Սերգեյ Լավրով. արխիվային լուսանկար

Մենք «պարահանդես գնացող օրիորդ» չենք. Լավրովի հայտարարություններից կարևորագույնները

667
ՌԴ արտգործնախարարի մամուլի ասուլիսը տևեց մոտ երեք ժամ։ Այդ ընթացքում նա Արցախի իրավիճակի վերաբերյալ կարևոր հարցերի պատասխանեց, մի քանի անգամ անդրադարձավ Ալեքսեյ Նավալնու ձերբակալման հարցին, ինչպես նաև ԱՄՆ-ի և Արևմուտքի հետ հարաբերություններին։

Մենք «պարահանդես գնացող օրիորդ» չենք

Ալեքսեյ Նավալնու ձերբակալման մասին հայտարարություններով արևմտյան երկրները փորձում են ուշադրությունը շեղել այն ճգնաժամից, որում հայտնվել է զարգացման լիբերալ մոդելը։

«Մենք տեսնում ենք, թե ինչպես են հիմա կառչել Նավալնու` ՌԴ վերադարձի մասին երեկվա նորությունից։ Զգացվում է, թե ինչպիսի ուրախությամբ են մեկնաբանություններ գրում, ասես մեկը մյուսից կրկնօրինակած լինեն»,-ասաց Լավրովը։

Ռուսաստանի իշխանություններն Ալեքսեյ Նավալնու հետ կապված իրավիճակում ելնում են օրենսդրությունից, այլ ոչ «պարահանդես գնացող օրիորդի» պես` իրենց իմիջի մասին մտահոգությունից։

«Մենք, այնուամենայնիվ, պետք է նախևառաջ զբաղվենք մեր աշխատանքով։ Մեր աշխատանքը կայանում է նրանում, որ իրականացնենք Ռուսաստանի արտաքին քաղաքականությունը», - հայտարարեց Լավրովը:

Նա հավելեց, որ «Նավալնու դեպքը արհեստական և միանգամայն ոչ իրավաչափ արտաքին քաղաքական հնչեղություն է ստացել», իսկ նրա ձերբակալությունը իրավապահ մարմինների իրավասության շրջանակում է»։

Պատասխանելով Նավալնու վերաբերյալ հերթական հարցին՝ ՌԴ արտործնախարարն ասաց, որ Գերմանիայի պատասխանները Ալեքսեյ Նավալնու գործով Ռուսաստանի հարցումներին` չեն պարունակում իրեղեն ապացույցներ թույնի հետքերով շշերի, թունաբանական եզրակացության պատճենների, կենսափորձանմուշների կամ դրանց անալիզի արդյունքների մասին: Ալեքսեյ Նավալնու շուրջ ստեղծված իրավիճակում ԳՖՀ-ն իրեն բռի կերպով է պահում Ռուսաստանի հետ. Մոսկվան այդ տոնով չի խոսելու։

Լավրովը նաև հիշեցրեց, որ հաղորդումներն այն մասին, որ Նավալնին օգոստոսի 20-ի թռիչքից առաջ Տոմսկի օդանավակայանում թեյ է խմել, նետվել էին հանրային տարածք, սակայն ավելի ուշ հեռացվել են: Դրանից հետո, հիշեցրեց նախարարը, «հայտնվեց շշի մասին վարկածը», որն այնուհետև հանդարտվեց և դրանից հետո ծագեց հագուստի մասին վարկածը:

«Իսկ բոլորովին վերջերս ասվեց (...), որ նրան նախկինում էլ էին փորձել թունավորել, բայց արդյունքում թունավորել էին Յուլյա Նավալնայային։ Եվ ահա, երբ նորանոր հրաշալի փաստերի կուտակումն այսպիսի ծավալ և արագություն է հավաքում, մեր՝ արտաքին քաղաքական գերատեսչության տեսանկյունից, միայն մեկ հարց է մնում․ պարոնայք գերմանացիներ, ֆրանսիացիներ, շվեդներ, կատարե՛ք ձեր միջազգային պարտավորությունը և ներկայացրեք այն անալիզների արդյունքները, որոնք, ձեր պնդմամբ, պարունակում են ինչ-որ, ընդ որում՝ դեռևս անհայտ, քանի որ ՔԶԱԿ-ի ցուցակներում նշված չէ մարտական նյութ»,-նշեց Լավրովը։

