Սերգեյ Շոյգու

Ավելի քան 1100 խաղաղապահ արդեն տեղակայվել են Լեռնային Ղարաբաղում. Շոյգու

165
(Թարմացված է 19:46 13.11.2020)
Ռուսաստանի ռազմական ինքնաթիռները Լեռնային Ղարաբաղ են հասցրել ավելի քան 1100 խաղաղապահ և 168 միավոր տեխնիկա։

ԵՐԵՎԱՆ, 13 նոյեմբերի - Sputnik. ՌԴ պաշտպանության նախարար Սերգեյ Շոյգուն հայտարարել է, որ շաբաթ օրը Ռուսաստանը Լեռնային Ղարաբաղում կտեղակայի խաղաղապահների ևս 8 դիտակետ: Տեղեկությունը հաղորդում է Ռիա Նովոստին՝ հղում անելով ՌԴ պաշտպանության նախարար Սերգեյ Շոյգուին:

«Այսօր մենք ավարտում ենք «Հարավ» պատասխանատվության գոտում դիտակետերի տեղակայումը։ Խաղաղապահների ևս մեկ ստորաբաժանում կտեղակայվի Լեռնային Ղարաբաղի հյուսիսում։ Վաղը նախատեսվում է այդ գոտում ևս ութ դիրք տեղակայել», - ասել է նա ՌԴ նախագահ Վլադիմիր Պուտինին ներկայացված զեկույցում։

Երեք օրերի ընթացքում արդեն 1103 խաղաղապահ է տեղափոխվել Լեռնային Ղարաբաղ։ Նշենք, որ խաղաղապահների թիվը 1960 է լինելու։

«Շարունակում ենք տեխնիկայի և նյութական միջոցների փոխադրումը Ռուսաստանի օդատիեզերական ուժերի ռազմատրանսպորտային ավիացիայի կողմից օրական 25 ինքնաթիռով։ Երեք օրվա ընթացքում կատարվել է 73 ավիաթռիչք, 168 միավոր տեխնիկա է տեղափոխվել», - ասել է Շոյգուն։

Նա նշել է, որ Լեռնային Ղարաբաղում հումանիտար բնույթի խնդիրն ամեն օր մեծանում է՝ պայմանավորված փախստականների տեղափոխմամբ և վերադարձով։

Ղարաբաղում արդեն տեղակայված է պաշտպանության նախարարության օպերատիվ խումբը։ Բացի այդ, ուղիղ կապուղիներ են տեղադրվել Ադրբեջանի և Հայաստանի պաշտպանական գերատեսչությունների հետ, որոնց հետ շարունակվում է խաղաղապահ առաքելության չափորոշիչների հստակեցման աշխատանքը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Հայաստանի, Ադրբեջանի և Ռուսաստանի առաջնորդների եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորակազմ ՝ 1960-ական զինծառայողներով,  հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

Հայաստանի Հանրապետությունը մինչև 2020 թվականի նոյեմբերի 15-ը Ադրբեջանին է վերադարձնում Քելբաջարի շրջանը, իսկ մինչև 2020 թվականի դեկտեմբերի 1–ը`Լաչինի շրջանը: Լաչինի միջանցքը (5 կմ լայնությամբ), որն ապահովելու է Լեռնային Ղարաբաղի կապը Հայաստանի հետ և միևնույն ժամանակ չի շոշափելու Շուշին, մնում է Ռուսաստանի Դաշնության խաղաղապահ զորակազմի վերահսկողության տակ:

Կողմերի համաձայնությամբ առաջիկա երեք տարում կորոշվի Լեռնային Ղարաբաղի և Հայաստանի միջեւ կապ ապահովող Լաչինի միջանցքով երթևեկության նոր ուղու կառուցման ծրագիրը, որին կհաջորդի այդ երթուղու պահպանման համար ռուսական խաղաղապահ զորակազմի վերաբաշխումը:

Ադրբեջանի Հանրապետությունը երաշխավորում է Լաչինի միջանցքով քաղաքացիների, տրանսպորտային միջոցների և բեռների երթևեկության անվտանգությունը երկու ուղղություններով:

«Եթե գալու էիք, խի՞ շուտ չեկաք». ինչպես են Հայաստանում դիմավորել ռուս խաղաղապահներին

