Ты супер

ՆՏՎ-ն հայտարարում է` «Ты супер!» երաժշտական մրցույթի շրջանակում նոր նախագիծ է մեկնարկում

28
(Թարմացված է 15:26 31.03.2021)
Աղմկահարույց «Ты супер!» շոուի շրջանակում առանձին մրցույթ կանցկացվի 60 տարեկանից բարձր տաղանդավոր մարդկանց համար։ Նոր նախագիծը կոչվում է «Ты супер! 60+»։

ՆՏՎ հեռուստաալիքը կրկին մեկ բեմում կմիավորի Ռուսաստանի, ԱՊՀ–ի և Բալթյան երկրների տարբեր անկյուններում բնակվող տաղանդներին, բայց այս անգամ մրցույթի հերոսները կլինեն տարեց երգիչները, որոնք ինչ–ինչ հանգամանքների պատճառով մնացել են առանց հարազատների ու մտերիմների աջակցության։

««Ты супер!»–ի նոր ուղղությունը պատահական չի հայտնվել,– ասել է ՆՏՎ-ի գլխավոր պրոդյուսեր Տիմուր Վայնշտեյնը։– Շոուն մի ամբողջ շարժում է դարձել և հարազատ ընտանիք 18 երկրի 385 երեխաների համար։ Մենք շատ ենք ցանկանում օգնել նաև  աջակցությունից զրկված տարեցներին, ներկայացնել նրանց ստեղծագործական ներուժը և իրականացնել նրանց երազանքը»:

Վայնշտեյնի խոսքով՝ մրցույթը երգիչներին կօգնի կրկին հանդիպել հարազատներին ու մտերիմներին։ Ընտրական փուլն արդեն ավարտվել է. նախագծի ամենաերիտասարդ մասնակիցը 60 տարեկան է, իսկ ավագը՝ 87: Որոշ մասնակիցներ պրոֆեսիոնալ երաժիշտներ են։ Օրինակ` նոր շոուի առաջին եթերաշրջան անցածների թվում կոնսերվատորիայի շրջանավարտ ու Մարիինյան թատրոնի արտիստ կա։ Սակայն մասնակիցների մեծ մասը երաժշտության հետ կապ չունեցող մարդիկ են՝ բժիշկներ, քիմիկոսներ, տնային տնտեսուհիներ և նույնիսկ ՆԳՆ պաշտոնաթող գնդապետ։

«Ты супер» մրցույթի 4-րդ եթերաշրջանի քասթինգը սկսվել է. մանրամասներ

Ինչպես միշտ, մրցույթը կվարեն Վադիմ Տակմենևը և Անաստասիա Պակը, իսկ ժյուրիի անդամների անունները պրոդյուսերները դեռ գաղտնի են պահում: Ինչ վերաբերում է կանոններին, ապա դրանք նույնն են, ինչ երեխաների համար նախատեսված մրցույթում։

Մրցույթն անցկացվելու է երկու փուլով՝ ընտրական և եզրափակիչ: Բեմում ելույթ ունենալուց հետո «սպասման գոտի» կարող են անցնել ժյուրիի անդամների երեք կամ չորս «այո»–ի արժանացած մասնակիցները: Իսկ եթե մրցավարներից ոչ մեկը կանաչ կոճակը չսեղմի, ձայները կիսվեն, կամ մասնակցի օգտին կքվեարկի ժյուրիի միայն մեկ անդամ, վոկալիստը ստիպված կլինի լքել նախագիծը:

«Ты супер! 60+» շոուն անցկացնում են ՆՏՎ հեռուստաընկերությունը և Sputnik միջազգային տեղեկատվական լրատվական գործակալությունը՝ լուսավորության նախարարության աջակցությամբ։

«Ты супер! Суперсезон»–ի եզրափակիչի բոլոր երեխաներին բնակարան նվիրեցին

28
թեգերը:
տարեց, մրցույթ, երգ, Ты супер
Դմիտրի Պեսկով

Ղարաբաղում «Իսկանդեր-Մ»–ի հրթիռներ գտնելու հարցը քննարկում են զինվորականները. Պեսկով