Սա առաջին անգամը չէ, որ Ռուսաստանին ապացույցներ ու փաստեր չեն ներկայացնում այն միջադեպերի վերաբերյալ, որոնցում նրան մեղադրում են։ Նա օրինակ բերեց փախստական Ալեքսանդր Լիտվինենկոյի սպանությունը Լոնդոնում, Սոլսբերիում ԳՀՎ նախկին աշխատակից Սերգեյ Սկրիպալի և նրա դստեր թունավորումը, միջամտությունը ԱՄՆ-ի 2016 թվականի ընտրություններին:

Baltnews.lv–ի և Sputnik Լատվիայի լրագրողների հետ կապված իրավիճակի մասին

Ռուսաստանի արտգործնախարարը աջակցություն հայտնեց ռուս լրագրողներին, որոնք հետապնդումների են ենթարկվել Լատվիայում և ասաց, որ միջազգային կառույցներից կոնկրետ գործողություններ է պահանջելու․

  • Ուզում ենք գործի դնել մեխանիզմներ, որոնք պետք է խախտում անողից «ձեռք չքաշեն», քանի դեռ խախտումը չի դադարեցվել։
  • Շարունակում ենք միջազգային կառույցներից խելամիտ գործողություններ պահանջել, զուգահեռաբար ուզում ենք ներգրավել ոչ պետական կազմակերպությունները, հնարավոր է` դիմենք Մարդու իրավունքների եվրոպական դատարան
  • Կօգտագործենք հայրենակիցների իրավունքների պաշտպանության հիմնադրամը, որը կօգնի նաև լրագրողներին
  • Sputnik-ը վայելում է մեր լիակատար աջակցությունը և հայտնի է արևմտյան գործընկերներին

ԱՄՆ նախագահական ընտրությունների տարօրինակ կողմերը

ՌԴ արտգործնախարար Սերգեյ Լավրովը քննադատեց ԱՄՆ նախագահական ընտրությունների որոշ երևույթներ․ քվեաթերթիկները «բռնի ուժով» փոստով ուղարկվում էին ընտրողներին, իսկ սոցցանցերը միակողմանի հանրային կարծիք էին ձևավորում։

«Երբ երկու թեկնածուների համար ձայների ավելի քան տոկոսը փոստով ուղարկված ձայներն են, դա, գիտեք, բավականին լուրջ բան է․․․ «Կոճղերի վրա» քվեարկությունը գույնը կորցնում է ԱՄՆ-ում քվեարկության մեխանիզմի հետ համեմատելիս»,-ասաց Լավրովը։

ԱՄՆ-ում վերջին իրադարձությունները ցույց տվեցին, որ տեխնոլոգիական հսկաների համար մրցակցությունը ոչ մի լումա չարժե, դա մտահոգություն է առաջացնում։

Այլ հարցեր

Ռուսաստանը ԱՄՆ-ի նոր վարչակազմից կոնկրետ առաջարկներ է սպասում Ռազմավարական հարձակողական սպառազինությունների հետագա կրճատման և սահմանափակման միջոցառումների մասին պայմանագրի երկարաձգման և ռազմավարական կայունության երկխոսության վերաբերյալ:

Ռուսաստանի և Չինաստանի զորավարժություններն ուղղված չեն Ճապոնիայի դեմ, դրանց նպատակը ՌԴ և ՉԺՀ սահմանները պաշտպանող ավիացիայի մարտունակությունն ապահովելն է։

Ռուսաստանը ելնում է նրանից, որ ՄԱԿ-ի Անվտանգության խորհրդի մշտական անդամ «հնգյակի» երկրների առաջնորդների գագաթնաժողովը տեղի կունենա, հենց որ կորոնավիրուսի տարածման հետ կապված իրադրությունը թույլ տա:

ՌԴ-ն Սիրիայում ԱՄՆ-ի հետ ռազմական բախումների մեջ չի մտնի, սակայն ամերիկյան կողմից խստորեն պահանջում է ուժ չկիրառել իշխանություններին պատկանող օբյեկտների դեմ։

