«Հյուսիսային հոսք– 2» գազատարի շինարարություն. արխիվային լուսանկար

«Գործում է ի հեճուկս ամեն ինչի»․ «Հյուսիսային հոսք– 2»-ը վերջնուղի է դուրս եկել

59
Պատժամիջոցները, որոնք «կարված» են ԱՄՆ եկող տարվա պաշտպանական բյուջեի մեջ, վերաբերում են «Հյուսիսային հոսք – 2» գազատարի սպասարկմանն ու շահագործմանը։ Հնարավոր է՝ դրանք խիստ լինեն։ Արդյո՞ք եվրոպացիները կհամարձակվեն գազը տեղափոխելու և օգտագործելու թույլտվություն տալ։

Նատալյա Դեմբինսկայա, ՌԻԱ Նովոստի

«Հյուսիսային հոսք – 2»-ը կանգնեցնելու ԱՄՆ-ի բոլոր փորձերն այդպես էլ արդյունք չտվեցին։ Գազատարի արտասահմանյան ցամաքային հատվածի կառուցումն ավարտվել է։ Այժմ գազատար խողովակներ են տեղեադրվում Գերմանիայի ջրերում, հետո նույնն արվելու է Դանիայում։ Վերլուծաբանները նշում են, որ նախագիծը վերջնուղի է դուրս եկել ու ամեն դեպքում կավարտվի։ Սակայն շահագործումը սկսելու փուլում կարող են խնդիրներ առաջանալ։

Ամեն ինչ պատրաստ է

«Գազպրոմի» նախագահի տեղակալ, «Գազպրոմ էքսպորտի» գլխավոր տնօրեն Ելենա Բուրմիստրովան ներդրումային բանկերի հետ հանդիպման ժամանակ տեղեկացրեց, որ խողովակաշարի արտասահմանյան ցամաքային հատվածն ամբողջովին պատրաստ է։

«Ոչնչացնելը դժվար կլինի». ամերիկացիները վերադառնում են հյուսիսային բունկեր

Դեկտեմբերի տասնմեկին՝ մեկտարյա դադարից հետո, վերսկսվեցին աշխատանքները Գերմանիայի տարածքային ջրերում։ Հունվարի 15-ից կսկսեն խողովակներ անցկացնել Դանիայի ջրերում։ Բուրմիստրովայի խոսքով՝ ծովային հատվածի շինարարության ավարտի ժամկետը կախված է մի շարք պայմաններից, մասնավորապես՝ եղանակից։

Վերլուծաբանները նշում են, որ հնարավոր է՝ հիմա շինարարության ամենաբարդ շրջանն է։ Բալթիկ ծովում ուժեղ փոթորիկներ են։ Միաժամանակ գազատարին նախկինի պես ամերիկյան պատժամիջոցներ են սպառնում։

Փորձերը չեն դադարում

Հոկտեմբերին նախագծի վրա տարածվեց «Եվրոպայի էներգետիկ անվտանգության պաշտպանության մասին» PEESA փաթեթի ազդեցությունը։ Սահմանափակումների տակ ընկան ընկերություններ, որոնք խողովակների տեղադրման վրա աշխատող նավերի արդիականացման կամ սարքավորումներով համալրելու համար ծառայություններ, սարքավորումներ կամ ֆինանսավորում էին տրամադրում։

Այժմ սպառնալիքի տակ են ընկել ապահովագրական ու սերտիֆիկացիոն ընկերությունները, որոնք համագործակցում են ռուսական նավերի հետ։ Կոնգրեսն արդեն հաստատել է պատժամիջոցները, դրանք կներառվեն 2021 թվականի պաշտպանական բյուջեի փոփոխությունների մեջ։ Արդյունքում ապահովագրական ընկերությունները չեն համարձակվի փոխհատուցել խողովակաշարի շինարարության ընթացքում առաջացած վնաը, իսկ սերտիֆիկացիոն ընկերությունները չեն կարողանա գնահատել եռակցված խողովակների հուսալիությունը՝ Գերմանիային գազ մատակարարելուց առաջ։ Թեև փորձագետները նշում են, որ նոր պատժամիջոցների վտանգավորությունը դեռ այնքան էլ պարզ չէ։

