Ռուսական «ՄիԳ» ինքնաթիռաշինական կորպորացիայի աշխատակիցները

Ե՞րբ օդ կբարձրանա ռուսական ՄիԳ–41 կործանիչը

485
(Թարմացված է 22:26 02.01.2021)
Ռուսաստանը յուրացրել է հինգերորդ սերնդի Սու-57 կործանիչների սերիական արտադրության տեխնոլոգիան և վստահ առաջ է շարժվում մերձակա տիեզերք դուրս գալու կարողություն ունեցող վեցերորդ սերնդի գերգաղտնի, գերարագ և հզոր ՄիԳ-41–երի ստեղծման ուղղությամբ։

Ալեքսանդր Խրոլենկո, ռազմական վերլուծաբան

Սու-57 կործանիչների սերիական արտադրությունը, որը մեկնարկեց 2020 թվականի ամռանը, թույլ է տալիս Ռուսաստանի պաշտպանական արդյունաբերական համալիրի նպատակային ամբողջ միջոցներն ու գիտատեխնիկական ռեսուրսներն ուղղել վեցերորդ սերնդի ՄիԳ-41 նախագծի իրականացման արագացմանը, որի հիմքում ՄիԳ-31 բացառիկ կործանիչի հայեցակարգն է։ Հիմք, որը շատ լուրջ ուշադրության է արժանի։

Նախորդի` ՄիԳ-31–ի հիմնական արագությունը ռեկորդային 2.3 Մախ է (առավելագույնը` 2.8 Մախ)։ Չնայած հինգերորդ սերնդի մարտական մեքենաների հայտնվելուն` չորրորդ սերնդի ՄիԳ-31 ծանր կործանիչը համարվում է աշխարհի ամենահզոր օդային մարտիկը։

Կործանիչը կարող է 3000 կմ/ժամ արագությամբ ավելի քան 9 տոննա կշռող զինանոց կրել և զենք կիրառել մինչև 25 հազար մետր բարձրությունների վրա։

Հիպերձայնային հրթիռներով ՄիԳ-31ԲՄ–ն մի քանի րոպեում օդ է բարձրանում և դուրս գալիս գրոհման սահմաններ. թիրախը հրամանատարական կետերն են, ավիակիրները, ինչպես նաև հակառակորդի` մինչև 3000 կմ հեռավորության վրա գտնվող այլ կարևոր ռազմական օբյեկտները (առանց վերալիցքավորման)։

Ս-500 համակարգն առաջին գնորդներն ունի սպառազինությունների համաշխարհային շուկայում

ՄիԳ-31-ի համար մշակված Ռ-37 հրթիռը մինչև 400 կմ հեռավորության վրա կարող է խոցել ԱՎԱԿՍ ինքնաթիռներ, օդային հրամանատարական կետեր և լցանավեր։ ՀՕՊ–ՀՀՊ ոլորտում ՄիԳ-31 չորս կործանիչները կարող են ճակատային հատվածով վերահսկել 300 կմ խորությամբ 1000 կմ օդային տարածք։ Օդանավում առկա ռադիոլոկացիոն կայանը թիրախները տեսնում է մինչև 320 կմ հեռավորության փոքր, միջին և մեծ բարձրությունների վրա։ Ինքնաթիռն ավտոմատ կերպով ուղեկցում է մինչև 10 թիրախ և ընտրում 4-6 հիմնականները` մինչև 200 կմ հեռավորության վրա միաժամանակյա խոցման համար։

Չորրորդ սերնդի ՄիԳ-31 կործանիչների ակնառու բնութագրերի ֆոնին վեցերորդ սերնդի ՄիԳ-41 հայտնվելը կարող է ֆանտաստիկ ու ոչ իրական թվալ, բայց ինքնաթիռը գոյություն ունի, ընդ որում` արդեն ոչ միայն գծագրերի տեսքով։

Վեցերորդ սերնդի հզորությունը

Հեռահար խոցման ՄիԳ-41 հեռանկարային ավիացիոն համալիրը մշակվում է ՄիԳ-31–ին փոխարինելու համար։ Վստահություն կա, որ «ՄիԳ» կորպորացիան վեցերորդ սերնդի կործանիչն օդ կբարձրացնի առաջիկա տարիներին։ Առանձին հատկանիշները հսկայական որակական ցատկ են մատնանշում։