165
թեգերը:
Արցախ, Լեռնային Ղարաբաղ, Սերգեյ Շոյգու, Ռուսաստան
թեմա:
Խաղաղապահներն Արցախում (60)
Ըստ թեմայի
Ռուս խաղաղապահների զորախմբի տեղաշարժը Լեռնային Ղարաբաղում. տեսանյութ
Ղարաբաղում թուրք խաղաղապահներ չեն լինելու. Զախարովա
«Եթե գալու էիք, խի՞ շուտ չեկաք». ինչպես են Հայաստանում դիմավորել ռուս խաղաղապահներին
Արցախի նախագահն ընդունել է ՌԴ խաղաղապահ զորակազմի հրամանատարին
Դոկտոր Լիզան

«Դոկտոր Լիզան» մինչև Նոր տարի մարդասիրական օգնություն կուղարկի Արցախ

45
(Թարմացված է 11:53 02.12.2020)
«Դոկտոր Լիզա» հիմնադրամը մտադիր է մինչև Ամանոր մեծ քանակությամբ տաք հագուստ և դեղորայք հավաքել։

ԵՐԵՎԱՆ, 2 դեկտեմբերի  – Sputnik. «Դոկտոր Լիզա» բարեգործական հիմնադրամը մինչև ամանորյա տոները մարդասիրական բեռ կուղարկի Արցախ, որում տաք հագուստ և դեղորայք կլինի։ Տեղեկությունը ՌԻԱ Նովոստիին հայտնել է հիմնադրամի ղեկավար Նատալյա Ավիլովան։

«Դեկտեմբերի վերջին մենք հերթական մարդասիրական այցը կիրականացնենք ԼՂ։ Այնտեղ մարդիկ տաքացուցիչների, տաք հագուստի, ծածկոցների կարիք ունեն։ Այժմ մենք հավաքում ենք պետք եկածը և ուզում ենք մինչև Ամանոր մեծ քանակությամբ տաք հագուստ և դեղորայք ձեռք բերել և հասցնել դրանք այն մարդկանց, ովքեր այսօր, ցավոք, նույնիսկ չեն էլ մտածում Ամանորը տոնելու մասին. նրանք վերադառնալու տեղ չունեն, անտուն են մնացել», – ասել է Ավիլովան։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1712 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

45
թեգերը:
օգնություն, Լեռնային Ղարաբաղ, Արցախ, Ամանոր
Ըստ թեմայի
Ռուսաստանից մարդասիրական օգնության նոր խմբաքանակ է ուղարկվել Արցախ
Ապաքինման փուլում գտնվող բազմաթիվ զինծառայողներ արյան կարիք ունեն
Օգնել արցախցիներին, կանխել հետագա վտանգները. «Դոկտոր Լիզայի» ներկայացուցիչը Հայաստանում է
ԱՄՆ դրոշ

«Ռուսներն արեցին դա»․ համաշխարհային տոտալիտար կայսրությունը կառուցված է

289
(Թարմացված է 23:08 01.12.2020)
«Ռոսսիա Սեգոդնյա» ՄՏԳ-ն գտել է այն հարցի պատասխանը, թե ինչի համար են Միացյալ Նահանագները պատժելու ռուսներին հաջորդ չորս տարում։

Վիկտոր Մարախովսկի - ՌԻԱ Նովոստի. Պատասխանն այդ անուղղակի, բայց բավականին հասկանալի է։ Գործակալության մասնագետները հետազոտություն են իրականացրել («Ութոտնուկ 3» ծածկանվամբ)՝ ուսումնասիրելով տասնյակ ամերիկյան առաջատար լրատվամիջոցների վերջին կես տարվա հրապարակումները, որոնցում հիշատակվում է Ռուսաստանը։ Եվ հիմա հասկանալի է համատեքստը, որում մենք գոյություն ունենք ամերիկյան մեդիաոլորտի (նշանակում է՝ նաև ամերիկյան քաղաքականության) համար։ Եվ այն դերը, որը խաղում ենք այնտեղ։ 

Նշանակում է՝ մոտավորապես հասկանալի է նաև մեր հանդեպ վերաբերմունքն ու սպասվող գործողությունները Ռուսաստանի նկատմամբ։ Լավ նորություն․ ամերիկյան ԶԼՄ-ները մեզ հիշում են, սիրում, վերհիշում, անգամ ավելի հաճախ, քան 2016թ․-ին, երբ թվում էր, թե «ռուսական հիստերիան» գագաթնակետին է հասել (հիշատակումներն ավելացել էին մեկ քառորդով)։

