Թուրքիայի նախագահ

Թուրքիան պետք է մոռանա իր անհեթեթ երազանքները․ ՌԴ–ն պատասխանել է «օսմանյան քարտեզին»

1245
(Թարմացված է 11:13 13.02.2021)
Թուրքական TRT1 պետական հեռուստաալիքը ներկայացրել էր մի կանխատեսում այն մասին, թե որ տարածքները պետք է Թուրքիայի ազդեցության գոտիներ դառնան մինչև 2050 թվականը: Այդ ցանկում նաև Հայաստանը կա։

ԵՐԵՎԱՆ, 13 փետրվարի — Sputnik. Թուրքական պետական TRT1 հեռուստաալիքի ցուցադրած քարտեզը` Անկարայի ազդեցության գոտու ընդլայնման կանխատեսմամբ, անհեթեթ է թվում, Թուրքիայում պետք է մի կողմ դնեն նման երազանքները։ ՌԻԱ Նովոստին հայտնում է, որ նման հայտարարություն է արել Ղրիմի խորհրդարանի Ժողովրդական դիվանագիտության և ազգամիջյան հարաբերությունների կոմիտեի ղեկավար Յուրի Գեմպելը:

Թուրքական TRT1 պետական հեռուստաալիքն ավելի վաղ ներկայացրել էր ամերիկյան «Stratfor» ընկերության կանխատեսումն այն մասին, թե որ տարածքները պետք է Թուրքիայի ազդեցության գոտիներ դառնան մինչև 2050 թվականը: Ըստ կանխատեսման` այդ գոտում պետք է հայտնվեն նաև Հայաստանը, Վրաստանը, Ռուսաստանի հարավային շրջանները (ներառյալ Կովկասը), Ղազախստանի և Ուզբեկստանի որոշ տարածքներ, Հունաստանի, Դոնբասի որոշակի տարածքներ, ինչպես նաև Պարսից ծոցի «նավթային» պետությունները, Եգիպտոսն ու Լիբիան։ Այս մասին գրել էր «Военный обозреватель» Telegram–ալիքը՝ եթերից մի կադր հրապարակելով։

«Դա անհեթեթություն է ու գիտաֆանտաստիկ ժանրի մի հատված է հիշեցնում։ Կարելի է միայն թուրքական կողմին խորհուրդ տալ թողնել ռուսական տարածքի մասին երազանքները, այլապես նման մեծ ախորժակը կարող է շատ վատ հետևանքների հանգեցնել»,-ասել է Գեմպելը։

Թուրքիան այլևս պատճառ չունի Հայաստանի հետ սահմանները փակ պահելու համար. ԱԳ նախարար

Նրա խոսքով՝ Թուրքիան ակտիվ հետևում էր Ղրիմին, երբ վերջինս Ուկրաինայի կազմում էր, և քարոզչական ու ֆինանսական ակտիվ գործունեություն էր ծավալում թերակղզում։

«Այժմ Ղրիմը Ռուսաստանի օրինական մասն է։ Ռուսաստանը Ուկրաինա չէ, նրա հետ նման կուլիսային խաղերը չեն անցնի», - ասել է Գեմպելը։

Հիշեցնենք` 2020 թվականի ամռանը հայտնի դարձավ, որ Թուրքիայի ԶՈւ գլխավոր շտաբը մշակել է Հունաստան և Հայաստան ներխուժելու ծրագիր:

Իսկ արդեն անցյալ տարվա նոյեմբերին Թուրքիայի նախագահ Ռեջեփ Թայիփ Էրդողանը հայտարարեց նոր աշխարհակարգում հանրապետության առաջատար դիրքի մասին։

Փորձագետները դա համարում են Թուրքիայի կողմից Օսմանյան քաղաքականության կամ պանթուրքիզմի քաղաքականության իրականացման վկայություն։

Վտանգավոր մոլորությո՞ւն, թե՞ միտումնավոր քայլ. նախարարը մոռացե՞լ է Թուրքիայի պահանջները

1245
թեգերը:
Ղրիմ, Ռուսաստան, Թուրքիա
Ըստ թեմայի
Մեծ Բրիտանիան ավիակիր չի վաճառի Թուրքիային, բրիտանացիները մերժել են թուրքերի խնդրանքը. ԶԼՄ
Թուրքիան ԱԹՍ–ների մշակման ոլորտում կընդլայնի Գերմանիայի հետ համագործակցությունը
Թուրքիայում բողոքի ակցիաներ են. ուսանողական ցույցերը` լուսանկարներով
«Ես ձեզ ցույց կտամ մի բան...». հայ գործարարները շարունակում են Թուրքիայից ապրանք ներկրել
«Ռուսլան» ԱՆ-124

