Տ-14 «Արմատա» տանկ

IDEX 2021. ինչով կզարմացնի Աբու Դաբիում ռուսական ռազմարդյունաբերական ոլորտը

95
(Թարմացված է 14:27 22.02.2021)
Ռուսաստանը վերահսկում է սպառազինությունների համաշխարհային շուկայի մոտ մեկ երրորդը ու ներկայացնում է ռազմաարդյունաբերական համալիրի գլխավոր նորույթները փետրվարի 21-25-ը ԱՄԷ մայրաքաղաքում անցկացվող IDEX 2021 միջազգային խոշորագույն ռազմական ցուցահանդեսում:

Ալեքսանդր Խրոլենկո, ռազմական վերլուծաբան

IDEX 2021 զենքի սրահի ռուսական միասնական ցուցադրությունը զբաղեցնում է շուրջ 1200 քառ. Մետր և ներկայացնում է ռազմական տեխնիկայի ավելի քան 400 նմուշ: Դրանք ծանրակշիռ փաստարկներ են բարձր տեխնոլոգիական հակառակորդի հետ վեճում, ժամանակակից սպառնալիքների ու ցամաքի վրա, ծովում և օդում անվտանգության մարտահրավերների լավագույն պատասխանները (ներառյալ հարվածային անօդաչուների չեզոքացումը):

Աբու Դաբիում առաջին անգամ կկայանա ռուսական նորագույն Տ-14 «Արմատայի»՝ աշխարհում հետպատերազմյան երրորդ սերնդի միակ տանկի արտասահմանյան շնորհանդեսը: Մեքենան ունի բարձր ճշգրտության զենքից պաշտպանվելու ամենաբարձր աստիճանը, կարող է ինտեգրվել տակտիկական օղակի կառավարման ավտոմատ համակարգին, փորձարկումներ է անցել ավտոմատ ռեժիմով: Ավելի վաղ Sputnik-ը հայտնել էր T-14-ի արտահանման հեռանկարների մասին։ Արտասահմանցի մասնագետները «Արմատայի» հավանական գնորդներ են համարում Հնդկաստանը, Չինաստանը, Արաբական Միացյալ Էմիրությունները, Եգիպտոսը եւ Ալժիրը: Բացի նորագույն տանկից՝ IDEX-2021 ցուցահանդեսում «Ուրալվագոնզավոդ» (ՈւՎԶ) կոնցեռնը ևս մեկ նորույթ է ներկայացրել՝ ունիվերսալ զրահապատ ինժեներական մեքենա (ՈւԶԻՄ)։

Տարածաշրջանում առաջին անգամ ներկայացված են «Բումերանգ» միասնական անվային հարթակի հիման վրա ստեղծված հետևակի զրահամեքենան ու հետևակի մարտական մեքենան, «Անտեյ-4000» մեծ հեռահարության զենիթահրթիռային համակարգն ու միջին հեռահարության «Վիկինգ» նորագույն զենիթահրթիռային համալիրը:

Ռուսաստանի ռազմաարդյունաբերական համալիրը դինամիկ կերպով զարգացնում է անօդաչու թեմատիկան։ «Ռոսօբորոնէքսպորտը» համաշխարհային շուկայում հաջողությամբ առաջ է տանում «Օրիոն-Է» հետախուզական-հարվածային համալիրը, որը համարվում է թուրքական Bayaraktar TV-2-ի «համադասարանցին» ու մեծ հետաքրքրություն է առաջացնում արտասահմանյան մասնագետների շրջանում: Աբու Դաբիում ներկայացված են նաև ռուսական հայտնի «Օռլան-10» անօդաչու համալիրի վերաբերյալ նյութերը:

Սև ծովում պայմանականորեն «ոչնչացվել է» ամերիկյան ականակիրը

Մերձավոր Արևելքն ու Հյուսիսային Աֆրիկան սպառազինությունների շուկայում հիմնական պատվիրատուներն են, դրանց բաժին է ընկնում շուկայի ընդհանուր ծավալի մոտ մեկ երրորդը: Ռուսական զենքն այստեղ լավ հայտնի է և մեծ պահանջարկ ունի։ «Ռոսօբորոնէքսպորտի» գլխավոր տնօրեն Սերգեյ Չեմեզովի տվյալներով՝ տարածաշրջանի երկրներին 2020 թվականին բաժին է ընկել «Ռոսօբորոնէքսպորտի» բոլոր մատակարարումների ավելի քան 50 տոկոսը: IDEX-ը կարևորագույն միջազգային հարթակ է փորձի ու տեխնոլոգիաների փոխանակման, նոր գործընկերային կապերի ձեւավորման համար:

Անխոցելի զրահատեխնիկա

Աբու Դաբիում ռուսական զրահատեխնիկայի շարքում ներկայացված են ժամանակակից Տ-90ՄՍ տանկը, արդիականացված Տ-72 տանկը ու տանկերի աջակցման մարտական մեքենան, «Թայֆուն» ու «Տորնադո» ընտանիքների զրահապատ ավտոմեքենաների մոդելներ: «Ուրալվագոնզավոդ» կոնցեռնի ցուցադրությունն ընդգրկում է նաև ՏՈՍ-1Ա ծանր հրանետային համակարգը, 155 մմ տրամաչափի 2Ս19Մ1-155 տրամաչափով ինքնագնաց հաուբիցը, հեռակառավարվող տարբեր մարտական մոդուլներ՝ 7,62 մմ-ից մինչև 57 մմ տրամաչափի գնդացրային-հրանոթային սպառազինությամբ:

Ավելի վաղ հիշատակված մեքենան՝ ՈւԶԻՄ-ը հետաքրքրական է նրանով, որ նախատեսված է մարտական պայմաններում և հակառակորդի կողմից զանգվածային ոչնչացման զենքի կիրառման դեպքում ինժեներական աշխատանքներ կատարելու համար։ Նորույթն իր մեջ միավորել է միանգամից երեք ինժեներական մեքենաների՝ զրահապատ վերանորոգման-տարհանման, պատնեշի ինժեներական մեքենայի ու ականազերծման զրահապատ մեքենայի հնարավորությունները:

ՈՒՎԶ-ի արտադրանքն ավանդաբար բարձր պահանջարկ է վայելում սպառազինության միջազգային շուկայում։ Նախօրեին կոնցեռնի գլխավոր տնօրեն Ալեքսանդր Պոտապովն ընդգծել է. «Ցուցահանդեսում ներկայացված նմուշների նկատմամբ մենք ակնկալում ենք զգալի հետաքրքրություն Մերձավոր Արևելքի, Աֆրիկայի ու Ասիա-խաղաղօվկիանոսյան տարածաշրջանի պետությունների կողմից: Պաշտպանական ոլորտի բոլոր ընկերությունների համար IDEX-ը մշտապես հանդիսանում է կարևորագույն ցուցահանդեսներից մեկը, ու մեր արտադրանքն ավանդաբար արժանի տեղ է զբաղեցնում»:

Անօդաչու բեսթսելլերներ

Այսօր Ռուսաստանն ունի արդյունավետ հետախուզական ու հարվածային անօդաչուների մի ամբողջ շարք (ներառյալ՝ կամիկաձե-զինամթերք)։ Սպառազինությունների համաշխարհային շուկայում նման արտադրանքի նկատմամբ մեծ հետաքրքրությունը կա։ Ռուս արտադրողները զգալի հաջողությունների են հասել «պարեկային զինամթերքի» ստեղծման գործում․ դրանք որոշ հատկանիշներով գերազանցում են արտասահմանյան մրցակիցներին:

ԱՄՆ-ի հետ սպառազինությունների պայմանագիրը կերկարաձգվի Մոսկվայի պայմաններով. Ռյաբկով

Սիրիայում ստուգում անցած ԿՈՒԲ ու «Լանցետ» հարվածային անօդաչու թռչող սարքերը զգալիորեն ավելի էժան են կառավարվող հրթիռներից ու գրեթե անտեսանելի են ռադարների համար։ Փորձնական շահագործում է անցնում անօդաչու «Կորսարը», ու «Լուչ» կոնստրուտորական բյուրոյի գլխամասային արտադրողն արդեն պատրաստ է (այդ թվում՝ «Կորսար-Է» արտահանվող տարբերակի) սերիական արտադրություն սկսել: Նշենք, որ անօդաչու մշակումներում օգտագործվում են բացառապես ռուսական հիմքեր ու համալրող սարքեր, ինչը երաշխավորում է չարտոնված արտաքին միջամտություններից պաշտպանվածության բարձր մակարդակ և անկախություն՝ արտահանման մատակարարումներից: 