«Մի կողմից՝ կոնգրեսն ընդունել է այդ օրինագիծը մյուս կողմից՝ Դոնալդ Թրամփը չի ստորագրել այն, ու դեռ փաստ չէ, որ Ջո Բայդենը կստորագրի․ առաջինը դեռ պետք է իրերը հավաքի ու Սպիտակ տունը լքի, երկրորդն էլ պետք է տեղավորվի այնտեղ ու գլուխ հանի տնտեսության անմխիթար վիճակից», - կարծում է անկախ փորձագետ Լեոնիդ Խազանովը։

Լուծում կգտնի

Գերմանիայում արդեն հայտարարել են, որ եթե Սպիտակ տունն իրագործի այդ ծրագրերը, բունդեսթագում պատասխան միջոցներ կկիրառեն։ Մասնավորապես՝ Գերմանիայի էկոնոմիկայի նախարարության ներքին փաստաթղթում նշվում է, որ Մերկելի կառավարությունը դիտարկում է Եվրամիության հետ համակարգված գործողություններ։

Նախագծի գործընկերները նշում են՝ Ռուսաստանն ամեն դեպքում կշրջանցի պատժամիջոցներն ու կավարտի շինարարությունը։ «Խողովակների տեղադրումը կվերսկսվի, գազատարի կառուցումը ավարտին կհասցվի», - վստահեցրել է OMV AG ավստրիական նավթային ընկերության գործադիր տնօրեն Ռայներ Զելեն։

Օքսֆորդի ինստիտուտի Էներգետիկ հետազոտությունների մասնագետները կարծում են, որ «Հյուսիսային հոսք - 2»-ը կարելի է ավարտել ամռանը, իսկ հաջորդ ձմռանն արդեն կարելի է  սերտիֆիկատներ ստանալ գազի փոխադրման համար։ Հետագա պատժամիջոցները հավանաբար կձգձգեն ժամկետները, սակայն ի վերջո Ռուսաստանը «ցանկացած խոչընդոտ հաղթահարելու ճանապարհ կգտնի»։ Վերլուծաբաններն ընդգծել են, որ ամերիկացիները «պետք է հասկանան, որ իրենք չեն կարող դադարեցնել նախագիծը»։

Ռուս փորձագետներն էլ են նման կանխատեսումներ անում։ «Հյուսիսային հոսք – 2»-ի դեմ այժմ գործող պատժամիջոցները «Գազպրոմի» համար ասես մոծակի խայթոց լինեն,  նույն հաջողությամբ Վաշինգտոնում կարող էին արգելել մեզ բնական գազ արդյունահանել։ Եթե Ջո Բայդենը ստորագրի օրինագիծը, «Գազպրոմը» գործընկերների հետ, միևույնն է, գործը տրամաբանական ավարտի կհասցնի ու կսկսի գազ մղել։ Իմ կարծիքով՝ ապրիլ-մայիսին խողովակների տեղադրումը կավարտվի», - ասում է Լեոնիդ Խազանովը։

Շահագործման մեկնարկը

Մասնագետներն ընդգծում են՝ խորը ջրային հատվածներում շինարարության հետ կապված ամեն ինչ արդեն արգելված է։ Այդ պատճառով «Գազպրոմը» գործում է խոչընդոտները հաշվի չառնելով ու չի պատրաստվում կանգ առնել։

«Գազպրոմը» փորձում է նվազագույնի հասցնել պատժամիջոցների հետևանքները՝ փոխելով սեփականատերերի շղթան։ Աշխատանքներին մասնակցող բոլոր նավերը փոխել են տերերին։ Նույն «Ակադեմիկոս Չարսկին» նախկինում պատկանում էր «Գազպրոմֆլոտին», իսկ հիմա՝ Սամարայի էներգետիկ հիմնադրամին։ Իմաստն այդ սեփականությունը իրենից հեռացնելն է։ ««Գազպրոմը» նավերը գրանցում է ոչ մի բանի չպարտավորեցնող գրասենյակների անունով, հույս ունենալով, որ գլխավոր ընկերության կառույցները չեն տուժի»,  -պարզաբանում է Ռուսաստանի կառավարությանը կից Ֆինանսական համալսարանի փորձագետ, Ազգային էներգետիկ անվտանգության հիմնադրամի առաջատար վերլուծաբան Իգոր Յուշկովը։

Նավալնին չի օգնի. Գերմանիայում սխալ են որակել «Հյուսիսային հոսք - 2»–ը կասեցնելու կոչերը

