Անդրեյ Բելյանինով

Ռուսական պատվաստանյութը հնարավորինս արագ պետք է հասանելի դառնա ԵԱՏՄ-ում․ Բելյանինով

40
(Թարմացված է 15:58 25.12.2020)
Միլիոնավոր մարդիկ պատվաստանյութի կարիք ունեն, բայց Ռուսաստանում թողարկվող պատվաստանյութի արտադրության համար անհրաժեշտ սարքավորումների մի մասն ԱՄՆ-ից է բերվում, և Եվրասիայի ժողովուրդների ասամբլեայի գլխավոր քարտուղարի խոսքով` հիմա կարևոր է «չնեղել» մրցակիցներին։

ԵՐԵՎԱՆ, 25 դեկտեմբերի — Sputnik. Կորոնավիրուսի դեմ ռուսական պատվաստանյութը պետք է հնարավորինս արագ հասանելի դառնա Եվրասիական տնտեսական միության երկրներում։ Այսօր կայացած Մոսկվա–Բիշքեկ–Երևան–Նուր-Սուլթան տեսակամրջի ընթացքում նման կարծիք հայտնեց Եվրասիայի ժողովուրդների ասամբլեայի քարտուղար, քաղաքական գիտությունների դոկտոր Անդրեյ Բելյանինովը։

Նրա խոսքով՝ ոչ ոք չի պնդում, որ աշխարհում ռուսական պատվաստանյութից բացի ուրիշը չպետք է լինի. եթե ամեն ինչ շուկայով չափենք, այն այնքան մեծ է, որ բոլորի համար տեղ կգտնվի։

«Հնդկաստանում ու Կամերունում մեր ասոցիացիայի ներկայացուցիչներն ասում են, որ իրենց երկրներում ռուսական պատվաստանյութի կարիք կա։ Հարցնում էի՝ ինչո՞ւ, չէ՞ որ Հնդկաստանը հիանալի դեղագործություն ունի»։ Ինձ ասում էին. «Մեզ մոտ շոգ է, ուրիշ պատվաստանյութերն այս ջերմաստիճաններին չեն դիմանում»։ Այդ պատճառով պետք է հնարավորինս արագ բաշխել այդ պատվաստանյութերը։ Իհարկե, Ռուսաստանն առաջին հերթին հոգ կտանի սեփական բնակչության մասին։ Բայց մյուս երկրներն էլ օգնության կարիք ունեն», - ավելացրեց Բեյլանինովը։

Նա ասաց, որ Եվրասիական միության երկրները՝ և՛ Ղազախստանը, և՛ Ղրղզստանը, և՛ Բելառուսը, և՛ Հայաստանը, այդ պատվաստանյութի կարիքն ունեն։

Բելյանինովը նշեց, որ պատվաստանյութի արտադրության համար օգտագործվող սարքավորման մի մասը ԱՄՆ-ում է պատրաստվում։ Ու հիմա այդ սարքավորման նոր մատակարարումների հետ կապված կարող են խնդիրներ առաջանալ․ ամերիկյան ձեռնարկություններն ասում են, որ պետք է դրանք վաճառեն այլ դեղագործական ընկերությունների։

«Այսինքն՝ տեխնոլոգիական կախվածության մեջ ենք հայտնվել։ Հիմա ամենակարևորն այն է, որ մենք միմյանց մեջ մրցակիցներ չտեսնենք, ու վաճառքի և շուկայի համար պայքարում միլիոնավոր մարդիկ դեղից չզրկվեն», - ավելացրեց Բելյանինովը։

Պուտինն ասաց` ինչու մինչ այժմ չի պատվաստվել կորոնավիրուսի դեմ

Նշենք՝ Հայաստանն արդեն բանակցություններ է վարում «Սպուտնիկ V» կորոնավիրուսի դեմ ռուսական պատվաստանյութ ձեռք բերելու վերաբերյալ։

Հիշեցնենք` Ռուսաստանն աշխարհում առաջինն է գրանցել COVID-19–ի դեմ պատվաստանյութը, որը ստեղծել են Գամալեայի կենտրոնը և Ուղիղ ներդրումների ռուսական հիմնադրամը։ Այն ստացել է «Սպուտնիկ V» անվանումը։ Առաջին խմբաքանակն արդեն իսկ շրջանառության մեջ է դրվել և Ռուսաստանի մարզեր է մատակարարվում։

