Մոսկվա

Մոսկվայի մարզում բեռնատարը բախվել է զինվորական ավտոբուսին. 4 մարդ մահացել է

52
(Թարմացված է 18:46 11.01.2021)
Ճանապարհատրանսպորտային պատահարի հետևանքով տուժել է 41 մարդ։

ԵՐԵՎԱՆ, 11 հունվարի - Sputnik. Մոսկվայի մարզում բեռնատարը բախվել է զինվորական ավտոբուսին։ Չորս մարդ մահացել է։ Տեղեկությունը հայտնում է ՌԻԱ Նովոստին՝ հղում անելով մարզի արտակարգ իրավիճակների ծառայությանը:

Ճանապարհատրանսպորտային պատահարը տեղի է ունեցել Կրասնոգորսկում Նովոռիժսկյան խճուղու վրա (Մ-9 «Բալթիա» դաշնային մայրուղի)։

Խոշոր ավտովթար Կոտայքի մարզում. տուժել է 8 անձ

«Ճշտված տեղեկությունների համաձայն կա 4 զոհ, 24 վիրավոր»,- նշված է հաղորդագրության մեջ։

Ավելի ուշ հայտնի դարձավ, որ տուժել է 41 մարդ։

Վթարի հանգամանքները պարզվում են:

52
թեգերը:
Զինվոր, Վիրավոր, Զոհ, ավտոմեքենա, ավտովթար, Մոսկվա
թեմա:
Վթար, պատահար, սպանություն, գողություն (2873)
Ըստ թեմայի
Ինչ դեպքեր ու կանչեր են գրանցվել Արցախում նոր տարվա առաջին տասնօրյակում. ԱԻՊԾ-ի ամփոփումը
Արխիվային լուսանկար

Ո՞րն է այլ պատվաստանյութերի համեմատ «Սպուտնիկ V»-ի «ինովացիոն» տարբերությունը

26
(Թարմացված է 14:37 21.01.2021)
«Սպուտնիկ V» -ի առաջին խմբաքանակն արդեն շրջանառության մեջ է դրվել և Ռուսաստանի մարզեր է մատակարարվում։

ԵՐԵՎԱՆ, 21 հունվարի - Sputnik. Կորոնավիրուսի դեմ «Սպուտնիկ V» ռուսական պատվաստանյութն ավելի լավ արդյունքներ է ցույց տալիս, քամ մեկ վեկտոր ունեցող դեղամիջոցները։ Նման կարծիք է հայտնել ռուսական պատվաստանյութի միջազգային փորձագիտական խորհրդի փորձագետ Կառլոս Սալան։

«Մեզ միշտ հետաքրքրել է ադենովիրուսի տարբեր վեկտորներ օգտագործելու ռազմավարությունը այդ մեթոդի ավելի մեծ արդյունավետության մասին վարկածի պատճառով։ Ու դա ցուցադրվել է, քանի որ նույն հարթակի պատվաստանյութերի համեմատ արդյունքներն ավելի լավն են», - մեջբերում է ՌԻԱ Նովոստին։

Փորձագետն ասել է, որ դա ինովացիոն արդյունք է։

«Սպուտնիկ V» պատվաստանյութը ստեղծվել է ադենովիրուսային վեկտորների հիման վրա, դրանք մտցվել են SARS-CoV-2 վարակի փշաձև սպիտակուցի մեջ։ Միաժամանակ ադենովիրուսներն ունակ չեն կրկնապատկվել, դրանք գենետիկ նյութը (հակագեն) մարդու օրգանիզմի բջիջներ հասցնելու համակարգ են։

COVID-19-ի դեմ ռուսական պատվաստանյութերը

Ռուսաստանն աշխարհում առաջինն է գրանցել Covid-19–ի դեմ պատվաստանյութը, որը ստեղծել են Գամալեայի կենտրոնը և Ուղիղ ներդրումների ռուսական հիմնադրամը։ Այն ստացել է «Սպուտնիկ V» անվանումը։ Առաջին խմբաքանակն արդեն շրջանառության մեջ է դրվել և Ռուսաստանի մարզեր է մատակարարվում։

Երկրորդ ռուսական պատվաստանյութը կորոնավիրուսի դեմ կոչվում է «ԷպիՎակԿորոնա»․ այն ստեղծել է Նովոսիբիրսկի «Վեկտոր» կենտրոնը։