Մի փոքր ավելի տխուր նորություն․ նախորդ վերլուծությունից հետո անցած մոտ մեկ տարվա ընթացքում (ի սրտե խորհուրդ ենք տալիս ծանոթանալ 2019թ․-ի աշնան հոդվածին) ոչինչ չի փոխվել։

Այս տարվա օգոստոսի 1-ից մինչև նոյեմբերի 15-ը Ռուսաստանի մասին 1227 հրապարակումների մեջ դրական հրապարակումների թիվը մոտ է զրոյին։ Այն հրապարակումները, որոնք կարելի է որակել որպես չեզոք («Ոչ, ռուսները չեն շրջանառության մեջ դրել Թրամփի հաղթանակի մասին տոքսիկ հեշթեգը», «ոչ, ռուսները ընտրությունների արդյունքների վրա չեն ազդել»)՝ 46-ն էին, կամ ընդհանուր թվի մոտ 4 տոկոսը։

Զարմանալի ընտրություններ, կամ ԱՄՆ նախագահ դարձավ Ջո Բայդենը, բայց վերընտրվեց Դոնալդ Թրամփը

Մնացած 96 տոկոսն անգամ կրկնություն չէ, այլ թիրախային լսարանի գլխում բթամիտ համառությամբ միևնույն մանտրան մեխելու գործողություն․ ռուսները խառնվում են ընտրություններին, ռուսները կոտրում են ձեր գիտակցությունը սոցցանցերում, ռուսները պայքարում են Թրամփի համար, ռուսները ֆեյքեր են տարածում։

Այդ գործողությունն այնքան տաղտկալի և անհույս էր, որ անգամ իմաստավորելու բան չկա․ ինչ-որ տեղ աշխատասենյակներում կամ հեռավար աշխատավայրում նստել են ինչ-որ, իրականում ոչնչով չհետաքրքրվող լրագրողներ ու խմբագիրներ, որոնք օրական 5 անգամ պարբերականությամբ (ինչպես, օրինակ, CNN-ում՝ 570 հրապարակում 106 օրում) բացում են բերանը, որպեսզի հայտնեն․

— Պուտինը երազում է աջակցել իր «ախպեր» Թրամփին և խառնվել մեր ընտրություններին

— Ռուսաստանը շարունակում է մեր ընտրությունները կոտրելու փորձերը

— Ռուսական թրոլները ազդում են լսարանի վրա

— Սոցցանցերը բավարար չափով չեն վերահսկում ռուս հաքերների և թրոլների գործունեությունը

— Քվեարկելով Թրամփի օգտին, դու քվեարկում ես Խավարի Տիրակալ Պուտինի հրահանգով

Դա, իհարկե, Ռուսաստանի հետ որևէ կապ չի ունեցել և չունի։ Դա ԱՄՆ-ի՝ ծայրահեղ ցածր կրթական մակարդակ ունեցող զանգվածների և դրա հետ մեկտեղ անընդհատ ընտրական շրջափուլ ունեցող երկրի ներքին մեդիակյանքի տարրերից է։ Մի երկրի, որտեղ ներքին թշնամուն խփող մեդիահրանոթների խնդիրը լսարանը առանց դադարի միևնույն մանտրաներով ողողելն է՝ ներշնչում-մանտրաներով, որոնք կոչ են անում մոտակա ընտրություններին գալ և քվեարկել ում համար պետք է (դա, եթե հանկարծ մոռացել եք, կոչվում է ժողովրդավարություն)։

2020 թվականն այս առույգ ժողովրդավարության մեջ միայն մեկ նորարարություն է մտցրել․ հսկա սոցհարթակները՝ Facebook-ն ու Twitter-ը, սկսել են գրաքննել իրենց վերահսկողության տակ գտնվող մեդիատարածքը հօգուտ Դեմոկրատական կուսակցության թեկնածու Ջո Բայդենի։

Այսինքն․

— լռեցնել կոլեկտիվ գիտակցության արտահայտումները, որոնք փառաբանում են Թրամփին որպես «այլասերվածների մաֆիայի դեմ պայքարող» (տե՛ս Qanon-ի արգելքը)՝ հայելային դավադրությունների տեսությունների լիակատար թողտվությամբ, որը Թրամփին ներկայացնում է որպես Պուտինի խամաճիկ-հրեշ և սպիտակամորթ ռասիստների հովանավոր։