ԱՆ-124 «Ռուսլան»․ ինչու պետք է Ռուսաստանը վերսկսի ավիահսկայի արտադրությունը

103
(Թարմացված է 19:36 08.03.2021)
Սիրայում, Լեռնային Ղարաբաղում և աշխարհի այլ թեժ կետերում վերջին տարիների մտահոգիչ իրադարձությունները ապացուցեցին զորքերի և նյութական միջոցների օպերատիվ տեղափոխման համար ծանր ռազմական տրանսպորտային ավիացիայի կարևորությունը, գրում է Sputnik-ի ռազմական վերլուծաբանը։

Ծանր հեռահար ռազմատրանսպորտային ԱՆ-124 «Ռուսլան» ինքնաթիռը, որն ավելի քան 30 տարի շարունակում է մնալ աշխարհում իր սերիական անալոգներից ամենամեծն ու կատարյալը, Ռուսաստանում կարող է արդիականացված կերպար ու երկրորդ կյանք ստանալ։

Մարտի 2-ին Ուլյանովսկի «Ավիասթար-ՍՊ» ձեռնարկությունում տեղի ունեցած խորհրդակցության ժամանակ ՌԴ պաշտպանության նախարար Սերգեյ Շոյգուին առաջարկեցին վերականգնել ԱՆ-124 «Ռուսլան» ինքնաթիռների արտադրությունը։ Մինչև 2004 թվականը Ուլյանովսկի ավիագործարանում այդ տեսակի 56 մեքենաներից թողարկեցին 36-ը, իսկ 2020 թվականին այստեղ վերանորոգեցին ԱՆ-124 6 ինքնաթիռ, ձեռնարկության տեխնոլոգիական մակարդակը թույլ է տալիս սեղմ ժամկետներում «Ռուսլանների» սերիական արտադրություն կազմակերպել։

Ուլյանովսկի ավիաշինարարների առաջարկն անսովոր է, քանի որ ավելի վաղ նման նախաձեռնությամբ երկար տարիներ հանդես էր գալիս ՌԴ ՊՆ-ն։ Սակայն անընդհատ ինչ-որ բան խոչընդոտում էր նախագծի իրականացմանը։

Այսպես,  Ուկրաինայի ձեռնարկությունների հետ համագործակցությամբ Ուլյանովսկում «Ռուսլանների» սերրիական արտադրությունը վերսկսելու մասին 2006 թվականի որոշումը ստիպված եղան չեղարկել, քանի որ 8 տարվա ընթացքում ուկրաինական կողմն այդպես էլ շարժիչներ չմատակարարեց։

ՌԴ Արդյունաբերության և առևտրի նախարարությունում կարծում էին, որ ԱՆ-124-երի արտադրության սուր անհրաժեշտություն չկար, չէ՞ որ առկա պարկի վերանորոգումը թույլ է տալիս «Ռուսլաններ» շահագործել մինչև 2040-ականների վերջ (աշխատունակության ռեսուրսը 50 000 ժամ է, 10 000 թռիչք կամ 45 տարի)։ Մյուս կողմից՝ նույն գերատեսչությունը հավանական է համարում ռուսական ԱՆ-124 գերծանր տրանսպորտային ինքնաթիռի անալոգի արտադրություն 2020 թվականից հետո։ Գուցե հենց այսօր են «Ռուսլանի» և ռուսական ռազմատրանսպորտային ավիացիայի համար նոր հեռանկարներ բացվում։

Սիրայում, Լեռնային Ղարաբաղում և աշխարհի այլ թեժ կետերում վերջին տարիների մտահոգիչ իրադարձությունները ապացուցեցին զորքերի, սպառազինության և նյութական միջոցների օպերատիվ տեղափոխման համար ծանր ռազմատրանսպորտային ավիացիայի կարևորությունը։

Ռուսական զենքն իրեն-իրեն չի կրակում․ Զատուլինը պատասխանել է ՀՀ իշխանության մեղադրանքներին

Հիշեցնենք, որ «Ռուսլան» բազային ռազմատրանսպորտային ինքնաթիռը կարող է 4800 կմ հեռավորության վրա 120 տոննա տեղափոխել 850 կմ/ժ արագությամբ (80 տոննա բեռնվածությամբ առավելագույն հեռավորությունն աճում է մինչև 7500 կմ)։ Ամերիկյան Lockheed C-5 Galaxy անալոգը էապես զիջում է բեռնատարողունակության հարցում։ Սակայն ՌԴ ՊՆ-ն միայն շուրջ 10 ԱՆ-124 է շահագործում։ Նոր մարտահրավերներն ու սպառնալիքները ռազմատրանսպորտային ավիացիայի որակական ու քանակական աճ են պահանջում։