Սակայն նրա խոսքով՝ եթե շինարարությունն ավարտին հասցնելու հետ ամեն ինչ պարզ է, ապա շահագործմանն անցնելու փուլում կարող են դժվարություններ առաջանալ։ Բանն այն է, որ 2021 թվականի ԱՄՆ-ի պաշտպանական բյուջեում մտցված պատժամիջոցները վերաբերում են գազատարի սպասարկմանն ու դրա շահագործմանը։ Չի բացառվում, որ դրանք խիստ կլինեն։ Ու այստեղ շատ բան կախված է եվրոպացիներից․ արդյո՞ք նրանք կհամարձակվեն գազը տեղափոխելու և օգտագործելու թույլտվություն տալ, թե ոչ։

59
թեգերը:
շինարարություն, Ռուսաստան, գազատար, «Հյուսիսային հոսք» նախագիծ
Ըստ թեմայի
«Խա՞ղ է»․ ինչու են արգելափակվել Բելառուսի դեմ ԵՄ պատժամիջոցները
ԱՄՆ-ն ընդլայնել է հակառուսական պատժամիջոցները
Չնայած ԱՄՆ պատժամիջոցներին` Իրանը կշարունակի էներգետիկ համագործակցությունը ՀՀ–ի հետ. Զարիֆ
Հայաստան է ժամանել Ռուսաստանի Դաշնության զինված ուժերի պատվիրակությունը

Հայաստան է ժամանել ՌԴ զինված ուժերի պատվիրակությունը. օրակարգը հայտնի է

104
(Թարմացված է 20:04 25.01.2021)
Անցկացվում են հայ-ռուսական երկկողմ ռազմական համագործակցության շտաբային բանակցություններ։

ԵՐԵՎԱՆ, 25 հունվարի – Sputnik. Այսօր Հայաստան է ժամանել Ռուսաստանի Դաշնության զինված ուժերի պատվիրակությունը։ Տեղեկությունը հայտնում է ՀՀ պաշտպանության նախարարության մամուլի ծառայությունը։

Штабные переговоры по всем направлениям армяно-российского двустороннего военного сотрудничества (25 января 2021). Еревaн
Հայաստան է ժամանել Ռուսաստանի Դաշնության զինված ուժերի պատվիրակությունը

Պատվիրակությունը գլխավորում է ՌԴ ԶՈւ գլխավոր շտաբի պետի տեղակալ, գեներալ-գնդապետ Սերգեյ Իստրակովը։ Այցի նպատակը հայ-ռուսական երկկողմ ռազմական համագործակցության բոլոր ուղղություններով շտաբային բանակցությունների մասնակցելն է։

Штабные переговоры по всем направлениям армяно-российского двустороннего военного сотрудничества (25 января 2021). Еревaн
Հայաստան է ժամանել Ռուսաստանի Դաշնության զինված ուժերի պատվիրակությունը

Այսօր արդեն պատվիրակության ղեկավարին ընդունել է ՀՀ պաշտպանության նախարար Վաղարշակ Հարությունյանը։

ՌԴ ԶՈւ գլխավոր շտաբի պետի տեղակալ Սերգեյ Իստրակովը հանդիպել է նաև ՀՀ զինված ուժերի գլխավոր շտաբի պետ, գեներալ-գնդապետ Օնիկ Գասպարյանի հետ:

Штабные переговоры по всем направлениям армяно-российского двустороннего военного сотрудничества (25 января 2021). Еревaн
Հայաստան է ժամանել Ռուսաստանի Դաշնության զինված ուժերի պատվիրակությունը

Հանդիպումների ընթացքում նախանշվել են առաջիկա աշխատանքների ծավալն ու ուղղությունները:

Դավիթ Տոնոյանն ասել է` որքանով է Ռուսաստանն աջակցել իր դաշնակից Հայաստանին

104
թեգերը:
Զինված ուժեր, Ռուսաստան, Հայաստան
Ըստ թեմայի
Հայաստանի և Արցախի անվտանգային հարաբերություններում ոչինչ չի փոխվել. վարչապետ
Ղարաբաղում գլխավոր խնդիրը լուծված է. Սլուցկին` Պուտինի գործողությունների մասին
Ռուս խաղաղապահներն Արցախում հակաահաբեկչական վարժանքներ են անցկացնում. տեսանյութ
ՄԱԿ-ի Քաղաքակրթությունների դաշինքի ղեկավարը որոշել է Ղարաբաղ այցելել
Զարիֆն ու Լավրովը