Ռուսաստանի համար առաջնահերթ է տարբեր տեսակի անօդաչուներով ապահովել ռուսական բանակը, սակայն համաշխարհային շուկայում բարձր պահանջարկն այսօր իսկ ապահովում է ռուսական պաշտպանական արդյունաբերական համալիրի կոմերցիոն հաջողությունը։

ՀՕՊ անառիկ միջոցները

Աբու Դաբիում «Ռոսօբորոնէքսպորտն»  առաջին անգամ ցուցադրում  «Անտեյ-4000» ԶՀՀ-ն, «Վիկինգ» ԶՀՀ-ն ու«Տոր-Է2» ԶՀՀ-ն: Ներկայացվել են նաև ՀՕՊ եզակի համալիրներ՝  Ս-400 «Տրիումֆ» ու «Տոր-Մ2ԿՄ» զենիթահրթիռային համալիրները, «Կուպոլ –ՊՐՈ» անօդաչու թռչող սարքերին հակազդելու համալիրը:

Տեխնոլոգիական մակարդակը հասկանալու համար՝ «Վիկինգ» ԶՀՀ-ն «Բուկ-Մ3» համալիրի արտահանվող տարբերակն է (որը վերջերս է ընդունվել ռուսական բանակի զինանոցում)։ «Բուկ-Մ2» հայտնի համալիրի համեմատ հրաձգության հեռահարությունն ավելացել է մեկուկես անգամ (մինչեւ 65 կմ), ու միաժամանակ գնդակոծվող թիրախների քանակը ավելացել է մինչև վեցը (յուրաքանչյուր ինքնագնաց կայանքով):

Կրակահերթի պատրաստ զենիթային կառավարվող հրթիռների թիվը 2-ից հասել է 8-ից մինչև 18: «Վիկինգը» ստեղծվել է՝ հաշվի առնելով համաշխարհային շուկայի պահանջները, ու դրա տեխնիկական առանձնահատկությունները թույլ են տալիս առավելագույնս հարմարեցնել համալիրն օտարերկրյա պատվիրատուների առաջնահերթություններին:

Աբու Դաբիի ռուսական տաղավարում ներկայացված են նաև ավիացիոն տեխնիկայի մոդելներ՝ բազմանպատակային Սու-35 խուսանավող կործանիչ և Մի-38Տ ուղղաթիռ, որոնք կարող են զգալիորեն բարձրացնել ցանկացած երկրի ավիացիոն խմբավորման մարտական ներուժը: IDEX 2021-ի ընթացքում «Ռոսօբորոնէքսպորտի» մասնագետները կբանակցեն Մերձավոր Արևելքի եւ Հյուսիսային Աֆրիկայի երկրների ռազմաքաղաքական ղեկավարության ու գործարար համայնքի ներկայացուցիչների հետ:

Պակիստանն ու Ռուսաստանը ցուցահանդեսի բացման նախօրեին մի շարք պայմանագրեր են ստորագրել պաշտպանական ոլորտում. Իսլամաբադը կստանա ռուսական ՀՕՊ միջոցներ ու հակատանկային համալիրներ: «Ռոսօբորոնէքսպորտի» պատվերների պորտֆելում արդեն 50 մլրդ դոլարի պայմանագրեր կան։

Բարձրտեխնոլոգիական ու կատարյալ ռուսական զենքը շարունակում է իր հաղթարշավը մոլորակի վրա:

95
թեգերը:
Արաբական միացյալ էմիրություններ (ԱՄԷ), Ցուցահանդես, սպառազինություն, Ռուսաստան
Ըստ թեմայի
Ռուսաստանը նոր տեխնիկա է փորձարկում տանկային մարտի համար
ՌԴ ՊՆ–ն առաջին անգամ ցուցադրել է «Օրիոն» անօդաչուի հարվածային տարբերակը. լուսանկար
Ռուսական զենքը կարողանում է անշեղորեն խոցել. 2020 թվականի նախնական արդյունքները
Մհեր Գրիգորյան