Դեռևս 2018 թվականի օգոստոսին ՄիԳ-41-ի փորձագիտական աշխատանքների փուլում «ՄիԳ» կորպորացիայի գլխավոր տնօրեն Իլյա Տարասենկոն հայտնել էր, որ տեխնոլոգիապես բոլորովին նոր ինքնաթիռը թռիչքներ է կատարելու 4-5 Մախ արագությամբ (ավելի քան 6000 կմ/ժ) և խնդիրներ է կատարելու տիեզերքում։ Հայտնի է, որ մշակվում է կառավարվող սարք, որը հեռանկարում վեցերորդ սերնդի ՄիԳ-41 կործանիչի անօդաչու տարբերակի բազային արտադրության է անցում կատարելու։

Սպառազինության ծավալն ու բնութագրերը դեռ չեն բացահայտում, բայց կարելի է ենթադրել, որ նորագույն ՄիԳ-41–ը հավանաբար ՄիԳ-31ԲՄ–ից կժառանգի հիպերձայնային հրթիռով «Կինժալ» ավիացիոն համալիրը, որին «հասանելի» են հավանական հակառակորդի` մինչև 2000 կմ հեռավորության վրա գտնվող բոլոր առկա և հեռանկարային ՀՕՊ–ՀՀՊ համակարգերը։ Ավելի վաղ Ռուսաստանի ՕՏՈւ նախկին գլխավոր հրամանատար Վիկտոր Բոնդարևը լրագրողներին հայտնել էր, որ ՄիԳ-41-ը կրելու է «օդ–օդ» Ռ-37 հեռահար հրթիռներ, ինչպես նաև բոլորովին նոր հրթիռներ։ Որսացող կործանիչը ակնառու թռիչքային որակներ է ունենալու, իսկ նրա սպառազինությունը նկատելիորեն կամրացնի Ռուսաստանի հակահրթիռային պաշտպանությունը։

Բալթիկ-սևծովյան թիրախը․ «Պրոմեթեյը» խոցում է 550 կմ հեռավորության թիրախները

Այսօր նոր սերնդի ավիացիոն հրթիռներ են ստեղծվում, սրընթաց զարգացում է ապրում լազերային զենքը։ «Իզվեստիայի» տեղեկություններով` վեցերորդ սերնդի կործանիչը հիպերձայնային հրթիռներ խոցելու ունակությամբ մեծ հեռահարության բազմաֆունկցիոնալ որսացող հրթիռային համակարգ է ունենալու։

Military Watch պարբերականն իր գնահատականներում և կանխատեսումներում ավելի հեռու է գնացել. ՄիԳ-41 գերձայնային ինքնաթիռը համատեղելու է ՄիԳ-25 և ՄիԳ-31 կործանիչների առավելությունները` էապես կատարելագործելով դրանք հաջորդ սերնդի տեխնոլոգիաների հաշվին, կարողանալու է սպառնալ հակառակորդի տիեզերական սարքերին։

The National Interest վերլուծական պարբերականը ՄիԳ-41–ին հրապարակումների մի ամբողջ շարք է նվիրել, դրանցից մեկում նշվում է, որ վեցերորդ սերնդի ռուսական խորհրդավոր կործանիչը կարող է փոխել խաղի կանոնները։ Եվ դրա հետ դժվար է չհամաձայնել։

Առանձնահատկություններ

Եթե դատենք ըստ նախագծային բնութագրերի ու հեռանկարային ինքնաթիռների պատկերների, ապա ՄիԳ-41 կործանիչը ստեղծվում է թռչող թևի սկզբունքով, ինչը կապահովի մանևրելու բարձր հնարավորություն, թույլ կտա գրեթե աննկատ լինել և զարգացնել հիմնական գերձայնային արագություն` ավելի քան 4500 կմ/ժ։

Այստեղ անհրաժեշտ է հասկանալ, որ չորրորդ սերնդի ՄիԳ-31–ը երկարատև դինամիկ և ջերմաստիճանային ծանրաբեռնվածությանը դիմանում է ամուր կմախքի հաշվին, որի 50%–ը պողպատից է, 33%–ը` ալյումինե համաձուլվածք, 16%–ը` տիտանից։

