ԱԴԾ

ՌԴ Անվտանգության ծառայության աշխատակիցները կանխել են ահաբեկիչների գործունեությունը

379
(Թարմացված է 10:11 11.11.2020)
Միջինասիական երկրների ութ քաղաքացիներ ձերբակալվել են Ռուսաստանի հատուկ ծառայությունների կողմից և արտաքսվել երկրից:

ԵՐԵՎԱՆ, 11 նոյեմբերի -Sputnik. Կրասնոյարսկի երկրամասում Ռուսաստանի դաշնային ծառայության աշխատակիցները կանխել են Ռուսաստանում արգելված ահաբեկչական շարժման կողմնակից ուսանողների գործունեությունը: Տեղեկությունը հայտնում է ՌԻԱ Նովոստին՝ վկայակոչելով Կրասնոյարսկի երկրամասի ԱԴԾ վարչության մամուլի ծառայությունը։

Նշվում է, որ հատուկ ծառայությունների աշխատակիցները ոստիկանության հետ փոխգործակցությամբ և Ռոսգվարդիայի ծառայողների ուժային աջակցությամբ կանխել են միջինասիական «Ջամաաթ Անսարուլոխ» ահաբեկչական շարժման կողմնակիցների գործունեությունը:

Տեղեկատվության համաձայն՝ Կրասնոյարսկի համալսարանի ութ ուսանողներ կրոնական հավաքների ժամանակ քննարկել և արդարացրել են զինյալների գործունեությունը:

Բացի այդ, տեղեկություններ են ստացվել WhatsApp և Telegram մեսենջերների միջոցով խմբավորման անդամների շարժման պարբերական գործողությունների մշակման մասին: Ուժայինները բռնագրավել են կապի միջոցները, իսկ մասնակիցները ձերբակալվել և արտաքսվել են իրենց պետություններ:

* «Ջամաաթ Անսարուլոխը» ահաբեկչական խմբավորում է, որն արգելված է Ռուսաստանում:

379
թեգերը:
Ահաբեկչություն, ահաբեկիչ, Անվտանգության դաշնային ծառայություն (ԱԴԾ), Ռուսաստան
Ըստ թեմայի
Խոսքը ոչ թե Ղարաբաղի զարգացման, այլ գոյատևման մասին է․ ռուս փորձագետները՝ զինադադարի մասին
Նոր նախագահ, հին խնդիրներ. ի՞նչ պետք է անի Հայաստանը Բայդենից «օգուտ քաղելու» համար
Ռուսական զինվորական շարասյուները մեկնում են Արցախ
Գինի

Հայաստանից արտահանվող գինին ու կոնյակը խնդրի են բախվել. հարցը քննարկվում է ԵԱՏՄ–ում

73
(Թարմացված է 17:26 01.12.2020)
«Խաղողագործության և գինեգործության մասին» ՌԴ օրենքը բավական խիստ պահանջներ է սահմանում գինու և կոնյակի շշերի վրա փակցվող պիտակների համար։ Այդ կանոնները չեն համապատասխանում եվրասիական կանոնակարգերին։

ԵՐԵՎԱՆ, 1 դեկտեմբերի – Sputnik. Եվրասիական տնտեսական հանձնաժողովի տեխնիկական կարգավորման և ստանդարտացման վարչության պետ Անդրեյ Պոլոզկովն այսօր Sputnik Արմենիա մուլտիմեդիոն մամուլի կենտրոնում կազմակերպված Մոսկվա-Երևան-Մինսկ-Բիշքեկ-Նուր-Սուլթան առցանց տեսակամրջի ժամանակ Եվրասիական տնտեսական հանձնաժողովում շարունակում են քննարկել «Խաղողագործության և գինեգործության մասին» ՌԴ օրենքի հետ կապված հարցերը։

Ըստ այդ օրենքի, որն ուժի մեջ է մտել սույն թվականի հունիսի 26-ին, Ռուսաստանում գինու և կոնյակի շշերի պիտակներին պետք է նշվի, թե խաղողի որ տեսակից են դրանք պատրաստված, ինչպես նաև պատրաստման տարեթիվն ու որտեղ է հավաքվել բերքը (նման պրակտիկա չի կիրառվում խաղողագործական ոչ մի երկրում)։

Դրանից բացի, գինի է համարվում միայն խաղողից պատրաստված ոգելից խմիչքը, իսկ այլ մրգերից ստացվող գինու շշերի վրա «գինի» բառի գրելն արգելվում է։ Այս խնդիրը շատ արդիական է Հայաստանի համար, քանի որ հայրենական նռան գինիները, այսօր արդեն հավասարվելով խաղողի գինուն, դեպի Ռուսաստան արտահանման կեսն են կազմում։

Եվրասիական տնտեսական հանձնաժողովի` ներքին շուկան համակարգող պատասխանատուները հոկտեմբերին քննարկեցին օրենքի հետ կապված հարցերը, իսկ ՌԴ գյուղնախարարությունը հայտարարեց, որ ուսումնասիրում է դրանք։

Նոր օրենքը չի համապատասխանում Ռուսաստանի մյուս օրենքներին, ինչպես նաև եվրասիական տեխնիկական կանոնակարգերին։ Оրինակ` ՌԴ «Էթիլային սպիրտի, ալկոհոլային և սպիրտ պարունակող արտադրանքի արտադրության և շրջանառության պետական կարգավորման մասին» օրենքով մրգային գինին կարող է գինի կոչվել։ Ինչ վերաբերում է խաղողից ստացվող գինիներին ու կոնյակին, ապա խաղողի բոլոր տեսակների մակնշման և բերքահավաքի ժամանակի մասին պահանջը չի համապատասխանում «Սննդամթերքի մակնշման» ԵԱՏՄ տեխնիկական կանոնակարգին։

«Նշվում էր, որ Ռուսաստանում կարգավորումը պետք է համապատասխանի իրավական այդ դաշտին։ Հայաստանի նախաձեռնությամբ բարձրացված հարցը վերահսկվում է», – նշեց Պոլոզկովը։

Հիշեցնենք, որ ժամանակին օրենքի հետ կապված հարցեր էր բարձրացրել նաև Բելառուսը, որտեղ մրգից ու հատապտուղներից գինի են արտադրում (որոնք, ռուսական օրենքի համաձայն, հիմա նույնպես չեն կարող գինի համարվել)։

Այնպես, ինչպես Եվրոպայում․ առաջին անգամ հայկական գինիները «ֆիրմային» անվանում կստանան

 

73
թեգերը:
Ռուսաստան, կոնյակ, Գինի, Հայաստան
Ըստ թեմայի
Հայկական գինին և ջուրը ՌԴ–ում կփոխարինե՞ն վրացականին. ի՞նչ կտա մեզ ռուս-վրացական լարումը
Գինի, կոնյակ, մրգեր, կամ «Armenia» ավիաընկերությունը գտել է ռուսաստանցիների «թույլ տեղը»
«Այս գինիներն այստեղ են, որովհետև ես բարի մարդ եմ». օրգանական գինին «խնդրում են» դրսերում
Սերգեյ Շոյգու

Հաշվի առնելով նոր իրողությունները՝ ՀԱՊԿ-ը կփոխի հավաքական ուժերի ծավալման պլանը. Շոյգու

191
(Թարմացված է 15:37 01.12.2020)
ՀԱՊԿ պաշտպանության նախարարների խորհրդի նիստում որոշվել են նաև մոտակա ժամանակահատվածում ռազմական բաղադրիչի զարգացման ուղղությունները:

ԵՐԵՎԱՆ, 1 դեկտեմբերի - Sputnik. ՀԱՊԿ անդամ պետությունների պաշտպանության նախարարների խորհրդի նիստից հետո ՌԴ պաշտպանության նախարար Սերգեյ Շոյգուն ասել է, որ Հավաքական անվտանգության պայմանագրի կազմակերպությունը փոփոխություններ կմտցնի իր հավաքական ուժերի օպերատիվ ծավալման ծրագրում: Տեղեկությունը հայտնում է ՌԻԱ Նովոստին։

«Մանրամասն քննարկել ենք ռազմաքաղաքական իրադրությունը, ինչպես նաև ռազմական բնույթի մարտահրավերներին ու սպառնալիքներին համատեղ հակազդելու առաջարկությունները։ Որոշեցինք արագ արձագանքման հավաքական ուժերի օպերատիվ տեղակայման պլանի փաստաթղթերը վերամշակել՝ հաշվի առնելով ժամանակակից իրողությունները»,- ասել է նա։

ՀԱՊԿ երկրների ԱԳ և ՊՆ ղեկավարները կքննարկեն խաղաղապահներին մասին փաստաթուղթը․ Զաս

Շոյգուի խոսքով` որոշվել են նաև մոտակա ժամանակահատվածում ռազմական բաղադրիչի զարգացման ուղղությունները:

Միշուստինը զանգել է Փաշինյանին և ասել, թե ինչու է մոսկովյան հանդիպման ձևաչափը փոխվել

191
թեգերը:
Հավաքական անվտանգության պայմանագիր կազմակերպություն (ՀԱՊԿ), Սերգեյ Շոյգու, Ռուսաստան
Ըստ թեմայի
ԱԽՔ Արմեն Գրիգորյանը ՀԱՊԿ նիստում խոսել է պատերազմում Ռուսաստանի և Թուրքիայի դերերի մասին
Ռուսաստանն ամեն ինչ արել է, որ Հայաստանն իրեն մենակ ու լքված չզգա. Պուտին
ՌԴ–ն չի խախտել ՀԱՊԿ-ի իր պարտավորությունները. Լավրովը` ղարաբաղյան համաձայնության մասին
Бутылка оливкового масла с нарезанными овощами

Արմավենու յուղի վերաբերյալ նոր պահանջներ են քննարկվում ԵԱՏՄ–ում

0
Սահմանափակվելու է գլիցիդիլային եթերների պարունակությունը, որոնք առաջանում են բուսայուղերի, այդ թվում` արմավենու յուղի զտման ընթացքում:

ԵՐԵՎԱՆ, 1 դեկտեմբերի – Sputnik. ԵԱՏՄ–ում նոր պահանջներ են մտադիր սահմանել սննդամթերքում արմավենու յուղի պարունակության վերաբերյալ։  Այս մասին այսօր Sputnik Արմենիա մուլտիմեդիոն մամուլի կենտրոնում կազմակերպված Մոսկվա-Երևան-Մինսկ-Բիշքեկ-Նուր-Սուլթան առցանց տեսակամրջի ժամանակ ասաց Եվրասիական տնտեսական հանձնաժողովի տեխնիկական կարգավորման և ստանդարտացման վարչության պետ Անդրեյ Պոլոզկովը։

Մասնավորապես, սահմանափակվելու է գլիցիդիլային եթերների պարունակությունը, որոնք առաջանում են բուսայուղերի, այդ թվում` արմավենու յուղերի (որոնք առավել հաճախ օգտագործվում են ) զտման ընթացքում:

Առավելագույն թույլատրելի կոնցենտրացիան ուզում են նշել «Սննդամթերքի անվտանգության մասին», «Սննդամթերքի մակնշում», «Որոշակի մասնագիտացված սննդամթերքների, այդ թվում` դիետիկ թերապևտիկ և դիետիկ կանխարգելիչ սննդի անվտանգության վերաբերյալ» կանոնակարգերում, ինչպես նաև ճարպայուղային մթերքի վերաբերյալ տեխնիկական կանոնակարգում։

Պոլոզկովը նշեց, որ տեխնիկական նորմատիվների ընդունման նախորդ փորձից ելնելով` նոր կանոնների սահմանումը կարող է 1-1.5 տարի պահանջել։ Ըստ նրա` պետք է հաշվի առնել նաև այն, որ արտադրողներին ժամանակ է պետք յուղի ռաֆինացման տեխնիկական  գործընթացներն ու ձևերը վերակարգավորելու, իսկ վերահսկող մարմիններին` ստուգումների ընթացակարգին նախապատրաստվելու  համար։

ԵԱՏՄ օրակարգում միասնական արժույթի հարց չկա. ԿԲ ներկայացուցիչ

ԵԱՏՄ 5 երկրներից 4-ը (Բելառուսից բացի) Համաշխարհային առևտրային կազմակերպության անդամ են, իսկ դա նշանակում է, որ նրանք պետք է ՀԱԿ–ի գլխամաս հայտնեն այս փոփոխությունների մասին, որպեսզի նրանց առևտրային գործընկերները նույնպես հասցնեն նախապատրաստվեն կամ իրենց առարկությունները հայտնեն։

0
թեգերը:
յուղ, Եվրասիական տնտեսական միություն (ԵԱՏՄ)
թեմա:
Հայաստան և ԵԱՏՄ
Ըստ թեմայի
Հայաստանն առաջարկում է Թուրքիային զրկել ԵԱՏՄ սակագնային արտոնություններից
Թուրքիայի փոխարեն՝ ԵԱՏՄ երկրներ. ինչ է առաջարկում ՊԵԿ նախագահը
Ռուսաստանում նորից տեղ կգտնվի ԵԱՏՄ երկրների միգրանտների համար․ ԵԱԶԲ փորձագետներ