Օլգա Բուզովան Դավային ժառանգ կնվիրի․ երգչուհին սկսել է մտածել երեխայի մասին
(Թարմացված է 08:57 29.12.2020)
Դեռ բոլորովին վերջերս փոփ-երգչուհին կատակի էր տալիս, երբ նրան հարցնում էին մայրության մասին։ Իսկ հիմա խոստովանում է, որ ուրախալի իրադարձությունը կարող է տեղի ունենալ արդեն Նոր տարում։
ԵՐԵՎԱՆ, 29 դեկտեմբերի - Sputnik. Հայտնի ռուս երգչուհի և հաղորդավարուհի Օլգա Բուզովան սկսել է լրջորեն մտածել մայրիկ դառնալու մասին։
Նա չի բացառում, որ իր կյանքի այդ երջանիկ իրադարձությունը կարող է տեղի ունենալ տեսանելի ապագայում։
«Ժառանագորդ կամ ժառանգորդուհի եմ ուզում, որպեսզի ամեն ինչ բաժին հասնի արքայադստերը՝ իմ աղջկան։ Ես սկսել եմ ավելի ու ավելի հաճախ մտածել այդ մասին»,-ասել է Բուզովան «People Talk» YouTube-ալիքում Լաուրա Ջուգելիային տված հարցազրույցում։
Օլգան ակնարկել է, որ իր սիրեցյալը՝ բլոգեր և երաժիշտ Դավիթ Մանուկյանը երեխայի հոր կատարյալ թեկնածու է։ Աստղի խոսքով՝ իրենց միջև շատ ամուր կապ կա, հազվագյուտ են կռվում և միշտ փոխզիջման տարբերակներ են գտնում։
Աստղը նաև ընդգծել է, որ իր համար հղիությունը քմահաճույք չէ, այլ ընտանիքի պլանավորման միանգամայն պատասխանատու և իմաստալից քայլ: Այդ է պատճառը, որ նա ուրախությամբ և հուզմունքով է կանխավայելում առաջնեկի ծնունդը։
Օլգան խոստովանում է, որ իրեն խիստ զայրացնում է հասարակության այն կարծիքը, թե իբր Մանուկյանի հետ սիրավեպը կեղծիք է և փիար-քայլ, քանի որ իր զգացմունքներն անկեղծ են ու իրական, իսկ վեճերի մասին բամբասանքները ԶԼՄ-ների հորինածն են։
Ավելի վաղ Դավիթ Մանուկյանը խոստովանել էր, որ երազում է սիրելիից լսել «Ես հղի եմ» նվիրական բառերը։ Դրա հետ մեկտեղ երգչուհին մի անգամ խոստովանել էր, որ այս պահին պատրաստ չէ համատեղ երեխա ունենալուն։ Նա շարունակում է մեծ ուշադրություն տրամադրել աշխատանքին։
«Սա սեր չէ». էքստրասենսը կանխատեսել է, որ Բուզովան ու Դավիթը բաժանվելու են
Ռուսական փոփ-բեմի արքա Ֆիլիպ Կիրկորովը վերջերս աստղային զույգին խորհուրդ էր տվել երեխաներ ունենալ։
Բուզովայի և բլոգեր Դավիթ Մանուկյանի հարաբերությունները սկսվել են 2019թ․-ին։ Անցած Նոր տարին սիրահարները միասին նշեցին լեռնադահուկային հանգստավայրում, ինչից հետո սկսեցին միասին ապրել և ինքնամեկուսացումը միասին անցկացրին։ Տարվա ընթացքում համացանցում պարբերաբար լուրեր էին հայտնվում զույգի բաժանման մասին, բայց աստղերը կարողացան պահպանել հարաբերությունները և անգամ նոր մակարդակի հասցնել այն։
Հայաստան է ժամանել ՌԴ զինված ուժերի պատվիրակությունը. օրակարգը հայտնի է
(Թարմացված է 20:04 25.01.2021)
Անցկացվում են հայ-ռուսական երկկողմ ռազմական համագործակցության շտաբային բանակցություններ։
ԵՐԵՎԱՆ, 25 հունվարի – Sputnik. Այսօր Հայաստան է ժամանել Ռուսաստանի Դաշնության զինված ուժերի պատվիրակությունը։ Տեղեկությունը հայտնում է ՀՀ պաշտպանության նախարարության մամուլի ծառայությունը։
©
Photo : official site of the MoD of RA
Հայաստան է ժամանել Ռուսաստանի Դաշնության զինված ուժերի պատվիրակությունը
