Սերգեյ Լավրով

Տարօրինակ է Պետդեպի՝ ղարաբաղյան հայտարարության մասին մանրամասներ ստանալու խնդրանքը. Լավրով

215
(Թարմացված է 16:23 17.11.2020)
Ռուսաստանի արտաքին քաղաքական գերատեսչության ղեկավար Սերգեյ Լավրովը մեկնաբանել է ԱՄՆ Պետդեպարտամենտի ներկայացուցիչների հայտարարությունները Ղարաբաղի մասին փաստաթղթի վերաբերյալ:

ԵՐԵՎԱՆ, 17 նոյեմբերի – Sputnik. Տարօրինակ է լսել ԱՄՆ պետքարտուղարության հայտարարությունը՝ Ղարաբաղյան հայտարարության մանրամասների մասին իրենց տեղյակ պահելու վերաբերյալ, քանի որ այդ մանրամասները Վաշինգտոնին և Փարիզին հայտնել են դիվանագիտական խողովակներով։ ՌԻԱ Նովոստիի փոխանցմամբ` այսօր այս մասին լրագրողներին հայտնել է ՌԴ արտգործնախարար Սերգեյ Լավրովը։

Ավելի վաղ Պետդեպարտամենտի բարձրաստիճան ներկայացուցիչը հայտարարել էր, որ ԱՄՆ-ը և Ֆրանսիան մանրամասների են սպասում Ղարաբաղյան հակամարտության մեջ Թուրքիայի մասնակցության մասին։

«Ինձ համար տարօրինակ էր դա լսելը։ Անկեղծ ասած՝ ես կարծում եմ, որ նմանատիպ հայտարարությունները կա՛մ արտացոլում են այդ հայտարարություններն անողների ոչ բավականաչափ տեղեկացվածությունը, կամ էլ պարզապես թյուրիմացությունների արդյունք են հանդիսանում»,-ասել է Լավրովը։

Ռուսաստանի արտաքին քաղաքական գերատեսչության ղեկավարը հավաստիացրել է, որ պետքարտուղարի տեղակալի մակարդակով ամերիկյան կողմը տեղեկացվել է ամեն ինչի մասին. ի դեպ, պետքարտուղար Մայք Պոմպեոն այժմ երկարաժամկետ արտասահմանյան ուղևորության մեջ է:

Նրա խոսքով՝ վերջին 10 օրերին Ռուսաստանն ու Ֆրանսիան մանրամասն վերլուծել են ղարաբաղյան թեման, մասնավորապես՝ Լավրովը մետ մեկ ժամ շարունակ այդ հարցը քննարկել է ֆրանսիացի գործընկերոջ հետ։

Բացի այդ, Ռուսաստանն ամենասկզբից էլ սերտորեն աշխատել է Մինսկի խմբի համանախագահների հետ, որոնց թվում է նաև ԱՄՆ-ն։

Նախարարը հիշեցրել է, որ հոկտեմբերի 10-ին, երբ Հայաստանի և Ադրբեջանի արտգործնախարարները Մոսկվայում համաձայնեցնում էին իրենց հայտարարությունը, ԵԱՀԿ Մինսկի խմբի համանախագահները ներկա էին և լիովին տեղեկացված։

«Ի դեպ, մի քանի օր անց, կարծեմ մեկ շաբաթ անց, արդեն Ֆրանսիայի նախագահը, որևէ մեկի հետ մանրամասներ չքննարկելով, հանդես եկավ սեփական նախաձեռնությամբ, որին մենք աջակցեցինք` չփորձելով դրանում տեսնել ինչ-որ ինքնուրույնություն, որը վնաս կհասցնի ՌԴ շահերին։ Եվս մեկ շաբաթ անց տեղի ունեցավ Վաշինգտոնի հանդիպումը, որտեղ հրավիրվեցին Ադրբեջանի և Հայաստանի արտգործնախարարները, և կրկին մեր կողմից ոչ մի նեղացկոտություն չեղավ»,-ասել է Լավրովը

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1434 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

215
թեգերը:
Եռակողմ հայտարարություն, Ղարաբաղյան հակամարտություն, Լեռնային Ղարաբաղ, Ռուսաստան, Ֆրանսիա, ԱՄՆ, Մայք Պոմպեո, Սերգեյ Լավրով
Ըստ թեմայի
Մեկ օրում խաղաղապահ առաքելության 22 չվերթ է կատարվել Ռուսաստանից Հայաստան
ԱՄՆ-ն ու Ֆրանսիան չեն կարող անտեսել ղարաբաղյան կարգավորման սխեմայի փոփոխությունը․ փորձագետ
Մոսկվան շահագրգռված է Ղարաբաղում ԿԽՄԿ-ի հետ համագործակցության հարցում․ Լավրով
Արա Աբրահամյան

Պուտինն Ադրբեջանում պահվող հարյուրավոր գերիների հարցերով անձամբ է զբաղվում. Արա Աբրահամյան

