ՌԴ ներկայացուցիչը՝ հայ գերիների հարցը քվեարկելու մասին

96
(Թարմացված է 17:45 20.04.2021)
Ռուսական պատվիրակությունը փորձում է հասկանալ քվեարկության տեխնիկական անսարքությունների պատճառները։ Նրանք այնքան էլ չեն հավատում զուգադիպությանը:

ԵՐԵՎԱՆ, 20 ապրիլի – Sputnik. Եվրոպայի խորհրդի խորհրդարանական վեհաժողովում ռուսական պատվիրակության ներկայացուցիչ Սերգեյ Պախոմովը անդրադարձել է հայ գերիների վերաբերյալ հարցի քվեարկությանը:

Պատգամավորն Instagram-ի իր էջում պատասխանելով բաժանորդներից մեկի հարցին` հայտնել է, որ այդ հարցի քվեարկության ժամանակ ամբողջ պատվիրակությունը տեխնիկական խափանման է բախվել։

«Մենք էլ շատ չենք հավատում զուգադիպությանը։ Համապատասխան դիմումներ ենք ներկայացրել», - գրել է Պախոմովը։

Գերիների հարցի ներառումը ԵԽԽՎ օրակարգ արդեն իսկ դրական է. «Իմ քայլը» խմբակցություն

Հիշեցնենք, որ գերիների հարցը գարնանային նստաշրջանի օրակարգում ընդգրկելուն դեմ է քվեարկել 21 պատգամավոր, այդ թվում՝ ռուսական պատվիրակության հինգ անդամ։ Ռուսաստանի պատվիրակության պատգամավորներից 7–ը ձեռնպահ են քվեարկել։ Այդուհանդերձ հարցն ընդգրկվել է օրակարգում։

«Ռուս գործընկերներից ճշտում ենք». Մարուքյանը` ԵԽԽՎ–ում գերիների հարցով քվեարկության մասին

96
թեգերը:
Եվրախորհրդի խորհրդարանական վեհաժողով (ԵԽԽՎ), գերի, քվեարկություն, Ռուսաստան
Սերգեյ Շոյգու

Ռուսաստանի արևմտյան սահմաններին իրավիճակը լարված է. Շոյգու

51
(Թարմացված է 17:32 20.04.2021)
Ռուսաստանի պաշտպանության նախարար Սերգեյ Շոյգուն գերատեսչության կոլեգիայի նիստում հայտարարել է երկրի արևմտյան սահմանների երկայնքով լարվածության աճի մասին:

ԵՐԵՎԱՆ, 20 ապրիլի – Sputnik. Ուկրաինայի ղեկավարությունը փորձում է ապակայունացնել իրավիճակը Դոնբասում։ Տեղեկությունը հայտնել է Ռուսաստանի պաշտպանության նախարար Սերգեյ Շոյգուն Ռուսաստանի պաշտպանության նախարարության կոլեգիայի նիստի ժամանակ:

Դրան զուգահեռ ԱՄՆ-ի և ՆԱՏՕ-ի ուժերը շարունակում են սադրանքներ իրականացնել օդային տարածքում և Սև ծովի ջրային տարածքում:

«Ռազմաքաղաքական իրադրությունը հարավարևմտյան ռազմավարական ուղղությամբ բարդ է մնում»,-ասել է Շոյգուն:

Նա նշել է, որ լարված իրավիճակը կապված է այն բանի հետ, որ մի շարք պետություններ փորձում են մեծացնել իրենց ռազմական ներկայությունը Ռուսաստանի Դաշնության արևմտյան և հարավային սահմանների մոտ։

ՆԱՏՕ-ն հրահրում է սպառազինությունների համաշխարհային մրցավազք. ՌԴ ԱԳՆ

51
թեգերը:
Արևմուտք, Ռուսաստան, Սահման, ՆԱՏՕ, Սերգեյ Շոյգու
Ըստ թեմայի
ՆԱՏՕ-ն իր աջակցությունն է հայտնել Չեխիային` ընդդեմ Ռուսաստանի
«ՆԱՏՕ-ի ձեռքի գործն է»․ ի՞նչ է կատարվում ռուսական սահմանների մոտ
Վաշինգտոնը գայթակղում է Կիևին ՆԱՏՕ-ին անդամակցությամբ
Արա Այվազյան

Արա Այվազյանը զրուցել է Արաբական Միացյալ Էմիրությունների իր գործընկերոջ հետ

0
(Թարմացված է 18:07 20.04.2021)
Հայաստանի և ԱՄԷ արտաքին գործերի նախարարները մտքեր են փոխանակել տարածաշրջանային անվտանգության և կայունության հարցերի շուրջ:

ԵՐԵՎԱՆ, 20 ապրիլի - Sputnik․ ՀՀ ԱԳ նախարար Արա Այվազյանը հեռախոսազրույց է ունեցել ԱՄԷ արտաքին գործերի և միջազգային համագործակցության նախարար Աբդալլահ բին Զայեդ Ալ Նահյանի հետ: Այս մասին տեղեկացնում է ԱԳ կայքը։

Զրուցակիցներն անդրադարձել են նախարար Այվազյանի՝ ԱՄԷ աշխատանքային այցի շրջանակներում ձեռք բերված պայմանավորվածությունների իրականացման ընթացքին, մտքեր են փոխանակել փոխադարձ հետաքրքրություն ներկայացնող ոլորտներում համագործակցությանն առնչվող հարցերի շուրջ: Քաղաքական երկխոսության ընդլայնմանն ուղղված քայլերի համատեքստում երկուստեք ընդգծվել է փոխայցելությունների և գերատեսչությունների միջև խորհրդատվությունների անցկացման կարևորությունը:

Հայաստանի և ԱՄԷ արտաքին գործերի նախարարները մտքեր են փոխանակել տարածաշրջանային անվտանգության և կայունության հարցերի շուրջ:

Նշենք, որ Հայաստանի Հանրապետության և Արաբական Միացյալ Էմիրությունների միջեւ դիվանագիտական հարաբերությունները հաստատվել են 1998-ի հունիսին։ 2015-ից Հայաստանում գործում է Արաբական Միացյալ Էմիրությունների դեսպանությունը։

Արա Այվազյանը Մոսկվայում խոսել է Ադրբեջանի ռազմական հանցագործությունների ու գերիների մասին

2018-ի հոկտեմբերից Արաբական Միացյալ Էմիրություններում Հայաստանի Հանրապետության արտակարգ և լիազոր դեսպան է Մհեր Մկրտումյանը։ 2019-ի փետրվարից ՀՀ-ում ԱՄԷ դեսպանն է Մուհամմադ Ալ Զաաբիին։

Հայաստանը ԱՄԷ-ից ներմուծում է ներկանյութեր, շինանյութ, հրուշակեղեն, պլաստմասե իրեր, կահույք, էլեկտրատեխնիկա, տրանսպորտային միջոցներ եւ այլն, իսկ արտահանում է պղինձ, ալյումին ու մարգարիտ։

0
թեգերը:
Արաբական միացյալ էմիրություններ (ԱՄԷ), Հայաստան, Արա Այվազյան
Ըստ թեմայի
Արա Այվազյանը մեկնաբանել է ԱԽ քարտուղարի սկանդալային հայտարարությունը
Արա Այվազյանն աշխատանքից չի ազատվելու
Արա Այվազյանն անհապաղ լուծում պահանջող հարցերի մասին է խոսել Պոլ Ռիչարդ Գալագերի հետ