Հավանաբար ՄիԳ-41–ում կկենտրոնանան տիեզերական տեխնոլոգիաներն ու ռադարների համար անտեսանելի, ինչպես նաև բեռնվածության, բարձր և ցածր ջերմաստիճանների (գերձայնին մոտ արագությունների վրա թռչող սարքը պլազմայի ամպով է պարուրվում, այն դեպքում, երբ նախորդը` ՄիԳ-31–ը, հաջողությամբ շահագործվում էր հյուսիսային բևեռային շրջանից դուրս Ֆրանս Իոսիֆի երկրի սառցե օդանավակայաններում) նկատմամբ դիմացկուն կոմպոզիտային նյութերը։

Որտեղի՞ց է առաջացել Ղարաբաղում թուրքական ԱԹՍ-ների արդյունավետության մասին միֆը

Կոնստրուկտորները պետք է բարդագույն տեխնոլոգիական խնդիրներ լուծեն։ Մասնավորապես, որսացող կործանիչին օժտեն արհեստական ինտելեկտով։ Չէ՞ որ կառավարման ռոբոտացված համակարգերն ավելի արագ են արձագանքում սպառնալիքներին ու թիրախներին, անխոչընդոտ հաղթահարում են ծանրաբեռնվածությունը` կատարելով գերձայնայինին մոտ արագություններով մանևրումներ (մարդու ֆիզիոլոգիական հնարավորությունները սահմանափակ են)։ Մի շարք երկրների մասնագետներ անհամբեր սպասում են աշխարհի ամենաարագ ՄիԳ-41 կործանիչի առաջին թռիչքին։ Գեներալ–գնդապետ Վիկտոր Բոնդարևի գնահատմամբ` զորքերը նոր մեքենան կկարողանան ստանալ ոչ շուտ, քան 2025 թվականին։

ՄիԳ-41 բազմաֆունկցիոնալ կործանիչի նախագծի իրականացումը ՄիԳ-31–ի սովորական փոխարինում չէ, այլ տեխնոլոգիական հեղափոխություն, վեցերորդ սերնդի կործանիչ ավիացիայի հիմնական չափանիշների ձևավորում։ Եվ այդ առումով Ռուսաստանը բոլորից առաջ է անցել աշխարհում։

485
թեգերը:
ինքնաթիռ, Ռուսաստան
Ըստ թեմայի
Մարտական համակարգերի «մարդասպանը». ՌԴ-ում 10 կմ հեռահարության թնդանոթներ են ստեղծել
Տեղում դոփելով․ ամերիկյան Patriot ՀՕՊ համալիրների հերթական ձախողումը
«Արմատան» կարտահանվի․ ով առաջինը կստանա Տ-14 նորագույն ռուսական հզոր տանկը
Ամերիկյան «Դոնալդ Քուք» էսկադրային ականակիրը

Սև ծովում պայմանականորեն «ոչնչացվել է» ամերիկյան ականակիրը

29
(Թարմացված է 19:19 27.01.2021)
Երբ հավանական հակառակորդը հայտնվում է ՌԴ ծովային սահմանների մոտ, նրան օպերատիվ կերպով դիմավորում և պայմանականորեն ոչնչացնում են վերջրյա նավերը, սուզանավերը, ավիացիան կամ առափնյա հրթիռային համալիրները: Կամ բոլորը միաժամանակ։ Սա առօրյա և բազմատարբերակ մարտական դասընթաց է։

Ալեքսանդր Խրոլենկո, ռազմական վերլուծաբան

Ամերիկյան «Դոնալդ Քուք» էսկադրային ականակիրը հունվարի 23-ին մտել է Սև ծով և ստանդարտ «թիրախային իրավիճակ» է ստեղծել Ռուսաստանի ռազմածովային ուժերի արդյունավետ մարտական պատրաստության համար: Պաշտպանության կառավարման ազգային կենտրոնից հակիրճ հայտնել են. «Սևծովյան նավատորմի ուժերն ու միջոցները սկսել են հետևել ականակրին»:

Նույն օրը, ԶԼՄ-ների տվյալներով, Ռուսաստանի օդատիեզերական ուժերի վեց մարտական ինքնաթիռներ պայմանական հարված են հասցրել ամերիկյան Էսկադրային ականակրին՝ Սև ծովի արևմտյան մասում, Ղրիմի թերակղզուց մոտ 300 կմ հեռավորության վրա: Երկու զույգ Սու-30 և Սու-27 կործանիչներ, ինչպես նաև Սու-24 ճակատային ռմբակոծիչներ օդ են բարձրացել Ղրիմի ավիաբազայից, հերթով մոտեցել են ծովային թիրախին՝ հրթիռա-ռումբային սպառազինության կիրառման սահմանագծին և մշակել հակառակորդի չեզոքացումը (պայմանական հարվածներ):

Արձագանքը միանգամայն համարժեք է ԱՄՆ ռազմածովային ուժերի ապակառուցողական ակտիվությանը ՌԴ ծովային սահմանների մոտ։ Երկու ամիս առաջ նույնատիպ՝ «Տոմահավք» թևավավոր հրթիռներով զինված «Ջոն Մաքքեյն» էսկադրային ականակիրը խախտել էր ռուսական սահմանը Պետրոս Մեծի ծովածոցում, և խոյահարման սպառնալիքով չեզոք ջրեր քշվել Խաղաղօվկիանոսյան նավատորմի «Ադմիրալ Վինոգրադով» նավի կողմից։

Այն ժամանակ ԱՄՆ ՌԾՈւ հրամանատարությունը հայտարարեց, որ ծովի տվյալ հատվածը ռուսական չի ճանաչում։ Ղրիմի թերակղզու մոտ հեռավորարևելյան սադրանքի կրկնության մեծ հավանականություն կա։ Դրա համար էլ հունվարի 23-ին Ռուսաստանը «Դոնալդ Քուքին» անմիջապես վճռական գործողությունների պատրաստակամություն ցույց տվեց և ցրեց ՌԴ տարածքային ջրերում ամերիկյան Էսկադրային ականակիրների «ազատ ծովագնացության» առասպելը։

Բացի այդ, Սևծովյան նավատորմում ճգնաժամային իրավիճակներում գործողությունների վարժանք է կայացել: Այնուհետև Ռուսաստանի ռազմածովային նավատորմը Սև ծովի հյուսիսային հատվածում նավագնացության համար փակել է հազարավոր քառակուսի կիլոմետր տարածք՝ մարտական պատրաստության պլանային միջոցառումների պատճառով: Վերջին քայլը, մասնագետների կարծիքով, կապված չէ  «Դոնալդ Քուք» էսկադրային ականակրի այցի հետ, բայց արտացոլում է տարածաշրջանում աճող ռազմաքաղաքական լարվածությունը։

«Վայրասլաց ռմբակոծչի» մարտավարությունը

«Դոնալդ Քուք» ականակիրն ունակ է կրել մինչև 1600 կմ հեռահարությամբ ավելի քան 60 «Տոմահավք» թևավոր հրթիռ (հնարավոր է միջուկային հագեցվածություն), տախտակամածին ունի հակասուզանավային ASROC հրթիռներ, «Ստանդարտ» զենիթային հրթիռներ, հակահրթիռային պաշտպանության «Իջիս» համակարգի բաղադրիչներ, մարտական տեղեկատվական ղեկավարման համակարգ և դրանով իբրև թե ցուցադրում է ԱՄՆ-ի համագործակցության ամրապնդումը ՆԱՏՕ-ի դաշնակիցների հետ։

ԱՄՆ ու ՌԴ փոխներգործության վեկտորը փոխվում է. ՌՀՍ-3 պայմանագրի ժամկետը կլրանա փետրվարին

Նման պայթյունավտանգ զինանոցը հազիվ թե ծառայի տարածաշրջանային կայունության ամրապնդմանը։ Հիշեցնենք, որ շահագործման 36 տարիների ընթացքում «Իջիս» համակարգի միակ «ռազմավարը» IranAir ընկերության ուղևորատար ինքնաթիռն է եղել, որը խոցվել է նույնականացման սխալի արդյունքում (որպես F-14 կործանիչ)։

Ականակրի հարվածային հնարավորությունները «ցամաքի դեմ» նշանակալից են, ՀՕՊ համակարգի արդյունավետությունը մարտական պայմաններում չի ստուգվել, իսկ թևավոր «Տոմահավքները» ծովային մարտի ընթացքում ոչ մի կերպ չեն օգնի («Տոմահավքի» BGM-109B TASM հականավային տարբերակը սպառազինությունից հանվել է շատ տարիներ առաջ)։ «Քուքի» նավախելին ընդամենը չորս մինչձայնային հականավային «Հարպուն» կա։ Ականակիրը երբեք ՌԴ ՌԾՈւ հսկողությունից դուրս չի մնացել։