Ուկրաինայի իշխանությունները պետք է ամոթ զգան այն բանի համար, որ «բոլորը բոլորի դիմաց» սկզբունքով համաձայնեցված գերիների փոխանակումը Կիևի և ինքնահռչակ ԴԺՀ-ի և ԼԺՀ-ի միջև ձգձգվում է՝ հումանիտար նկատառումների հետ չկապված պատճառներով:

Լավրովը հիվանդ է եղել կորոնավիրուսով

Սերգեյ Լավրովի մոտ թեթև ձևով է ընթացել կորոնավիրուսային հիվանդությունը. հակամարմիններ կան։ Իսկ COVID-19-ի դեմ պատվաստման անհրաժեշտության մասին որոշումը Լավրովը կընդունի բժիշկների հետ խորհրդակցելուց հետո։

«Ես հակամարմիներ ունեմ, քանի որ թեթև ձևով տարել եմ կորոնավիրուսային վարակը, բայց լսել եմ, որ մասնագետներն անգամ նրանց, ովքել հիվանդացել-առողջացել են, խորհուրդ են տալիս այնուամենայնիվ պատվաստվել․․․ Ես այդ մասին երեկ լսեցի, կխորհրդակցեմ բժիշկների հետ»,-ասաց նախարարը 2020թ․-ի արդյունքներով մամուլի ասուլիսի ընթացքում։

Պատճառ չկա, որ Հայաստանի պաշտոնյաները չայցելեն Ղարաբաղ. Լավրով

Կարսի թուրք–ադրբեջանական զորավարժությունները կարող են մտահոգիչ լինել նաև ՌԴ–ի համար

Արցախի կարգավիճակը միտումնավոր չի հիշատակվել նոյեմբերի 9-ի հայտարարության մեջ․ Լավրով

«Նոր պատերազմ՝ նոր տարածքներ». Լավրովը կոչ արեց զգացմունքային հայտարարություններ չանել

Ռուսաստանն ուզում է լուծել գերիների հարցը․ Լավրովը մանրամասներ է հայտնել

Լավրովն «էկզոտիկ» է համարել Ղարաբաղը Ռուսաստանի կազմ մտցնելու առաջարկը

667
թեգերը:
կորոնավիրուս, Ալեքսեյ Նավալնի, ԱՄՆ, Ռուսաստան, Սերգեյ Լավրով
Ըստ թեմայի
Լավրովն ու Զարիֆը Մոսկվայում կքննարկեն Ղարաբաղի հարցը․ Մարիա Զախարովա
Լավրովը Արա Այվազյանի հետ քննարկել է հունվարի 11-ի պայմանավորվածությունների իրականացումը
Պուտինը Շոյգուի, Լավրովի և Նարիշկինի հետ քննարկել է վաղվա ՌԴ-ՀՀ-Ադրբեջան հանդիպումը

«Հնարավոր չէ գտնել»․ Ռուսաստանը հրթիռային զենքի նոր, գաղտնի կրիչներ է կառուցում

244
(Թարմացված է 23:58 26.02.2021)
Սպառազինության հեռանկարային համակարգերի նախագծի առաջին սերիական դիզել-էլեկտրական սուզանավերը նավատորմը կստանա 2022թ․-ին։ Մշակումն ավելի քան 20 տարի է տևել։  Այս սուզանավը կարող է գերճշգրիտ զենք կրել, իսկ դրա երթուղին շատ դժվար է բացահայտել։

Նիկոլայ Պրոտոպոպով, ՌԻԱ Նովոստի

«Բարդ երեխան»

«Кронштадт» և «Великие Луки» սուզանավերը նախատեսում էին նավաստիներին փոխանցել 2021թ․-ին, սակայն, ինչպես բացատրեց «Адмиралтейские верфи» նավաշինական ձեռնարկության գլխավոր տնօրեն Ալեքսանդրա Բուզակովան՝ հակագործակալների հետ կապված խնդիրների պատճառով ժամկետները հրվեցին դեպի աջ։

Սեպտեմբերին Միավորված նավաշինական կորպորացիայի ղեկավար Ալեքսեյ Ռախմանովը հայտնել էր, որ երկու սերիական նավերի կառուցումը ուշացումով կավարտվի, քանի որ սարքավորումների մատակարարներից մեկը հետ է ընկել գրաֆիկից:

Ուշացումները նախագծին հետևում են հենց սկզբից։ Աշխատանքները սկսվել են դեռ 1990-ականների վերջից, երբ դրվեց գլխավոր նավի՝ «Սանկտ Պետերբուրգի» հիմքը։ Այն ջուրն իջեցրին 2004թ․-ին և պետք է Ռազմածովային նավատորմին ուղարկեին 2006թ․-ին։ Սակայն Հյուսիսային նավատորմը սուզանավը փորձնական շահագործման ընդունեց միայն 2010թ․-ին։

«Լադաներով» պատրաստվում էին փոխարինել 877 «Պալտուս» նախագծի հնացած «դիզելայինները»։ Նոր սուզանավերն ավելի փոքր, ուստի՝ ավելի քիչ նկատելի են հիդրոլոկատորների համար։ Ակուստիկ գաղտնիությունն ավելացնում է նաև հայրենական նավաշինարարության համար ոչ ստանդարտ միակորպուս սխեման։ Բացի այդ, «Լադաները» առաջին ռուսական սուզանավերն են, որոնք հեռանկարում կհագեցվեն օդից անկախ (անաէրոբ) ուժային համակարգով։

Պատերազմի մարտավարությունը կփոխեն. Ռուսաստանը նոր հարվածային ԱԹՍ ունի

Հնարավոր է՝ ժամկետները շարունակ հետաձգվում էին հենց բազմաթիվ նոր կոնստրուկտորական լուծումների և «երկաթի մեջ» դրանք իրագործելու բարդության պատճառով։ Այսպես, գլխավոր նավի փորձարկումների ընթացքում լուրջ խնդիրներ հայտնաբերեցին հիդրոակուստիկ համակարգի հետ, իսկ թիավարող էլեկտրաշարժիչի ոչ բավարար հզորությունը թույլ չէր տալիս ջրի տակ անհրաժեշտ արագություն զարգացնել։

Բայց Ռազմածովային նավատորմն այնուամենայնիվ սպասում էր դիզել-էլեկտրոնային սուզանավերին, ուստի «Լադաների» փոխարեն Խաղաղօվկիանոսյան նավատորմի համար պատվիրեցին ժամանակի փորձությունն անցած և լավ յուրացված վեց հատ 636 «Վարշավյանկա» նախագծի սուզանավ։

Վտանգավոր «ճստիկները»

Մասնագետների կարծիքով՝ «Լադա»-ներն ամենաժամանակակից և հեռանկարային հայրենական ոչ ատոմային սուզանավերն են։

Չնայած համեստ չափերին, դրանք աչքի են ընկնում բարձր բազմաֆունկցիոնալությամբ։ Ի վիճակի են դիմակայել սուզանավերին և վերջրյա նավերին, հարվածներ հասցնել ափի օբյեկտներին, ականային պատնեշներ դնել, պաշտպանել ափը դեսանտի իջեցումից, հատուկ նշանակության ստորաբաժանումներ կամ բեռներ տեղափոխել։

Գլխավոր արժանիքներն են բարձր ավտոմատիզացիան և ցածր աղմկոտությունը, դյուրաշարժությունն ու մանևրայնությունը, ինչը թույլ է տալիս դրանք արդյունավետ օգտագործել դիվերսիոն և հետախուզական օպերացիաներում։ Հագեցված են հզոր հիդրոակուստիկ համակարգով և երեք զգայուն ալեհավաքներով․ մեկը՝ նավի քթամասում, երկուսը՝ կողային հատվածներում։

Մոտ 1,8 հազար տոննա ջրատարողությամբ սուզանավի արագությունը հասնում է 20 հանգույցի։ Խորությունը՝ մինչև 350 մետրի։ Մինչդեռ անձնակազմի քանակը՝ ընդամենը 30 մարդ։

Ինչ վերաբերում է սպառազինությանը՝ ստանդարտ հագեցվածության «Լադաները» կրում են 533 տրամաչափի 18 տորպեդ և մոտ 20–ական։ Տորպեդային սարքերը հարմարեցված են նաև հականավային «Шквал» արագընթաց հրթիռ-տորպեդներով կրակելու համար, որոնք մինչև 300 կմ/ժ արագություն են հավաքում։ Եվ իհարկե «Լադաները», ինչպես բազմաթիվ ժամանակակից ռուսական նավեր, ունեն «Կալիբր» թևավոր հրթիռներ։