Հայտնի է` ինչ են քննարկել Հայաստանի, Ադրբեջանի ու ՌԴ–ի փոխվարչապետները Մոսկվայում

267
(Թարմացված է 09:52 28.02.2021)
Ռուսաստանի, Ադրբեջանի և Հայաստանի փոխվարչապետների չորրորդը հանդիպումը կկայանա մարտի 1-ին տեսակոնֆերանսի ձևաչափով։

ԵՐԵՎԱՆ, 28 փետրվարի – Sputnik. Հայաստանի, Ռուսաստանի և Ադրբեջանի փոխվարչապետներ Մհեր Գրիգորյանը, Ալեքսեյ Օվերչուկը և Շահին Մուստաֆաևը երեկ Մոսկվայում կայացած հերթական հանդիպման ժամանակ առաջարկել են ցուցակագրել երկաթուղային ու ավտոմոբիլային փոխադրումների միջազգային պայմանագրերը: Ինչպես հաղորդում է ՌԻԱ Նովոստին, տեղեկությունը լրագրողներին է հայտնել ՌԴ փոխվարչապետ Ալեքսեյ Օվերչուկը Մոսկվայում կայացած աշխատանքային խմբի նիստից հետո։

«Կողմերը քննարկել են երկաթուղային, ավտոմոբիլային և համակցված փոխադրումների փորձագիտական ենթախմբերի հաշվետվությունները, այդ թվում` փոխադրումների ապահովման հարցերի վերաբերյալ՝ ներառյալ անվտանգությունը, սահմանային, մաքսային, սանիտարական, անասնաբուժական, բուսասանիտարական և հսկողության այլ տեսակները։ Կողմերի իրավասու մարմիններին հանձնարարվել է ցուցակագրել ԱՊՀ շրջանակում կնքված միջազգային պայմանագրերը և երրորդ երկրների հետ կնքված միջազգային պայմանագրերը, որոնք վերաբերում են վերոնշյալ փոխադրումների իրականացմանը» - ասել է Օվերչուկը։

Նա հայտնել է, որ Ռուսաստանի, Ադրբեջանի և Հայաստանի փոխվարչապետների` Լեռնային Ղարաբաղի հարցով հաջորդ հանդիպումը, որն արդեն չորրորդը կլինի, կկայանա մարտի 1-ին տեսակոնֆերանսի ձևաչափով։

Օվերչուկը հավելել է, որ աշխատանքային խումբը որոշել է լրամշակել 2021 թվականի հունվարի 11-ի հայտարարության 4-րդ կետով նախատեսված զեկույցի նախագիծը։

Հայտարարության համապատասխան կետը նախատեսում է, որ աշխատանքային խումբը մինչև 2021 թվականի մարտի 1-ը կողմերի հաստատմանը կներկայացնի այն միջոցառումների ցանկն ու իրականացման ժամանակացույցը, որոնք ենթադրում են տրանսպորտային ենթակառուցվածքի նոր օբյեկտների վերականգնում և կառուցում, որոնք անհրաժեշտ են Ադրբեջանի և Հայաստանի տարածքով իրականացվող միջազգային փոխադրումների կազմակերպման, կատարման և անվտանգության ապահովման, ինչպես նաև Ադրբեջանի և Հայաստանի կողմից իրականացվող փոխադրումների համար, որոնց կատարման համար պահանջվում է հատել այդ երկրների տարածքները։

Աշխատանքային խմբի երրորդ նիստում, որն ավարտվել է երեկ գիշերը, քննարկվել են Ադրբեջանի նախագահի, Հայաստանի վարչապետի և ՌԴ նախագահի` 2020 թվականի նոյեմբերի 9-ի հայտարարության 9-րդ կետի իրականացումից բխող համատեղ աշխատանքի հիմնական ուղղությունները, ինչպես նաև 2021 թվականի հունվարի 11-ի հայտարարության 2-րդ, 3-րդ, 4-րդ կետերի դրույթները:

Հիշեցնենք` 2021թ–ի հունվարի 11-ին Մոսկվայում կայացած Պուտին-Փաշինյան-Ալիև հանդիպման ժամանակ ընդունվել էր համատեղ հայտարարություն, որով նախատեված է տարածաշրջանում բոլոր տնտեսական ու տրանսպորտային կապերի ապաշրջափակում։

Գործընթացի իրականացման համար ստեղծվել է աշխատանքային խումբ, որի համանախագահները 3 երկրների փոխվարչապետներն են։

Առաջին աշխատանքային հանդիպումը տեղի էր ունեցել 2021թ–ի հունվարի 30-ին:

267
թեգերը:
Լեռնային Ղարաբաղ, Արցախ, Ալեքսեյ Օվերչուկ, Հայաստան, Ադրբեջան, Մհեր Գրիգորյան, Ռուսաստան
Ըստ թեմայի
Թուրքիան, թեև փոքր, բայց տարաձայնություն ունի ՌԴ–ի հետ ղարաբաղյան հարցում. Պողոսյան
Մեր կարմիր գիծն այն էր, որ Լեռնային Ղարաբաղը երբեք չլիներ Ադրբեջանի կազմում. Սարգսյան
ԵԱՀԿ Մինսկի խումբը Բաքվի ու Երևանի հետ քննարկել է Ղարաբաղում տիրող իրավիճակը

«Հնարավոր չէ գտնել»․ Ռուսաստանը հրթիռային զենքի նոր, գաղտնի կրիչներ է կառուցում

255
(Թարմացված է 23:58 26.02.2021)
Սպառազինության հեռանկարային համակարգերի նախագծի առաջին սերիական դիզել-էլեկտրական սուզանավերը նավատորմը կստանա 2022թ․-ին։ Մշակումն ավելի քան 20 տարի է տևել։  Այս սուզանավը կարող է գերճշգրիտ զենք կրել, իսկ դրա երթուղին շատ դժվար է բացահայտել։

Նիկոլայ Պրոտոպոպով, ՌԻԱ Նովոստի

«Բարդ երեխան»

«Кронштадт» և «Великие Луки» սուզանավերը նախատեսում էին նավաստիներին փոխանցել 2021թ․-ին, սակայն, ինչպես բացատրեց «Адмиралтейские верфи» նավաշինական ձեռնարկության գլխավոր տնօրեն Ալեքսանդրա Բուզակովան՝ հակագործակալների հետ կապված խնդիրների պատճառով ժամկետները հրվեցին դեպի աջ։

Սեպտեմբերին Միավորված նավաշինական կորպորացիայի ղեկավար Ալեքսեյ Ռախմանովը հայտնել էր, որ երկու սերիական նավերի կառուցումը ուշացումով կավարտվի, քանի որ սարքավորումների մատակարարներից մեկը հետ է ընկել գրաֆիկից:

Ուշացումները նախագծին հետևում են հենց սկզբից։ Աշխատանքները սկսվել են դեռ 1990-ականների վերջից, երբ դրվեց գլխավոր նավի՝ «Սանկտ Պետերբուրգի» հիմքը։ Այն ջուրն իջեցրին 2004թ․-ին և պետք է Ռազմածովային նավատորմին ուղարկեին 2006թ․-ին։ Սակայն Հյուսիսային նավատորմը սուզանավը փորձնական շահագործման ընդունեց միայն 2010թ․-ին։

«Լադաներով» պատրաստվում էին փոխարինել 877 «Պալտուս» նախագծի հնացած «դիզելայինները»։ Նոր սուզանավերն ավելի փոքր, ուստի՝ ավելի քիչ նկատելի են հիդրոլոկատորների համար։ Ակուստիկ գաղտնիությունն ավելացնում է նաև հայրենական նավաշինարարության համար ոչ ստանդարտ միակորպուս սխեման։ Բացի այդ, «Լադաները» առաջին ռուսական սուզանավերն են, որոնք հեռանկարում կհագեցվեն օդից անկախ (անաէրոբ) ուժային համակարգով։

