Մարիա Զախարովա

ԵՄ–ին չհաջողվեց Ռուսաստանի համար «հրապարակային ճիպոտահարություն» կազմակերպել. Զախարովա

69
(Թարմացված է 14:44 09.02.2021)
ՌԴ ԱԳՆ պաշտոնական ներկայացուցիչ Մարիա Զախարովան որպես դավաճանություն բնութագրեց այն փաստը, որ ընդդիմադիր Ալեքսեյ Նավալնու կողմնակիցները Եվրամիության և ԱՄՆ-ի պաշտոնական անձանց հետ քննարկում են Ռուսաստանի նկատմամբ պատժամիջոցներ սահմանելու հնարավորությունը։

ԵՐԵՎԱՆ, 9 փետրվարի – Sputnik. Եվրամիությունն ուզում էր Ռուսաստանի համար «հրապարակային ճիպոտահարություն» կազմակերպել Ժոզեփ Բորելի Մոսկվա կատարած այցի ժամանակ, բայց չստացվեց, հայտարարել են ՌԴ ԱԳՆ-ում։  Արտաքին քաղաքականության և անվտանգության հարցերով ԵՄ ներկայացուցիչը Ռուսաստանի մայրաքաղաքում երեք օր անցկացրեց` փետրվարի 4-6-ը։ Այցելությունից հետո նա հայտարարեց, որ եվրոպական արտգործնախարարների փետրվարի 22-ին սպասվող հանդիպման ընթացքում կարող է Ռուսաստանի դեմ պատժամիջոցներն ընդլայնելու որոշում ընդունվել։

 «Ձեզ մի գաղտնիք բացեմ մեր արևմտյան գործընկերների մասին. երբ ճիպոտահարությունը նրանց մոտ չի ստացվում, հիստերիա է սկսվում։ Նրա խնդիրը (Բորելի–խմբ.) այդ հրապարակային ճիպոտահարությունն անցկացնելն էր, որը  նրանք մանրամասն ծրագրել էին։

Եվ այսպիսի կասկադ. և՛ հանրահավաքների մասին խոսել, և՛ լրագրողների մասին խոսել, և՛ Նավալնուն գլխավոր թեմա դարձնել։ Ամբողջը մի կույտի մեջ խառնել, լցնել մեզ վրա և գոհ դեմքով հեռանալ»,-մեկնաբանել է ՌԴ ԱԳՆ պաշտոնական ներկայացուցիչ Մարիա Զախարովան «Вести FM»-ի եթերում։

Նրա կարծիքով` ճիպոտահարությունը չստացվեց, քանի որ ռուսական կողմն առաջարկել է քննարկել իրական հարցեր` խնդիրներից մինչև զարգացման հեռանկարներ:

Ավելի վաղ ՌԴ ԱԳՆ-ն հայտարարել էր, որ Բրյուսել հասնելուն պես Ռուսաստանի մասին Բորելի արած քննադատական արտահայտությունները հակադրության մեջ են այցի ընթացքում նրա ելույթների հետ։  

Նավալնին պետք է Արևմուտքին՝ Ռուսաստանում իրավիճակն ապակայունացնելու համար․ Պատրուշև

Անցած շաբաթ Ռուսաստանը persona non grata(անցանկալի անձ) էր հայտարարել չարտոնված ցույցերին մասնակցած դիվանագետներին Շվեդիայից, Լեհաստանից և Գերմանիայից։ Մոտակա օրերին նրանք կհեռանան Ռուսաստանից։ Ի պատասխան այս երկրները հետ են ուղարկում երեք ռուս դիվանագետի։ ԱԳՆ-ն հայտարարել է, որ դա հայելային միջոցառում չի համարում։

69
թեգերը:
Եվրամիություն, Ռուսաստան, Մարիա Զախարովա
Նիկոլ Փաշինյանն ու Արմեն Սարգսյանը

Ի՞նչ են խոսել Պուտինն ու Փաշինյանը․Կրեմլի ու ՀՀ վարչապետի կայքերի տարբեր ձևակերպումները