40
թեգերը:
պատվաստանյութ, կորոնավիրուս, Հայաստան
թեմա:
Կորոնավիրուսը աշխարհում (976)
Ըստ թեմայի
Կորոնավիրուսի պատվաստանյութը կարո՞ղ է պաշտպանել գրիպից. պատասխանում է մասնագետը
Բրիտանական AstraZeneca-ն COVID-ի դեմ պատվաստանյութը կփորձարկի «Սպուտնիկ- V»-ի հետ համատեղ
Կպաշտպանե՞ն արդյոք հին պատվաստանյութերը բոլորովին նոր՝ բրիտանական կորոնավիրուսից
Ամերիկյան «Դոնալդ Քուք» էսկադրային ականակիրը

Սև ծովում պայմանականորեն «ոչնչացվել է» ամերիկյան ականակիրը

29
(Թարմացված է 19:19 27.01.2021)
Երբ հավանական հակառակորդը հայտնվում է ՌԴ ծովային սահմանների մոտ, նրան օպերատիվ կերպով դիմավորում և պայմանականորեն ոչնչացնում են վերջրյա նավերը, սուզանավերը, ավիացիան կամ առափնյա հրթիռային համալիրները: Կամ բոլորը միաժամանակ։ Սա առօրյա և բազմատարբերակ մարտական դասընթաց է։

Ալեքսանդր Խրոլենկո, ռազմական վերլուծաբան

Ամերիկյան «Դոնալդ Քուք» էսկադրային ականակիրը հունվարի 23-ին մտել է Սև ծով և ստանդարտ «թիրախային իրավիճակ» է ստեղծել Ռուսաստանի ռազմածովային ուժերի արդյունավետ մարտական պատրաստության համար: Պաշտպանության կառավարման ազգային կենտրոնից հակիրճ հայտնել են. «Սևծովյան նավատորմի ուժերն ու միջոցները սկսել են հետևել ականակրին»:

Նույն օրը, ԶԼՄ-ների տվյալներով, Ռուսաստանի օդատիեզերական ուժերի վեց մարտական ինքնաթիռներ պայմանական հարված են հասցրել ամերիկյան Էսկադրային ականակրին՝ Սև ծովի արևմտյան մասում, Ղրիմի թերակղզուց մոտ 300 կմ հեռավորության վրա: Երկու զույգ Սու-30 և Սու-27 կործանիչներ, ինչպես նաև Սու-24 ճակատային ռմբակոծիչներ օդ են բարձրացել Ղրիմի ավիաբազայից, հերթով մոտեցել են ծովային թիրախին՝ հրթիռա-ռումբային սպառազինության կիրառման սահմանագծին և մշակել հակառակորդի չեզոքացումը (պայմանական հարվածներ):

Արձագանքը միանգամայն համարժեք է ԱՄՆ ռազմածովային ուժերի ապակառուցողական ակտիվությանը ՌԴ ծովային սահմանների մոտ։ Երկու ամիս առաջ նույնատիպ՝ «Տոմահավք» թևավավոր հրթիռներով զինված «Ջոն Մաքքեյն» էսկադրային ականակիրը խախտել էր ռուսական սահմանը Պետրոս Մեծի ծովածոցում, և խոյահարման սպառնալիքով չեզոք ջրեր քշվել Խաղաղօվկիանոսյան նավատորմի «Ադմիրալ Վինոգրադով» նավի կողմից։

Այն ժամանակ ԱՄՆ ՌԾՈւ հրամանատարությունը հայտարարեց, որ ծովի տվյալ հատվածը ռուսական չի ճանաչում։ Ղրիմի թերակղզու մոտ հեռավորարևելյան սադրանքի կրկնության մեծ հավանականություն կա։ Դրա համար էլ հունվարի 23-ին Ռուսաստանը «Դոնալդ Քուքին» անմիջապես վճռական գործողությունների պատրաստակամություն ցույց տվեց և ցրեց ՌԴ տարածքային ջրերում ամերիկյան Էսկադրային ականակիրների «ազատ ծովագնացության» առասպելը։