Պատերազմի մարտավարությունը կփոխեն. Ռուսաստանը նոր հարվածային ԱԹՍ ունի

Հնարավոր է՝ ժամկետները շարունակ հետաձգվում էին հենց բազմաթիվ նոր կոնստրուկտորական լուծումների և «երկաթի մեջ» դրանք իրագործելու բարդության պատճառով։ Այսպես, գլխավոր նավի փորձարկումների ընթացքում լուրջ խնդիրներ հայտնաբերեցին հիդրոակուստիկ համակարգի հետ, իսկ թիավարող էլեկտրաշարժիչի ոչ բավարար հզորությունը թույլ չէր տալիս ջրի տակ անհրաժեշտ արագություն զարգացնել։

Բայց Ռազմածովային նավատորմն այնուամենայնիվ սպասում էր դիզել-էլեկտրոնային սուզանավերին, ուստի «Լադաների» փոխարեն Խաղաղօվկիանոսյան նավատորմի համար պատվիրեցին ժամանակի փորձությունն անցած և լավ յուրացված վեց հատ 636 «Վարշավյանկա» նախագծի սուզանավ։

Վտանգավոր «ճստիկները»

Մասնագետների կարծիքով՝ «Լադա»-ներն ամենաժամանակակից և հեռանկարային հայրենական ոչ ատոմային սուզանավերն են։

Չնայած համեստ չափերին, դրանք աչքի են ընկնում բարձր բազմաֆունկցիոնալությամբ։ Ի վիճակի են դիմակայել սուզանավերին և վերջրյա նավերին, հարվածներ հասցնել ափի օբյեկտներին, ականային պատնեշներ դնել, պաշտպանել ափը դեսանտի իջեցումից, հատուկ նշանակության ստորաբաժանումներ կամ բեռներ տեղափոխել։

Գլխավոր արժանիքներն են բարձր ավտոմատիզացիան և ցածր աղմկոտությունը, դյուրաշարժությունն ու մանևրայնությունը, ինչը թույլ է տալիս դրանք արդյունավետ օգտագործել դիվերսիոն և հետախուզական օպերացիաներում։ Հագեցված են հզոր հիդրոակուստիկ համակարգով և երեք զգայուն ալեհավաքներով․ մեկը՝ նավի քթամասում, երկուսը՝ կողային հատվածներում։

Մոտ 1,8 հազար տոննա ջրատարողությամբ սուզանավի արագությունը հասնում է 20 հանգույցի։ Խորությունը՝ մինչև 350 մետրի։ Մինչդեռ անձնակազմի քանակը՝ ընդամենը 30 մարդ։

Ինչ վերաբերում է սպառազինությանը՝ ստանդարտ հագեցվածության «Լադաները» կրում են 533 տրամաչափի 18 տորպեդ և մոտ 20–ական։ Տորպեդային սարքերը հարմարեցված են նաև հականավային «Шквал» արագընթաց հրթիռ-տորպեդներով կրակելու համար, որոնք մինչև 300 կմ/ժ արագություն են հավաքում։ Եվ իհարկե «Լադաները», ինչպես բազմաթիվ ժամանակակից ռուսական նավեր, ունեն «Կալիբր» թևավոր հրթիռներ։

«Ոչնչացնելը դժվար կլինի». ամերիկացիները վերադառնում են հյուսիսային բունկեր

Առաջին երկու սերիական սուզանավերը կառուցում են առանց օդից անկախ էներգետիկ սարքավորման, քանի որ, Բուզակովի խոսքով, Ռուսաստանում այդպիսին դեռ չեն ստեղծել։ Բայց ընտանիքի մյուս նավերը կստանան դրանցից։

Անտեսանելի պահապանները

««Լադան» սուզանավերի միանգամայն նոր դաս է, որ հիմնված է նախորդ նախագծերի վրա,-ՌԻԱ Նովոստիին բացատրեց Նավատորմի աջակցության համառուսաստանյան շարժման նախագահ, առաջին կարգի կապիտան Միխայիլ Նենաշևը:-Վերջին 15-20 տարվա ընթացքում «Լադայի» վրա յուրացրել են մոտ 150 փորձնական-կոնստրուկտորական աշխատանք։ Ոչ մի նախագծում այսքան չի եղել։ Դա, ըստ էության, մեծ ստորջրյա լաբորատորիա է»։

