Ձեռնաշղթա

Պետերբուրգի գլխավոր նեֆրոլոգը խոստովանել է, որ ինքն է սպանել կնոջը. Սեյրան Հարությունյան

60
(Թարմացված է 20:40 06.04.2021)
Խոստովանությունն արվել է առանց փաստաբանների։ Նրանք կարծում են, որ կնոջը սպանած տղամարդուն կարելի էր չկալանավորել։

ԵՐԵՎԱՆ, 6 ապրիլի - Sputnik. Պետերբուրգի գլխավոր նեֆրոլոգ (երիկամաբան) Ալեքսանդր Զեմչենկովը խոստովանել է, որ 2010 թվականին ինքն է սպանել կնոջը։ ՌԻԱ Նովոստիի փոխանցմամբ` այդ մասին հայտնել է փաստաբան Սեյրան Հարությունյանը և նշել` Զեմչենկովն ասել է, որ հանցագործությունը կատարվել է անզգուշության հետևանքով։

«Նշեմ, որ խոստովանությունն արվել է ոչ թե ՌԴ ՔՕ 105-րդ հոդվածի 1-ին մասով (սպանություն), այլ ՌԴ ՔՕ 109-րդ հոդվածի 1-ին մասով (անզգուշությամբ մահ պատճառելը), դա ոչ ծանրության հանցագործություն է», - շեշտել է Հարությունյանը:

Նա հստակեցրել է, որ Զեմչենկովն ինքնախոստովանական ցուցմունք է տվել առանց փաստաբանի, և այժմ պաշտպանությունը պարզում է հանգամանքները։

Բժշկի մյուս փաստաբանը` Միխայիլ Իվանովը, հավելել է, որ պաշտպանական կողմը բողոքարկել է նրա կալանքը. «Կարծում ենք, որ խափանման միջոցը կարող էր ավելի մեղմ լինել»:

Քաղաքի դատարանների միավորված մամուլի ծառայությունից ՌԻԱ Նովոստիին հայտնել են, որ Զեմչենկովի կալանավորման դեմ բողոք դեռ չի գրանցվել:

ՌԴ–ում ադրբեջանցին սպանել է հղի քրոջը, պատճառը հայ ամուսինն է. տեսանյութ

Նեֆրոլոգի նախկին կինը` Իրինա Զեմչենկովան, որ նույնպես բժիշկ է եղել, աշխատել է ծննդատանը։ Նա կորել է 2010 թվականի մարտի վերջին, որից հետո էլ սպանության հոդվածով քրեական գործ է հարուցվել։

Հանցագործությունը տարիներ շարունակ չէր բացահայտվում, քանի դեռ անցած դեկտեմբերին կնոջ 92-ամյա հայրը ՌԴ ՔԿ ղեկավար Ալեքսանդր Բաստրիկինին չէր բողոքել հետաքննության ընթացքից: Բաստրիկինը հանձնարարել էր, որ գործին միանան քրեագիտության գլխավոր վարչության աշխատակիցները, և հետաքննությունը վերջապես շարժվել է տեղից։

Պարզվել է, որ այդ օրը Իրինան ընդհանրապես չպետք է աշխատեր, և նա տնից դուրս չի եկել։ 60-ամյա Զեմչենկովը ձերբակալվել է մարտի 30-ին, նրան հարցաքննել են պոլիգրաֆի օգտագործմամբ, որից հետո սպանության մեղադրանք են ներկայացրել, իսկ դատարանը նրան երկու ամսով կալանավորելու որոշում է կայացրել։

ՌԴ ՔԿ-ն կարծում է, որ 2010 թվականի փետրվարի 23-ին Զեմչենկովը Սանկտ Պետերբուրգի Չապիգինի փողոցի տներից մեկում վիճաբանության ժամանակ սպանել է կնոջը, որից հետո մասնատել է նրա մարմինը և նետել աղբանոց։

Հետագայում հանցագործությունը կոծկելու համար նա դիմել է ոստիկանություն՝ հայտնելով, որ կինը գնացել է աշխատանքի և անհետ կորել: Կնոջ մնացորդները մինչ օրս չեն հայտնաբերվել, սակայն դատարանի որոշմամբ` նա մահացած է ճանաչվել։