Պատվիրակությունը գլխավորում է ՌԴ ԶՈւ գլխավոր շտաբի պետի տեղակալ, գեներալ-գնդապետ Սերգեյ Իստրակովը։ Այցի նպատակը հայ-ռուսական երկկողմ ռազմական համագործակցության բոլոր ուղղություններով շտաբային բանակցությունների մասնակցելն է։
©
Photo : official site of the MoD of RA
Հայաստան է ժամանել Ռուսաստանի Դաշնության զինված ուժերի պատվիրակությունը
Այսօր արդեն պատվիրակության ղեկավարին ընդունել է ՀՀ պաշտպանության նախարար Վաղարշակ Հարությունյանը։
ՌԴ ԶՈւ գլխավոր շտաբի պետի տեղակալ Սերգեյ Իստրակովը հանդիպել է նաև ՀՀ զինված ուժերի գլխավոր շտաբի պետ, գեներալ-գնդապետ Օնիկ Գասպարյանի հետ:
©
Photo : official site of the MoD of RA
Հայաստան է ժամանել Ռուսաստանի Դաշնության զինված ուժերի պատվիրակությունը
Հանդիպումների ընթացքում նախանշվել են առաջիկա աշխատանքների ծավալն ու ուղղությունները:
Դավիթ Տոնոյանն ասել է` որքանով է Ռուսաստանն աջակցել իր դաշնակից Հայաստանին
թեգերը:
Լավրովն ու Զարիֆը կքննարկեն Լեռնային Ղարաբաղի թեման. ՌԴ ԱԳՆ
(Թարմացված է 16:28 25.01.2021)
Ռուսաստանի և Իրանի արտգործնախարարները հանդիպելու են Մոսկվայում, այնուհետև Զարիֆն այցելելու է Հայաստան։ԵՐԵՎԱՆ, 25 հունվարի – Sputnik. Ռուսաստանի Դաշնության արտաքին գործերի նախարար Սերգեյ Լավրովն ու ԻԻՀ արտաքին գործերի նախարար Մոհամմադ Ջավադ Զարիֆը կքննարկեն Լեռնային Ղարաբաղի շուրջ ստեղծված իրավիճակը: Տեղեկությունը հայտնում է Ռուսաստանի Դաշնության արտգործնախարարությունը:
«Հունվարի 26-ին Մոսկվայում տեղի կունենան Ռուսաստանի Դաշնության ԱԳ նախարար Սերգեյ Լավրովի և Իրանի ԱԳ նախարար Մոհամմադ Ջավադ Զարիֆի բանակցությունները: Նախատեսվում է քննարկել միջազգային և տարածաշրջանային օրակարգի մի շարք կարևոր հարցեր, այդ թվում` Լեռնային Ղարաբաղի շրջանում և դրա շուրջ ստեղծված իրավիճակը»,- նշված է հաղորդագրությունում:
Հնարավոր է շրջանցել պատժամիջոցները. որ ոլորտներում է Իրանը պատրաստ համագործակցել ՀՀ-ի հետ
Զարիֆն այժմ Ադրբեջանում է, իսկ հունվարի 27-ին նա կայցելի Հայաստան:
10 մեքենաներ արգելափակվել էին ձյան մեջ․ փրկարարներն օգնություն են ցուցաբերել
(Թարմացված է 00:04 26.01.2021)
Արգելափակված մեքենաները եղել են Գեղարքունիքի, Արագածոտնի և Կոտայքի մարզերում։
ԵՐԵՎԱՆ, 26 հունվարի – Sputnik. Վերջին մեկ օրվա ընթացքում փրկարարները հանրապետության տարբեր հատվածներում արգելափակումից մեքենաներ են դուրս բերել։ Տեղեկությունը հայտնում է ԱԻՆ մամուլի ծառայությունը։
«Հունվարի 24-ից 25-ն ԱԻՆ ՓԾ ճգնաժամային կառավարման ազգային կենտրոնում 10 ահազանգ է ստացվել հանրապետության տարբեր տարածքներում ձյան մեջ արգելափակված ավտոմեքենաների վերաբերյալ»,- նշված է հաղորդագրության մեջ։
Մասնավորապես, արգելափակված մեքենաները եղել են Գեղարքունիքի մարզի Գավառ, Վարդենիս, Վայոց ձորի մարզի Ջերմուկ, Արագածոտնի մարզի Ապարան քաղաքներում, Ջամշլու գյուղում, Կոտայքի մարզի Գեղարդ գյուղում, Ալագյազ-Վարդաբլուր ավտոճանապարհին։
Դեպքի վայր ժամանած փրկարարներն արգելափակումից դուրս են բերել 10 ավտոմեքենա։ 9 քաղաքացու ցուցաբերվել է համապատասխան օգնություն։