— փակել անձամբ Թրամփի բերանը ամեն անգամ, երբ նա ասում էր որևէ բան, որը «սոցիալական ցանցի կողմից ներգրավված անկախ փորձագետները» գնահատում էին որպես սուտ (ինձ հաջողվեց գտնել հոկտեմբերի 19-ի տվյալները․ Թրամփի բերանը փակել էին 64 անգամ, մինչդեռ նրան գրեթե համապարփակ լռեցնելու քայլերը դեռ առջևում էին)

— Լռեցնել անգամ ամենաառաջատար ԶԼՄ-ների հետաքննություններն այն մասին, թե ինչպես էին Բայդենն ու նրա ընտանիքը զվարճանում Ուկրաինայում (այստեղ Twitter-ն ու Facebook-ը հանդես եկան միասին և խիստ արդյունավետ․ Բայդեն-կրտսերի արկածների մասին, որոնք նկարագրել էր New York Post-ը, դեմոկրատ-ընտրողների մեծ մասն այդպես էլ չիմացավ)։

ՌԴ օդատիեզերական ուժերը հաջողությամբ փորձարկել են ՀՀՊ նոր հրթիռը. տեսանյութ

Փաստացի մենք տեսանք տեղեկատվական 21-րդ դարի բռնապետական կայսրության կառուցումը, որն ավարտվեց բառացիորեն մեր աչքի առաջ։

Մի կայսրության, որտեղ մեդիատարածքի տերերը միաժամանակ ուրվականներ են տարածում (կարծես թե միշտ միևնույն ռուսական միջամտության մասին, որը, ինչպես նոյեմբերի 5-ին փաստեց ԱՄՆ-ի Կիբերանվտանգության և ենթակառուցվածքային անվտանգության գործակալության ղեկավար Քրիստոֆեր Քրեբսը, պարզապես չի եղել) և արգելափակում են առարկությունները, իսկ դեմոկրատների աջակցության կախարդական աճից հետո՝ 14 միլիոն ձայնով, արգելափակում են կասկածողների ձայները և առաջ են մղում, նույն այդ ներշնչող մանտրաների ռիթմով, «ոչ, ոչ մի կեղծարարություն չի եղել, Թրամփը ստում է, թրամփիստները նույնպես ստում են» թեզը։

․․․Ինչն է պետք նշել այստեղ

Մենք, իհարկե, չենք կարող որևէ կերպ ազդել ԱՄՆ վարչակազմի հետագա գործողությունների վրա։ Առաջին հերթին այն պատճառով, որ Ամերիկայում ոչ մի «ռուսական լոբբի» չի եղել և չկա (ընդ որում՝ այն հատկապես չի եղել հանրապետականների մեջ․ իրականում ԱՄՆ-ի «ամենառուսամետ» քաղաքական գործիչը եղել է Դեմոկրատական կուսակցությունից նախագահի մարգինալ թեկնածու Թուլսի Գաբբարտը, որը, չգիտես ինչու, մեզ պատժելու կոչեր չէր անում, ինչի համար նրան անվանում էին «ռուսական ակտիվ»)։

Երկրորդը և ամենակարևորը՝ մենք պետք է մեկ պարզ բան հիշենք․ արդեն մոտ մեկ տասնամյակ է, ինչ ԱՄՆ-ի էլիտան (քաղաքական, մեդիա, որն ուզեք) ոչինչ չգիտի Ռուսաստանի մասին։

Ոչ մի ամերիկացի քաղաքական գործիչ չի այցելում «տոքսիկ» որակված Ռուսաստան, նրանցից ոչ ոք չի տեսել Մոսկվան, Պետերբուրգը, Եկատերինբուրգը, Սիբիրն ու Կամչատկան։ Նրանցից ոչ մեկը չի հանդիպել ոչ մի ռուսի, բացի ռուս դիվանագետներից՝ ՄԱԿ-ում հերթական ու նախապես պատրաստված «բռնցքահարվածների» ժամանակ։ Ռուսաստանի մասին ամբողջ տեղեկատվությունը նրանց հասնում է խորապես պաթոլոգիական կադրերի միջոցով՝ անդրազգային քաղաքական լեսբուհիների և տաղտկալի ընդդիմադիրների շարքից, որոնք կրկին ու կրկին ողջ են մնում Պուտինի մահացու թունավորումներից հետո։

