«Սպուտնիկ V» աշխարհում առաջինը գրանցված պատվաստանյութը կորոնավիրուսի դեմ

Եվրոպան հանկարծ սկսեց վստահել «Սպուտնիկ V»-ին

123
(Թարմացված է 23:41 05.02.2021)
Օրերս Lancet գիտական պարբերականը դրական արձագանք է հրապարակել «Սպուտնիկ V» պատվաստանյութի վերաբերյալ, ինչն Արևմուտքում «զարմանք» է առաջացրել, բայց և դրդել է համագործակցության: Այդպես, Գերմանիան արդեն հարթակներ է պատրաստում ռուսական պատվաստանյութի արտադրության համար։

Ավստրիայի կանցլեր Սեբաստիան Կուրցը կոչ է արել Եվրոպական բժշկական գործակալությանը (EMA) Ռուսաստանից ու Չինաստանից պատվաստանյութերի գրանցման հնարավորությունը դիտարկելիս հրաժարվել «աշխարհաքաղաքական տաբուներից»:

Ավելի վաղ Ֆրանսիայի նախագահ Էմանուել Մակրոնը խոսել էր այն մասին, որ «Սպուտնիկ V» - ի օգտագործման մասին որոշումը պետք է լինի ոչ թե քաղաքական, այլ՝ գիտական․ այն պետք է հիմնված կլինի Lancet հանդեսում կլինիկական հետազոտությունների երրորդ փուլի արդյունքների հրապարակման վրա։ Մադրիդը հայտնել է, որ Իսպանիան պատրաստ է  օգտագործելու ռուսական դեղամիջոցը (EMA-ի հաստատման դեպքում):

Ինչ վերաբերում է Գերմանիային՝ այդ հարցի շուրջ Մոսկվայի հետ ակտիվորեն համագործակցելու՝ երկրի ղեկավարության մտադրությունը ակնհայտ դարձավ դեռ հունվարին, երբ Անգելա Մերկելը հրապարակավ հայտարարեց, որ Բեռլինը պատրաստ է աջակցել ռուսական պատվաստանյութի եվրոպական գրանցման հարցում:

Ձևական տեսանկյունից իրավիճակն այսպիսինն է՝ Lancet-ում թարմ հրապարակումը հանկարծ բոլորի աչքերը բացեց «Սպուտնիկ V» -ի իսկական որակի վրա։ Բայց և պարզվել է, որ Գերմանիայում արդեն ամբողջ թափով ընթանում է պատվաստանյութի արտադրության հարթակի պատրաստումը։

Արևմուտքը պատրաստ է կռիվ տալ պատվաստանյութի համար

Ընդհանուր առմամբ, գերմանացիները հերթական անգամ հաստատեցին Եվրոպայի առաջնորդի իրենց կարգավիճակը։ Մինչ մյուսները սպասում էին, թե իրադարձություններն ինչպես կզարգանան, Գերմանիան իր օգտին փակեց քաղաքականապես նշանակալի և տնտեսապես շահավետ թեման։

Իրավիճակը ճիշտ նույնն է, ինչ «Հյուսիսային հոսք-2»-ի դեպքում, որի իրականացման համար Բեռլինն ամեն կերպ պայքարում է, չնայելով «Կրեմլի հանցագործություններին», քանի որ դա չափազանց կարևոր և հեռանկարային հարց է։ Ռուսական պատվաստանյութը չափազանց լավն էր այն անտեսելու համար, իսկ Արևմուտքն ամենասկզբից պատրաստվում էր հենց այդպես վարվել։

Ընդ որում, Եվրոպայի գործերն էլ փայլուն չեն։

Պատվաստանյութերի դեֆիցիտը մեծ խնդիր է։ Դեղաչափերի սուր պակաս կա, և պայքարը դրանք գնելու համար ավելի ու ավելի սկանդալային է դառնում։