Բացի այդ, Սևծովյան նավատորմում ճգնաժամային իրավիճակներում գործողությունների վարժանք է կայացել: Այնուհետև Ռուսաստանի ռազմածովային նավատորմը Սև ծովի հյուսիսային հատվածում նավագնացության համար փակել է հազարավոր քառակուսի կիլոմետր տարածք՝ մարտական պատրաստության պլանային միջոցառումների պատճառով: Վերջին քայլը, մասնագետների կարծիքով, կապված չէ  «Դոնալդ Քուք» էսկադրային ականակրի այցի հետ, բայց արտացոլում է տարածաշրջանում աճող ռազմաքաղաքական լարվածությունը։

«Վայրասլաց ռմբակոծչի» մարտավարությունը

«Դոնալդ Քուք» ականակիրն ունակ է կրել մինչև 1600 կմ հեռահարությամբ ավելի քան 60 «Տոմահավք» թևավոր հրթիռ (հնարավոր է միջուկային հագեցվածություն), տախտակամածին ունի հակասուզանավային ASROC հրթիռներ, «Ստանդարտ» զենիթային հրթիռներ, հակահրթիռային պաշտպանության «Իջիս» համակարգի բաղադրիչներ, մարտական տեղեկատվական ղեկավարման համակարգ և դրանով իբրև թե ցուցադրում է ԱՄՆ-ի համագործակցության ամրապնդումը ՆԱՏՕ-ի դաշնակիցների հետ։

ԱՄՆ ու ՌԴ փոխներգործության վեկտորը փոխվում է. ՌՀՍ-3 պայմանագրի ժամկետը կլրանա փետրվարին

Նման պայթյունավտանգ զինանոցը հազիվ թե ծառայի տարածաշրջանային կայունության ամրապնդմանը։ Հիշեցնենք, որ շահագործման 36 տարիների ընթացքում «Իջիս» համակարգի միակ «ռազմավարը» IranAir ընկերության ուղևորատար ինքնաթիռն է եղել, որը խոցվել է նույնականացման սխալի արդյունքում (որպես F-14 կործանիչ)։

Ականակրի հարվածային հնարավորությունները «ցամաքի դեմ» նշանակալից են, ՀՕՊ համակարգի արդյունավետությունը մարտական պայմաններում չի ստուգվել, իսկ թևավոր «Տոմահավքները» ծովային մարտի ընթացքում ոչ մի կերպ չեն օգնի («Տոմահավքի» BGM-109B TASM հականավային տարբերակը սպառազինությունից հանվել է շատ տարիներ առաջ)։ «Քուքի» նավախելին ընդամենը չորս մինչձայնային հականավային «Հարպուն» կա։ Ականակիրը երբեք ՌԴ ՌԾՈւ հսկողությունից դուրս չի մնացել։

«Դոնալդ Քուքը» ԱՄՆ-ի ռազմածովային ուժերի 6-րդ նավատորմի կազմում է և 2014 թվականից ի վեր պարբերաբար հայտնվում է ՌԴ-ի սահմանների մոտ՝ Սև և Բալթիկ ծովերում: Նույն թվականին Էսկադրային ականակրի անձնակազմը (ավելի քան 300 մարդ) Սև ծովում շատ մոտիկից ծանոթացավ ռուսական Սու-24 ռազմաճակատային ռմբակոծիչի հետ, որը 12 անգամ թռավ նավի վրայով՝ կարծես ծաղրելով անկոչ հյուրերին։

ԱՄՆ Պետդեպի տվյալներով՝ այն ժամանակ Սու-24-ի ռադիոէլեկտրոնային պայքարի սարքավորումներն առաջին անգամ շարքից հանեցին «Քուքի» բարդ էլեկտրոնիկան, և այդպիսով բարոյազրկեցին ամերիկացի ծովայիններին։ Երկրորդ անգամ Սու-24-ը «Քուքի» սաքավորումներն «անջատեց» 2018թ․-ի գարնանը։ 2021թ․-ին հակազդեցության մարտավարությունը նկատելիորեն փոխվել է, չէ՞ որ վերջին ամիսներին «Քուքը» չափազանց հաճախ է այցելում (ապակայունացնում) Սևծովյան տարածաշրջանը։