Ինչպես ընդգծեց փորձագետը՝ նախորդ նախագծերի համեմատ «Լադաներն» ավելի շատ տորպեդներ են տեղավորում։ Բացառիկ տակտիկատեխնիկական բնութագրերի շնորհիվ ունակ են առաջադրանքներ կատարել բոլոր մարտավարական և ռազմավարական ուղղություններով։ Բացի այդ, կառուցվածքը թույլ է տալիս հրթիռային համակարգերի տեղակայում։

 «Այդ ԴԷՍՆ-երի աղմուկը համեմատելի է ծովի աղմուկի հետ, իսկ նոր հիդրոակուստիկան շատ ավելի մեծ տարածք է լսում, քանի մյուս նավերը,-պատմում է Նենաշևը,-դա շատ կարևոր է, քանի որ «Լադաների» բազան լինելու է Արկտիկայում։

Եվս մեկ առավելություն է համեստ չափսը, որը սուզանավին թույլէ տալիս ընթանալ ինչպես ծանծաղ ջրում, այնպես էլ մեծ խորությունների վրա։ Հավանական հակառակորդի ատոմային սուզանավերը ամեն տեղ չէ, որ կարող են տեղաշարժվել, իսկ ահա այնպիսի սուզանավերով, ինչպիսին «Լադա»-ն է, կարելի է մեծ հաջողությամբ պահպանել տարածքը։

«Նոնայի» փոխարեն «Լոտոս». Ռուսաստանը նորագույն ինքնագնաց թնդանոթ է փորձարկել

Ռուսական դիզելային սուզանավերը վաղուց ի վեր լավագույնն են ճանաչվել իրենց դասում։ 636,3 նախագծի վեց ԴԷՍՆ-ներ ծառայում են Սևծովյան նավատորմում, ևս վեցը մոտակա տարիներին կփոխանցվեն Խաղաղօվկիանոսյան նավատորմին․ երկու սուզանավ շուտով կտեղափոխվեն ծառայության մշտական վայրեր։ Անաղմուկ լինելու և գաղտնիության համար ՆԱՏՕ-ում դրանք անվանում են «Սև խոռոչներ»։ Սակայն «Լադաներն» է՛լ ավելի անաղմուկ են։ Գլխավոր «Սանկտ Պետերբուրգի» փորձարկումները ցույց տվեցին, որ գաղտնիության մակարդակով 677-րդ նախագիծը բավականին գերազանցում է «դիզելայինների» բոլոր նախորդ սերիաները։

255
թեգերը:
նավատորմ, Ռուսաստան, հրթիռաշինություն, հրթիռակիր
Ըստ թեմայի
«Այնտեղ ամեն ինչ լուրջ է». ինչո՞ւ է ՆԱՏՕ-ն «պատերազմում» Ռուսաստանի սահմանների մոտ
Abrams տանկեր և այլ սպառազինություն․ ի՞նչ են անում ամերիկացիները Բելառուսի սահմանների մոտ
Պատասխան «Իսկանդերին». ինչո՞վ են աշխարհին սպառնում ԱՄՆ նոր հրթիռները
Վահագն Հովակիմյան

Արմեն Սարգսյանի հերթն էլ եկա՞վ․ «Իմ քայլի» պատգամավորն արդեն խոսում է իմպիչմենտի մասին

32
(Թարմացված է 17:05 28.02.2021)
Պատգամավորի խոսքով՝ նախագահն իր լիազորությունը կամայական է իրացրել, իսկ դա կարող է վնասել երկրի անվտանգությանը։

ԵՐԵՎԱՆ, 28 փետրվարի – Sputnik․ Պաշտոնանկության հերթը կարծես թե ՀՀ նախագահ Արմեն Սարգսյանին էլ հասավ։ ԱԺ «Իմ քայլը» խմբակցության պատգամավոր, «Քաղաքացիական պայմանագիր» կուսակցության վարչության անդամ Վահագն Հովակիմյանը Facebook-ի իր էջում արված գրառմամբ ուղիղ ակնարկում է այդ մասին։