Սպանել են 37–ամյա տղամարդուն և պատահական ականատեսին. դիակները հայտնաբերվել են

 

60
թեգերը:
ամուսին, Կին, բժիշկ, Սպանություն, Ռուսաստան
Դատապարտյալ

Ռուսաստանի «օրենքով գողերը» սկսել են հրաժարվել իրենց տիտղոսից

183
(Թարմացված է 19:31 10.04.2021)
Միանգամից չորս քրեական հեղինակություն հրաժարվել են իրենց տիտղոսներից։ Նրանք բոլորը տարբեր մեկուսարաններում են։

ԵՐԵՎԱՆ, 10 ապրիլի – Sputnik. Ռուսաստանի «օրենքով գողերը» սկսել են զանգվածաբար հրաժարվել իրենց տիտղոսից։ Տեղեկությունը հայտնում է primecrime.ru–ն։

Կայքի տեղեկություններով՝ նրանցից մեկը «Ուֆայի նայող» Իլդար Ասյանովն է, որը հայտնի է որպես Իլդար Ուֆիմսկի։ «Թագադրվել» է 23 տարեկանում, բայց թմրանյութային կախվածության պատճառով նրան դադարել են հարգել քրեական աշխարհում։ Ավելի ուշ տեղափոխվել է Տուլա, բայց այնտեղ էլ է բռնվել թմրանյութերի պատճառով։

Ձերբակալել են «Դեդ Հասանի» մտերիմներից մեկին` «օրենքով գող» Կաշչեյին

Դեդ Հասանը 2014 թվականին Հաջի Ստավրոպոլ մականունով Հաջի Խալիմբեկովին տիտղոսից զրկել է իրավապահների հետ համագործակցության համար։ Ավելի ուշ նրա տիտղոսը վերականգնել են մի քանի վրացի քրեական հեղինակություններ, բայց հիմա նա ինքն է որոշել հրաժարվել դրանից։

Տյումենի մարզի երբեմնի «նայող» Յուրի Տիշենկովը («Հանս») նույնպես հրաժարվել է տիտղոսից։ Նա պատիժը կրում է պատվիրված սպանություն կազմակերպելու համար։ Տիտղոսից հրաժարվող քրեական հեղինակությունների ցանկը եզրափակում է Ալեքսանդր Օկունևը, որն ավելի հայտնի է որպես Օգոնյոկ: Նա նույնպես կալանքի տակ է հայտնվել թմրանյութեր պահելու համար։

Ձերբակալվել է Մոսկվայի ամենահեղինակավոր «օրենքով գողերից» մեկը

Ինչպես նշում Է կայքը, այս բոլոր քրեական հեղինակությունները գտնվում են տարբեր գաղութներում և մեկուսարաններում, բայց գրեթե միաժամանակ տիտղոսներից հրաժարվելու դիմումներ են գրել Պատիժների կատարման դաշնային ծառայության տնօրեն Ալեքսանդր Կալաշնիկովի անունով:

183
թեգերը:
օրենքով գող, Ռուսաստան
Միքայել Մինասյան

Հայաստանի և Ռուսաստանի շահերը 90 տոկոսով համընկնում են. Միքայել Մինասյան

121
(Թարմացված է 21:17 09.04.2021)
Միքայել Մինասյանը նաև պնդեց, որ հնարավոր է փորձել հետ բերել Շուշին և Հադրութն առանց պատերազմի։

ԵՐԵՎԱՆ, 9 ապրիլի – Sputnik. ՀՀ երրորդ նախագահ Սերժ Սարգսյանի փեսա, Սուրբ Աթոռում ՀՀ նախկին դեսպան Միքայել Մինասյանը ՌԴ-ի հետ եղբայրության կողմնակից է, քանի որ կարծում է` Հայաստանի և Ռուսաստանի շահերը 90 տոկոսով համընկնում են։ Մինասյանը նման կարծիք հայտնեց «Քառյակ մեդիայի» համահիմնադիր Սամվել Ֆարմանյանի հետ հարցազրույցում։