Մեկ այլ խոչընդոտ դարձավ լուրջ հիասթափությունը եվրոպական պատվաստանյութից՝ անգլո-շվեդական AstraZeneca արդյունավետության շատ միջին ցուցանիշներ ունի (60 տոկոսից մի փոքր շատ)։

Երկու ամերիկյան պատվաստանյութերը՝ Pfizer-ն և Moderna-ն, գերազանց են արդյունավետության առումով (մոտ 95 տոկոս), բայց կա նաև մեդալի հակառակ կողմը: Սովորաբար նշում են երեք հանգամանք. ա) բարձր գին, բ) շատ խիստ արտադրական-լոգիստիկ պահանջներ, ինչը դժվարացնում է պատրաստումը, պահպանումն ու տեղափոխումը գ) պատվաստանյութի պաշտպանական գործողության անհայտ տևողությունը:

Կա ևս մի պահ, որի մասին ԶԼՄ-ներն ու իշխանությունները շատ հազվադեպ են խոսում, բայց որի մասին ակնհայտորեն հաճախ են մտածում մարդիկ։ Երկու պատվաստանյութերը ստեղծվել են նորարարական տեխնոլոգիայով, որը դեռ չի անցել երկարաժամկետ հեռանկարում մարդու առողջության համար անվտանգության լիարժեք ստուգում: Դա է պատճառը, որ պատվաստումից հետո մահվան յուրաքանչյուր դեպք անմիջապես նման արձագանք է առաջացնում, իսկ մահվան դեպքերը շատ են, թեև, իհարկե, «դրանից հետո» չի նշանակում «դրա հետևանքով»։

Հրապարակվել են «Սպուտնիկ V» պատվաստանյութի հետազոտությունների երրորդ փուլի արդյունքները

Այս ֆոնին պաշտոնապես՝ հետազոտությունների ավարտված բոլոր փուլերով, փայլեց «Սպուտնիկ V»-ն, որը փոքր-ինչ պակաս արդյունավետ է ամերիկյան պատվաստանյութերից  (91,6 տոկոս), բայց զգալիորեն ավելի էժան է, չի պահանջում գերբարդ  ջերմաստիճանային ռեժիմ ու դրա հետ մեկտեղ ստեղծվել է այն հարթակի վրա, որն արդեն տասնամյակներ գոյություն ունի ու այդ պատճառով էլ ստուգված է անվտանգության համար ողջ «երկայնքով ու լայնությամբ»:

Ռուս գիտնականների առաջընթացն այժմ արժանանում է Արևմուտքի ամենագովասանական խոսքերին։ Այնտեղ «Սպուտնիկ V»-ի ստեղծումը համեմատվում է 1957 թվականին Խորհրդային Միության կողմից առաջին արհեստական արբանյակի գործարկման հետ։ Այս զուգահեռը անցկացրած գերմանական Welt-ի լրագրողը նշել է, որ «այդ ժամանակից ի վեր Ռուսաստանը տեխնիկական տեսանկյունից գրեթե ոչնչով չէր կարող զարմացնել Արևմուտքին»։

Ու դա ասված է մի երկրի մասին, որը համաշխարհային առաջատար է այնպիսի ոլորտներում, ինչպիսիք են ատոմային էներգետիկան, գերձայնային տեխնոլոգիաները, ռադիոէլեկտրոնային պայքարը և այլն: Դա ասված է այն երկրի մասին, որտեղ ստեղծվել և գերիշխում է, ընդ որում ՝ առանց արտաքին մրցակցության սահմանափակման՝ ինչպես Չինաստանում, սեփական ինտերնետ միջավայրը (որոնողական համակարգ, փոստային ծառայություններ, սոցիալական ցանցեր, հակավիրուսային ծառայություններ եւ այլն)։ Դա ասված է մի երկրի մասին, որի թվայնացման մակարդակի մասին Արևմուտքը կարող է միայն երազել, ընդ որում ՝ անպտուղ։