Մյուս կողմից՝ ոչ ամենաժամանակակից և «ոչ ծովային» Սու-24 ռմբակոծիչը, բացի ՌԷՊ համակարգից, վերջրյա թիրախների խոցման ավիացիոն միջոցների լայն ընտրանի ունի։ Օրինակ՝ Х-59 գերճշգրիտ կառավարվող «օդ-մակերևույթ» հրթիռը (մինչև 285 կմ հեռահարությամբ) թիրախավորում է նավային ռադարների ճառագայթմամբ, զարգացնում է 3,6 Մախ արագություն և մարտական իրադրության մեջ ոչ մի շանս չի թողնում «Արլի Բըրքի»-ի տիպի էսկադրային ականակիրներին։

Սու-30-ի և Սու-27-ի հզորությունն ու գերազանցությունը ԱՄՆ ռազմածովային ուժերի համար նույնքան տխուր սևծովյան իրականություն է, որքան Մոնտրեի կոնվենցիան, որը ոչ սևծովյան երկրների մարտական նավերին թույլ է տալիս Սև ծովի տարածքում գտնվել ոչ ավելի, քան երեք շաբաթ։

Ռուսաստանը հարկադրված է ուժեղացնել ռազմական խմբավորումը և փոխել ԱՄՆ ՌԾՈւ-ին և ՆԱՏՕ-ին հակազդելու մարտավարությունը հարավ-արևմտյան ռազմավարական ուղղությամբ։ ՌԴ սեւծովյան նավատորմը վերջին տարիներին ստացել է վեց դիզել-էլեկտրական սուզանավ, մի քանի ֆրեգատ և փոքր հրթիռային նավեր, որոնք հագեցած են մեծ հեռահարության «Կալիբր» թևավոր հրթիռներով:

Ղրիմում տեղակայված է մեծ հեռահարության C-400 «Տրիումֆ» հակաօդային պաշտպանության զենիթային հրթիռային համակարգերի չորս դիվիզիոն և «Պանցիր-С» ԶՀՀ-ի մի քանի դիվիզիոն: Սևաստոպոլի մերձակայքում շուտով կհայտնվի հրթիռային հարձակման մասին նախազգուշացման նոր ՌԼԿ համակարգ:

Ռուսաստանի ռազմածովային նավատորմը նույնքան ակտիվորեն ընդլայնում է իր ազդեցությունը Միջերկրական ծովում, որտեղ այսօր գտնվում են շուրջ 10 ռազմանավեր և սուզանավեր, ինչը գերազանցում է ԱՄՆ ռազմածովային ուժերի գործող նավերի քանակը: Defense News-ի տվյալներով՝ Ռուսաստանի Հեռավոր Արեւելքում տեղակայված «Բաստիոն» առափնյա հրթիռային համալիրը Մոսկվային թույլ է տալիս վերահսկել Արկտիկայի ուղղությունը Բերինգի նեղուցով և թիրախներ խոցել Ալյասկայում: Ի՞նչ կլինի հետո։

ԱՄՆ ՌԾՈւ ռազմավարության ծուռ հայելին

«Ռուսաստանին միշտ նյարդայնացնում է Սև ծովում ամերիկյան նավերի առկայությունը, քանի որ դրանք զինված են մեծ հեռահարության թևավոր հրթիռներով և ուժեղ հակահրթիռային պաշտպանությամբ: Ռուսները նման սպառնալիքներն ընկալում են որպես ռազմավարական և երբեք թույլ չեն տա, որ զինանոցի այս տեսակը այնքան մոտ լինի իրենց բնակավայրերին կամ ծայրահեղ կարևոր ենթակառուցվածքներին»։ Սրանք Վիրջինիայի CNA ռազմավերլուծական կենտրոնի՝ Ռուսաստանի ուսումնասիրությունների գծով տնօրեն Մայքլ Քոֆմանի խոսքերն են։