«Ոչնչացնելը դժվար կլինի». ամերիկացիները վերադառնում են հյուսիսային բունկեր

Առաջին երկու սերիական սուզանավերը կառուցում են առանց օդից անկախ էներգետիկ սարքավորման, քանի որ, Բուզակովի խոսքով, Ռուսաստանում այդպիսին դեռ չեն ստեղծել։ Բայց ընտանիքի մյուս նավերը կստանան դրանցից։

Անտեսանելի պահապանները

««Լադան» սուզանավերի միանգամայն նոր դաս է, որ հիմնված է նախորդ նախագծերի վրա,-ՌԻԱ Նովոստիին բացատրեց Նավատորմի աջակցության համառուսաստանյան շարժման նախագահ, առաջին կարգի կապիտան Միխայիլ Նենաշևը:-Վերջին 15-20 տարվա ընթացքում «Լադայի» վրա յուրացրել են մոտ 150 փորձնական-կոնստրուկտորական աշխատանք։ Ոչ մի նախագծում այսքան չի եղել։ Դա, ըստ էության, մեծ ստորջրյա լաբորատորիա է»։

Ինչպես ընդգծեց փորձագետը՝ նախորդ նախագծերի համեմատ «Լադաներն» ավելի շատ տորպեդներ են տեղավորում։ Բացառիկ տակտիկատեխնիկական բնութագրերի շնորհիվ ունակ են առաջադրանքներ կատարել բոլոր մարտավարական և ռազմավարական ուղղություններով։ Բացի այդ, կառուցվածքը թույլ է տալիս հրթիռային համակարգերի տեղակայում։

 «Այդ ԴԷՍՆ-երի աղմուկը համեմատելի է ծովի աղմուկի հետ, իսկ նոր հիդրոակուստիկան շատ ավելի մեծ տարածք է լսում, քանի մյուս նավերը,-պատմում է Նենաշևը,-դա շատ կարևոր է, քանի որ «Լադաների» բազան լինելու է Արկտիկայում։

Եվս մեկ առավելություն է համեստ չափսը, որը սուզանավին թույլէ տալիս ընթանալ ինչպես ծանծաղ ջրում, այնպես էլ մեծ խորությունների վրա։ Հավանական հակառակորդի ատոմային սուզանավերը ամեն տեղ չէ, որ կարող են տեղաշարժվել, իսկ ահա այնպիսի սուզանավերով, ինչպիսին «Լադա»-ն է, կարելի է մեծ հաջողությամբ պահպանել տարածքը։

«Նոնայի» փոխարեն «Լոտոս». Ռուսաստանը նորագույն ինքնագնաց թնդանոթ է փորձարկել

Ռուսական դիզելային սուզանավերը վաղուց ի վեր լավագույնն են ճանաչվել իրենց դասում։ 636,3 նախագծի վեց ԴԷՍՆ-ներ ծառայում են Սևծովյան նավատորմում, ևս վեցը մոտակա տարիներին կփոխանցվեն Խաղաղօվկիանոսյան նավատորմին․ երկու սուզանավ շուտով կտեղափոխվեն ծառայության մշտական վայրեր։ Անաղմուկ լինելու և գաղտնիության համար ՆԱՏՕ-ում դրանք անվանում են «Սև խոռոչներ»։ Սակայն «Լադաներն» է՛լ ավելի անաղմուկ են։ Գլխավոր «Սանկտ Պետերբուրգի» փորձարկումները ցույց տվեցին, որ գաղտնիության մակարդակով 677-րդ նախագիծը բավականին գերազանցում է «դիզելայինների» բոլոր նախորդ սերիաները։

244
թեգերը:
նավատորմ, Ռուսաստան, հրթիռաշինություն, հրթիռակիր
Ըստ թեմայի
«Այնտեղ ամեն ինչ լուրջ է». ինչո՞ւ է ՆԱՏՕ-ն «պատերազմում» Ռուսաստանի սահմանների մոտ
Abrams տանկեր և այլ սպառազինություն․ ի՞նչ են անում ամերիկացիները Բելառուսի սահմանների մոտ
Պատասխան «Իսկանդերին». ինչո՞վ են աշխարհին սպառնում ԱՄՆ նոր հրթիռները
«Սպուտնիկ V»