Առաջին անգամ պատմության մեջ

Սիրիայում բարդ ռազմաքաղաքական իրավիճակը պահպանվում է։ Հնարավոր է մոբիլ աջակցության անհաժեշտություն առաջանա, այդ պատճառով սիրիական ցամաքի վրա ընդլայնվում է ՌԴ ՕՏՈւ օպերատիվ օդանավակայանների ցանցը։

The Drive ամերիկյան պարբերականի տեղեկություններով՝ Խմեյմիմում թռիչքուղու երկարությունը մեծացվել է մինչև 3,2 կմ, ինչը թույլ է տալիս ընդունել ԱՆ-124 «Ռուսլան» «խիստ ծանրաբեռնված» ծանր ռազմատրանսպորտային ինքնաթիռները։

Ավելի վաղ ռազմատրանսպորտային ավիացիան (այդ թվում ԱՆ-124 ինքնաթիռները) Ռուսաստանից Հայաստան օպերատիվ կերպով տեղափոխեց Արցախի համար նախատեսված խաղաղապահ ուժերի 1960 զինծառայող՝ հաստիքային սպառազինության և տեխնիկայի (90 զրահամեքենա, 380 միավոր  մեքենա և հատուկ տեխնիկա) հետ մեկտեղ։ Նման գործողություններ ռազմատրանսպորտային ավիացիան պետք է մշակի նախապես, ունենա պահուստային ինքնաթիռներ, անձնակազմ, երթուղիներ ու օդանավակայաններ։

Հունվարի կեսերին Բրյանսկի մարզում, Ռուսաստանի պատմության մեջ առաջին անգամ, տեղի ունեցան Սեշչինսկիի և Տվերի ավիացիոն գնդերի անձնակազմների համատեղ ուսումնամարզական թռիչքներ `վեց Ան -124-100 «Ռուսլան» ռազմավարական ռազմատրանսպորտային ինքնաթիռների մասնակցությամբ:

Թռիչքների նպատակը՝ անձնակազմի հմտությունների կատարելագործում՝ միաժամանակ մեծ հեռավորությունների վրա հաստիքային սպառազինությամբ և ռազմատեխնիկայով զինվորական ստորաբաժանումների անձնակազմի տեղափոխում։  ՌԴ ՊՆ տվյալներով՝ 6 «Ռուսլաններ» կարող են վերցնել ավելի քան 3000 զինծառայող կամ մինչև 48 միավոր զրահատեխնիկա։

Հանկարծակի ռազմական հակամարտության պայմաններում ՌԴ տարածքում տեղակայված զորքերը պետք է գործեն որպես միասնական օրգանիզմ, օպերատիվ արձագանքեն իրավիճակի ցանկացած փոփոխման։ Դրա համար կարող են անհրաժեշտ լինել ռազմատրանսպորտային ավիացիայի տասնյակ ու  հարյուրավոր ինքնաթիռներ, և առաջիկայում Ուլյանովսկի ավիագործարանում աշխատանքը հավանաբար կշատանա։

Երկրորդ գալուստ

«Ռուսլան» ԱՆ-124-100 ինքնաթիռները կարող են օդ բարձրացնել ավելի քան 120 տոննա բեռ (880 հանդերձավորված զինծառայող կամ 4 Մի-8 ուղղաթիռ, կամ 18 մետր երկարությամբ հրթիռ, կամ 18 թեթև մարդատար ավտոմեքենա)։ ՊՆ-ից բացի, Ռուսաստանի տարբեր կառույցներում շահագործվում է ևս 20 նման ինքնաթիռ («224-րդ թռիչքային ջոկատ» պետական ավիաընկերություն, «Վոլգա-Դնեպր» ընկերություն)։ Համեմատության համար՝ ուկրաինական «Անտոնովի ավիաուղիները» ընդամենը 7 մեքենա ունեն։

Անկասկած, ԱՆ-124 տիպի ծանր մեքենաների թիվը Ռուսաստանում աճելու է։ Հավանաբար, թվային արդիականացումը, ՆԿ-32 կամ ՊԴ-14 ռուսական նոր շարժիչները, ավիոնիկայի զգալի փոփոխությունները և շասսիի կոնստրուկցիաները կհանգեցնեն նրան, որ այլ անվան տակ կթողարկվի այդ ծանր ռազմատրանսպորտային ինքնաթիռ։

IDEX 2021. ինչով կզարմացնի Աբու Դաբիում ռուսական ռազմարդյունաբերական ոլորտը

Օրինակ, ՆԱՏՕ-ում ԱՆ-124-երը վաղուց «Կոնդոր» են անվանում։ Ծանր ռազմատրանսպորտային ինքնաթիռի արտադրության վերածննդի համար անհաղթահարելի խոչընդոտներ Ուլյանովսկի գործարանում չկան։

ANTONOV ուկրաինական պետական ձեռնարկությունում նման արտադրությունն անհավանական են համարում առանց ուկրաինական մասնակցության, սակայն ավելի վաղ ՌԴ արդյունաբերության և առևտրի նախարարությունը հայտարարել էր, որ ANTONOV-ը որպես ԱՆ-124 ինքնաթիռի սերտիֆիկատ ունեցող՝ չի կատարում Ռուսաստանում թռիչքային պիտանելության պահպանման իր պարտավորությունները, և անխուսափելի է ռուսական արդյունաբերության ներգրավումը։ «Ավիասթար-ՍՊ» ուկրաինական ձեռնարկությունը առաջին տարին չէ, որ  իրականացնում  է ԱՆ-124-100 (ВТА տեսակ) և ԱՆ-124-100-150 (առավելագույն բեռնվածությունը՝ 150 տոննա) տիպի «Ռուսլանների» սերվիսային սպասարկում և արդիականացում։

Խորհրդային կոնստրուկտորական մտքի «սեփականաշնորհման» փորձերն ապարդյուն են, իսկ ԱՆ-124-ի «ուկրաինականմ ծագման» մասին ժամանակակից կիևյան թեզը քննադատության չի դիմանում։

ԱՆ-124 ինքնաթիռը ստեղծվել է Խորհրդային Միությունում՝ Վորոնեժի, Ուլյանովսկի և Կիևի ավիաընկերությունների հետ համագործակցությամբ։  Խորհրդային բանակի սպառազինությունը համալրել է 1991 թվականին։ Ի սկզբանե նախատեսված է եղել օդով միջմայրցամաքային բալիստիկ հրթիռների շարժական արձակիչները տեղափոխելու համար, որոնցից անկախ Ուկրաինան չունի: Ուլյանովսկում 56 «Ռուսլաններից» արտադրվել է 36-ը, և պատահական չէ, որ այսօր ուկրաինական ANTONOV ընկերության չորս արտադրանքի ցանկում ԱՆ-124-ը բացակայում է:

Ուկրաինական ավիաարդյունաբերության վիճակը թույլ է տալիս միայն երազել թևավոր հսկաների արտադրության մասին։ Տեխնոլոգիական դեգրադացիան Ռուսաստանի հետ միակողմանի կարգով ավանդական կապերը խզող հետխորհրդային տարածքի բոլոր երկրների հուսալի «գործընկերն» է։ Ի դեպ հայտնի խորհրդային ավիակոնստրուկտոր Օլեգ Անտոնովը, որը ծնվել է Մոսկվայի նահանգում, սովորել է Սարատովում և Լենինգրադում, որպես կոնստրուկտոր սկսել է աշխատել Մոսկվայում։ 1946 թվականից գլխավորել է Սիբիրի ավիացիայի գիտահետազոտական ինստիտուտը, որը 1952 թվականին Կիև են տեղափոխել։

Հեղինակի կարծիքը կարող է չհամընկնել խմբագրության դիրքորոշման հետ։

103
թեգերը:
սպառազինություն, ինքնաթիռ, Ռուսաստան
Ըստ թեմայի
Տարվա արդյունքները. «ցիրկոնապատում» և ՌԴ ռազմածովային նավատորմի 40 նոր նավ
Ե՞րբ օդ կբարձրանա ռուսական ՄիԳ–41 կործանիչը
Ռուսական C-400-ը «գրավում է» չորրորդ երկիրը. իսկ հետո՞
Շտապօգնություն և ոստիկանություն, արխիվային լուսանկար

Խոշոր վթար Սամարայի մոտակայքում. 7 մարդ է մահացել, հայտնի են դեպքի մանրամասները

79
(Թարմացված է 12:02 08.03.2021)
Մեքենաների բախման հետևանքով մահացածները երիտասարդներ են, ըստ տեղեկությունների` 17-24 տարեկան։

ԵՐԵՎԱՆ, 8 մարտի – Sputnik. Սամարայի մոտակայքում բեռնատարը բախվել է «Volkswagen Tiguan» մարդատար ավտոմեքենային, վթարի հետևանքով 7 մարդ է մահացել։ Տեղեկությունը հայտնում է ՌԻԱ Նովոստին։