«Հայաստանը պատերազմելու ռեսուրս չունի։ Մենք չենք կարող շարունակել խայտառակված երկիր մնալ` պետք է արժանապատիվ խաղաղության աշխատանքներ սկսենք, իսկ դրա համար մենք պետք է հասկանանք՝ ո՞ւմ շահերն են համընկնում մեր երկրի շահերի հետ։ Միանգամից ասեմ՝ այսօր դա Մոսկվան է, դրան այլընտրանք չկա, ով ինչ ասում է՝ խաբում է»,–ասաց Մինասյանը։

Նրա խոսքով` նույնիսկ այսօր Մոսկվայի հետ հարաբերություններում ՀՀ-ն պարտվողական կարգավիճակում է։ Մինասյանը նշեց` պետք է հետ բերենք մեր լավ ելակետային դիրքերն առաջին հերթին Մոսկվայում։

Միքայել Մինասյանը նաև պնդեց, որ հնարավոր է փորձել հետ բերել Շուշին և Հադրութն առանց պատերազմի։ Նա ասաց նաև, որ կամ այսօր պետք է իրականությունն ընդունենք ու դեպի ապագա գնանք, կամ էլ ապագա չենք ունենալու. «Ես ապագայի կողմնակիցն եմ, ես եթե սկսեմ, սկսելու եմ հանուն ապագայի, ոչ թե հանուն անցյալի»։

Հայաստանն ու Ռուսաստանը շարունակում են ռազմատեխնիկական համագործակցությունը

Հիշեցնենք, որ այսօրվա հարցազրույցում Մինասյանը նաև ասել էր` եթե որոշի մասնակցել արտահերթ խորհրդարանական ընտրություններին, ապա դա կանի իր դեմքով։

121
թեգերը:
Շուշի, Հադրութ, Միքայել Մինասյան, Ռուսաստան, Հայաստան
Ըստ թեմայի
Սերգեյ Վերշինինն ու Վարդան Տողանյանը քննարկել են Արցախում ստեղծված իրավիճակը
Պուտինը փորձում է հասկանալ Փաշինյանի ու Քոչարյանի դիրքորոշումն Արցախի հարցում. Հակոբյան
ՀՀ նախագահը խոսել է Արցախի հիմնախնդրի ծագման մասին ու հիշեցրել Պուտինի խոսքերը
Մարիամ Դիլբանդյան

Քնապարկերից մինչև միջնադարյան նախշեր․ երևանցի կնոջ բացառիկ նախագիծը արցախցիների համար

0
(Թարմացված է 20:32 11.04.2021)
Անցած տարվա ամենածանր օրերին երիտասարդ հայուհուն հաջողվեց ոչ միայն հուսահատության գիրկը չընկնել, այլև նոր գործ սկսել, որը կարող է հուզական և ֆինանսական ճգնաժամից դուրս բերել պատերազմից ամենաշատը տուժած մարդկանց։

Լիլիթ Հարությունյան, Sputnik Արմենիա

Մարիամ Դիլբանդյանի բացառիկ նախագիծը ծնունդ է առել պատերազմի օրերին։ Առաջնագծի մարտիկներին այն ժամանակ քնապարկեր էին հարկավոր։ Երկու փոքր երեխաների մայրն անհապաղ հավաքեց հարկադրված Երևան տեղափոխված արցախցի կանանց և հենց իր տանը քնապարկերի ու անձրևանոցների կարուձևի փոքրիկ արհեստանոց բացեց։ Միասին նրանք կարողացան ռազմաճակատ ուղարկել զինվորներին անհրաժեշտ բավականին մեծ քանակությամբ իրեր։

Основательница бренда Лорик Мариам Дилбандян показывает альбом с армянскими орнаментами корреспонденту Sputnik Армения
© Sputnik / Aram Nersesyan
Մարիամ Դիլբանդյանը հայկական նախշազարդեր է ցույց տալիս

Երբ պատերազմն ավարտվեց, հարկադիր տեղահանվածների մոտ կեսը հետ վերադարձավ հայրենի Արցախ։ Դե, իսկ մյուսները պարզապես վերադառնալու տեղ չունեին՝ նրանց տները մնացել են մյուս կողմում՝ Ադրբեջանի գրաված տարածքներում։