Բայց դա էլ, իհարկե, նրանց ուշադրության դաշտում է․ հիմա բոլոր գլխավոր թշնամիները կենտրոնացած են իրենց ազգի ներսում, և հենց նրանց դեմ են պայքարում առաջին հերթին։

Լավ նորությունն այստեղ ահա թե որն է։

Բոլոր վերոնշյալ պատճառներով չարժե մտածել, որ Ռուսաստանի նկատմամբ հակազդեցության և պատժի ինչ-որ շատ հնարամիտ մեթոդներ կկիրառվեն։ Որևէ երկրի նկատմամբ դիպուկ և թիրախային գործողություններ կիրառելու համար պետք է ճանաչել այդ երկիրը։

Ով ինչ-որ հրաձգային խաղում փորձել է սպանել վերին մակարդակի բոսսի, լավ գիտի․ առանց երկարատև ուսումնասիրության դա անհնար է։

Եվ ուրեմն․ ԱՄՆ-ը ոչ միայն ի վիճակի չէ հարվածել Ռուսաստանի ցավոտ կետին (գրեթե այն ամենին, ինչին հնարավոր էր կրակել, կրակել են շատ տարիներ առաջ)։ Ամեն ինչ ավելի վատ է. նրանք ի վիճակի չեն անգամ իրապես կենտրոնանալ ՌԴ-ին վնաս հասցնելու խնդրի վրա։

Մի պարզ պատճառով․ այս պահին այնտեղ հաղթել է մեդիա-քաղաքական օլիգարխիան, որն իբրև իր գլխավոր թշնամի է դիտարկում ներքին հակառակորդներին։ Իսկ դա նշանակում է, որ այդ ֆոնին անհրաժեշտ է ճնշում գործադրել․

— կրոնական պահպանողականների վրա՝ «նոր հավասարության», այսինքն՝ շեղված փոքրամասնությունների անխոս արտոնյալ դրության հանդեպ իրենց անընկալունակությամբ

— սպիտակ տղամարդկանց վրա՝ սեփական լիարժեքության և իրենց կենսակերպի արդարացված լինելու մասին պատկերացումների համար

— ավանդական էներգետիկայի վրա՝ հօգուտ «կանաչների».

 — ի սկզբանե անիրական ռուսական սպառնալիքը կդիտարկվի որպես մարգինալ, որի դեմ կպայքարեն աղմկոտ, բայց ոչ արդյունավետ մեթոդներով։

Դա չի նշանակում, որ Ռուսաստանի մակրոնախագծերին, ինչպիսին է, օրինակ, «Հյուսիսային հոսք - 2»-ը, ոչինչ չի սպառնում։ Բայց հիմք չկա մտածելու, թե այդ սպառնալիքն ավելի է մեծանում։ Ռուսաստանին, իհարկե, չեն սիրում (գուցե նույնիսկ ատում են՝ էլ ինչ պետք է սպասի մոլորակի միակ պետությունը, որն ի վիճակի է ինչ-որ բան պատահելու դեպքում կես ժամում ոչնչացնել համաշխարհային առաջնորդին)։

Բայց պետության տոտալիտար կառուցվածքը, լինի այն «առաջնորդային», թե «ժողովրդավարական», հենց դրանով էլ տարբերվում է նորմալ պետական կառուցվածքից, որ գլխավոր թշնամիներին այն միշտ փնտրում և գտնում է իր ներսում։ Այնպես որ մեզ մնում է միայն համբերությամբ զինվել  և փոփքորնի պաշար հավաքել։ Կամ՝ արևածաղկի։

289
թեգերը:
ԱՄՆ, Ռուսաստան
Ըստ թեմայի
«Արդեն կառուցվում է»․ ինչո՞ւ է Ռուսաստանը վերաթողարկում «ահեղ դատաստանի ինքնաթիռները»
ՌԴ Դաշնային խորհուրդը կքննարկի Ռուսաստանից դուրս ռուսական ԶՈւ գործածման հարցը
Երեք հիմնական միֆ՝ Երկրորդ համաշխարհային պատերազմի մասին
Արամ Վարդևանյան

Ի՞նչ ազդեցություն ունի Փաշինյանը դատարանների վրա. Վարդևանյանը՝ աղմկոտ հանդիպման մասին