Բացի այդ, կլինիկական փորձարկումների փուլում է գտնվում Չումակովի անվան ինստիտուտի «կենդանի» պատվաստանյութը։ ՌԴ առողջապահության նախարարությունն արդեն այն գրանցելու համար փաստաթղթեր է ստացել։

Ավելի վաղ Sputnik ռադիոկայանը հայտնել էր, որ Հունգարիայում կարգավորիչը խորհուրդ էր տվել հավանություն տալ «Սպուտնիկ V»-ին։

Ռուսական «Սպուտնիկ V» պատվաստանյութն ուղարկվել է Արգենտինա. տեսանյութ

26
թեգերը:
Ռուսաստան, Սպուտնիկ V, պատվաստանյութ
թեմա:
Կորոնավիրուսը աշխարհում
Ըստ թեմայի
Ինչպես են իրենց զգում «Սպուտնիկ V» պատվաստանյութ ստացած քաղաքացիները․ ՀՀ ԱՆ պատասխանը
«Սպուտնիկ–V»–ից Թորոսյանի և մյուսների մոտ հետպատվաստումային խնդիրներ չեն եղել
«Սպուտնիկ V»-ին կարելի է վստահել․ Bloomberg-ի լրագրողն ասել է՝ ինչու
Ռուսաստանի ու ԱՄՆ-ի նախագահներ Վլադիմիր Պուտինի ու Դոնալդ Թրամփի հանդիպումը. 16 հուլիսի, 2018, Հելսինկի

ԱՄՆ ու ՌԴ փոխներգործության վեկտորը փոխվում է. ՌՀՍ-3 պայմանագրի ժամկետը կլրանա փետրվարին

45
(Թարմացված է 00:20 21.01.2021)
ԱՄՆ ընտրված նախագահ Ջո Բայդենի վարչակազմը մտադիր է քննարկել «Ռազմավարական հարձակողական սպառազինություններ–3» պայմանագրի հնարավոր երկարաձգումը երդմնակալությունից անմիջապես հետո։ Sputnik ռադիոկայանի եթերում խնդրին անդրադարձել  է ռազմական քաղաքագետ Անդրեյ Կոշկինը։

ԱՄՆ ընտրված նախագահ Ջո Բայդենի վարչակազմը երդմնակալությունից անմիջապես հետո կզբաղվի «Ռազմավարական հարձակողական սպառազինությունների հետագա կրճատման ու սահմանափակման» պայմանագրի (ՌՍՀ-3) հարցով։ Տեղեկությունը հայտնել է պետքարտուղարի պաշտոնին առաջադրված Էնթոնի Բլինկենը։

Նրա խոսքով՝ Սպիտակ տան նոր թիմը փորձելու է հասնել պայմանագրի երկարաձգմանը։ Պետքարտուղարի թեկնածուն վստահեցրել է, որ վարչակազմը չի համաձայնվելու հակահրթիռային պաշտպանության համակարգի հանդեպ ցանկացած սահմանափակումների։

Sputnik ռադիոկայանի եթերում ռազմական քաղաքագետ, Պլեխանովի անվան տնտեսագիտական համալսարանի քաղաքագիտության և սոցիոլոգիայի ամբիոնի վարիչ Անդրեյ Կոշկինը մեկնաբանել է այդ մտադրությունը։

«Կարելի է միայն ողջունել Բայդենի վարչակազմին, որ մտադիր է երկարացնել ՌՀՍ-3 պայմանագիրը։ Դա ինչ-որ չափով փոխում է ԱՄՆ-ի ու Ռուսաստանի Դաշնության փոխներգործության վեկտորը։ Դա ամեն դեպքում միջուկային զենքի մրցավազքը զսպելու մեխանիզմը պահելու ձգտում է, ու երևի սկիզբ դառնա Միացյալ Նահանգների վարչակազմի նոր քաղաքականության՝ ռազմավարական սպառազինության զսպելու միջոցների ոլորտում։ Դա ամենայն հավանականությամբ պետք է հանգեցնի նաև այլ համաձայնագրերի, որոնք կկարողանան ամբողջությամբ թույլ տալ վերահսկել պետությունների միջուկային միջոցները, այդ թվում նաև՝ ԱՄՆ-ի համար», - ասել է Կոշկինը։

Ռուսաստանի դեսպանը պատասխանել է հիպերձայնային հրթիռների մասին ԱՄՆ հայտարարությանը