Մարիամը չէր ուզում թողնել գործը, որը կարող էր աշխատանքով ապահովել առանց տանիքի մնացած մարդկանց։ Մի քիչ մտածելուց հետո նրա գլխում միտք ծագեց՝ ստեղծել ինչ-որ պետքական բան, որը միաժամանակ իր տեսքով և ոգով շատ հայկական կլինի։

«Քանի դեռ Հայաստանում լիակատար հիասթափություն և ապատիա էր տիրում, շատերը չարացած էին, ես որոշեցի այդ էներգիան վերածել ինչ-որ դրական բանի, արարման»,-ասում է նա։

Оцифрованные армянские орнаменты
© Sputnik / Aram Nersesyan
Հայկական նախշեր

Նրա մասնագիտություններից մեկը գրաֆիկական դիզայնն է։ Հենց այդ փաստն առանցքային դեր խաղաց «Լորիկ» բրենդի ստեղծման գործում (լորը, ինչպես հայտնի է, հաճախակի հանդիպող խորհրդանիշ է հայկական մշակույթում, մասնավորապես՝ զարդանկարչության և երաժշտության մեջ)։

Այժմ Մարիամը արցախցի կանանց հետ միասին ստեղծում է պայուսակներ, սփռոցներ, բարձեր՝ զարդարված հայկական հնագույն և միջնադարյան նախշերով և ազգային զարդանկարչության տարրերով։

Երբ զարդը հայտնվում է կտորի վրա

Մոտ մեկ ամիս շարունակ երիտասարդ կինն ուսումնասիրում էր հայկական նախշերը և զարդանկարների տարրերը, անհրաժեշտ գրքերը գտել էր «Վերնիսաժում»։ Հաջորդ քայլը սարքավորումներ ձեռքբերելն էր։

Իսկ երբ ամեն ինչ պատրաստ էր՝ սկսվեց գրքի զարդապատկերը կտորին փոխանցելու մանրակրկիտ աշխատանքը։ Եթե փորձենք գործընթացը շատ կարճ նկարագրել, կստացվի մոտավորապես այսպես․ սկզբում հարկավոր է պատկերը թվայնացանել, այնուհետև սարքել պիքսել ֆորմատի, ապա՝ վեկտորային ֆորմատի։

Этикетка с логотипом бренда Лорик
© Sputnik / Aram Nersesyan
«Լորիկ»

Պրինտը ստանալուց հետո Մարիամը սկսում է մշակումը՝ հարմարեցնում է նախշը ժամանակակից դիզայնին։ Ամբողջ գործընթացը կարող է մեկից մինչև մի քանի շաբաթ տևել՝ կախված պատկերի բարդությունից։

Եվ միայն դրանից հետո ժամանակակից սարքավորումների օգնությամբ պատկերը տեղափոխվում է կտորի վրա՝ կա՛մ սուբլիմացիոն տպիչի, կա՛մ ասեղնագործությաh միջոցով։

Իսկ պատրաստվող իրերի համար օգտագործվում է բարձրորակ պարկակտոր («մեշկովինա»), որը ներկրվում է Եգիպտոսից։ Երիտասարդ կինը խոստովանում է, որ դժվարությամբ է կարողացել մատակարար գտնել, քանի որ գործվածքները ներկրվում են հիմնականում Թուրքիայից, ինչը միանգամայն անընդունելի էր «Լորիկ» ապրանքանիշի համար։

Եռակի օգուտ

Առայժմ Մարիամի մոտ վեց կին է աշխատում, հինգը՝ Արցախից և մեկը՝ Երևանից։ Նրանք ձեռքով պայուսակներ, բարձեր և սփռոցներ են կարում։ Հենց այդ պատճառով մեր զրուցակիցն իր արտադրանքն անվանում է half-hand-made՝ կիսաձեռագործ։

Основательница бренда Лорик Мариам Дилбандян
© Sputnik / Aram Nersesyan
Մարիամ Դիլբանդյան

Պատվերների պակաս չկա․ հայկական շեշտով յուրօրինակ աշխատանքները գրավում են հյուրատների, ռեստորանների սեփականատերերին, ինչպես նաև նրանց, ովքեր ցանկանում է առանձնահատուկ նվեր գտնել ընկերների կամ գործընկերների համար։

