Պուտին–Փաշինյան հանդիպում. արխիվային լուսանկար

«Նրա համար հիմա կարևոր է Մոսկվայի համաձայնությունը». փորձագետը՝ Փաշինյանի ՌԴ այցի մասին

137
(Թարմացված է 16:39 05.04.2021)
Քաղաքագետ Ստանիսլավ Պրիտչինը խոսել է ընտրություններից առաջ Փաշինյանի Մոսկվա կատարելիք այցի նպատակների, քննարկվելիք թեմանների և Հայաստանում սպասվող ընտրությունների մասին։

ԵՐԵՎԱՆ, 5 ապրիլի - Sputnik. ՀՀ վարչապետ Նիկոլ Փաշինյանը Մոսկվայում կայանալիք բանակցությունների ընթացքում ձգտելու է աջակցություն ստանալ արտահերթ խորհրդարանական ընտրությունների նախաշեմին: Նման կարծիք է հայտնել «Եվրասիական զարգացման» փորձագիտական կենտրոնի գործադիր տնօրեն Ստանիսլավ Պրիտչինն այսօր կայացած մամուլի ասուլիսի ժամանակ։ Տեղեկությունը հայտնում է ՌԻԱ Նովոստին։

Ավելի վաղ ՌԴ նախագահի մամուլի քարտուղար Դմիտրի Պեսկովը հաստատել էր, որ ապրիլի 7-ին Մոսկվայում կկայանա ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի հանդիպումը: Նրա խոսքով՝ կքննարկվի Ղարաբաղի վերաբերյալ պայմանավորվածությունների իրագործման և Հայաստանի ընտրությունների թեման։

«Ես կարծում եմ, որ կքննարկվեն ռուս-հայկական հարաբերությունները։ Քաղաքական առումով կարևոր է, որ Նիկոլ Փաշինյանը ստանա Վլադիմիր Պուտինի աջակցությունը Հայաստանում կայանալիք ընտրություններին, ստանա արտաքին լեգիտիմացում», - ասաց փորձագետը։

Վերլուծաբանը նշեց, որ Փաշինյանի վարկանիշը երկրի ներսում ընկել է։ «Հասարակության մի մասը բացասական է գնահատում բանակցությունների արդյունքները և Հայաստանի իշխանությունների` Ղարաբաղյան հակամարտության վերաբերյալ մոտեցումը։ Կա էլեկտորատ, որն աջակցում է Նիկոլ Փաշինյանին, բայց այն շատ ավելի քիչ է 2018-ի ընտրությունների հետ համեմատած, երբ Փաշինյանը եկավ իշխանության։ Հիմա նոր իրականություն է, և իհարկե, հիմա Փաշինյանի համար աջակցությունը կարևոր է ընտրություններին ավելի վստահ լինելու համար», - ասել է Պրիտչինը։

Նրա խոսքով ՝ այժմ իրավիճակը քիչ թե շատ դրական է Նիկոլ Փաշինյանի և նրա կուսակցության համար։ Եթե անկանխատեսելի ոչինչ տեղի չի ունենա, ամենայն հավանականությամբ, ընտրությունների արդյունքներով, նրանք կպահեն իշխանությունը։

«Մոսկվայում կայանալիք բանակցությունների թեման կլինի հայ-ռուսական տնտեսական համագործակցության ակտիվացումը, ավելի շատ կքննարկվեն քաղաքական հարցեր և նոր պայմաններում երկկողմ համագործակցության հնարավորությունները»,– նշել է Պրիտչինը:

Հիշեցնենք, որ 2021-ի մարտի 18–ին ՀՀ վարչապետ Նիկոլ Փաշինյանը հայտարարեց, որ համաձայնության է եկել «Բարգավաճ Հայաստան» և «Լուսավոր Հայաստան» կուսակցությունների հետ հունիսի 20-ին արտահերթ խորհրդարանական ընտրությունների անցկացման վերաբերյալ։

«Եթե Քոչարյանը մասնակցի ընտրություններին, կաջակցեմ իրեն». Սեյրան Օհանյան

Դրանից հետո իշխող ուժը հայտարարեց, որ ցանկանում է խորհրդարանական արտահերթ ընտրություններն անցկացնել նոր ընտրական օրենսգրքով` համամասնական ընտրակարգով։

Նախագիծն արդեն ուղարկվել է Վենետիկի հանձնաժողով, որն իր վերջին լիագումար նիստում որոշում է կայացրել հրատապ ընթացակարգով քննարկել այն։ ԱԺ–ն, սակայն, ապրիլի 1-ին հաստատեց Ընտրական օրենսգրքում փոփոխությունների փաթեթը։

