«Զվարթնոց» օդանավակայան

Հայերը կգան փող աշխատելու, ոչ թե հանգստանալու. Տյուրինան` ՌԴ մեկնելու թույլտվության մասին

325
(Թարմացված է 15:55 27.01.2021)
ՌԴ կառավարությունը 2021-ի փետրվարից թույլ կտա, որ ԵԱՏՄ քաղաքացիները Հայաստանից և Բելառուսից մուտք գործեն Ռուսաստան, եթե նրանք կորոնավիրուսի բացասական թեստ ունենան:

ԵՐԵՎԱՆ, 27 հունվարի - Sputnik. Ռուսաստանի զբոսաշրջային ինդուստրիայի միության մամուլի քարտուղար Իրինա Տյուրինան ՌԻԱ Նովոստիին ասել է, որ Հայաստանի քաղաքացիների համար Ռուսաստանի տարածք մուտք գործելու թույլտվությունը չի անդրադառնա ներգնա զբոսաշրջային հոսքի վրա, քանի որ այդ երկրի քաղաքացիների ճնշող մեծամասնությունը Ռուսաստան է մեկնում մասնավոր այցով կամ աշխատելու նպատակով:

Տյուրինան հիշեցրել է, որ զբոսաշրջիկներ են համարվում նրանք, ովքեր գալիս են փող ծախսելու համար։

«Համավարակից առաջ մեծ հոսք կար Ուկրաինայից, բայց բոլորի համար ակնհայտ է, որ ուկրաինացիները գալիս են Ռուսաստան ոչ թե փող ծախսելու, այլ փող աշխատելու։ Նույնը կարելի է ասել նաև Հայաստանի քաղաքացիների մասին», - պարզաբանել է գործակալության զրուցակիցը։

Նա ասել է, որ 2019 թվականին Հայաստանից Ռուսաստան է մեկնել 816,45 հազար մարդ:

«Ամենից շատ գալիս էին մասնավոր նպատակներով (410,8 հազար մարդ)։ Երկրորդ տեղում են նրանք, ովքեր աշխատելու համար են եկել (170,4 հազար մարդ), նրանց հաջորդում են գործնական նպատակներով եկածները (145,7 հազար մարդ)», - հստակեցրել է միության ներկայացուցիչը։

Հատկանշական է, որ միայն 12,6 հազար մարդ է զբոսաշրջային նպատակներով մեկնել Ռուսաստան։

«Երբ տվյալներ ենք հավաքում այն երկրների վերաբերյալ, որտեղից զբոսաշրջիկներ են գալիս Ռուսաստան, մենք նկատի չունենք Հայաստանը, քանի որ այդ երկիրը չի մտնում նույնիսկ այդ վարկանիշի թոփ-30-ում։ Այդ պատճառով Հայաստանի քաղաքացիների՝ Ռուսաստան այցելելու թույլտվությունը զբոսաշրջային հոսքը զգալիորեն չի աճի»,– ամփոփել է Տյուրինան։

Հիշեցնենք` ՀՀ վարչապետ Նիկոլ Փաշինյանը կառավարության այսօրվա նիստում հայտարարեց, որ ՀՀ քաղաքացիները կորոնավիրուսի թեստի բացասական արդյունքի առկայության դեպքում փետրվարի 1-ից կկարողանան օդային ճանապարհով մեկնել Ռուսաստան:

325
թեգերը:
թռիչք, Ռուսաստան, Հայաստան
Շտապօգնություն և ոստիկանություն, արխիվային լուսանկար

Խոշոր վթար Սամարայի մոտակայքում. 7 մարդ է մահացել, հայտնի են դեպքի մանրամասները

49
(Թարմացված է 12:02 08.03.2021)
Մեքենաների բախման հետևանքով մահացածները երիտասարդներ են, ըստ տեղեկությունների` 17-24 տարեկան։

ԵՐԵՎԱՆ, 8 մարտի – Sputnik. Սամարայի մոտակայքում բեռնատարը բախվել է «Volkswagen Tiguan» մարդատար ավտոմեքենային, վթարի հետևանքով 7 մարդ է մահացել։ Տեղեկությունը հայտնում է ՌԻԱ Նովոստին։

Մարդատար ավտոմեքենան դուրս է եկել հանդիպակաց գոտի: Տեղեկություններ կան, որ բեռնատարի վարորդը չի տուժել:

«Մարդատար մեքենան գերբեռնված է եղել, բոլոր մահացածներն էլ այդ մեքենայում են եղել։ Նախնական տվյալներով՝ մեղավորը «Volkswagen»–ի վարորդն է», - ասել է իրավապահ մարմինների աղբյուրը։

Ողբերգական ավտովթար Երևանի Հալաբյան փողոցում. վարորդն ու ուղևորը մահացել են

Գործակալության զրուցակցի տվյալներով` մահացածները 17-24 տարեկան են։ Ավելի վաղ տեղեկություն էր տարածվել, որ նրանցից հինգը տղամարդիկ են, երկուսը` կանայք:

Մեքենաները բախվել են Մ5 «Ուրալ» (Վոլժսկի-Կուրումոչ) ճանապարհին։

Խոշոր ավտովթար Արմավիրի մարզում․ կա 5 վիրավոր

49
թեգերը:
ավտոմեքենա, բեռնատար, Մահ, վթար, Ռուսաստան

Սարսափելի դեպք Օմսկի մարզում. հրդեհի զոհ են դարձել բազմազավակ մայրն ու 2 փոքրիկները

25
(Թարմացված է 11:28 08.03.2021)
Տեղեկություններ կան, որ ընտանիքի հայրը գործիք է նորոգել, հետո այն դրել վառարանի մոտ, դետալները հալվել են, ինչը կարող էր հրդեհի պատճառ դառնալ։

ԵՐԵՎԱՆ, 8 մարտի – Sputnik. Օմսկի մարզում հրդեհի հետևանքով մահացել են 25-ամյա կինն ու նրա երկու փոքրիկները`5 տարեկան դուստրն ու 3 տարեկան որդին։ Տեղեկությունը հայտնում է ՌԻԱ Նովոստին։

Ընտանիքի հորը հաջողվել է փրկել։ Նա կարողացել է այրվող տնից դուրս բերել 5 ամսական որդուն։

Հրդեհ Աբովյան քաղաքում. այրված կրպակում դիակ են հայտնաբերել

Գործակալության աղբյուրը հայտնել է, որ տղամարդը նորոգել է բենզասղոցը, հետո այն դրել վառարանի մոտ, գիշերը դետալները հալվել են: Հրդեհի պատճառը կարող էր դա լինել։ ՌԻԱ Նովոստիի զրուցակիցն ասել է նաև, որ ընտանիքը բարեկեցիկ էր համարվում։

Քննիչները ստուգում են դեպքի վայրը, հարցաքննում ականատեսներին։

Հրդեհ Գյումրիում. տանտիրոջը մահացած են գտել

25
թեգերը:
երեխա, Կին, հրդեհ, Ռուսաստան
Ջիգանը կնոջ ու դստեր հետ

Ռեփեր Ջիգանը վագրի ձագ է բերել տուն. լուսանկարներ

0
(Թարմացված է 14:25 08.03.2021)
Երեխաները մեծ ոգևորությամբ ընդունել են նվերը, միանգամից սկսել են շոյել ու խաղալ վագրիկի հետ։

ԵՐԵՎԱՆ, 8 մարտի - Sputnik. Ռուս ռեփեր Ջիգանը վագրի ձագուկ է բերել տուն։  Նրա կինը՝ Օքսանա Սամոյլովան, վագրի մասին տեսանյութեր է հրապարակել Instagram–ի Stories բաժնում։

Միլիարդատեր Ջեֆ Բեզոսի նախկին կինն ամուսնացել է

Կադրերում երևում է` ինչպես են Ջիգանի երեք դուստրերը մեծ ոգևորությամբ մոտենում վագրիկին։ Վերջինս սկզբում վախենում է նրանցից և միայն Ջիգանին վստահում։ Բայց մի քիչ շփվելուց հետո թույլ է տալիս, որ երեխաները շոյեն իրեն։

Instagram story Оксаны Самойловой
Ռեփեր Ջիգանը վագրի ձագ է բերել տուն

Դրանից հետո ընտանիքն այգի է դուրս գալիս, որտեղ երեխաները վագրի հետ խաղում են ձների մեջ ու անգամ գրկում նրան։

Instagram story Оксаны Самойловой
Ռեփեր Ջիգանի կինն ու վագրի ձագը

«Խնդրում եմ զերծ մնալ մեկնաբանություններից առ այն, որ մենք տանջում ենք կենդանուն, եթե տեղյակ չեք նրա պատմությունից», – գրել է Սամոյլովան։

Instagram story Оксаны Самойловой
Ռեփեր Ջիգանը վագրի ձագ է բերել տուն

Վագրի ձագը ընդամենը երեք տարեկան է։

Սկանդալային հարցազրույց․ Մեգան Մարքլը՝ ռասիզմի և արքայական ընտանիքի հետ «պատերազմի» մասին

0
թեգերը:
վագր, Ջիգան, երեխա
Ըստ թեմայի
«Մի՞թե սա վագրիկ է». տուլունցի փոքրիկի նվերը Պուտինին. տեսանյութ
«Սա է երջանկությունը». երգչուհի Լիլուն ցույց է տվել, թե որդին որքան է սիրում քրոջը
Այս հայի մասին գիտի ամբողջ Սիբիրը. ինչպես վագրը սկսեց մայր համարել բժիշկ Դալլաքյանին