«Դոնալդ Քուքը» ԱՄՆ-ի ռազմածովային ուժերի 6-րդ նավատորմի կազմում է և 2014 թվականից ի վեր պարբերաբար հայտնվում է ՌԴ-ի սահմանների մոտ՝ Սև և Բալթիկ ծովերում: Նույն թվականին Էսկադրային ականակրի անձնակազմը (ավելի քան 300 մարդ) Սև ծովում շատ մոտիկից ծանոթացավ ռուսական Սու-24 ռազմաճակատային ռմբակոծիչի հետ, որը 12 անգամ թռավ նավի վրայով՝ կարծես ծաղրելով անկոչ հյուրերին։

ԱՄՆ Պետդեպի տվյալներով՝ այն ժամանակ Սու-24-ի ռադիոէլեկտրոնային պայքարի սարքավորումներն առաջին անգամ շարքից հանեցին «Քուքի» բարդ էլեկտրոնիկան, և այդպիսով բարոյազրկեցին ամերիկացի ծովայիններին։ Երկրորդ անգամ Սու-24-ը «Քուքի» սաքավորումներն «անջատեց» 2018թ․-ի գարնանը։ 2021թ․-ին հակազդեցության մարտավարությունը նկատելիորեն փոխվել է, չէ՞ որ վերջին ամիսներին «Քուքը» չափազանց հաճախ է այցելում (ապակայունացնում) Սևծովյան տարածաշրջանը։

Մյուս կողմից՝ ոչ ամենաժամանակակից և «ոչ ծովային» Սու-24 ռմբակոծիչը, բացի ՌԷՊ համակարգից, վերջրյա թիրախների խոցման ավիացիոն միջոցների լայն ընտրանի ունի։ Օրինակ՝ Х-59 գերճշգրիտ կառավարվող «օդ-մակերևույթ» հրթիռը (մինչև 285 կմ հեռահարությամբ) թիրախավորում է նավային ռադարների ճառագայթմամբ, զարգացնում է 3,6 Մախ արագություն և մարտական իրադրության մեջ ոչ մի շանս չի թողնում «Արլի Բըրքի»-ի տիպի էսկադրային ականակիրներին։

Սու-30-ի և Սու-27-ի հզորությունն ու գերազանցությունը ԱՄՆ ռազմածովային ուժերի համար նույնքան տխուր սևծովյան իրականություն է, որքան Մոնտրեի կոնվենցիան, որը ոչ սևծովյան երկրների մարտական նավերին թույլ է տալիս Սև ծովի տարածքում գտնվել ոչ ավելի, քան երեք շաբաթ։

Ռուսաստանը հարկադրված է ուժեղացնել ռազմական խմբավորումը և փոխել ԱՄՆ ՌԾՈւ-ին և ՆԱՏՕ-ին հակազդելու մարտավարությունը հարավ-արևմտյան ռազմավարական ուղղությամբ։ ՌԴ սեւծովյան նավատորմը վերջին տարիներին ստացել է վեց դիզել-էլեկտրական սուզանավ, մի քանի ֆրեգատ և փոքր հրթիռային նավեր, որոնք հագեցած են մեծ հեռահարության «Կալիբր» թևավոր հրթիռներով:

Ղրիմում տեղակայված է մեծ հեռահարության C-400 «Տրիումֆ» հակաօդային պաշտպանության զենիթային հրթիռային համակարգերի չորս դիվիզիոն և «Պանցիր-С» ԶՀՀ-ի մի քանի դիվիզիոն: Սևաստոպոլի մերձակայքում շուտով կհայտնվի հրթիռային հարձակման մասին նախազգուշացման նոր ՌԼԿ համակարգ:

Ռուսաստանի ռազմածովային նավատորմը նույնքան ակտիվորեն ընդլայնում է իր ազդեցությունը Միջերկրական ծովում, որտեղ այսօր գտնվում են շուրջ 10 ռազմանավեր և սուզանավեր, ինչը գերազանցում է ԱՄՆ ռազմածովային ուժերի գործող նավերի քանակը: Defense News-ի տվյալներով՝ Ռուսաստանի Հեռավոր Արեւելքում տեղակայված «Բաստիոն» առափնյա հրթիռային համալիրը Մոսկվային թույլ է տալիս վերահսկել Արկտիկայի ուղղությունը Բերինգի նեղուցով և թիրախներ խոցել Ալյասկայում: Ի՞նչ կլինի հետո։

ԱՄՆ ՌԾՈւ ռազմավարության ծուռ հայելին

«Ռուսաստանին միշտ նյարդայնացնում է Սև ծովում ամերիկյան նավերի առկայությունը, քանի որ դրանք զինված են մեծ հեռահարության թևավոր հրթիռներով և ուժեղ հակահրթիռային պաշտպանությամբ: Ռուսները նման սպառնալիքներն ընկալում են որպես ռազմավարական և երբեք թույլ չեն տա, որ զինանոցի այս տեսակը այնքան մոտ լինի իրենց բնակավայրերին կամ ծայրահեղ կարևոր ենթակառուցվածքներին»։ Սրանք Վիրջինիայի CNA ռազմավերլուծական կենտրոնի՝ Ռուսաստանի ուսումնասիրությունների գծով տնօրեն Մայքլ Քոֆմանի խոսքերն են։

Ինչու է ՆԱՏՕ-ն սադրում, իսկ Ռուսաստանը կանխարգելում ռազմական միջադեպերը

Սակայն Վաշինգտոնին էլ զայրացրել է ԱՄՆ-ի ափերի մոտ Ռուսաստանի ռազմածովային նավատորմի բազմանպատակային և ռազմավարական սուզանավերի ներկայությունը, հրթիռակիր ռազմավարական ռմբակոծիչների թռիչքները (չեզոք ջրերում կամ միջազգային օդային տարածքում)։ Միակողմանի անվտանգություն չի լինում, բայց ԱՄՆ-ն իր ռազմավարությունն ունի։

ԱՄՆ ՌԾՈւ ռազմածովային գործողությունների ղեկավար, ծովակալ Մայքլ Գիլդեյը վերջերս նշել է, որ Վաշինգտոնը չի կարողանա վերադարձնել աշխարհում առաջին տեղը ռազմանավային խմբավորման թվաքանակով, և պետք է Համաշխարհային օվկիանոսում գերիշխանությունը պահպանել նոր տեխնոլոգիաների հաշվին:

Օվկիանոսային տարածքների նկատմամբ վերահսկողությունը կենսական նշանակություն ունի ԱՄՆ տնտեսության և քաղաքականության համար, այսինքն՝ «ամերիկացիների և նրանց դաշնակիցների նավարկության ազատության» և «ուժը հակառակորդի ափ պրոյեկտելու» համար։ Համապատասխանաբար, Ռուսաստանի գլխավոր «հանցագործությունը» պաշտպանունակության զգալի ամրապնդումն է։

Հակամարտության ամերիկյան հայեցակարգում «Ռուսաստանի ՌԾՈւ-ն ընդլայնում է իր ներկայությունն աշխարհում և գործում է մեր ափերին ավելի մոտ... Եթե Ռուսաստանին առանց պատշաճ ուշադրության թողնենք, նա կշարունակի խախտել կանոնների վրա հիմնված համաշխարհային կարգը և սպառնալ մեր երկրին»։

«Վառվում» է Ղրիմի պատճառով․ ՆԱՏՕ-ում երազում են արգելել ռուսական բանակի ներկայությունը

Պաթետիկ «մերկացումներին» կարող են հետևել ցամաքային և ծովային պայմաններում Պենտագոնի սադրանքներն ու գործողությունները (հիշում ենք Իրաքի, Հարավսլավիայի, Աֆղանստանի, Լիբիայի, Սիրիայի պատմությունը): Ուստի Ռուսաստանի ռազմածովային նավատորմը ստիպված է ավելի ու ավելի խիստ կերպով ամերիկացի «գործընկերներին» վերադարձնել բազմաբևեռ աշխարհի դաժան իրականությանը։

