Սերգեյ Լավրով

«Չեմ կարծում, որ հարցը լուծվել է առանց ԱՄՆ–ի մասնակցության». Լավրով

269
(Թարմացված է 18:08 19.11.2020)
ՌԴ արտգործնախարարն ընդգծել է, որ գործընկերների ներկայացրած պահանջները կոռեկտ չեն բարոյականության տեսանկյունից:

ԵՐԵՎԱՆ, 19 նոյեմբերի - Sputnik. Ռուսաստանի արտգործնախարար Սերգեյ Լավրովը RT-ին տված հարցազրույցում անդրադարձել է ԱՄՆ-ի և Ֆրանսիայի ներկայացուցիչների` Ղարաբաղի վերաբերյալ հայտարարության արձագանքին։

Նախարարը համաձայն չէ, որ հարցը լուծվել է առանց հաշվի առնելու ԵԱՀԿ Մինսկի խմբի համանախագահ երկրների դիրքորոշումը։

«Նախ` ես չեմ կարծում, որ այն լուծվել է առանց ԱՄՆ–ի մասնակցության, որովհետև երեք համանախագահների՝ Ռուսաստանի, ԱՄՆ–ի և Ֆրանսիայի դիրքորոշումը, որը նոյեմբերի 9–ի համաձայնությունից մեկ ամիս առաջ բազմիցս արտահայտվել է և՛ նախագահների, և՛ նախարարների, և՛ համանախագահ երկրների հատուկ ներկայացուցիչների մակարդակով, հօգուտ արյունահեղության անհապաղ դադարեցման և հրադադարի վերահսկողության մեխանիզմի մշակման դիրքորոշում էր, որը քաղաքականապես, հոգեբանորեն ազդել է իրավիճակի վրա»,- նշել է Լավրովը։

Նա նաև հավելել է, որ արևմտյան երկրները ազդեցություն ունեն տարածաշրջանի երկրների վրա, և այդ պատճառով հակամարտության ընթացքում նրանց հնչեցրած կոչերը, թեև այդ ժամանակաշրջանում նյութական ձևակերպումներ չեն ունեցել, սակայն կարևոր քաղաքական դեր են խաղացել կարգավորման համար պայմաններ ստեղծելու գործում:

Լավրովը միաժամանակ նշել է, որ ամերիկացի և ֆրանսիացի գործընկերների հետ շփումներում, ինչպես նաև նախագահ Մակրոնի և նախագահ Պուտինի` Լեռնային Ղարաբաղի թեմայով վերջին օրերի շփումներում ակնհայտորեն ինչ-որ «խոցված ինքնասիրություն» է զգացվում, ինչը ցավալի է։

ԱԳ նախարարը հավելել է, որ ֆրանսիացի գործընկեր Ժան Իվ Լը Դրիանի հետ վերջերս կայացած շփումների ընթացքում ուշադրություն է հրավիրել տարածաշրջանի բնակիչների անվտանգության ապահովման կարևորության վրա:

«Ես փորձել եմ նրան բացատրել` մենք անհանգստանում ենք, որ մարդկանց չսպանեն, որպեսզի մարդիկ չլքեն շենացրած տարածքները, որպեսզի հսկայական չափերի չհասնի փախստականների ու տեղահանված անձանց թիվը»,– պարզաբանել է նա:

Լավրովն ընդգծել է, որ այն իրավիճակում, երբ ամեն րոպեն կարևոր է եղել մարդկանց կյանքը փրկելու համար, գործընկերների պահանջների առաջադրումը կոռեկտ չէ մարդկային բարոյականության տեսանկյունից:

Ավելի վաղ ԱՄՆ պետքարտուղարության ներկայացուցիչը հայտարարել էր, որ ԱՄՆ-ն ու Ֆրանսիան Ղարաբաղյան հակամարտության կարգավորմանն ուղղված հայտարարության թեմայով շատ հարցեր ունեն Ռուսաստանին։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորակազմ ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

269
թեգերը:
ԵԱՀԿ Մինսկի Խումբ, ԱՄՆ, Լեռնային Ղարաբաղ, Սերգեյ Լավրով
Ըստ թեմայի
Ղարաբաղում հրադադարի ռեժիմը լիովին պահպանվում է. գնդապետ Պոլյուխովիչ
«Այդ հարցը խիստ արդիական է»․ Զախարովան` Ղարաբաղի սրբավայրերի պահպանման մասին
Մոսկվան տեսնում է, որ Ղարաբաղի վերաբերյալ հայտարարությունը փորձում են խեղաթյուրել
Արա Աբրահամյան

Պուտինն Ադրբեջանում պահվող հարյուրավոր գերիների հարցերով անձամբ է զբաղվում. Արա Աբրահամյան

963
(Թարմացված է 21:43 29.11.2020)
Ռուսաստանի հայերի միության նախագահի տեղեկություններով` Ադրբեջանում պահվող հայ գերիների թիվն այս պահին հասնում է հարյուրների:

ԵՐԵՎԱՆ, 29 նոյեմբերի -Sputnik. Ռուսաստանի հայերի միության նախագահ Արա Աբրահամյանը Ադրբեջանում գնվող հայ գերիների վերադարձի հարցով հանդիպել է ՌԴ նախագահի միջազգային հարցերով օգնական Յուրի Ուշակովին: Այս մասին Արա Աբրահամյանը պատմում է Ռուսաստանի հայերի միության տարածած տեսանյութում:

«Մենք նամակով դիմել ենք ՌԴ նախագահին, որում մեր մտահոգությունն ենք հայտնել, թե ինչպես է Ադրբեջանը կատարում ռազմագերիների և այլ պահվող անձանց վերաբերյալ եռակողմ հայտարարության իր պարտավորությունը»,- ասել է Արա Աբրահամյանը:

Նրա խոսքով` այդ հարցով զբաղվում է անձամբ ՌԴ նախագահ Վլադիմիր Պուտինը: Այս պարագայում, ըստ նրա, հայկական կողմին մնում է միայն խնդիրը պահել ուշադրության կենտրոնում, վերահսկել գործընթացն ու պարբերաբար հետաքրքրվել, թե ինչ նորություն կա։

«Ես երեկ խոսել եմ, այսօր նորից զանգահարել եմ, ասել՝ մի օր անցել է, ի՞նչ եղավ: Մենք պետք է լինենք համառ ու հետևողական, որպեսզի այս խնդիրը լուծվի»,- ասել է Աբրահամյանը:

Ռուսաստանի հայերի միության նախագահի տեղեկություններով` Ադրբեջանում պահվող հայ գերիների թիվն այս պահին հասնում է հարյուրների:

Նշենք, որ արդեն 2 օր է Երևանում հայաստանյան մտավորականների նախաձեռնությամբ բողոքի ակցիաններ են ընթանում գերիների և անհայտ կորածների խնդիրներին արագ լուծում գտնելու պահանջով։

Այսօր մտավորականները երթով շարժվեցին Հայաստանում ՌԴ դեսպանատուն և գերիներին վերադարձնելու, զոհվածների մարմինները հանձնելու և անհայտ կորածների որոնողական աշխատանքների գործընթացներին միջամտելու խնդրանքով նամակը փոխանցեցին ՀՀ–ում ՌԴ դեսպան Սերգեյ Կոպիրկինին։

963
թեգերը:
Արա Աբրահամյան, Վլադիմիր Պուտին, անհետ կորած, պատանդ, ռազմագերի, գերի, Ադրբեջան, Ռուսաստան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Փաշինյանը գերիների ու անհետ կորածների հարցով հանդիպել է Կարմիր խաչի ներկայացուցիչներին
ՀՀ պաշտպանության նախարարը գերիների վերադարձի հարցով խոսել է Ռուստամ Մուրադովի հետ
Ադրբեջանում հայտնված 13 հայ գերիների պաշտպանության համար ՄԻԵԴ–ը հրատապ միջոց կկիրառի
Ռուսաստանի ԱԻՆ-ն օգնում է վերականգնել Ասկերանի դպրոցներից մեկը

Ռուսաստանի ԱԻՆ-ն օգնում է վերականգնել Ասկերանի դպրոցներից մեկը

82
(Թարմացված է 14:39 29.11.2020)
Դպրոցում արդեն ավարտական աշխատանքներ են ընթանում, վերականգնվում է ջրամատակարարումը, տեղադրվում է կահույքը։ Աշակերտները կսկսեն դպրոց հաճախել դեկտեմբերի 1-ից։

ԵՐԵՎԱՆ, 29 նոյեմբերի - Sputnik. Արցախի Ասկերանի շրջանի Իվանյան համայնքի Օնիկ Գրիգորյանի անվան միջանակարգ դպրոցը, որը տուժել էր պատերազմի ընթացքում, վերականգնվում է Ռուսաստանի ԱԻՆ-ի շնորհիվ։ Այս մասին տեղեկացնում է ՌԴ ԱԻՆ կայքը։

Ղարաբաղ է ժամանել Ռուսաստանի ԱԻՆ-ի աշխատակիցների լրացուցիչ խումբը

Ռուս փրկարարները Իվանյանի համայնքապետարանի ներկայացուցիչների հետ միասին վերականգնել են դպրոցի ապակիները և ջեռուցման համակարգը: Այժմ դպրոցում արդեն ավարտական աշխատանքներ են ընթանում, վերականգնվում է ջրամատակարարումը, տեղադրվում է կահույքը։ Աշակերտները կսկսեն դպրոց հաճախել դեկտեմբերի 1-ից։ Դպրոցում 200 երեխա է սովորում։

ՌԴ ԱԻՆ փրկարարները շարունակում են շինանյութեր տրամադրել տուժած բնակչությանը: Աշխատանքային խումբը ուսումնասիրում է մարդասիրական օգնության նյութերի օգտագործումը, ինչպես նաև տեղի համայնքապետարաններից տեղեկատվություն ստանում բնակչությանը լրացուցիչ օգնության ծավալի և սոցիալական ենթակառուցվածքների վերականգնման կարիքի մասին։

Первая восстановленная школа с помощью МЧС России в Нагорном Карабахе готовится к началу учебного года (29 ноября 2020). Карабах
Ռուսաստանի ԱԻՆ-ն օգնում է վերականգնել Ասկերանի դպրոցներից մեկը

Արդեն ավարտված է աշխատանքային խմբի երկարաժամկետ ճամբարի, ինչպես նաև ռազմական և այլ տեխնիկայի տեղադրման և զննման վայրի կազմակերպումը։ Վարորդներն ամեն օր ստանում են ճանապարհային անվտանգության մասին տեղեկատվություն, անցնում են բժշկական զննումներ, ունեն օրական առնվազն 8 ժամ հանգիստ։ Ճամբարում տեղակայվել է նաև բժշկական կենտրոն, որտեղ կան բոլոր անհրաժեշտ դեղամիջոցները՝ առաջին բուժօգնություն ցուցաբերելու, ինչպես նաև ամբուլատոր ընդունելության համար:

Ինչ գիտեն Ղարաբաղյան հակամարտության մասին Ռուսաստանում. հարցում

Նշենք, որ ռուսական խաղաղապահ զորակազմի շնորհիվ արդեն Ստեփանակերտում վերականգնվել է հանրային տրանսպորտի աշխատանքը, կատարվում են ականազերծման ակտիվ աշխատանքներ, Արցախ է վերադարձել ավելի քան 23 հազար փախստական։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

82
թեգերը:
Ռուսաստան, դպրոց, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ինչ են պատմում Ստեփանակերտում վերաբացված թիվ 2 դպրոցի աշակերտները. տեսանյութ
Ռուսաստանի Դաշնության մասնագետներն Արցախում չափագրում են վնասները
Ինչպես են ռուս ռազմական բժիշկները ժամանում Ստեփանակերտ․ տեսանյութ
Երևան

Օդի ջերմաստիճանը մի փոքր կբարձրանա. եղանակի տեսություն

0
(Թարմացված է 19:55 29.11.2020)
Օդերևութաբանների կանխատեսումներով` առաջիկա օրը տեղումներ կգրանցվեն, լեռնային շրջաններում` ձյան տեսքով։

ԵՐԵՎԱՆ, 30 նոյեմբերի – Sputnik. Հանրապետության տարածքում նոյեմբերի 30-ի գիշերը առանձին շրջաններում սպասվում են տեղումներ, լեռնային և նախալեռնային գոտիներում ձյան տեսքով։ Նոյեմբերի 30-ի ցերեկը, դեկտեմբերի 1-4-ը սպասվում է առանց տեղումների եղանակ։

Երևանում տեղում է առաջին ձյունը․ տեսանյութ

Տեղեկությունը հայտնում է ՀՀ ԱԻՆ «Հիդրոմետ» ծառայությունը և հավելում, որ քամին՝ հարավ-արևելյան է` 3-8 մ/վ արագությամբ:

Եղանակի կանխատեսում
Եղանակի կանխատեսում

Օդի ջերմաստիճանը նոյեմբեր 30-ի գիշերը կբարձրանա 2-3 աստիճանով։

Երևան քաղաքում ևս նոյեմբերի 30-ի գիշերը սպասվում են թույլ տեղումներ՝ ձնախառն անձրևի տեսքով, 30-ի ցերեկը, դեկտեմբերի 1-4-ը սպասվում է առանց տեղումների եղանակ:

Իրանը նոր հակառեկորդ է գրանցել. 13 000 դեպք՝ մեկ օրում

Մայրաքաղաքում նոյեմբերի 30–ի գիշերը կգրանցվի -1...+1 աստիճան, իսկ ցերեկը կլինի 7-9 աստիճան տաքություն։

0
թեգերը:
ձյուն, Արցախ, Երևան, Հայաստան, եղանակ
թեմա:
Եղանակը Հայաստանում