Լավրովն ու Զարիֆը կքննարկեն Լեռնային Ղարաբաղի թեման. ՌԴ ԱԳՆ

29
(Թարմացված է 16:28 25.01.2021)
Ռուսաստանի և Իրանի արտգործնախարարները հանդիպելու են Մոսկվայում, այնուհետև Զարիֆն այցելելու է Հայաստան։

ԵՐԵՎԱՆ, 25 հունվարի – Sputnik. Ռուսաստանի Դաշնության արտաքին գործերի նախարար Սերգեյ Լավրովն ու ԻԻՀ արտաքին գործերի նախարար Մոհամմադ Ջավադ Զարիֆը կքննարկեն Լեռնային Ղարաբաղի շուրջ ստեղծված իրավիճակը: Տեղեկությունը հայտնում է Ռուսաստանի Դաշնության արտգործնախարարությունը:

«Հունվարի 26-ին Մոսկվայում տեղի կունենան Ռուսաստանի Դաշնության ԱԳ նախարար Սերգեյ Լավրովի և Իրանի ԱԳ նախարար Մոհամմադ Ջավադ Զարիֆի բանակցությունները: Նախատեսվում է քննարկել միջազգային և տարածաշրջանային օրակարգի մի շարք կարևոր հարցեր, այդ թվում` Լեռնային Ղարաբաղի շրջանում և դրա շուրջ ստեղծված իրավիճակը»,- նշված է հաղորդագրությունում:

Հնարավոր է շրջանցել պատժամիջոցները. որ ոլորտներում է Իրանը պատրաստ համագործակցել ՀՀ-ի հետ

Զարիֆն այժմ Ադրբեջանում է, իսկ հունվարի 27-ին նա կայցելի Հայաստան:

29
թեգերը:
Սերգեյ Լավրով, Մոհամմադ Ջավադ Զարիֆ, Իրանի Իսլամական Հանրապետություն, Ռուսաստան
Ըստ թեմայի
Իրանում ՀՀ դեսպանը հանդիպել է Իրանի ԱԳ փոխնախարարին
Եռակողմ հայտարարության 9-րդ կետը. ձեռնտո՞ւ է Իրանին Նախիջևանի միջանցքի բացումը
Իրանն ուզում է ցույց տալ իր ազդեցությունը. ռուս փորձագետի դիտարկումները Զարիֆի այցի մասին
Արխիվային լուսանկար

Սուրբ Սարգսի տոնական միջոցառումները չեղարկվել են

0
(Թարմացված է 20:52 25.01.2021)
Տոնական միջոցառումների անցկացման փոխարեն կընդլայնվեն զինվորներին ուղղված ծրագրերը։

ԵՐԵՎԱՆ, 25 հունվարի – Sputnik. Այս տարի սիրո բարեխոս Սուրբ Սարգսի տոնը նշվում է հունվարի 30-ին։ Արարատյան Հայրապետական թեմի մամուլի ծառայությունը տեղեկացնում է, որ այս տարի տոնական բոլոր միջոցառումները չեղարկվել են։

«Փոխարենը ավելի են ընդլայնվել զինվորներին ուղղված ծրագրերը»,- նշված է հաղորդագրության մեջ։

Հիշեցնենք՝ Սուրբ Սարգիս զորավարը համարվում է երիտասարդ զույգերի և սիրահարների բարեխոսը։ Տոնի առթիվ հայ առաքելական բոլոր եկեղեցիներում կատարվում է երիտասարդների օրհնության կարգ։

Ժողովրդական ամենասիրելի սովորույթն էլ կապված է աղի բլիթի հետ։ Տոնին նախորդող գիշերը երիտասարդներն աղի բլիթ են ուտում, որ երազում տեսնեն ապագա կողակցին։

0
թեգերը:
Եկեղեցի, տոն, Սուրբ Սարգիս
Ըստ թեմայի
Հայաստանյան բոլոր եկեղեցիներում մատուցվել է Ճրագալույցի սուրբ պատարագ․ տեսանյութ
«Ամոթ ձեզ». Փայլանը հայտնում է, որ Բուրսայի հայկական եկեղեցին վաճառքի են հանել
Ինչպես փրկվեց Դադիվանքը. տեր Վահրամը հայտնել է` քանի եկեղեցի է մնացել թշնամու կողմում