Ռմբակոծիչ

Կալուգայի մերձակայքում մահացել են Տու-22Մ3-ի անձնակազմի երեք անդամները

60
(Թարմացված է 15:47 23.03.2021)
Արտակարգ պատահարը տեղի է ունեցել թռիչքին նախապատրաստվելու ժամանակ։ Պարաշյուտները չեն բացվել անբավարար բարձրության պատճառով։

ԵՐԵՎԱՆ, 23 մարտի – Sputnik. Կալուգայի մերձակայքում գտնվող աերոդրոմում մահացել է Տու-22Մ3 ռմբակոծիչի` երեք հոգուց բաղկացած անձնակազմը։ ՌԴ պաշտպանության նախարարությունը հայտնում է, որ թռիչքի պլանային նախապատրաստման ժամանակ միացել է կատապուլտը, ինչը պլանավորված չի եղել։

«Ամեն ինչ դրան էր տանում»․ ինչո՞ւ է ամերիկյան ծովային հետևակը հայտնվել Հյուսիսում

«Պարաշյուտների բացման համար անբավարար բարձրության պատճառով անձնակազմի երեք անդամները վայրէջք կատարելիս կյանքի հետ անհամատեղելի վնասվածքներ են ստացել»,– նշված է հաղորդագրության մեջ։

«Հնարավոր չէ գտնել»․ Ռուսաստանը հրթիռային զենքի նոր, գաղտնի կրիչներ է կառուցում

Տու-22Մ3–ը խորհրդային Տու-22Մ2-ի արդիականացված տարբերակն է, նախատեսված է հակառակորդի տարածքում գտնվող թիրախը խոցելու համար։ Ռուսաստանի սպառազինության մեջ մոտ 60 նման ռմբակոծիչ կա։

Արդեն փորձարկել են․ Ռուսաստանն անսովոր զենքով կպաշտպանի հյուսիսային տարածքները

60
թեգերը:
Կալուգա, Ռուսաստան
Ըստ թեմայի
Սու-57 ռուսական կործանիչը գրավում է աշխարհը․ ի՞նչ է լինելու հետո
Տարվա արդյունքները. «ցիրկոնապատում» և ՌԴ ռազմածովային նավատորմի 40 նոր նավ
Սև ծովում պայմանականորեն «ոչնչացվել է» ամերիկյան ականակիրը
Ինչու է ՆԱՏՕ-ն սադրում, իսկ Ռուսաստանը կանխարգելում ռազմական միջադեպերը
Թյուրիմացության մեջ են գցել, կամ հայկական «կիքս» ռուսական բարձր ճշգրտության հրթիռների հետ
Դատապարտյալ

Ռուսաստանի «օրենքով գողերը» սկսել են հրաժարվել իրենց տիտղոսից

183
(Թարմացված է 19:31 10.04.2021)
Միանգամից չորս քրեական հեղինակություն հրաժարվել են իրենց տիտղոսներից։ Նրանք բոլորը տարբեր մեկուսարաններում են։

ԵՐԵՎԱՆ, 10 ապրիլի – Sputnik. Ռուսաստանի «օրենքով գողերը» սկսել են զանգվածաբար հրաժարվել իրենց տիտղոսից։ Տեղեկությունը հայտնում է primecrime.ru–ն։

Կայքի տեղեկություններով՝ նրանցից մեկը «Ուֆայի նայող» Իլդար Ասյանովն է, որը հայտնի է որպես Իլդար Ուֆիմսկի։ «Թագադրվել» է 23 տարեկանում, բայց թմրանյութային կախվածության պատճառով նրան դադարել են հարգել քրեական աշխարհում։ Ավելի ուշ տեղափոխվել է Տուլա, բայց այնտեղ էլ է բռնվել թմրանյութերի պատճառով։

Ձերբակալել են «Դեդ Հասանի» մտերիմներից մեկին` «օրենքով գող» Կաշչեյին

Դեդ Հասանը 2014 թվականին Հաջի Ստավրոպոլ մականունով Հաջի Խալիմբեկովին տիտղոսից զրկել է իրավապահների հետ համագործակցության համար։ Ավելի ուշ նրա տիտղոսը վերականգնել են մի քանի վրացի քրեական հեղինակություններ, բայց հիմա նա ինքն է որոշել հրաժարվել դրանից։

Տյումենի մարզի երբեմնի «նայող» Յուրի Տիշենկովը («Հանս») նույնպես հրաժարվել է տիտղոսից։ Նա պատիժը կրում է պատվիրված սպանություն կազմակերպելու համար։ Տիտղոսից հրաժարվող քրեական հեղինակությունների ցանկը եզրափակում է Ալեքսանդր Օկունևը, որն ավելի հայտնի է որպես Օգոնյոկ: Նա նույնպես կալանքի տակ է հայտնվել թմրանյութեր պահելու համար։

