Վլադիմիր Պուտին

Պուտինը խոսել է Ղարաբաղի սրբավայրերի մասին

1390
(Թարմացված է 22:38 14.11.2020)
Վլադիմիր Պուտինը գոհունակություն է հայտնել հրադադարի ռեժիմի պահպանման և հակամարտության գոտու իրադրության կապակցությամբ:

ԵՐԵՎԱՆ, 14 նոյեմբերի – Sputnik. Ռուսաստանի նախագահ Վլադիմիր Պուտինն այսօր Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ քննարկել է Լեռնային Ղարաբաղի շուրջ պայմանավորվածությունների իրականացման ասպեկտները։ Տեղեկությունը հայտնում է Կրեմլի մամուլի ծառայությունը։

Ռուսաստանի նախագահը գոհունակություն է հայտնել հրադադարի ռեժիմի պահպանման և հակամարտության գոտու իրադրության կապակցությամբ:

«Իլհամ Ալիևի հետ զրույցում Վլադիմիր Պուտինը, մասնավորապես, ասել է, որ այն շրջաններում, որոնք եռակողմ հայտարարության համաձայն վերադարձվում են Ադրբեջանի Հանրապետությանը, քրիստոնեական տաճարներ վանքեր կան: Այդ կապակցությամբ նա կարևորել է այդ սրբավայրերի պահպանությունն ու բնականոն եկեղեցական կենսագործունեությունը ապահովելու կարևորությունը», - նշված է հաղորդագրության մեջ։

Մայր աթոռը դատապարտում է Սուրբ Ղազանչեցոցի պղծման փաստը

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Հայաստանի, Ադրբեջանի և Ռուսաստանի առաջնորդների եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորակազմ ՝ 1960-ական զինծառայողներով,  հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

 

1390
թեգերը:
Վլադիմիր Պուտին, Արցախ, Ռուսաստան
թեմա:
Իրադրությունը Հայաստանում և Արցախում հայտարարության ստորագրումից հետո (556)
Ըստ թեմայի
Թշնամու ձեռագիրը. սուրբ Ղազանչեցոցի պատերին գրառումներ են հայտնվել
Արցախի և Հայաստանի ՄԻՊ-երը Քերոլայն Քոքսին ուղեկցել են ավերված շինություններ
«Ավելի լավ էր` ողջ չմնայի, չվերադառնայի ու այս ամենը չտեսնեի». Արագածոտնի մարզպետ
Եկեղեցիների համաշխարհային խորհուրդը կոչ է անում հարգել Արցախի սրբազան վայրերը
Ռուսաստանի ԱԻՆ-ն օգնում է վերականգնել Ասկերանի դպրոցներից մեկը

Ռուսաստանի ԱԻՆ-ն օգնում է վերականգնել Ասկերանի դպրոցներից մեկը

58
(Թարմացված է 14:39 29.11.2020)
Դպրոցում արդեն ավարտական աշխատանքներ են ընթանում, վերականգնվում է ջրամատակարարումը, տեղադրվում է կահույքը։ Աշակերտները կսկսեն դպրոց հաճախել դեկտեմբերի 1-ից։

ԵՐԵՎԱՆ, 29 նոյեմբերի - Sputnik. Արցախի Ասկերանի շրջանի Իվանյան համայնքի Օնիկ Գրիգորյանի անվան միջանակարգ դպրոցը, որը տուժել էր պատերազմի ընթացքում, վերականգնվում է Ռուսաստանի ԱԻՆ-ի շնորհիվ։ Այս մասին տեղեկացնում է ՌԴ ԱԻՆ կայքը։

Ղարաբաղ է ժամանել Ռուսաստանի ԱԻՆ-ի աշխատակիցների լրացուցիչ խումբը

Ռուս փրկարարները Իվանյանի համայնքապետարանի ներկայացուցիչների հետ միասին վերականգնել են դպրոցի ապակիները և ջեռուցման համակարգը: Այժմ դպրոցում արդեն ավարտական աշխատանքներ են ընթանում, վերականգնվում է ջրամատակարարումը, տեղադրվում է կահույքը։ Աշակերտները կսկսեն դպրոց հաճախել դեկտեմբերի 1-ից։ Դպրոցում 200 երեխա է սովորում։

ՌԴ ԱԻՆ փրկարարները շարունակում են շինանյութեր տրամադրել տուժած բնակչությանը: Աշխատանքային խումբը ուսումնասիրում է մարդասիրական օգնության նյութերի օգտագործումը, ինչպես նաև տեղի համայնքապետարաններից տեղեկատվություն ստանում բնակչությանը լրացուցիչ օգնության ծավալի և սոցիալական ենթակառուցվածքների վերականգնման կարիքի մասին։

Первая восстановленная школа с помощью МЧС России в Нагорном Карабахе готовится к началу учебного года (29 ноября 2020). Карабах
Ռուսաստանի ԱԻՆ-ն օգնում է վերականգնել Ասկերանի դպրոցներից մեկը

Արդեն ավարտված է աշխատանքային խմբի երկարաժամկետ ճամբարի, ինչպես նաև ռազմական և այլ տեխնիկայի տեղադրման և զննման վայրի կազմակերպումը։ Վարորդներն ամեն օր ստանում են ճանապարհային անվտանգության մասին տեղեկատվություն, անցնում են բժշկական զննումներ, ունեն օրական առնվազն 8 ժամ հանգիստ։ Ճամբարում տեղակայվել է նաև բժշկական կենտրոն, որտեղ կան բոլոր անհրաժեշտ դեղամիջոցները՝ առաջին բուժօգնություն ցուցաբերելու, ինչպես նաև ամբուլատոր ընդունելության համար:

Ինչ գիտեն Ղարաբաղյան հակամարտության մասին Ռուսաստանում. հարցում

Նշենք, որ ռուսական խաղաղապահ զորակազմի շնորհիվ արդեն Ստեփանակերտում վերականգնվել է հանրային տրանսպորտի աշխատանքը, կատարվում են ականազերծման ակտիվ աշխատանքներ, Արցախ է վերադարձել ավելի քան 23 հազար փախստական։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

58
թեգերը:
Ռուսաստան, դպրոց, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո (556)
Ըստ թեմայի
Ինչ են պատմում Ստեփանակերտում վերաբացված թիվ 2 դպրոցի աշակերտները. տեսանյութ
Ռուսաստանի Դաշնության մասնագետներն Արցախում չափագրում են վնասները
Ինչպես են ռուս ռազմական բժիշկները ժամանում Ստեփանակերտ․ տեսանյութ
Արա Այվազյան

Արա Այվազյանը կմեկնի Մոսկվա. նա խոսել է Սերգեյ Լավրովի հետ

282
(Թարմացված է 20:30 28.11.2020)
Արտգործնախարարները հանգամանորեն անդրադարձել են նոյեմբերի 9-ի եռակողմ հայտարարության իրականացման ընթացքին:

ԵՐԵՎԱՆ, 28 նոյեմբերի – Sputnik․ ՀՀ արտաքին գործերի  նախարար Արա Այվազյանը հեռախոսազրույց է ունեցել Ռուսաստանի արտաքին գործերի նախարար Սերգեյ Լավրովի հետ, որի ընթացքում մի շարք հարցերից զատ քննարկվել է Այվազյանի` Մոսկվա կատարելիք աշխատանքային այցը։ Տեղեկությունը հայտնում է արտաքին գործերի նախարարության մամուլի ծառայությունը։

Կողմերը, ի շարունակություն վերջին շրջանում տեղի ունեցող ակտիվ շփումների, հանգամանալից անդրադարձել են նոյեմբերի 9-ի եռակողմ հայտարարության իրականացման ընթացքին, այդ թվում՝ հումանիտար խնդիրների շուտափույթ կարգավորմանը:

Երկու երկրների արտաքին քաղաքական գերատեսչությունների ղեկավարները մտքեր են փոխանակել Արա Այվազյանի՝ դեկտեմբերի 7-ին Մոսկվա կատարելիք աշխատանքային այցի շուրջ:

Ավելի վաղ հայտնել էինք, որ Մոսկվա է մեկնելու նաև ՀՀ վարչապետ Նիկոլ Փաշինյանը։ Վարչապետի աշխատակազմի արարողակարգի բաժնի պետ Էդուարդ Հարությունյանին 2020 թվականի նոյեմբերի 30-ից մինչև դեկտեմբերի 4-ը ներառյալ գործուղվելու է Ռուսաստանի Դաշնություն (Մոսկվա)՝ Փաշինյանի այցը կազմակերպելու և անցկացնելու նպատակով:

282
թեգերը:
Սերգեյ Լավրով, Արա Այվազյան, Ռուսաստան, Հայաստան
Ըստ թեմայի
«Մենք այստեղ ենք Պուտինի որոշմամբ». Լավրովը Փաշինյանին է ներկայացրել իրենց մոտեցումները
Ղարաբաղի վերաբերյալ հայտարարության կենսունակությունը վերահաստատվում է ամեն օր. Լավրով
ՀԱՊԿ հավաքական անվտանգության խորհրդի նիստը կկայանա առաջիկա օրերին. Լավրովին
Կորոնավիրուսից մահացածի թաղում Թեհրանի մոտակա գերեզմանատանը

Իրանը նոր հակառեկորդ է գրանցել. 13 000 նոր դեպք՝ մեկ օրում 

0
2020 թ-ի փետրվարի 19-ից, երբ Իրանի իշխանությունները հայտարարեցին վարակի առաջին դեպքի մասին, մինչ օրս երկրում գրանցվել է վարակի 948 749 և մահվան 47 875 դեպք:

ԵՐԵՎԱՆ, 29 նոյեմբերի, Sputnik. Իրանը նոր հակառեկորդ է սահմանել. վերջին 1 օրում հայտնաբերվել է կորոնավիրուսով վարակվելու շուրջ 13 000 նոր դեպք:

Ինչպես հաղորդում է ՌԻԱ Նովոստին, այս մասին հայտարարել է ԻԻՀ առողջապահության նախարարության պաշտոնական ներկայացուցիչ Սիմա Սադաթ Լարին:

Նրա խոսքով ՝ անցած 24 ժամվա ընթացքում գրանցվել է կորոնավիրուսով վարակման 12 950 նոր դեպք, մահացել է 389 մարդ:

2020 թ-ի փետրվարի 19-ից, երբ Իրանի իշխանությունները հայտարարեցին վարակի առաջին դեպքի մասին, մինչ օրս երկրում գրանցվել է վարակի 948 749 և մահվան 47 875 դեպք: Ապաքինվածների թիվը 658 292 է։

Իրանի առողջապահության նախարարության ներկայացուցիչը նաև արձանագրել է, որ դեպքերի աճին հակառակ, երկրում նվազել է կորոնավիրուսից մահացության ցուցա նիշը, ինչը, սակայն, ըստ նրա, չի կարելի ընկալել որպես COVID-19-ի իրադրության լավացում:
Համաճարակաբանական իրավիճակն Իրանում լրջորեն վատացել է վերջին ժամանակներում։ Երկիրը բազմիցս հակառեկորդ է սահմանե, և, եթե սեպտեմբերին վատթարագույն ցուցանիշը օրական 3,5 հազար վարակի դեպքեր էին, ապա նոյեմբերի՝ արդեն՝ 13 000-ը:

0