«Սահմանադրության 139 հոդվածի համաձայն` նախագահն իրավունք ունի հրամանագրի նախագիծն առարկություններով վերադարձնել առաջարկությունը ներկայացրած մարմնին: Առաջին հայացքից կարող է թվալ` Արմեն Սարգսյանը երեկ օգտվել է վերը նշված իր լիազորությունից՝ ԳՇ պետի պաշտոնանկության հրամանագրի նախագիծն իր առարկություններով վարչապետին վերադարձնելիս: Բայց ամենևին էլ այդպես չէ: Նախագահը չի կարող կամայական, երբ ցանկանա հրամանագրերի նախագծերը վերադարձնի առաջարկող մարմնին»,- գրում է Հովակիմյանը:

Նրա խոսքով՝ այս դեպքում նախագահն իր լիազորությունը կամայական է իրացրել, քանի որ վարչապետը Սահմանադրության 155-րդ հոդվածով իրեն տրված լիազորությամբ առաջարկել է զբաղեցրած պաշտոնից ազատել ԳՇ պետին։ Իմքայլական պատգամավոր վստահ է, որ անգամ «ամենամիստիկ երևակայությունն ունեցող մարդը չի կարող այս գործընթացում հակասահմանադրության տարրեր տեսնել, թեկուզ՝ առերևույթ»:

Այսպիսով, Հովակիմյանը կարծում է, որ նախագահը, իր լիազորությունները կամայականորեն իրացնելիս, կարող է վնասել պետության անվտանգությանը, երկիրը մղել անկայունության, ի չիք դարձնել օրենսդրական բարեփոխումները և այլն։

«Վերջին շրջանում Արմեն Սարգսյանի քայլերը կարծես հենց վերը նշված բացասական հետևանքներն առաջացնելուն են միտված: Ուստի, կարելի է արձանագրել, որ առերևույթ հիմքեր կան Արմեն Սարգսյանի պաշտոնանկության գործընթաց սկսելու համար՝ Սահմանադրության կոպիտ խախտման հիմքով (141 հոդված)»,- ամփոփել է պատգամավորը։

Նշենք, որ այսօր վարչապետ Նիկոլ Փաշինյանը Facebook-ի իր էջի ուղիղ եթերում հայտնեց, որ վաղը կայանալիք հանրահավաքի ժամանակ խոսելու է նախագահի որոշման անհիմն լինելու մասին, արձանագրելու են այդ որոշման հենք չունենալը, և այդ արձանագրումից հետո կարող են որոշակի հետևություններ արվել։

Սահմանադրության 141 հոդվածի համաձայն` ՀՀ նախագահը կարող է պաշտոնանկ արվել պետական դավաճանության, այլ ծանր հանցագործության կամ Սահմանադրության կոպիտ խախտման համար: Հանրապետության նախագահին պաշտոնանկ անելու հիմքերի առկայության մասին եզրակացություն ստանալու համար Ազգային ժողովը պատգամավորների ընդհանուր թվի ձայների մեծամասնությամբ ընդունված որոշմամբ դիմում է Սահմանադրական դատարան: Ազգային ժողովը Հանրապետության նախագահին պաշտոնանկ անելու մասին որոշում է կայացնում Սահմանադրական դատարանի եզրակացության հիման վրա պատգամավորների ընդհանուր թվի ձայների առնվազն երկու երրորդով:

Հիշեցնենք` հայաստանյան ներքաղաքաղական իրավիճակն ավելի սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։ Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։ Փետրվարի 27-ի երեկոյան ՀՀ նախագահի աշխատակազմը հայտարարեց, որ Արմեն Սարգսյանը ՀՀ ԳՇ պետ Օնիկ Գասպարյանի պաշտոնանկության հրամանագրի նախագիծն իր առարկություններով վերադարձրել է ՀՀ վարչապետին:

Դրան հետևեց վարչապետ Փաշինյանի հայտարարությունը, որ ՀՀ նախագահի որոշումն ամենևին չի նպաստում ստեղծված իրավիճակի հանգուցալուծմանը։ Վարչապետը տեղեկացրեց, որ ԳՇ պետին պաշտոնանկ անելու միջնորդությունը կրկին ուղարկում է ՀՀ նախագահին՝ ակնկալելով, որ այն սահմանված կարգով կստորագրվի։

Երեկ Փաշինյանը հայտարարեց, որ մարտի 1-ին հանրահավաք է անցկացնելու Հանրապետության հրապարակում։ Նա բոլորին հորդորել էր մասնակցել հանրահավաքին և երթին։

32