0
Sputnik Արմենիայի եթերում  փաստաբան Արամ Վարդևանյանի հետ զրուցել ենք վարչապետ Նիկոլ Փաշինյանի և դատաիրավական համակարգի ներկայացուցիչների մասնակցությամբ տեղի ունեցած խորհրդակցության իրավաչափության վերաբերյալ:
Ինչ ազդեցություն ունի Փաշինյանը դատարանների վրա. Արամ Վարդևանյանը՝ գործադիրում տեղի ունեցած աղմկոտ հանդիպման մասին

ՀՀ վարչապետ Նիկոլ Փաշինյանի և դատաիրավական համակարգի ներկայացուցիչների հանդիպումն անընդունելի և անօրինական է: Sputnik Արմենիայի հետ զրույցում նման կարծիք հայտնեց Ռոբերտ Քոչարյանի փաստաբանական թիմի անդամ Արամ Վարդևանյանը՝ անդրադառնալով նոյեմբերի 30-ին կառավարությունում հրավիրված խորհրդակցությանը, որում վարչապետն անդրադարձել էր նոյեմբերի 9-ին Հայաստանում տեղի ունեցած զանգվածային անկարգությունների վերաբերյալ կալանքի միջնորդությունների մերժմանը: 

«Նույնիսկ ոչ իրավաչափ ձևակերպումը շատ մեղմ է, դա անընդունելի է, դա անօրինական է և առհասարակ առնչություն չունի իրավական և ժողովրդավարական պետության սկզբունքների, գաղափարների, ինստիտուտների հետ»,- ասաց նա:

Հանդիպման մասին տեսանյութը, որում կառավարության ղեկավարն անթաքույց իր վերաբերմունքն է արտահայտում մերժված միջնորդությունների վերաբերյալ, ըստ փաստաբանի, վկայում է այն մասին, որ Փաշինյանն ուղղակի ներգործություն ունի դատաիրավական համակարգի որոշումների վրա: Նրա խոսքով՝ այս մասին է վկայում նաև օրերս վարչապետի կատարած գրառումներից մեկը, որում նա խոստովանել է, որ անձամբ է խնդրել, որ մեղադրող կողմը չառարկի Ռոբերտ Քոչարյանի անձնագիրը հետ վերադարձնելու միջնորդությանը:

«Սա խոսում է այն մասին, որ Ռոբերտ Քոչարյանի նկատմամբ 2.5 տարի քաղաքական հետապնդում է իրականացվում: Փաստորեն, երբ վարչապետը նման խնդրանք է ներկայացնում դատախազներին, ժամերի ընթացքում անձնագիրը վերադարձվում է, իսկ, երբ հակառակի մասին է խնդրանք ներկայացվում, 2.5 տարի մենք ունենում ենք այն, ինչ ունենք: Ի՞նչ իրավունք ունի ՀՀ գործադիր իշխանությունը դատական իշխանության տիրույթում գտնվող հարցեր բարձրաձայնել»,- վրդովմունք հայտնեց Վարդևանյանը: 

Փաստաբանը տեղեկություններ ունի, որ հանդիպմանը ներկա դատավորներն ու իրավապահները նույն պահին, երբ Փաշինյանը խոսել է միջնորդությունների մասին, հակադարձել են վարչապետին և գլխավոր դատախազին՝ նշելով, որ նրանցից և ոչ ոք իրավասու չէ կոնկրետ գործեր և կոնկրետ խափանման միջոցի հարցեր քննարկել: Սա այն դեպքում, երբ գործադիրի ղեկավարը գրեթե ամեն օր խոսում է ժողովրդավարության մասին:

Թեպետ խորհրդակցությանը հրավիրվածների մեծամասնությունը մերժել էր վարչապետի հրավերը, սակայն, մասնագետի կարծիքով, ճիշտ կլիներ, որ բոլորը բոյկոտեին և չմասնակցեին այդ քննարկմանը: Վարդևանյանը հույս ունի, որ հանդիպման մասնակիցները կատարվածի վերաբերյալ հրապարակային կհայտնեն իրենց վերաբերմունքը:

0
թեգերը:
խորհրդակցություն, Նիկոլ Փաշինյան, Դատավոր
Ըստ թեմայի
Դատավորները պարգևավճար չեն ստանում, բայց 24 մլն դրամ են հավաքել բանակի համար
Ո՞ր դատավորներն են գնացել Նիկոլ Փաշինյանի հետ հանդիպման. «Ժողովուրդ»
«Պատերի տակ վնգստացող դատավորնե՞ր ենք, թե՞ ազնիվ պրոֆեսիոնալներ». ԲԴԽ նախագահի կոչը