Ինչու է ՆԱՏՕ-ն սադրում, իսկ Ռուսաստանը կանխարգելում ռազմական միջադեպերը

Սակայն Վաշինգտոնին էլ զայրացրել է ԱՄՆ-ի ափերի մոտ Ռուսաստանի ռազմածովային նավատորմի բազմանպատակային և ռազմավարական սուզանավերի ներկայությունը, հրթիռակիր ռազմավարական ռմբակոծիչների թռիչքները (չեզոք ջրերում կամ միջազգային օդային տարածքում)։ Միակողմանի անվտանգություն չի լինում, բայց ԱՄՆ-ն իր ռազմավարությունն ունի։

ԱՄՆ ՌԾՈւ ռազմածովային գործողությունների ղեկավար, ծովակալ Մայքլ Գիլդեյը վերջերս նշել է, որ Վաշինգտոնը չի կարողանա վերադարձնել աշխարհում առաջին տեղը ռազմանավային խմբավորման թվաքանակով, և պետք է Համաշխարհային օվկիանոսում գերիշխանությունը պահպանել նոր տեխնոլոգիաների հաշվին:

Օվկիանոսային տարածքների նկատմամբ վերահսկողությունը կենսական նշանակություն ունի ԱՄՆ տնտեսության և քաղաքականության համար, այսինքն՝ «ամերիկացիների և նրանց դաշնակիցների նավարկության ազատության» և «ուժը հակառակորդի ափ պրոյեկտելու» համար։ Համապատասխանաբար, Ռուսաստանի գլխավոր «հանցագործությունը» պաշտպանունակության զգալի ամրապնդումն է։

Հակամարտության ամերիկյան հայեցակարգում «Ռուսաստանի ՌԾՈւ-ն ընդլայնում է իր ներկայությունն աշխարհում և գործում է մեր ափերին ավելի մոտ... Եթե Ռուսաստանին առանց պատշաճ ուշադրության թողնենք, նա կշարունակի խախտել կանոնների վրա հիմնված համաշխարհային կարգը և սպառնալ մեր երկրին»։

«Վառվում» է Ղրիմի պատճառով․ ՆԱՏՕ-ում երազում են արգելել ռուսական բանակի ներկայությունը

Պաթետիկ «մերկացումներին» կարող են հետևել ցամաքային և ծովային պայմաններում Պենտագոնի սադրանքներն ու գործողությունները (հիշում ենք Իրաքի, Հարավսլավիայի, Աֆղանստանի, Լիբիայի, Սիրիայի պատմությունը): Ուստի Ռուսաստանի ռազմածովային նավատորմը ստիպված է ավելի ու ավելի խիստ կերպով ամերիկացի «գործընկերներին» վերադարձնել բազմաբևեռ աշխարհի դաժան իրականությանը։

29
թեգերը:
նավատորմ, Սև ծով, ԱՄՆ, Ռուսաստան
Ըստ թեմայի
Տարվա արդյունքները. «ցիրկոնապատում» և ՌԴ ռազմածովային նավատորմի 40 նոր նավ
ՆԱՏՕ-ն արցախյան պատերազմով թակում է Իրանի դարպասները
ՆԱՏՕ-ն Սև ծով է դուրս գալիս․ դաշինքը կնեղի՞ Ռուսաստանին Ղրիմում
Լավրովն ընդունել է Այվազյանին. արխիվային լուսանկար

Այվազյանն ու Լավրովը քննարկել են Արցախի վերաբերյալ պայմանավորվածությունների կատարումը

100
(Թարմացված է 18:02 27.01.2021)
Երկու երկրների արտգործնախարարները կարևորել են տարածաշրջանի բոլոր երկրների շահերի պահպանումն ու համատեղ կառուցողական աշխատանքը։

ԵՐԵՎԱՆ, 27 հունվարի - Sputnik. Լեռնային Ղարաբաղի հարցով Հայաստանի, Ռուսաստանի և Ադրբեջանի ղեկավարների պայմանավորվածությունների իրականացման ընթացքն են այսօր կայացած հեռախոսազրույցի ընթացքում քննարկել Հայաստանի և Ռուսաստանի արտգործնախարարներ Արա Այվազյանն ու Սերգեյ Լավրովը: Տեղեկությունը հայտնում է Ռուսաստանի արտաքին քաղաքական գերատեսչության մամուլի ծառայությունը։