29
թեգերը:
նավատորմ, Սև ծով, ԱՄՆ, Ռուսաստան
Ըստ թեմայի
Տարվա արդյունքները. «ցիրկոնապատում» և ՌԴ ռազմածովային նավատորմի 40 նոր նավ
ՆԱՏՕ-ն արցախյան պատերազմով թակում է Իրանի դարպասները
ՆԱՏՕ-ն Սև ծով է դուրս գալիս․ դաշինքը կնեղի՞ Ռուսաստանին Ղրիմում
Լավրովն ընդունել է Այվազյանին. արխիվային լուսանկար

Այվազյանն ու Լավրովը քննարկել են Արցախի վերաբերյալ պայմանավորվածությունների կատարումը

93
(Թարմացված է 18:02 27.01.2021)
Երկու երկրների արտգործնախարարները կարևորել են տարածաշրջանի բոլոր երկրների շահերի պահպանումն ու համատեղ կառուցողական աշխատանքը։

ԵՐԵՎԱՆ, 27 հունվարի - Sputnik. Լեռնային Ղարաբաղի հարցով Հայաստանի, Ռուսաստանի և Ադրբեջանի ղեկավարների պայմանավորվածությունների իրականացման ընթացքն են այսօր կայացած հեռախոսազրույցի ընթացքում քննարկել Հայաստանի և Ռուսաստանի արտգործնախարարներ Արա Այվազյանն ու Սերգեյ Լավրովը: Տեղեկությունը հայտնում է Ռուսաստանի արտաքին քաղաքական գերատեսչության մամուլի ծառայությունը։

«Մանրամասն քննարկվել է Հայաստանի, Ռուսաստանի և Ադրբեջանի ղեկավարների 2020 թվականի նոյեմբերի 9-ի և 2021 թվականի հունվարի 11-ի հայտարարություններում արձանագրված պայմանավորվածությունների իրականացման ընթացքը, ներառյալ անվտանգության, հումանիտար  խնդիրները, տնտեսական և տրանսպորտային կապերի ապաշրջափակումը: Այս համատեքստում կարևորվել է տարածաշրջանի բոլոր երկրների շահերի համադրումը և համատեղ կառուցողական աշխատանքը», - ասված է հաղորդագրության մեջ:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Իսկ 2021 թվականի հունվարի 11-ին Մոսկվայում կայացավ Հայաստանի վարչապետ Նիկոլ Փաշինյանի, Ռուսաստանի նախագահ Վլադիմիր Պուտինի, Ադրբեջանի նախագահ Իլհամ Ալիևի հանդիպումը։

Գրեթե 4 ժամ տևած բանակցությունների արդյունքում ընդունվեց եռակողմ հայտարարություն, որը հիմնականում վերաբերում էր 2020-ի նոյեմբերի 9-ի հայտարարության 9-րդ՝ տարածաշրջանում բոլոր տնտեսական և տրանսպորտային կապերն ապաշրջափակելու վերաբերյալ կետի իրագործմանը։

93
թեգերը:
Ադրբեջան, Ռուսաստան, Հայաստան, Լեռնային Ղարաբաղ, Արցախ, Արցախյան պատերազմ, Սերգեյ Լավրով, Արա Այվազյան
Ըստ թեմայի
Բնակարանաշինություն, նոր աշխատատեղեր. Սփյուռքը պատրաստ է օգնել արցախցիներին
Որևէ կարգավիճակ Ադրբեջանի կազմում անհնար ու անընդունելի է. Արցախի նախագահ
ՀԿԵ ՓԲԸ գլխավոր տնօրենը մեկնել է Մոսկվա՝ Արցախի վերաբերյալ եռակողմ հանդիպմանը մասնակցելու
Второй президент Республики Армения Роберт Кочарян в гостях у Sputnik Армения

«Մասնակցելու ենք և կրելու ենք». Քոչարյանը կմասնակցի արտահերթ ընտրություններին

77
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:

ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:

«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:

Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:

«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:

Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։

Արցախում ամեն օր նոր տարածքային կորուստներ են գրանցվում. Քոչարյան

Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։

77
թեգերը:
ընդդիմություն, Հայաստան, Ազգային ժողովի ընտրություններ, Ընտրություններ, Ռոբերտ Քոչարյան
Ըստ թեմայի
Եթե ՀՀ վարչապետը լիներ թուրքական գործակալ, կաներ այն ամենը, ինչ արվել է. Ռոբերտ Քոչարյան
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան