Վլադիմիր Սոլովյով

«Հեռուստադիտողը խելացի է. նրան չես խաբի». Սոլովյովը բացատրել է` ինչու է իր վարկանիշը բարձր

416
(Թարմացված է 18:38 23.12.2020)
Այս տարի ժողովրդականություն վայելող հեռուստահաղորդումներ են ճանաչվել «Ռոսիա-1» հեռուստաալիքի երեք հաղորդումները, իսկ Սոլովյովը` տարվա լրագրողներից մեկը։

ԵՐԵՎԱՆ, 23 դեկտեմբերի - Sputnik. Տարվա լրագրողի տիտղոսը, որը ստացել է Հասարակական կարծիքի ուսումնասիրման համառուսաստանյան կենտրոնի (ՀԿՈՒՀԿ) հարցման արդյունքում, չի զարմացրել «Ռոսիա 1» հեռուստաալիքի և սեփական YouTube-ալիքի հաղորդավար Վլադիմիր Սոլովյովին: «Говорит Москва» ռադիոկայանի եթերում նա ասել է, որ այդ տվյալները հաստատում են իր նախագծերի և եթերների վարկանիշները:

«Հեռուստադիտողի գնահատականն ու վարկանիշների վիճակագրական ցուցանիշները համընկնում են. անհամապատասխանություն չկա», — ասել է հաղորդավարը:

Նա բարձր գնահատականի համար շնորհակալություն է հայտնել հեռուստադիտողին և ընդգծել, որ քաղաքացիները վստահում են ոչ միայն և ոչ այնքան իրեն, որքան հաղորդման հյուրերին, քանի որ ինքը հրավիրում է միայն խելացի, հետաքրքիր մարդկանց, որոնք սուր բանավեճի միջոցով փորձում են շփվել միմյանց հետ: Նրա խոսքով` հենց դա էլ գրավում է հեռուստադիտողին, չէ՞ որ նա հեռուստադիտողը, նրան չես խաբի։

Ավելի վաղ հայտնել էինք, որ Հասարակական կարծիքի ուսումնասիրման համառուսաստանյան կենտրոնը հարցում է անցկացրել, թե ինչպես են ռուսաստանցիները հիշել 2020 թվականը, և իր կայքում ներկայացրել հարցման տվյալները: Որպես 2020 թվականի գլխավոր միջազգային իրադարձություն ռուսաստանցիներն առանձնացրել են կորոնավիրուսի համավարակը (42%), մարտական գործողություններն Արցախում ու Ռուսաստանի միջնորդությամբ խաղաղություն հաստատելը (28%), ՌԴ սահմանադրական փոփոխությունների ընդունումը (25%), Covid-19-ի դեմ աշխարհում առաջին պատվաստանյութի մշակումը (25%) և ընտրությունները Բելառուսում (23%)։

Ռուսաստանցիների համար տարվա քաղաքական գործիչ է շարունակում մնալ Վլադիմիր Պուտինը․ հարցման մասնակիցների 38%-ը նրա անունն են տվել։ Հետո մեծ տարբերությամբ գալիս են Միխայիլ Միշուստինը (17%), Սերգեյ Շոյգուն (15%),Սերգեյ Լավրովը (9%) Վլադիմիր Ժիրինովսկին (7%) և այլ գործիչներ։

Ամենից շատ ժողովրդականություն վայելող հեռուստահաղորդումների եռյակում են «Ռոսիա -1» հեռուստաընկերության «Вести», «Воскресный вечер с Владимиром Соловьевым» (յուրաքանչյուրը` 6-ական տոկոս) և «60 минут» (5%) հաղորդաշարերը։

2020 թվականի ամենադիտվող YouTube-ալիքներն են «ВДудь» (4%) և «Редакция» (2%) ալիքները։

Ռուսաստանցիների կարծիքով՝ տարվա լրագրողներն են Վլադիմիր Սոլովյովը (6%), Յուրի Դուդն ու Օլգա Սկաբեևան (յուրաքանչյուրը` 2-ական տոկոս)։ Տարվա ամենասիրված լրագրողների հնգյակն ամփոփում են Վլադիմիր Պոզներն ու Ալեքսեյ Պիվովարովը (յուրաքանչյուրը` 2-ական տոկոս)։

Ռուսաստանցիների վարկածով՝ տարվա ԶԼՄ են համարվում «Առաջին ալիքը» (9%), «Ռոսիա-1»–ն (6%) ու «Ռոսիա-24»–ը (4%)։

Հարցմանը մասնակցել են 1,6 հազար մարդ։

416
թեգերը:
հաղորդավար, Լրագրող, Վլադիմիր Սոլովյով, Ռուսաստան
Ըստ թեմայի
Հյուրընկալությունը սահմաններ չուներ. Զախարովան Սոլովյովին պատմել է հայաստանյան այցի մասին
Թշնամու կերպարի անթույլատրելի ապամարդկայնացում. Սոլովյովը` Սաադաթ Կադիրովայի քայլի մասին
Սոլովյովը քննադատել է ԱՄՆ–ին` Սենատում Հայոց ցեղասպանության բանաձևը տապալելու համար
Սա ուղիղ մարտահրավեր է Ռուսաստանին. Սոլովյովը` Հայաստանին հարվածելու մասին
Շտապօգնություն և ոստիկանություն, արխիվային լուսանկար

Խոշոր վթար Սամարայի մոտակայքում. 7 մարդ է մահացել, հայտնի են դեպքի մանրամասները

41
(Թարմացված է 12:02 08.03.2021)
Մեքենաների բախման հետևանքով մահացածները երիտասարդներ են, ըստ տեղեկությունների` 17-24 տարեկան։

ԵՐԵՎԱՆ, 8 մարտի – Sputnik. Սամարայի մոտակայքում բեռնատարը բախվել է «Volkswagen Tiguan» մարդատար ավտոմեքենային, վթարի հետևանքով 7 մարդ է մահացել։ Տեղեկությունը հայտնում է ՌԻԱ Նովոստին։

Մարդատար ավտոմեքենան դուրս է եկել հանդիպակաց գոտի: Տեղեկություններ կան, որ բեռնատարի վարորդը չի տուժել:

«Մարդատար մեքենան գերբեռնված է եղել, բոլոր մահացածներն էլ այդ մեքենայում են եղել։ Նախնական տվյալներով՝ մեղավորը «Volkswagen»–ի վարորդն է», - ասել է իրավապահ մարմինների աղբյուրը։

Ողբերգական ավտովթար Երևանի Հալաբյան փողոցում. վարորդն ու ուղևորը մահացել են

Գործակալության զրուցակցի տվյալներով` մահացածները 17-24 տարեկան են։ Ավելի վաղ տեղեկություն էր տարածվել, որ նրանցից հինգը տղամարդիկ են, երկուսը` կանայք:

Մեքենաները բախվել են Մ5 «Ուրալ» (Վոլժսկի-Կուրումոչ) ճանապարհին։

Խոշոր ավտովթար Արմավիրի մարզում․ կա 5 վիրավոր

41
թեգերը:
ավտոմեքենա, բեռնատար, Մահ, վթար, Ռուսաստան

Սարսափելի դեպք Օմսկի մարզում. հրդեհի զոհ են դարձել բազմազավակ մայրն ու 2 փոքրիկները

24
(Թարմացված է 11:28 08.03.2021)
Տեղեկություններ կան, որ ընտանիքի հայրը գործիք է նորոգել, հետո այն դրել վառարանի մոտ, դետալները հալվել են, ինչը կարող էր հրդեհի պատճառ դառնալ։

ԵՐԵՎԱՆ, 8 մարտի – Sputnik. Օմսկի մարզում հրդեհի հետևանքով մահացել են 25-ամյա կինն ու նրա երկու փոքրիկները`5 տարեկան դուստրն ու 3 տարեկան որդին։ Տեղեկությունը հայտնում է ՌԻԱ Նովոստին։

Ընտանիքի հորը հաջողվել է փրկել։ Նա կարողացել է այրվող տնից դուրս բերել 5 ամսական որդուն։

Հրդեհ Աբովյան քաղաքում. այրված կրպակում դիակ են հայտնաբերել

Գործակալության աղբյուրը հայտնել է, որ տղամարդը նորոգել է բենզասղոցը, հետո այն դրել վառարանի մոտ, գիշերը դետալները հալվել են: Հրդեհի պատճառը կարող էր դա լինել։ ՌԻԱ Նովոստիի զրուցակիցն ասել է նաև, որ ընտանիքը բարեկեցիկ էր համարվում։

Քննիչները ստուգում են դեպքի վայրը, հարցաքննում ականատեսներին։

Հրդեհ Գյումրիում. տանտիրոջը մահացած են գտել

24
թեգերը:
երեխա, Կին, հրդեհ, Ռուսաստան
Օլիվիե Դասսո

Ուղղաթիռի կործանման հետևանքով մահացել է ֆրանսիացի միլիարդատեր Օլիվիե Դասսոն

0
Օլիվիե Դասսոն հայտնի ավիաարդյունաբերողների ընտանիքից էր։ Նրա հետ մահացել է նաև ուղղաթիռի օդաչուն։

ԵՐԵՎԱՆ, 8 մարտի – Sputnik. Ֆրանսիացի քաղաքական գործիչ և միլիարդատեր Օլիվիե Դասսոն մահացել է Նորմանդիայում՝ Ֆրանսիայի հյուսիս-արևմուտքում, մասնավոր ուղղաթիռի կործանման պատճառով։ Տեղեկությունը հայտնում է ՌԻԱ Նովոստին։

Նշվում է, որ երեկ ուղղաթիռն ընկել է Նորմանդիայի Տուկ կոմունայում։ Բացի «Հանրապետականներ» կուսակցության ներկայացուցչից, կործանման պատճառով մահացել է նաև օդաչուն։

Քաղաքական գործչի մահվանն արդեն արձագանքել է Ֆրանսիայի նախագահ Էմանուել Մակրոնը, որը գրառում է արել Twitter-ում։

«Օլիվիե Դասսոն սիրում էր Ֆրանսիան։ Խոշոր գործարար, տարածքային պատգամավոր, Ռազմաօդային ուժերի պահեստային հրամանատար․ ամբողջ կյանքի ընթացքում նա չի դադարել ծառայել մեր երկրին»,-գրել է Մակրոնը։

​Դասսոն 69 տարեկան էր։ Նա հայտնի ավիաարդյունաբերողների ընտանիքից էր` «Dassault Group»-ի՝ 2018թ․-ի մայիսին մահացած ղեկավար Սերժ Դասոյին որդին։ Նրա կարողությունը գնահատվում է 5 միլիարդ եվրո։

0
թեգերը:
Մահ, միլիարդատեր, ուղղաթիռ, Ֆրանսիա