Ձերբակալվել է Մոսկվայի ամենահեղինակավոր «օրենքով գողերից» մեկը

Ինչպես նշում Է կայքը, այս բոլոր քրեական հեղինակությունները գտնվում են տարբեր գաղութներում և մեկուսարաններում, բայց գրեթե միաժամանակ տիտղոսներից հրաժարվելու դիմումներ են գրել Պատիժների կատարման դաշնային ծառայության տնօրեն Ալեքսանդր Կալաշնիկովի անունով:

183
թեգերը:
օրենքով գող, Ռուսաստան
Միքայել Մինասյան

Հայաստանի և Ռուսաստանի շահերը 90 տոկոսով համընկնում են. Միքայել Մինասյան

121
(Թարմացված է 21:17 09.04.2021)
Միքայել Մինասյանը նաև պնդեց, որ հնարավոր է փորձել հետ բերել Շուշին և Հադրութն առանց պատերազմի։

ԵՐԵՎԱՆ, 9 ապրիլի – Sputnik. ՀՀ երրորդ նախագահ Սերժ Սարգսյանի փեսա, Սուրբ Աթոռում ՀՀ նախկին դեսպան Միքայել Մինասյանը ՌԴ-ի հետ եղբայրության կողմնակից է, քանի որ կարծում է` Հայաստանի և Ռուսաստանի շահերը 90 տոկոսով համընկնում են։ Մինասյանը նման կարծիք հայտնեց «Քառյակ մեդիայի» համահիմնադիր Սամվել Ֆարմանյանի հետ հարցազրույցում։

«Հայաստանը պատերազմելու ռեսուրս չունի։ Մենք չենք կարող շարունակել խայտառակված երկիր մնալ` պետք է արժանապատիվ խաղաղության աշխատանքներ սկսենք, իսկ դրա համար մենք պետք է հասկանանք՝ ո՞ւմ շահերն են համընկնում մեր երկրի շահերի հետ։ Միանգամից ասեմ՝ այսօր դա Մոսկվան է, դրան այլընտրանք չկա, ով ինչ ասում է՝ խաբում է»,–ասաց Մինասյանը։

Նրա խոսքով` նույնիսկ այսօր Մոսկվայի հետ հարաբերություններում ՀՀ-ն պարտվողական կարգավիճակում է։ Մինասյանը նշեց` պետք է հետ բերենք մեր լավ ելակետային դիրքերն առաջին հերթին Մոսկվայում։

Միքայել Մինասյանը նաև պնդեց, որ հնարավոր է փորձել հետ բերել Շուշին և Հադրութն առանց պատերազմի։ Նա ասաց նաև, որ կամ այսօր պետք է իրականությունն ընդունենք ու դեպի ապագա գնանք, կամ էլ ապագա չենք ունենալու. «Ես ապագայի կողմնակիցն եմ, ես եթե սկսեմ, սկսելու եմ հանուն ապագայի, ոչ թե հանուն անցյալի»։

Հայաստանն ու Ռուսաստանը շարունակում են ռազմատեխնիկական համագործակցությունը

Հիշեցնենք, որ այսօրվա հարցազրույցում Մինասյանը նաև ասել էր` եթե որոշի մասնակցել արտահերթ խորհրդարանական ընտրություններին, ապա դա կանի իր դեմքով։

121
թեգերը:
Շուշի, Հադրութ, Միքայել Մինասյան, Ռուսաստան, Հայաստան
Ըստ թեմայի
Սերգեյ Վերշինինն ու Վարդան Տողանյանը քննարկել են Արցախում ստեղծված իրավիճակը
Պուտինը փորձում է հասկանալ Փաշինյանի ու Քոչարյանի դիրքորոշումն Արցախի հարցում. Հակոբյան
ՀՀ նախագահը խոսել է Արցախի հիմնախնդրի ծագման մասին ու հիշեցրել Պուտինի խոսքերը
Անձրև

Արմավիրում տներից մեկի նկուղից 8 տոննա անձրևաջուր է հեռացվել

0
(Թարմացված է 20:03 11.04.2021)
Փրկարարները մոտոպոմպով են հեռացրել անձրևաջրերը, որոնք ամբողջությամբ ողողել էին 6քմ տարածքով նկուղը։

ԵՐԵՎԱՆ, 11 ապրիլի – Sputnik․ Արմավիրի մարզում գիշերվա հորդառատ անձրևն անհետևանք չի անցել։ ԱԻՆ մամուլի ծառայությունից հայտնում են, որ ապրիլի 11-ին՝ ժամը 10:37-ին, մարզային ճգնաժամային կառավարման կենտրոն տեղեկություն է ստացվել, որ անձրևաջրերը լցվել են Բամբակաշատ գյուղի 13-րդ փողոցի տներից մեկի նկուղ։ Անհրաժեշտ է է եղել փրկարարների օգնությունը։

«Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ»,- նշված է հաղորդագրության մեջ։

Փրկարարները տան՝ մոտ 6քմ մակերեսով նկուղից մոտոպոմպով հեռացրել են մոտ 8 տոննա անձրևաջուր:

0
թեգերը:
նկուղ, Արմավիր, ՀՀ արտակարգ իրավիճակների նախարարություն (ԱԻՆ), Անձրև