1157
(Թարմացված է 21:43 29.11.2020)
Ռուսաստանի հայերի միության նախագահի տեղեկություններով` Ադրբեջանում պահվող հայ գերիների թիվն այս պահին հասնում է հարյուրների:

ԵՐԵՎԱՆ, 29 նոյեմբերի -Sputnik. Ռուսաստանի հայերի միության նախագահ Արա Աբրահամյանը Ադրբեջանում գնվող հայ գերիների վերադարձի հարցով հանդիպել է ՌԴ նախագահի միջազգային հարցերով օգնական Յուրի Ուշակովին: Այս մասին Արա Աբրահամյանը պատմում է Ռուսաստանի հայերի միության տարածած տեսանյութում:

«Մենք նամակով դիմել ենք ՌԴ նախագահին, որում մեր մտահոգությունն ենք հայտնել, թե ինչպես է Ադրբեջանը կատարում ռազմագերիների և այլ պահվող անձանց վերաբերյալ եռակողմ հայտարարության իր պարտավորությունը»,- ասել է Արա Աբրահամյանը:

Նրա խոսքով` այդ հարցով զբաղվում է անձամբ ՌԴ նախագահ Վլադիմիր Պուտինը: Այս պարագայում, ըստ նրա, հայկական կողմին մնում է միայն խնդիրը պահել ուշադրության կենտրոնում, վերահսկել գործընթացն ու պարբերաբար հետաքրքրվել, թե ինչ նորություն կա։

«Ես երեկ խոսել եմ, այսօր նորից զանգահարել եմ, ասել՝ մի օր անցել է, ի՞նչ եղավ: Մենք պետք է լինենք համառ ու հետևողական, որպեսզի այս խնդիրը լուծվի»,- ասել է Աբրահամյանը:

Ռուսաստանի հայերի միության նախագահի տեղեկություններով` Ադրբեջանում պահվող հայ գերիների թիվն այս պահին հասնում է հարյուրների:

Նշենք, որ արդեն 2 օր է Երևանում հայաստանյան մտավորականների նախաձեռնությամբ բողոքի ակցիաններ են ընթանում գերիների և անհայտ կորածների խնդիրներին արագ լուծում գտնելու պահանջով։

Այսօր մտավորականները երթով շարժվեցին Հայաստանում ՌԴ դեսպանատուն և գերիներին վերադարձնելու, զոհվածների մարմինները հանձնելու և անհայտ կորածների որոնողական աշխատանքների գործընթացներին միջամտելու խնդրանքով նամակը փոխանցեցին ՀՀ–ում ՌԴ դեսպան Սերգեյ Կոպիրկինին։

1157
թեգերը:
Արա Աբրահամյան, Վլադիմիր Պուտին, անհետ կորած, պատանդ, ռազմագերի, գերի, Ադրբեջան, Ռուսաստան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Փաշինյանը գերիների ու անհետ կորածների հարցով հանդիպել է Կարմիր խաչի ներկայացուցիչներին
ՀՀ պաշտպանության նախարարը գերիների վերադարձի հարցով խոսել է Ռուստամ Մուրադովի հետ
Ադրբեջանում հայտնված 13 հայ գերիների պաշտպանության համար ՄԻԵԴ–ը հրատապ միջոց կկիրառի
Ռուսաստանի ԱԻՆ-ն օգնում է վերականգնել Ասկերանի դպրոցներից մեկը

Ռուսաստանի ԱԻՆ-ն օգնում է վերականգնել Ասկերանի դպրոցներից մեկը

90
(Թարմացված է 14:39 29.11.2020)
Դպրոցում արդեն ավարտական աշխատանքներ են ընթանում, վերականգնվում է ջրամատակարարումը, տեղադրվում է կահույքը։ Աշակերտները կսկսեն դպրոց հաճախել դեկտեմբերի 1-ից։

ԵՐԵՎԱՆ, 29 նոյեմբերի - Sputnik. Արցախի Ասկերանի շրջանի Իվանյան համայնքի Օնիկ Գրիգորյանի անվան միջանակարգ դպրոցը, որը տուժել էր պատերազմի ընթացքում, վերականգնվում է Ռուսաստանի ԱԻՆ-ի շնորհիվ։ Այս մասին տեղեկացնում է ՌԴ ԱԻՆ կայքը։

Ղարաբաղ է ժամանել Ռուսաստանի ԱԻՆ-ի աշխատակիցների լրացուցիչ խումբը

Ռուս փրկարարները Իվանյանի համայնքապետարանի ներկայացուցիչների հետ միասին վերականգնել են դպրոցի ապակիները և ջեռուցման համակարգը: Այժմ դպրոցում արդեն ավարտական աշխատանքներ են ընթանում, վերականգնվում է ջրամատակարարումը, տեղադրվում է կահույքը։ Աշակերտները կսկսեն դպրոց հաճախել դեկտեմբերի 1-ից։ Դպրոցում 200 երեխա է սովորում։

ՌԴ ԱԻՆ փրկարարները շարունակում են շինանյութեր տրամադրել տուժած բնակչությանը: Աշխատանքային խումբը ուսումնասիրում է մարդասիրական օգնության նյութերի օգտագործումը, ինչպես նաև տեղի համայնքապետարաններից տեղեկատվություն ստանում բնակչությանը լրացուցիչ օգնության ծավալի և սոցիալական ենթակառուցվածքների վերականգնման կարիքի մասին։

Первая восстановленная школа с помощью МЧС России в Нагорном Карабахе готовится к началу учебного года (29 ноября 2020). Карабах
Ռուսաստանի ԱԻՆ-ն օգնում է վերականգնել Ասկերանի դպրոցներից մեկը

Արդեն ավարտված է աշխատանքային խմբի երկարաժամկետ ճամբարի, ինչպես նաև ռազմական և այլ տեխնիկայի տեղադրման և զննման վայրի կազմակերպումը։ Վարորդներն ամեն օր ստանում են ճանապարհային անվտանգության մասին տեղեկատվություն, անցնում են բժշկական զննումներ, ունեն օրական առնվազն 8 ժամ հանգիստ։ Ճամբարում տեղակայվել է նաև բժշկական կենտրոն, որտեղ կան բոլոր անհրաժեշտ դեղամիջոցները՝ առաջին բուժօգնություն ցուցաբերելու, ինչպես նաև ամբուլատոր ընդունելության համար:

Ինչ գիտեն Ղարաբաղյան հակամարտության մասին Ռուսաստանում. հարցում

Նշենք, որ ռուսական խաղաղապահ զորակազմի շնորհիվ արդեն Ստեփանակերտում վերականգնվել է հանրային տրանսպորտի աշխատանքը, կատարվում են ականազերծման ակտիվ աշխատանքներ, Արցախ է վերադարձել ավելի քան 23 հազար փախստական։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

90
թեգերը:
Ռուսաստան, դպրոց, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ինչ են պատմում Ստեփանակերտում վերաբացված թիվ 2 դպրոցի աշակերտները. տեսանյութ
Ռուսաստանի Դաշնության մասնագետներն Արցախում չափագրում են վնասները
Ինչպես են ռուս ռազմական բժիշկները ժամանում Ստեփանակերտ․ տեսանյութ
Սակրավորներն աշխատանքի պահին

Արցախի Այգեստան և Խնածախ համայնքներում պայթյուններ կլսվեն. ԱԻՊԾ-ն զգուշացնում է

0
Խաղաղապահ գործողության ընթացքում Լեռնային Ղարաբաղում մաքրվել է ավելի քան 24 հեկտար տարածք և ավելի քան 8 կմ ճանապարհ։

ԵՐԵՎԱՆ, 30 նոյեմբերի - Sputnik. Արցախի Հանրապետության Ասկերանի շրջանի Այգեստան և Խնածախ համայնքների տարածքում չպայթած ռումբերի և այլ զինատեսակների ականազերծում է իրականացվում: Տեղեկությունը հայտնում է Արցախի արտակարգ իրավիճակների պետական ծառայությունը։

«Պայթյուն լսելու դեպքում խնդրում ենք խուճապի չմատնվել»,-նշված է հաղորդագրության մեջ:

Պատերազմի հետևանքով Արցախի տարածքում հայտնված հրթիռային, կասետային և հարվածային ռումբերը, ինչպես նաև ականանետերի և այլ զինատեսակների չպայթած մնացորդները սակրավորական խմբերը հայտնաբերում և ոչնչացնում են անվտանգ տարածքում:

Հավելենք, որ Ռուսաստանի պաշտպանության նախարարության միջազգային հակաականային կենտրոնի զինծառայողները ևս շարունակում են Լեռնային Ղարաբաղում ռուսական խաղաղապահ ուժերի պատասխանատվության ներքո գտնվող տարածքներում ինժեներական հետախուզման և ականազերծման աշխատանքները։

Ղարաբաղում ականի վրա մեքենա է պայթել. ադրբեջանցիներ են մահացել

Խաղաղապահ գործողության ընթացքում Լեռնային Ղարաբաղում մաքրվել է ավելի քան 24 հեկտար տարածք և ավելի քան 8 կմ ճանապարհ։ Միաժամանակ, հայտնաբերվել և վնասազերծվել է ավելի քան 750 պայթյունավտանգ առարկա:

0
թեգերը:
ականազերծում, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ռուս սակրավորներն ականազերծման աշխատանքներ են սկսել Ղարաբաղում. դա կարող է ամիսներ տևել
ՌԴ ՊՆ-ն մանրամասներ է ներկայացրել Լեռնային Ղարաբաղում ականազերծման աշխատանքների մասին
Որքա՞ն ժամանակ կպահանջվի Լեռնային Ղարաբաղն ականազերծելու համար