«Զվարթնոց» օդանավակայան

Ռուսաստանում օրինապաշտ միգրանտներին կփրկեն արտաքսումից

154
(Թարմացված է 12:59 31.03.2021)
Ռուսաստանում գտնվող աշխատանքային միգրանտներին ուզում են պաշտպանել աննշան զանցանքների համար երկրից արտաքսելուց։ Իրավախախտումների հստակ ցանկը մշակվում է։

ԵՐԵՎԱՆ, 31 մարտի - Sputnik. Ռուսաստանի ՆԳՆ-ն օրենսդիրների հետ համատեղ աշխատում է մի փաստաթղթի վրա, որը կպաշտպանի օրինապաշտ միգրանտներին աննշան խախտումների համար արտաքսումից։ Տեղեկությունը հայտնում է  «Պառլամենտսկայա գազետա» թերթը:

Մշակողները նշում են, որ, օրինակ, կարմիր լույսի տակ անցնելու պատճառով օտարերկրացիներին չի կարելի բաժանել ընտանիքից, ուստի կարևոր է վերանայել այն իրավախախտումների ցանկը, որոնց համար օտարերկրյա քաղաքացիներին արտաքսում են ՌԴ-ից:

Պետդումայի ԱՊՀ գործերով եվրասիական ինտեգրման ու հայրենակիցների հետ կապերի կոմիտեի առաջին փոխնախագահ Վիկտոր Վոդոլացկու խոսքով՝ օրինագծի առաջին տարբերակը պետք է պատրաստ լինի 2021 թվականի ապրիլին:

Դրանից հետո պատգամավորներն աշխատանքային խումբ կստեղծեն ՆԳՆ ներկայացուցիչների հետ փաստաթուղթը քննարկելու համար։

Ի՞նչ փոփոխություններ են նախատեսվում միգրացիոն համակարգում. պարզաբանում է ծառայության պետը

Նա նշում է, որ շատ օտարերկրացիներ տարիներով Ռուսաստանում են ապրում, նրանք այստեղ մշտական աշխատանք, ընտանիք, երեխաներ ունեն։ Այսօր մի քանի տուգանքներ, որոնք չեն սպառնում հասարակական կարգին, կարող են երկար տարիներով բաժանել միգրանտներին հարազատներից։

Նոր փաստաթուղթը պետք է փոխի իրավիճակը։

«Եթե միգրանտը մեկ տարվա ընթացքում երկու տուգանք ստանա, նրան կստիպեն երեք տարով լքել Ռուսաստանը։ Եթե խախտումները եղել են 2-ից ավելի՝ արդեն հինգ տարի է դառնում։ Կրկնակի արտաքսման դեպքում մուտքի արգելքը կտևի արդեն տասը տարի», - պարզաբանել է փորձագետը։

Վոդոլացկին նշել է, որ փաստաթղթից կվերացնեն իրավախախտումների աննշան խախտումները՝ թողնելով այն խախտումները, որոնք իսկապես հասարակության համար վտանգ են ներկայացնում:

Հիշեցնենք, որ համավարակի պատճառով Ռուսաստանը աշխատանքային միգրանտների սուր պակաս է զգացել։ Փակ սահմանների պատճառով նրանք չեն կարողացել արտագնա աշխատանքի գնալ։

Պուտինը հանձնարարել է պարզեցնել շինարարությունում միգրանտներին ներգրավելու գործընթացը

Այդ կապակցությամբ 2021-ի հունվարին ՌԴ նախագահ Վլադիմիր Պուտինը կառավարությանը հանձնարարել էր քննարկել ԱՊՀ երկրներից աշխատողների ներգրավման պարզեցված կարգ սահմանելու հարցը:

154
թեգերը:
Օրենք, Ռուսաստան, միգրացիա, միգրանտ
Ըստ թեմայի
Ռուսաստանում նորից տեղ կգտնվի ԵԱՏՄ երկրների միգրանտների համար․ ԵԱԶԲ փորձագետներ
Միգրացիայի խոցելի կողմը. ինչով կարող է խնդրին օգնել «միասնական պատուհանը» ԵԱՏՄ երկրներում
ՌԴ–ում գտնվող հայ միգրանտները մյուսների համեմատ ավելի շատ գումար են ուղարկել հայրենիք
ԵԽԽՎ

«Խափանում է եղել». ԵԽԽՎ-ում ՌԴ ներկայացուցիչը՝ հայ գերիների հարցը քվեարկելու մասին

593
(Թարմացված է 17:45 20.04.2021)
Ռուսական պատվիրակությունը փորձում է հասկանալ քվեարկության տեխնիկական անսարքությունների պատճառները։ Նրանք այնքան էլ չեն հավատում զուգադիպությանը:

ԵՐԵՎԱՆ, 20 ապրիլի – Sputnik. Եվրոպայի խորհրդի խորհրդարանական վեհաժողովում ռուսական պատվիրակության ներկայացուցիչ Սերգեյ Պախոմովը անդրադարձել է հայ գերիների վերաբերյալ հարցի քվեարկությանը:

Պատգամավորն Instagram-ի իր էջում պատասխանելով բաժանորդներից մեկի հարցին` հայտնել է, որ այդ հարցի քվեարկության ժամանակ ամբողջ պատվիրակությունը տեխնիկական խափանման է բախվել։

«Մենք էլ շատ չենք հավատում զուգադիպությանը։ Համապատասխան դիմումներ ենք ներկայացրել», - գրել է Պախոմովը։

Գերիների հարցի ներառումը ԵԽԽՎ օրակարգ արդեն իսկ դրական է. «Իմ քայլը» խմբակցություն