Ռուսաստանի թշնամիները վախենում են «Սպուտնիկ V»-ի հաջողությունից. Դմիտրիև

25
(Թարմացված է 19:08 26.02.2021)
Lancet գիտական ամսագիրն ավելի վաղ հրապարակել էր «Սպուտնիկ V»-ի կլինիկական հետազոտությունների երրորդ փուլի արդյունքները, որոնք հաստատում են դրա բարձր արդյունավետությունն ու անվտանգությունը:

ԵՐԵՎԱՆ, 26 փետրվարի – Sputnik. Կորոնավիրուսի դեմ «Սպուտնիկ V» ռուսական պատվաստանյութի թշնամիները փորձում են խաթարել դրա նկատմամբ վստահությունն աշխարհում, քանի որ այն լավագույններից է, ու նրանք պարզապես վախենում են դրանից։ Նման կարծիք է  հայտնել Ուղղակի ներդրումների ռուսական հիմնադրամի ղեկավար Կիրիլ Դմիտրիևը:

«Կարծում եմ՝ կարելի է խոսել ոչ միայն «Սպուտնիկ V» պատվաստանյութի միջազգային ճանաչման, այլև աշխարհում մեր առաջատար լինելու մասին․.. Մենք պետք է լինենք համեստ, բայց ազնիվ։ Մենք ունենք աշխարհի լավագույն պատվաստանյութերից մեկը, ու դա ռուս գիտնականների մեծ սխրանքն է, պետք է հպարտանալ դրանով», - ասել է Դմիտրիևը Ռուսաստանի պատմական ընկերության հարթակում վիրուսաբանության բնագավառում Ռուսաստանի առաջատարության պատմությանը նվիրված ցուցահանդեսի բացմանը:

«Ռուսաստանի բազմաթիվ թշնամիներ փորձել են խարխլել Ռուսաստանի նկատմամբ վստահությունը, բայց մենք հասկանում ենք, որ նրանք այդքան մեծ ջանքեր են գործադրում ռուսական պատվաստանյութի նկատմամբ վստահությունը խաթարելու համար, քանի որ այն լավագույններից է աշխարհում, ու նրանք պարզապես վախենում են այդ պատվաստուկից», - վստահ է նա:

Lancet գիտական ամսագիրն ավելի վաղ հրապարակել էր «Սպուտնիկ V»-ի կլինիկական հետազոտությունների երրորդ փուլի արդյունքները, որոնք հաստատում են դրա բարձր արդյունավետությունն ու անվտանգությունը: Կլինիկական հետազոտությունների III փուլի ընթացքում «Սպուտնիկ V»-ն արդյունավետության, իմունոգենության ու անվտանգության բարձր ցուցանիշներ է ցույց տվել։ Պատվաստանյութի արդյունավետությունը կազմել է 91,6 տոկոս:

Ո՞ր պատվաստանյութով արժե պատվաստվել․ 5 գլխավոր միֆերը

Այն ապահովում է լիարժեք պաշտպանություն նոր կորոնավիրուսային վարակի ծանր դեպքերից: «Սպուտնիկ V» պատվաստանյութի կիրառումը հավանության է արժանացել ավելի քան 30 երկրներում: Այն երկրների ընդհանուր բնակչությունը, որտեղ գրանցված է ռուսական պատվաստանյութը, գերազանցում է 1,1 միլիարդը։

25
թեգերը:
Ռուսաստան, պատվաստանյութ, Սպուտնիկ V
թեմա:
Կորոնավիրուսը աշխարհում
Ըստ թեմայի
Հայաստանյան արտադրողները կարող են ներգրավվել «Սպուտնիկ V» պատվաստանյութի արտադրության մեջ
Պատվաստանյութերի դեֆիցիտը ստիպել է ԵՄ–ին ուշադրություն դարձնել «Սպուտնիկ V»–ին
ՀՀ–ի ռուս դիվանագետները պատվաստվել են «Սպուտնիկ V»-ով. Զախարովան մանրամասներ է հայտնել
Լարիսա Ալավերդյան

Միջազգային հանրությանը մեղադրելը տեղին չէ. Ալավերդյանը` Սումգայիթյան ջարդերի մասին 