45
(Թարմացված է 14:53 13.04.2021)
Ադրբեջանի նախագահը հայտարարել է, որ ՌԴ նախագահի հետ քննարկել է Ղարաբաղում «Իսկանդեր-Մ» հրթիռների հայտնաբերման մասին տեղեկությունը:

ԵՐԵՎԱՆ, 13 ապրիլի – Sputnik. Ռուսաստանի նախագահի մամուլի քարտուղար Դմիտրի Պեսկովն այսօր լրագրողներին ասել է, որ Ղարաբաղում «Իսկանդեր-Մ» համալիրների հրթիռներ հայտնաբերելու հարցը քննարկում են զինվորականները։ Տեղեկությունը հայտնում է ՌԻԱ Նովոստին։

«Զինվորականները երկխոսության մեջ են, որի ընթացքում քննարկվում են բոլոր համապատասխան հարցերը», - ասել է Պեսկովը՝ պատասխանելով հարցին, թե արդյոք այդ թեման քննարկվե՞լ է երկու նախագահների հեռախոսազրույցի ընթացքում:

Ավելի վաղ Ադրբեջանի նախագահ Իլհամ Ալիեւը հայտարարել էր, որ ՌԴ նախագահ Վլադիմիր Պուտինի հետ քննարկել է Ղարաբաղում «Իսկանդեր-Մ»–ի հրթիռներ հայտնաբերելու մասին տեղեկությունը, Բաքուն այդ կապակցությամբ պաշտոնական նամակ է ուղարկել Մոսկվա:

Հիշեցնենք` մարտի 31-ին ադրբեջանական ԶԼՄ-ներում տեղեկություն հայտնվեց Շուշիում «Իսկանդերի» բեկորների հայտնաբերման մասին։ Ադրբեջանական ականազերծման գործակալության (ANAMA) պնդմամբ՝ Շուշի քաղաքում մարտի 15-ին «հայտնաբերվել են երկու հրթիռի բեկորներ»։ Սակայն Հայաստանի զինանոցում առկա են «Իսկանդեր-Է» տեսակները, իսկ Շուշիում հայտնաբերված և ավելի ուշ Բաքվում ցուցադրվածը «Իսկանդեր-Մ»-ի բեկորներ են։ Ըստ փորձագետների` դրանք կարող էին բերվել Սիրիայից, թուրք մասնագետների կողմից։

Դրանից հետո ադրբեջանական ԶԼՄ-ներում ենթադրություններ հայտնվեցին, որ ադրբեջանական ԶՈւ-ի ուղղությամբ «Իսկանդեր» է կիրառել Ռուսաստանը։

«Արդեն սովորել ենք մեղադրանքներին». ՌԴ դեսպանը` Արցախում «Իսկանդերի» կիրառման մասին

45
թեգերը:
Իսկանդեր, Դմիտրի Պեսկով, Ռուսաստան, Լեռնային Ղարաբաղ
Ըստ թեմայի
«Արդեն սովորել ենք մեղադրանքներին». ՌԴ դեսպանը` Արցախում «Իսկանդերի» կիրառման մասին
«Իսկանդեր Մ»–ի բեկորները Շուշի են բերվել Սիրիայից. Դավիթ Շահնազարյան
Արարատ Միրզոյան

Արարատ Միրզոյանն աշխատանքային այցով կմեկնի Սանկտ Պետերբուրգ

15
(Թարմացված է 10:50 13.04.2021)
Ազգային ժողովի նախագահը մասնակցելու է ԱՊՀ միջխորհրդարանական վեհաժողովի խորհրդի նիստին:

ԵՐԵՎԱՆ, 13 ապրիլի - Sputnik. ՀՀ Ազգային ժողովի նախագահ Արարատ Միրզոյանն ապրիլի 13-ին աշխատանքային այցով կմեկնի Սանկտ Պետերբուրգ: Տեղեկությունը հայտնում է ԱԺ պաշտոնական կայքը։

Միրզոյանը մասնակցելու է ԱՊՀ միջխորհրդարանական վեհաժողովի խորհրդի նիստին:

Այցի շրջանակում նախատեսվում են նաև երկկողմ հանդիպումներ ՌԴ Դաշնային խորհրդի նախագահ Վալենտինա Մատվիենկոյի և կազմակերպության անդամ այլ երկրների խորհրդարանների ղեկավարների հետ:

Հիշեցնենք, որ ապրիլի 15-ին Տավրիդյան պալատում տեղի կունենա ԱՊՀ Միջխորհրդարանական վեհաժողովի խորհրդի նիստը՝ տեսակոնֆերանսների միջոցով։ Նիստի գլխավոր հարցն է լինելու համաճարակի ժամանակաշրջանում միգրացիոն գործընթացների օրենսդրական կարգավորումը և ԱՊՀ մասնակից պետությունների խորհրդարանների դերը:

Միջոցառմանը կմասնակցեն վեհաժողովում խորհրդարանական պատվիրակությունների ղեկավարները, փորձագետներ։ Նիստը վարելու է Վալենտինա Մատվիենկոն:

ԱՊՀ երկրները հակաահաբեկչական վարժանք կանցկացնեն

15
թեգերը:
Վալենտինա Մատվիենկո, Ռուսաստան, Հայաստան, Արարատ Միրզոյան
Ըստ թեմայի
Ռուսաստանը Թուրքիային զգուշացնում է չսնել Ուկրաինայի ռազմատենչ տրամադրությունները․ Լավրով
Ռուսաստանը որոշել է դադարեցնել Թուրքիայի հետ ավիահաղորդակցությունը
Ռուսաստանն ու ԱՄՆ-ն կիսում են եվրոպական շուկան. ո՞վ կլցնի գազի պահեստարանները
Դին տեղափոխում են շտապօգնության ավտոմեքենա, արխիվային լուսանկար

Ողբերգական դեպք Սյունիքում. պայթյունի հետևանքով 45-ամյա տղամարդ է մահացել

0
(Թարմացված է 17:45 13.04.2021)
Տղամարդը զոդման աշխատանքներ է իրականացրել Ագարակ-Կարճևան ավտոճանապարհին, այդ ընթացքում պայթյուն է տեղի ունեցել։

ԵՐԵՎԱՆ, 13 ապրիլի– Sputnik. Այսօր ողբերգական դեպք է տեղի ունեցել Սյունիքի մարզում: Ժամը 16:50-ի սահմանում ոստիկանության Մեղրիի բաժինը «Մեղրի» բժշկական կենտրոնից ահազանգ է ստացվել, որ իրենց մոտ տղամարդու դի է տեղափոխվել: Տեղեկությունը հայտնում է shamshyan.com–ը։

Հիվանդանոց են մեկնել ոստիկաններն ու քննիչները և պարզել, որ մահացածը Ագարակ քաղաքի բնակիչ, 45-ամյա Գուրգեն Աղաբեկյանն էր:

Պարզվել է նաև, որ վերջինս Ագարակ-Կարճևան ավտոճանապարհին զոդման աշխատանքներ է իրականացնելիս եղել, և այդ ընթացքում պայթյուն է տեղի ունեցել, ինչի հետևանքով էլ նա մահացել է:

Դեպքի վայր է մեկնել նաև ՀՀ արտակարգ իրավիճակների նախարարության փրկարար ծառայության Սյունիքի մարզային փրկարարական վարչության Մեղրիի հրշեջ-փրկարարական ջոկատը՝ 1 մարտական հաշվարկով:

Սիմոն Մարտիրոսյանի նկատմամբ խափանման միջոց է ընտրվել

Փաստի առթիվ Սյունիքի մարզային քննչական վարչությունում նյութեր են նախապատրաստվում:

Քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական:

Ողբերգական ավտովթար Արտաշատի կամրջի մոտ. 34–ամյա վարորդը տեղում մահացել է

0
թեգերը:
տղամարդ, Մահ, պայթյուն, Սյունիքի մարզ, Հայաստան
Ըստ թեմայի
Ողբերգական դեպք Արարատի մարզում. մեքենան մխրճվել է գնացքի մեջ, վարորդը տեղում մահացել է
Երևանի տան պատշգամբում մահացած են գտել ռուս գեներալի դստերը․ առկա է հրազենային վնասվածք
Կրակոցներ Երևանում. մի քանի մարդ հիվանդանոց է տեղափոխվել
Փրկարարները գտել են Հրազդանում կորած 55-ամյա քաղաքացու դին