Հիշեցնենք, որ գերիների հարցը գարնանային նստաշրջանի օրակարգում ընդգրկելուն դեմ է քվեարկել 21 պատգամավոր, այդ թվում՝ ռուսական պատվիրակության հինգ անդամ։ Ռուսաստանի պատվիրակության պատգամավորներից 7–ը ձեռնպահ են քվեարկել։ Այդուհանդերձ հարցն ընդգրկվել է օրակարգում։

«Ռուս գործընկերներից ճշտում ենք». Մարուքյանը` ԵԽԽՎ–ում գերիների հարցով քվեարկության մասին

593
թեգերը:
Եվրախորհրդի խորհրդարանական վեհաժողով (ԵԽԽՎ), գերի, քվեարկություն, Ռուսաստան
Սերգեյ Շոյգու

Ռուսաստանի արևմտյան սահմաններին իրավիճակը լարված է. Շոյգու

254
(Թարմացված է 17:32 20.04.2021)
Ռուսաստանի պաշտպանության նախարար Սերգեյ Շոյգուն գերատեսչության կոլեգիայի նիստում հայտարարել է երկրի արևմտյան սահմանների երկայնքով լարվածության աճի մասին:

ԵՐԵՎԱՆ, 20 ապրիլի – Sputnik. Ուկրաինայի ղեկավարությունը փորձում է ապակայունացնել իրավիճակը Դոնբասում։ Տեղեկությունը հայտնել է Ռուսաստանի պաշտպանության նախարար Սերգեյ Շոյգուն Ռուսաստանի պաշտպանության նախարարության կոլեգիայի նիստի ժամանակ:

Դրան զուգահեռ ԱՄՆ-ի և ՆԱՏՕ-ի ուժերը շարունակում են սադրանքներ իրականացնել օդային տարածքում և Սև ծովի ջրային տարածքում:

«Ռազմաքաղաքական իրադրությունը հարավարևմտյան ռազմավարական ուղղությամբ բարդ է մնում»,-ասել է Շոյգուն:

Նա նշել է, որ լարված իրավիճակը կապված է այն բանի հետ, որ մի շարք պետություններ փորձում են մեծացնել իրենց ռազմական ներկայությունը Ռուսաստանի Դաշնության արևմտյան և հարավային սահմանների մոտ։

ՆԱՏՕ-ն հրահրում է սպառազինությունների համաշխարհային մրցավազք. ՌԴ ԱԳՆ

254
թեգերը:
Արևմուտք, Ռուսաստան, Սահման, ՆԱՏՕ, Սերգեյ Շոյգու
Ըստ թեմայի
ՆԱՏՕ-ն իր աջակցությունն է հայտնել Չեխիային` ընդդեմ Ռուսաստանի
«ՆԱՏՕ-ի ձեռքի գործն է»․ ի՞նչ է կատարվում ռուսական սահմանների մոտ
Վաշինգտոնը գայթակղում է Կիևին ՆԱՏՕ-ին անդամակցությամբ
Նատալյա Եփրիկյանը. արխիվային լուսանկար

Comedy Woman-ի աստղերը եգիպտացորեն են վայելում Դիլիջանում

0
(Թարմացված է 00:00 21.04.2021)
Դիլիջանում են Comedy Woman-ի հեղինակ Նատալյա Եփրիկյանը, ռեզիդենտ Ալեքսանդր Գուդկովը և «Պուտինի նմանակ» Դմիտրի Գրաչովը:

ԵՐԵՎԱՆ, 21 ապրիլի - Sputnik․ Comedy Woman հանրահայտ ռուսական նախագծի աստղերը այժմ Դիլիջանում են։ Նախագծի հեղինակ Նատալյա Եփրիկյանը լուսանկար է հրապարակել Դիլիջանի «պավառոտներից»։

Նկարում իր գործընկերները, այդ թվում՝ հայտնի հումորիստ Ալեքսանդր Գուդկովը եւ «Պուտինի նմանակ» Դմիտրի Գրաչովը, վայելում են եփած եգիպտացորեն։ Եփրիկյանի գրառումից պարզ է դառնում, որ նա այդ օրը նշել է իր ծննդյան օրը։

«Ամեն անգամ ասում եմ ինքս ինձ, որ սա իմ լավագույն ծննդյան օրն էր։ Բոլորին շնորհակալություն շնորհավորանքների համար», - գրել է նա։

Եփրիկյանը նաև Story է տեղադրել Գուդկովի հետ։ Նրանք երկուսով հայկական գորգի ֆոնին են, իսկ նկարը մակագրված է. «Իսկական տժվժիկ»։

«Ես Հայաստանում եմ, «ձետկա»»․ Նատալյա Եփրիկյանը կարանտինն անցկացնում է Ջերմուկում

Comedy Woman հաղորդավարուհի Նատալյա Եփրիկյանը վերջին անգամ հայրենիքում եղել էր անցած տարվա օգոստոսին։ Այն ժամանակ էլ նա ակտիվ հանգիստ էր անցկացնում Հայաստանում և տարբեր տեղերից լուսանկարներ հրապարակում։

Instagram story Натальи Еприкян
Նատալյա Եփրիկյանի «սթորին»
0
թեգերը:
Comedy club, Նատալյա Եփրիկյան, Դիլիջան
Ըստ թեմայի
«Գարիկ Մարտիրոսյան, տար ինձ Comedy Club». հայտնվել է Զելենսկու նմանակը
Ախպերս, փող չկա իրավիճակը թող երբեք մեզ չառնչվի. Comedy Club-ի շնորհավորանքը Ջանիբեկյանին
Կարեն Ադամյանը «հարցաքննել է» Comedy Club-ի անդամներին