Մարդատար ավտոմեքենան դուրս է եկել հանդիպակաց գոտի: Տեղեկություններ կան, որ բեռնատարի վարորդը չի տուժել:

«Մարդատար մեքենան գերբեռնված է եղել, բոլոր մահացածներն էլ այդ մեքենայում են եղել։ Նախնական տվյալներով՝ մեղավորը «Volkswagen»–ի վարորդն է», - ասել է իրավապահ մարմինների աղբյուրը։

Ողբերգական ավտովթար Երևանի Հալաբյան փողոցում. վարորդն ու ուղևորը մահացել են

Գործակալության զրուցակցի տվյալներով` մահացածները 17-24 տարեկան են։ Ավելի վաղ տեղեկություն էր տարածվել, որ նրանցից հինգը տղամարդիկ են, երկուսը` կանայք:

Մեքենաները բախվել են Մ5 «Ուրալ» (Վոլժսկի-Կուրումոչ) ճանապարհին։

Խոշոր ավտովթար Արմավիրի մարզում․ կա 5 վիրավոր

79
թեգերը:
ավտոմեքենա, բեռնատար, Մահ, վթար, Ռուսաստան
Աշոտ Մինասյան

Կողոպտել են «Սիսական» ջոկատի հրամանատար Աշոտ Մինասյանի տունը և գողացել նրա շքանշանները

226
(Թարմացված է 23:17 08.03.2021)
Այդ տանը ոչ ոք հիմա չի ապրում։ Այն, որպես հայրական օջախ, վերածվել էր Աշոտ Մինասյանի` Արցախյան պատերազմում զոհված եղբոր` Աղվան Մինասյանի թանգարանի։

ԵՐԵՎԱՆ, 8 մարտի - Sputnik․ Անհայտ անձինք կողոպտել են «Սիսական» ջոկատի լեգենդար հրամանատար Աշոտ Մինասյանի հայրական տունը։ Լուրը Sputnik Արմենիայի հետ զրույցում հաստատեց նրա քրոջ դուստրը` Արմինե Սահակյանը։

Նշենք, որ Աշոտ Մինասյանի հայրական տունը գտնվում է Սիսիանի Լծեն գյուղում։

Մեր զրուցակցի խոսքով` այդ տանը ոչ ոք հիմա չի ապրում։ Այն որպես հայրական օջախ վերածվել էր Արցախյան պատերազմին մասնակցած որդիների թանգարանի։ Կողոպուտի մասին նրանց զանգել, տեղեկացրել է հարևանը։

«Ջարդել են ամեն ինչ և տարել են հրամանատարի` առաջին Արցախյան պատերազմի ռազմական շքանշանները: Տարել են նաև զոհված մորեղբորս` Աղվանի Մինասյանի շքանշանները ու նրա մատանին, որը պահում էինք որպես մասունք։ Աղվանի նկարները գցել են գետնին և քայլել վրայով»,–ասաց հրամանատարի ազգականը` հավելելով, որ հնարավոր է` դիտավորյալ արված քայլ է` վախեցնելու, լռեցնելու նպատակ են ունեցել։

Սահակյանը նշեց, որ տան ամեն ինչը խառնել, թափել են գետնին, տանը եղած օղիները մասամբ խմել, մասամբ բացել ու թափել են։ Սենյակներից մեկի վարագույրը մասամբ այրված է եղել, նա ենթադրում է, որ գուցե փորձել են այրել տունը։

Հիշեցնենք, որ ՀՀ ազգային անվտանգության ծառայությունը 2020-ի նոյեմբերի 14-ին ՀՀ վարչապետ Նիկոլ Փաշինյանի սպանության փորձի փաստով հարուցված քրեական գործի շրջանակներում որպես կասկածյալներ ձերբակալել էր մի շարք անձանց, այդ թվում՝ «Հայրենիք» կուսակցության ղեկավար Արթուր Վանեցյանին, ՀՀ ԱԺ նախկին պատգամավոր, ՀՀԿ խմբակցության ղեկավար Վահրամ Բաղդասարյանին, ՀՅԴ անդամ Աշոտ Ավագյանին, ինչպես նաև Սիսիանի կամավորականների ջոկատի հրամանատար Աշոտ Մինասյանին։

Բոլոր 4 կասկածյալներին մեղադրանք է առաջադրվել Քրեական օրենսգրքի 35-300-րդ հոդվածի 1-ին մասի (իշխանության յուրացման), 35-305-րդ հոդվածի (պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման) և 235-րդ հոդվածի (ապօրինի զենք զինամթերք պահելու) կասկածանքով։

226
թեգերը:
Սիսիան, շքանշան, տուն, գողություն, կողոպուտ, Աշոտ Մինասյան