137
թեգերը:
Ազգային ժողովի ընտրություններ, Վլադիմիր Պուտին, Մոսկվա, Ռուսաստան, Նիկոլ Փաշինյան
Ըստ թեմայի
«Ձեր ուզած օրը, ձեր ուզած օրենսգրքով ընտրություն ենք անում, էլ ի՞նչ եք ուզում». Մարուքյան
Սահմանադրության ինչ կետեր է խախտել Փաշինյանը` ընտրությունների օր հայտարարելով
ԼՀԿ–ն ընտրությունների ցուցակ չի կազմում. Անի Սամսոնյանն ասաց` ինչին են սպասում
Դմիտրի Պեսկով

Ղարաբաղում «Իսկանդեր-Մ»–ի հրթիռներ գտնելու հարցը քննարկում են զինվորականները. Պեսկով

45
(Թարմացված է 14:53 13.04.2021)
Ադրբեջանի նախագահը հայտարարել է, որ ՌԴ նախագահի հետ քննարկել է Ղարաբաղում «Իսկանդեր-Մ» հրթիռների հայտնաբերման մասին տեղեկությունը:

ԵՐԵՎԱՆ, 13 ապրիլի – Sputnik. Ռուսաստանի նախագահի մամուլի քարտուղար Դմիտրի Պեսկովն այսօր լրագրողներին ասել է, որ Ղարաբաղում «Իսկանդեր-Մ» համալիրների հրթիռներ հայտնաբերելու հարցը քննարկում են զինվորականները։ Տեղեկությունը հայտնում է ՌԻԱ Նովոստին։

«Զինվորականները երկխոսության մեջ են, որի ընթացքում քննարկվում են բոլոր համապատասխան հարցերը», - ասել է Պեսկովը՝ պատասխանելով հարցին, թե արդյոք այդ թեման քննարկվե՞լ է երկու նախագահների հեռախոսազրույցի ընթացքում:

Ավելի վաղ Ադրբեջանի նախագահ Իլհամ Ալիեւը հայտարարել էր, որ ՌԴ նախագահ Վլադիմիր Պուտինի հետ քննարկել է Ղարաբաղում «Իսկանդեր-Մ»–ի հրթիռներ հայտնաբերելու մասին տեղեկությունը, Բաքուն այդ կապակցությամբ պաշտոնական նամակ է ուղարկել Մոսկվա:

Հիշեցնենք` մարտի 31-ին ադրբեջանական ԶԼՄ-ներում տեղեկություն հայտնվեց Շուշիում «Իսկանդերի» բեկորների հայտնաբերման մասին։ Ադրբեջանական ականազերծման գործակալության (ANAMA) պնդմամբ՝ Շուշի քաղաքում մարտի 15-ին «հայտնաբերվել են երկու հրթիռի բեկորներ»։ Սակայն Հայաստանի զինանոցում առկա են «Իսկանդեր-Է» տեսակները, իսկ Շուշիում հայտնաբերված և ավելի ուշ Բաքվում ցուցադրվածը «Իսկանդեր-Մ»-ի բեկորներ են։ Ըստ փորձագետների` դրանք կարող էին բերվել Սիրիայից, թուրք մասնագետների կողմից։

Դրանից հետո ադրբեջանական ԶԼՄ-ներում ենթադրություններ հայտնվեցին, որ ադրբեջանական ԶՈւ-ի ուղղությամբ «Իսկանդեր» է կիրառել Ռուսաստանը։

«Արդեն սովորել ենք մեղադրանքներին». ՌԴ դեսպանը` Արցախում «Իսկանդերի» կիրառման մասին

45
թեգերը:
Իսկանդեր, Դմիտրի Պեսկով, Ռուսաստան, Լեռնային Ղարաբաղ
Ըստ թեմայի
«Արդեն սովորել ենք մեղադրանքներին». ՌԴ դեսպանը` Արցախում «Իսկանդերի» կիրառման մասին
«Իսկանդեր Մ»–ի բեկորները Շուշի են բերվել Սիրիայից. Դավիթ Շահնազարյան
Արարատ Միրզոյան

Արարատ Միրզոյանն աշխատանքային այցով կմեկնի Սանկտ Պետերբուրգ

15
(Թարմացված է 10:50 13.04.2021)
Ազգային ժողովի նախագահը մասնակցելու է ԱՊՀ միջխորհրդարանական վեհաժողովի խորհրդի նիստին:

ԵՐԵՎԱՆ, 13 ապրիլի - Sputnik. ՀՀ Ազգային ժողովի նախագահ Արարատ Միրզոյանն ապրիլի 13-ին աշխատանքային այցով կմեկնի Սանկտ Պետերբուրգ: Տեղեկությունը հայտնում է ԱԺ պաշտոնական կայքը։