0
Հայաստանի առաջին օմբուդսման, «Ընդդեմ իրավական կամայականության» ՀԿ նախագահ Լարիսա Ալավերդյանի հետ Sputnik Արմենիայի եթերում զրուցել ենք Սումգայիթյան ջարդերի, ՀՀ իշխանությունների անելիքների և միջազգային հանրության անտարբերության մասին։
Եթե պետությունը ոչինչ չի անում, ինչ պետք է անի միջազգային հանրությունը. Ալավերդյանը` Սումգայիթյան ջարդերի մասին

Վերջին 33 տարիներին նորանկախ Հայաստանի բոլոր ղեկավարները որևէ որոշում չեն ընդունել, որով Սումգայիթում իրականացրած գործողությունները որակվեն որպես ցեղասպանություն, և դա է պատճառը, որ հայերին զուտ հայ լինելու համար սպանում ու խոշտանգում են նաև մեր օրերում։

«Եթե այդ զրկանքները, այդ ողբերգությունը կրող պետությունը չի ընդունում այդպիսի որոշումներ, որոշումները չի տարածում և չի աշխատում հասցեական թե՛ առանձին պետությունների, թե՛ միջազգային կազմակերպությունների հետ, ո՞վ պետք է դրան արձագանքի»,- ասաց նա։

Ալավերդյանի խոսքով` թշնամական Ադրբեջանում ճիշտ հակառակն է արվում` ադրբեջանական կողմը հետևողականորեն շարունակում է իր իսկ նախաձեռնած ցեղասպանությունը քողարկել և դրանք հերքող «փաստեր» հավաքագրել։ Իսկ նման իրավիճակում մեղադրանքի սլաքները միջազգային հանրության ուղղությամբ թեքելը, մեղմ ասած, տեղին չէ։ 

«Ադրբեջանը միջազգային բոլոր հարթակներում, բոլոր պետություններում այն լեզվով է տարածում սուտն ու կեղծիքը, որով խոսում են այդ պետություններում, բոլոր միջազգային կոնֆերանսներին Ադրբեջանը գալիս է մի տրցակ նյութերով, ու ոչ միայն տպագիր, այլև տեսանյութերով, ու տարածում դրանք ամենուր»,- նշեց Ալավերդյանը։ 

Նրա խոսքով` հայկական կողմը ոչ թե մեկ, այլ հարյուր-հազարավոր այդպիսի տրցակներ, բազմաթիվ ապացույցներ կարող է ներկայացնել ոչ միայն տեսանյութերի, հեռուստառեպորտաժների, այլև դատավճիռների տեսքով, որոնք ընդամենը պետք է հավաքագրել և միջազգային հարթակներում ներկայացնել։ Սակայն մեր երկրում չգիտես ինչու՝ իշխանությունները ոչ միայն  փաստահավաք խումբ չեն ստեղծում, այլև ամեն տարի, երբ խնդրով մտահոգ քաղաքացիները դիմում են պատկան մարմիններին Սումգաիթյան ջարդերը դատապարտելու  և դրանց իրավական որակում տալու  հարցով, նրանց դիմումներն անարձագանք են մնում։ 

Հիշեցնենք, որ 1988թ. փետրվարի 26-ից Բաքվից 20 կիլոմետր հեռավորության վրա գտնվող Սումգայիթ քաղաքում ադրբեջանական իշխանություններն սկսեցին տեղի հայ բնակչության բնաջնջումը, որն ուղեկցվում էր հայերի ունեցվածքի զանգվածային թալանով և ոչնչացմամբ:

Մեր իշխանությունները սումգայիթյան ցեղասպանությունից այդպես էլ դասեր չեն քաղել. Ուլուբաբյան

Պաշտոնական տվյալներով՝ զոհվել է 26 հայ, ոչ պաշտոնական տվյալներով՝ զոհերի թիվը մի քանի հարյուր է։

0
թեգերը:
Լարիսա Ալավերդյան, Սումգայիթ
Ըստ թեմայի
Արցախի վերածնունդն ու Ադրբեջանի բացեիբաց հայտարարությունները. ՀՀ ԱԳՆ–ն ուղերձ է հղել
Վարչապետը հարգանքի տուրք է մատուցել Սումգայիթի ոճրագործության զոհերի հիշատակին
Սումգայիթում մարդասպանների հերոսացումն իր արտացոլումը ստացավ Արցախյան պատերազմում. ԱԳՆ