Հետագայում նաև առցանց վաճառք կլինի՝ հիմնականում սփյուռքի ներկայացուցիչների համար։ Իսկ հիմա նախագծի ամբողջ եկամուտն ուղղվում է արտադրության պահպանմանը ու վարպետ կանանց աշխատավարձերին։

Մարիամը դերձակուհիներ է փնտրում, ընդ որում՝ բոլորովին պարտադիր չէ, որ նոր աշխատակիցներն իսկական վարպետներ լինեն․ նա ինքը ամեն ինչ սովորեցնում է։ Ամենակարևորն այստեղ ցանկությունն է և աշխատասիրությունը։

Вынужденно переехавшая из Карабаха в Ереван Рузанна с сумкой бренда Лорик
© Sputnik / Aram Nersesyan
Արցախցի Ռուզաննան «Լորիկ» բրենդի պայուսակով

Ռուզաննան նոր արհեստը սովորած մարդկանցից մեկն է։ Ծնունդով Արցախի Հադրութի շրջանից է, որն այժմ Ադրբեջանի վերահսկողության տակ է։ Ռուզաննան կրտսեր դասարանների ուսուցչուհի էր։ Հայրենի տունը լքելիս նա չէր մտածում, որ դեռ երկար չի կարողանա վերադառնալ։ Նրան թվում էր, որ ամեն ինչ շատ արագ կվերջանա, ինչպես 2016թ․-ին։

«Տեղափոխվելուց հետո մշտական տագնապի մեջ էի, օրերով լացում էի։ Ամուսինս ու տղաս առաջնագծում էին․․․ Անընդհատ մտածում էի, որ պետք է սկսել աշխատել, մի քիչ ցրվել։ Հետո ինձ փոխանցեցին Մարիամի համարը։ Նա ինձ իսկույն դուր եկավ։ Այստեղ սովորեցի կարել և ասեղնագործել։ Եվ ահա արդեն երկու ամիս է՝ հաճույքով աշխատում եմ նրա մոտ»,-պատմում է կինը։

Нанесение армянского орнамента вышивальной машиной
© Sputnik / Aram Nersesyan
Աշխատանքի պահին

Ռուզաննան խոստովանում է, որ Մարիամի հետ ծանոթությունն իրեն ոչ միայն աշխատանքով է ապահովել, այլև դուրս է բերել խորը սրթեսից։ Ամուսինն ու որդին արդեն վերադարձել են, բայց առայժմ ինքն է ընտանիքի միակ կերակրողը։

Մարիամ Դիլբանդյանն ուզում է իր թիմում տեսնել ինչպես արցախցիների, այնպես էլ՝ տեղացիների։

«Դա շատ կօգնի ինտեգրացիայի գործընթացին, քանի որ մեզնից շատերի մեջ դեռ ուժեղ են կարծրատիպերն ու հայերին ըստ բնակության վայրի բաժանելու վատ սովորությունը»,-ասում է նա։

Вынужденно переехавшая из Карабаха в Ереван Рузанна за работой
© Sputnik / Aram Nersesyan
Աշխատանքի պահին

Ինչ վերաբերում է գործին՝ նա բավականին հավակնոտ ծրագրեր ունի։ Հիմա իր դերձակուհիների հետ միասին աշխատում է հղիների համար թեթև և հարմարավետ շրջազգեստների ստեղծման վրա, բնականաբար՝ համապատասխան ոճավորմամբ։ Իսկ հետագայում, հավանաբար, կհայտնվեն նույնիսկ հայկական նախշերով և ազգային զարդանկարչության տարրերով կերամիկական սալիկներ։

0
թեգերը:
աշխատանք, բրենդ, Երևան, Արցախ
Ըստ թեմայի
Հերոս՝ անհայտ մարտական ուղով. Սամվել Աթոյանի ընտանիքն ուզում է գտնել նրա ընկերներին
Ռուսաստանից եկած հայը հեքիաթային տնակներ է կառուցում Արցախում
«Մաճառ 44»․ ինչպես Լոնդոնից եկած հայուհին բարեգործական ռեստորան բացեց Երևանում