Ինքնաբերաբար հարց է առաջանում՝ դա Ռուսաստա՞նը չունի տեխնոլոգիական ձեռքբերումներ, որոնք կարող են զարմացնել Արևմուտքին, թե Արևմուտքը համառորեն չի նկատում Ռուսաստանի հաջողությունները, քանի դեռ կյանքն այդ ձեռքբերումները Արևմուտքի աչքը չի մտցնում, ընդ որում այնպիսի ուժով, որ բացարձակապես անհնար է դառնում անտեսել դրանք։

Նման քամահրանքն ու նպատակաուղղված ցածրացնելը, իհարկե, կարող է վիրավորել ու հիասթափեցնել։ Մյուս կողմից, կա նաև իր դրական կողմն այն բանում, որ Եվրոպան և ԱՄՆ-ը համառորեն շարունակում են թերագնահատել Ռուսաստանին, ինչը թույլ է տալիս այդ երկրին մեկը մյուսի հետևից անակնկալներ մատուցել։ Եվ հաղթել, երբ անհրաժեշտություն է առաջանում։

123
թեգերը:
կորոնավիրուս, աշխարհ, Ռուսաստան, Սպուտնիկ V, պատվաստանյութ
թեմա:
Կորոնավիրուսը աշխարհում (1020)
Ըստ թեմայի
«Pfizer» պատվաստանյութը գրանցելու համար կարգավորիչի վրա ճնշում է գործադրվել. Le Monde
Ո՞րն է այլ պատվաստանյութերի համեմատ «Սպուտնիկ V»-ի «ինովացիոն» տարբերությունը
«Կաթվածաբեր» պատվաստանյութը. Հայաստանը պատրաստվո՞ւմ է կորոնավիրուսի դեմ պայքարել Pfizer–ով

Սուպեր Ժորիկը նոր ռեկորդներ է սահմանում

0
(Թարմացված է 23:04 19.04.2021)
Ընդամենը մի քանի օրվա ընթացքում տեսահոլովակը մոտ 30 մլն դիտում է գրանցել։ Հումորիստը շտապել է հետևորդներին ուրախացնել նորությամբ և տեսահոլովակով։

ԵՐԵՎԱՆ, 19 ապրիլի – Sputnik․ Միխայիլ Գալուստյանի բեմական կերպարը՝ սուպեր Ժորիկը, ռեկորդներ է սահմանում նոր՝ «Չաո-Չաո» տեահոլովակով։ Այն ընդամենը մեկ շաբաթում գրանցել է ավելի քան 30 միլիոն դիտում: Հումորիստը որոշել է Instagram-ում իր հետևորդներին ուրախացնել՝ տեղադրելով տեսահոլովակի իր տարբերակը։

«Ընկերներ, սուպեր Ժորիկն արդեն 30 միլիոն դիտում ունի։ Շնորհակալություն նման ակտիվության համար։ Ամբողջ աշխատանքային շաբաթվա ընթացքում լիցքավորվեք այդ պարի էներգիայով»,- գրել է նա։

Օգտատերերը բազմաթիվ զվարճալի մեկնաբանություններ են գրել։

«Իմ երեխաներն են ձեր դիտումներն ապահովում», «Բավական է Միշան հոնքը բարձրացնի, համարը պատրաստ է», «Դիտումներից միլիոնն իմն է», «Աստղը ցնցվա՞ծ է», «Միջին վիճակագրական վագր»։

Միշա Գալուստյանի և Սարիկ Անդրեասյանի խնդիրը լուծել է դատարանը

Հիշեցնենք, որ Միխայիլ Գալուստյանը հայտնի է դարձել ՈՒՀԱ-ում հանդես գալու տարիներին: Նա նաև նկարահանվել է մի քանի ֆիլմերում։ Նրա կարողությունը, Forbes-ի գնահատմամբ, կազմում է տարեկան 2,2 մլն դոլար:

0
թեգերը:
տեսահոլովակ, Միխայիլ Գալուստյան
Ըստ թեմայի
Սարիկ և Ղևոնդ Անդրեասյանները պարտքերի դիմաց զիջել են իրենց վերջին ֆիլմի իրավունքները
«Ցավոք, հասկանում է». Մարտիրոսյանը խոսել է կնոջ հայերենի իմացության ու հայերի պաթոսի մասին
«Ինքդ քո ընթրիքը պատրաստիր». Միխայիլ Գալուստյանը ընտանեկան կյանքից դրվագներ է պատմել
ՆԱՏՕ–ի գրասենյակը

ՆԱՏՕ-ն իր աջակցությունն է հայտնել Չեխիային` ընդդեմ Ռուսաստանի

51
(Թարմացված է 19:33 18.04.2021)
Հյուսիսատլանտյան դաշինքը աջակցություն է հայտնում Վրբետիցե գյուղում սպառազինությունների պահեստի պայթյունի հետևանքով զոհվածների հարազատներին և նշում, որ մեղավորները պետք է պատասխանատվության ենթարկվեն:

ԵՐԵՎԱՆ, 18 ապրիլի – Sputnik. ՆԱՏՕ-ն իր աջակցությունն է հայտնել Չեխիային, որը մեղադրում է Ռուսաստանին 2014 թվականին չեխական Վրբետիցե գյուղում սպառազինությունների պահեստի պայթյունի հնարավոր մասնակցության համար։ Այս մասին գրում է ՌԻԱ Նովոստին:

«Մենք սատարում ենք մեր դաշնակցին՝ Չեխիայի Հանրապետությունը, իր տարածքում Ռուսաստանի չարամիտ գործողությունների դեմ պայքարի և հետաքննության հարցում: Այդ գործողությունները համապատասխանում են Ռուսաստանի վտանգավոր վարքագծի մոդելին»,- գործակալությանն ասել է ՆԱՏՕ–ի ներկայացուցիչը:

Նա ընդգծել է, որ ՆԱՏՕ-ն «աջակցություն է հայտնում Վրբետիցեում պայթյունի ժամանակ զոհվածների մտերիմներին: Մեղավորները պետք է պատասխանատվության ենթարկվեն»:

«ՆԱՏՕ-ի ձեռքի գործն է»․ ի՞նչ է կատարվում ռուսական սահմանների մոտ

Այսօր`ավելի վաղ, Ռուսաստանի ԱԳՆ-ն բողոքի նոտա է հղել Չեխիայի իշխանություններին ռուս դիվանագետների արտաքսման համար:

Հիշեցնենք, որ Չեխիայի ԱԳ նախարարի ժամանակավոր պաշտոնակատար Յան Գամաչեկը նախօրեին հայտարարել էր ՌԴ դեսպանության 18 աշխատակցի արտաքսելու որոշման մասին, որոնք, նրա խոսքով, ՌԴ Արտաքին հետախուզության ծառայության և Գլխավոր հետախուզական վարչության սպաներ են և առնչություն են ունեցել Վրբետիցե գյուղի զինամթերքի պահեստում 2014 թվականին տեղի ունեցած պայթյունին:

ՆԱՏՕ-ն հրահրում է սպառազինությունների համաշխարհային մրցավազք. ՌԴ ԱԳՆ

51
թեգերը:
Ռուսաստան, Չեխիա, ՆԱՏՕ
Ըստ թեմայի
ՆԱՏՕ-ն հրահրում է սպառազինությունների համաշխարհային մրցավազք. ՌԴ ԱԳՆ
Մեկը ՆԱՏՕ–ն է. եվրոպացիներին կարգի հրավիրելու համար ԱՄՆ–ն երկու գործիք է օգտագործում
Ինչպես է ՆԱՏՕ-ն վերակազմակերպվում Բայդենի օրոք
Վաշինգտոնը գայթակղում է Կիևին ՆԱՏՕ-ին անդամակցությամբ