845
(Թարմացված է 21:37 25.02.2021)
Ըստ վարչապետի մամուլի ծառայության՝ Պուտինն աջակցություն է հայտնել «օրինական իշխանություններին», մինչդեռ Կրեմլի հաղորդագրության մեջ նման տող չկա։

ԵՐԵՎԱՆ, 25 փետրվարի - Sputnik. ՀՀ վարչապետ Նիկոլ Փաշինյանն ու ՌԴ նախագահ Վլադիմիր Պուտինն այսօր հեռախոսազրույց են ունեցել հայկական կողմի նախաձեռնությամբ։ Հեռախոսազրույցի ընդհանուր բովանդակությունը Կրեմլի պաշտոնական կայքում և Հայաստանի վարչապետի պաշտոնական կայքում տարբեր ձևակերպումներ է ստացել, ինչն արդեն համացանցի օգտատերերի ուշադրությանն է արժանացել ու քննարկումների պատճառ դարձել։

«Վլադիմիր Պուտինը կողմ է արտահայտվել Հայաստանում կարգուկանոնի պահպանմանը, օրենքի շրջանակներում իրավիճակի կարգավորմանը: Ռուսաստանի պետության ղեկավարը բոլոր կողմերին զսպվածության կոչ է արել»,- նշված է Կրեմլի պաշտոնական կայքում։

Վարչապետի մամուլի ծառայությունը կայացած հեռախոսազրույցի բովանդակության վերաբերյալ «փոքր-ինչ» այլ ձևակերպում է արել։

«Նախագահ Պուտինն իր աջակցությունն է հայտնել Հայաստանի օրինական իշխանություններին և հույս հայտնել իրավիճակի շուտափույթ կարգավորման կապակցությամբ»,- նշված է վարչապետի պաշտոնական կայքում։

Փաշինյանի մամուլի ծառայության տարածած հաղորդագրությունից ստացվում է, որ ՌԴ նախագահն իր աջակցությունն է հայտնել «օրինական իշխանություններին», մինչդեռ Կրեմլի հաղորդագրության մեջ նման տող չկա։

Sputnik Արմենիան ձևակերպման փոփոխության վերաբերյալ մեկնաբանություն փորձեց ստանալ վարչապետի մամուլի ծառայությունից։ Սակայն Փաշինյանի մամուլի խոսնակ Մանե Գևորգյանը մեր հեռախոսազանգերին չպատասխանեց։

Անթույլատրելի է նախագահի նկատմամբ ճնշման որևէ փորձ. Սարգսյանի աշխատակազմի հայտարարությունը

845
թեգերը:
Հայաստան, Վլադիմիր Պուտին, Նիկոլ Փաշինյան
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
«Գնում եմ կառավարություն, նիստ կանենք և որոշում կկայացնենք». Փաշինյանն ավարտեց երթը
Աղբամաններ, նստարաններ, բարիկադներ․ Մանուկյանի կոչով ընդդիմադիրները փակում են ԱԺ–ի մուտքը
ԳՇ պետը շարունակում է մնալ իր պաշտոնում. ի՞նչ քայլեր են պահանջվում ՀՀ նախագահից
Նիկոլ Փաշինյան, Վլադիրմիր Պուտին. արխիվային լուսանկար

Նիկոլ Փաշինյանը զանգել է Վլադիմիր Պուտինին

494
(Թարմացված է 20:15 25.02.2021)
Տեղեկացվում է, որ Ռուսաստանի Դաշնության ղեկավարը բոլոր կողմերին զսպվածության կոչ է արել։

ԵՐԵՎԱՆ, 25 փետրվարի - Sputnik. ՌԴ նախագահ Վլադիմիր Պուտինը և ՀՀ վարչապետ Նիկոլ Փաշինյանը հեռախոսազրույց են ունեցել, որի ընթացքում քննարկել են Հայաստանում տիրող իրավիճակը: Տեղեկությունը հայտնում է Կրեմլի կայքը:

Նշվում է, որ հեռախոսազրույցը կայացել է հայկական կողմի նախաձեռնությամբ։

«Քննարկվել է իրավիճակը Հայաստանում... Պուտինն արտահայտվել է Հայաստանում կարգուկանոնի և հանդարտության պահպանման, օրենքի շրջանակներում իրավիճակի կարգավորման օգտին», -ասված է հաղորդագրության մեջ:

ՌԴ նախագահը բոլոր կողմերին զսպվածության կոչ է արել։

ՀՀ ԶՈւ Գլխավոր շտաբն այսօր` փետրվարի 25-ին, պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։

Նրանք հայտարարել են, որ Բաղրամյան պողոտայում` ԱԺ-ի դիմաց, անժամկետ նստացույց են իրականացնելու։

494
թեգերը:
հեռախոսազրույց, Ռուսաստան, Հայաստան, Նիկոլ Փաշինյան, Վլադիմիր Պուտին
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Գլխավոր շտաբի հայտարարությունը հաստատում է` իրավիճակը շատ լուրջ է. տեր Եսայի քահանա
Իրավիճակը պետք է հանդարտվի առանց բռնության. ԵԱՀԿ նախագահը` հայաստանյան դեպքերի մասին
Կստորագրի՞ արդյոք նախագահը Օնիկ Գասպարյանի ազատման որոշումը
Կարեն Վրթանեսյան

Ինչո՞ւ է Փաշինյանը 180 աստիճանով փոխում իր որոշումները. Կարեն Վրթանեսյան

0
Կարեն Վրթանեսյանը մեր եթերում նշել է, որ իշխանությունը պահելու փաշինյանական նկրտումներն այնքան մեծ են, որ նա առաջնորդվում է պահի թելադրանքով`մեկ կասկածի տակ է դնում ռուսական «Իսկանդերի» արդյունավետությունը, մեկ հայտարարում Ռուսաստանի հետ համագործակցության մասին։ 
Ինչո՞ւ է Փաշինյանը 180 աստիճանով փոխում իր որոշումները. Վրթանեսյանը` ՌԴ հետ համագործակցության մասին

ԶՈւ բարեփոխումների և Ռուսաստանի հետ համագործակցության մասին Նիկոլ Փաշինյանի հայտարարությունները ոչ այլ ինչ են, քան դատարկախոսություն։ Sputnik Արմենիայի հետ զրույցում նման կարծիք հայտնեց  ռազմական փորձագետ Կարեն Վրթանեսյանը։

«Նիկոլ Փաշինյանը շատ կարճ ժամանակում 180 աստիճանով փոխում է իր դիրքորոշումները։ Իր նպատակն այս պահին իշխանությունը պահելն է»,- ասաց նա։

Նրա կարծիքով` իշխանությունը պահելու փաշինյանական նկրտումներն այնքան մեծ են, որ նա որևէ հայտարարություն անելիս առաջնորդվում է պահի թելադրանքով`մեկ կասկածի տակ է դնում ռուսական «Իսկանդերի» արդյունավետությունը, մեկ հայտարարություն տարածում Ռուսաստանի հետ համագործակցության մասին։ 

«Եթե այդ պահին, այդ վայրկյանին իրեն թվում է, որ սա է պետք իշխանությունը պահպանելու համար, ապա ինքը դա է անելու, միայն թե մեկ օր կամ մեկ շաբաթ ավել կառավարական աթոռին նստի»,- նշեց Վրթանեսյանը։

Հիշեցնենք, որ փետրվարի 23-ին, Նիկոլ Փաշինյանը 1in.am-ին տված հարցազրույցում, անդրադառնալով նախկին նախագահ Սերժ Սարգսյանի` 44-օրյա պատերազմի ընթացքում «Իսկանդերի» ժամանակին չօգտագործելու վերաբերյալ մեղադրանքներին, ասել է, որ Սարգսյանն «ինքը գիտի իր հարցերի պատասխանը». «Թող հարց տա՝ ինչո՞ւ « Իսկանդերը»  չի պայթել: Կամ ինչու՞ է այն պայթել, օրինակ, 10% -ով»։

Իսկ նախօրեին` փետրվարի 25-ին, կառավարության նիստում վարչապետ Փաշինյանը` խոսելով ԶՈւ բարեփոխումների մասին, ասել է, որ այդ բարեփոխումների շրջանակում ՀՀ-ն նախատեսում է էլ ավելի սերտորեն համագործակցել ՌԴ-ի հետ։

0