Ռուսաստանի ու ԱՄՆ-ի միջև ՌՀՍ-3 պայմանագիրն ուժի մեջ է մտել 2011 թվականի փետրվարի 5-ին։ Ըստ պայմանագրի՝ կողմերից յուրաքանչյուրը կրճատում է իր միջուկային զինանոցն այնքան, որ յոթ տարի անց միջմայրցամաքային, սուզանավերի ու ծանր ռմբակոծիչների բալիստիկ հրթիռների գումարային քանակը չգերազանցի 700-ը, մարտական գլխիկները՝ 1 550-ը, տեղադրված ու չտեղադրված մեկնարկային սարքերը՝ 800-ը։

Այս պահին ՌՀՍ-3-ն Ռուսաստանի ու ԱՄՆ-ի միջև սպառազինությունը սահմանափակելու մասին միակ պայմանագիրն է, որի ժամկետը լրանում է 2021 թվականի փետրվարի 5-ին։

«Գաղտնազերծել են շրջանները»․ ո՞ր կողմ է ուղղված ԱՄՆ ռազմական նավատորմի զենքը

45
թեգերը:
հրթիռ, Պայմանագիր, սպառազինություն, ԱՄՆ, Ռուսաստան
Ըստ թեմայի
ԱՄՆ–ը և Ռուսաստանը ղարաբաղյան կարգավորման հարցում գտնվում են նույն կողմում. Օ'Բրայեն
ՌԴ դեսպանատունը մեկնաբանել է ԱՄՆ–ում 6 ռուսաստանցիներին առաջադրված մեղադրանքը
ԱՄՆ-ի նոր պատժամիջոցները․ ինչպե՞ս է արձագանքել Ռուսաստանը
Վահան Քերոբյան

ՀՀ էկոնոմիկայի նախարարն ու ես երկու պաշտոնյա կգործուղվեն Իրան

4
(Թարմացված է 19:08 21.01.2021)
Վահան Քերոբյանը գործուղումից վերադառնալուց հետո եռօրյա ժամկետում ՀՀ վարչապետի աշխատակազմին և ՀՀ արտաքին գործերի նախարարությանը պետք է գործուղման արդյունքների մասին հաշվետվություն ներկայացնի։

ԵՐԵՎԱՆ, 21 հունվարի - Sputnik. ՀՀ էկոնոմիկայի նախարար Վահան Քերոբյանը, էկոնոմիկայի նախարարության արտաքին կապերի վարչության պետ Արմեն Այվազյանն ու արտաքին գործերի նախարարության սահմանակից երկրների վարչության երրորդ քարտուղար Գարիկ Գրիգորյանը կգործուղվեն Իրան։ ՀՀ վարչապետ Նիկոլ Փաշինյանը ստորագրել է նրանց գործուղելու մասին որոշումը, որը հրապարակվել է կառավարության կայքում։

Որոշման համաձայն` պաշտոնյանները Թեհրան կմեկնեն հունվարի 22-ին և կվերադառնան ամսի 26-ին։ Գործուղման նպատակը Իրանի Իսլամական Հանրապետության հետ երկկողմ առևտրատնտեսական համագործակցության զարգացման հեռանկարները քննարկելն է։

Քերոբյանը գործուղումից վերադառնալուց հետո եռօրյա ժամկետում գործուղման արդյունքների մասին հաշվետվություն կներկայացնի ՀՀ վարչապետի աշխատակազմին և ՀՀ արտաքին գործերի նախարարությանը պետք է ներկայացնի Իրանի Իսլամական Հանրապետություն:

Էկոնոմիկայի նախարարը հանդիպել է Սյունիքի մարզպետի ու գործարարների հետ

4
թեգերը:
Իրանի Իսլամական Հանրապետություն, Վահան Քերոբյան, Հայաստան
Ըստ թեմայի
Նախարարն ասել է` որ դեպքում չի երկարաձգվի թուրքական ապրանքների ներմուծման արգելքը
Գնաճը մինչև ո՞ւր կհասնի. էկոնոմիկայի նախարարը վստահեցնում է` մենք դեռ լավ վիճակում ենք
Վահան Քերոբյանը մտադիր է զարգացնել ադամանդագործության ու ոսկերչության ոլորտները
Ազատ տնտեսական գոտին վերջապես կգործակվի՞․ էկոնոմիկայի նախարարն այցելել է Մեղրի