Միրզոյանը մասնակցելու է ԱՊՀ միջխորհրդարանական վեհաժողովի խորհրդի նիստին:

Այցի շրջանակում նախատեսվում են նաև երկկողմ հանդիպումներ ՌԴ Դաշնային խորհրդի նախագահ Վալենտինա Մատվիենկոյի և կազմակերպության անդամ այլ երկրների խորհրդարանների ղեկավարների հետ:

Հիշեցնենք, որ ապրիլի 15-ին Տավրիդյան պալատում տեղի կունենա ԱՊՀ Միջխորհրդարանական վեհաժողովի խորհրդի նիստը՝ տեսակոնֆերանսների միջոցով։ Նիստի գլխավոր հարցն է լինելու համաճարակի ժամանակաշրջանում միգրացիոն գործընթացների օրենսդրական կարգավորումը և ԱՊՀ մասնակից պետությունների խորհրդարանների դերը:

Միջոցառմանը կմասնակցեն վեհաժողովում խորհրդարանական պատվիրակությունների ղեկավարները, փորձագետներ։ Նիստը վարելու է Վալենտինա Մատվիենկոն:

ԱՊՀ երկրները հակաահաբեկչական վարժանք կանցկացնեն

15
թեգերը:
Վալենտինա Մատվիենկո, Ռուսաստան, Հայաստան, Արարատ Միրզոյան
Ըստ թեմայի
Ռուսաստանը Թուրքիային զգուշացնում է չսնել Ուկրաինայի ռազմատենչ տրամադրությունները․ Լավրով
Ռուսաստանը որոշել է դադարեցնել Թուրքիայի հետ ավիահաղորդակցությունը
Ռուսաստանն ու ԱՄՆ-ն կիսում են եվրոպական շուկան. ո՞վ կլցնի գազի պահեստարանները
Դին տեղափոխում են շտապօգնության ավտոմեքենա, արխիվային լուսանկար

Ողբերգական դեպք Սյունիքում. պայթյունի հետևանքով 45-ամյա տղամարդ է մահացել

0
(Թարմացված է 17:45 13.04.2021)
Տղամարդը զոդման աշխատանքներ է իրականացրել Ագարակ-Կարճևան ավտոճանապարհին, այդ ընթացքում պայթյուն է տեղի ունեցել։

ԵՐԵՎԱՆ, 13 ապրիլի– Sputnik. Այսօր ողբերգական դեպք է տեղի ունեցել Սյունիքի մարզում: Ժամը 16:50-ի սահմանում ոստիկանության Մեղրիի բաժինը «Մեղրի» բժշկական կենտրոնից ահազանգ է ստացվել, որ իրենց մոտ տղամարդու դի է տեղափոխվել: Տեղեկությունը հայտնում է shamshyan.com–ը։

Հիվանդանոց են մեկնել ոստիկաններն ու քննիչները և պարզել, որ մահացածը Ագարակ քաղաքի բնակիչ, 45-ամյա Գուրգեն Աղաբեկյանն էր:

Պարզվել է նաև, որ վերջինս Ագարակ-Կարճևան ավտոճանապարհին զոդման աշխատանքներ է իրականացնելիս եղել, և այդ ընթացքում պայթյուն է տեղի ունեցել, ինչի հետևանքով էլ նա մահացել է:

Դեպքի վայր է մեկնել նաև ՀՀ արտակարգ իրավիճակների նախարարության փրկարար ծառայության Սյունիքի մարզային փրկարարական վարչության Մեղրիի հրշեջ-փրկարարական ջոկատը՝ 1 մարտական հաշվարկով:

Սիմոն Մարտիրոսյանի նկատմամբ խափանման միջոց է ընտրվել

Փաստի առթիվ Սյունիքի մարզային քննչական վարչությունում նյութեր են նախապատրաստվում:

Քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական:

Ողբերգական ավտովթար Արտաշատի կամրջի մոտ. 34–ամյա վարորդը տեղում մահացել է

0
թեգերը:
տղամարդ, Մահ, պայթյուն, Սյունիքի մարզ, Հայաստան
Ըստ թեմայի
Ողբերգական դեպք Արարատի մարզում. մեքենան մխրճվել է գնացքի մեջ, վարորդը տեղում մահացել է
Երևանի տան պատշգամբում մահացած են գտել ռուս գեներալի դստերը․ առկա է հրազենային վնասվածք
Կրակոցներ Երևանում. մի քանի մարդ հիվանդանոց է տեղափոխվել
Փրկարարները գտել են Հրազդանում կորած 55-ամյա քաղաքացու դին