«Մանրամասն քննարկվել է Հայաստանի, Ռուսաստանի և Ադրբեջանի ղեկավարների 2020 թվականի նոյեմբերի 9-ի և 2021 թվականի հունվարի 11-ի հայտարարություններում արձանագրված պայմանավորվածությունների իրականացման ընթացքը, ներառյալ անվտանգության, հումանիտար  խնդիրները, տնտեսական և տրանսպորտային կապերի ապաշրջափակումը: Այս համատեքստում կարևորվել է տարածաշրջանի բոլոր երկրների շահերի համադրումը և համատեղ կառուցողական աշխատանքը», - ասված է հաղորդագրության մեջ:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Իսկ 2021 թվականի հունվարի 11-ին Մոսկվայում կայացավ Հայաստանի վարչապետ Նիկոլ Փաշինյանի, Ռուսաստանի նախագահ Վլադիմիր Պուտինի, Ադրբեջանի նախագահ Իլհամ Ալիևի հանդիպումը։

Գրեթե 4 ժամ տևած բանակցությունների արդյունքում ընդունվեց եռակողմ հայտարարություն, որը հիմնականում վերաբերում էր 2020-ի նոյեմբերի 9-ի հայտարարության 9-րդ՝ տարածաշրջանում բոլոր տնտեսական և տրանսպորտային կապերն ապաշրջափակելու վերաբերյալ կետի իրագործմանը։

100
թեգերը:
Ադրբեջան, Ռուսաստան, Հայաստան, Լեռնային Ղարաբաղ, Արցախ, Արցախյան պատերազմ, Սերգեյ Լավրով, Արա Այվազյան
Ըստ թեմայի
Բնակարանաշինություն, նոր աշխատատեղեր. Սփյուռքը պատրաստ է օգնել արցախցիներին
Որևէ կարգավիճակ Ադրբեջանի կազմում անհնար ու անընդունելի է. Արցախի նախագահ
ՀԿԵ ՓԲԸ գլխավոր տնօրենը մեկնել է Մոսկվա՝ Արցախի վերաբերյալ եռակողմ հանդիպմանը մասնակցելու
Երևան

Մեկ օր էլ ձյուն չի տեղա. եղանակի տեսություն

0
(Թարմացված է 16:37 27.01.2021)
Օդերևութաբանները ներկայացրել են առաջիկա օրերի եղանակային կանխատեսումներն ամբողջ հանրապետության համար։

ԵՐԵՎԱՆ, 28 հունվարի – Sputnik. Հանրապետության տարածքում հունվարի 28-ին, 30-ի ցերեկը, 31-ին, փետրվարի 1-ին սպասվում է առանց տեղումների եղանակ։ Հունվարի 29-ին, 30-ի գիշերը շրջանների զգալի մասում սպասվում են տեղումներ:

«Սարեր են խոստացել, բայց չեն արել». ինչո՞ւ որոշ հեռուստաընկերություններ զրկվեցին եթերից

Տեղեկությունը հայտնում է ՀՀ ԱԻՆ «Հիդրոմետ» ծառայությունը և հավելում, որ քամին հարավ-արևմտյան է` 5-10 մ/վ արագությամբ:

Օդի ջերմաստիճանը հունվարի 28-30-ն աստիճանաբար կբարձրանա 5-6 աստիճանով։

Եղանակի կանխատեսում
Եղանակի կանխատեսում

Երևան քաղաքում ևս հունվարի 28-ին, 30-ի ցերեկը, 31-ին, փետրվարի 1-ին սպասվում է առանց տեղումների եղանակ։ Հունվարի 29-ին, 30-ի գիշերը սպասվում են տեղումներ:

Մայրաքաղաքում հունվարի 28–ի գիշերը կլինի 5-7 աստիճան ցուրտ, իսկ ցերեկային ժամերին կգրանցվի +1....+3 աստիճան։

Պատերազմում վիրավորում ստացած քաղաքացիները կես միլիոն դրամ աջակցություն կստանան

0
թեգերը:
Արցախ, ձյուն, Երևան, Հայաստան, եղանակ
թեմա:
Եղանակը Հայաստանում