Անտոն Մորոզով

ԼՂ–ում խաղաղապահների տեղակայումը կողմերին զերծ կպահի փոխադարձ մեղադրանքներից. Մորոզով

843
(Թարմացված է 21:56 18.10.2020)
Ռուս պատգամավորի խոսքով՝ Լեռնային Ղարաբաղի հակամարտության հետ կապված պարզաբանումը պետք է անցնի ՄԱԿ-ի Անվտանգության խորհրդի հարթակում և բազմակողմանի բնույթ կրի։

ԵՐԵՎԱՆ, 18 հոկտեմբերի – Sputnik. Լեռնային Ղարաբաղի հակամարտության կողմերին զենք մատակարարելու մասին մեղադրանքները կարող են դադարել այդ գոտում խաղաղապահներ մտցնելուց հետո, ՌԻԱ Նովոստիին ասել է Պետդումայի միջազգային գործերի կոմիտեի անդամ Անտոն Մորոզովը:

«Եվ քանի դեռ լուծված չէ Լեռնային Ղարաբաղի տարածքում խաղաղապահ զորքերի տեղակայման հարցը, այդպիսի փոխադարձ մեղադրանքները շարունակվելու են` ով ում ինչ է մատակարարում, ինչու և այլն։ Ամենակարևորը արյունահեղությունը դադարեցնելն է, և այդ տարածաշրջանում խաղաղություն ապահովելը։ Ցավոք, առայժմ այլ իրավիճակ է, ուստի սպասելի է, որ հետագայում էլ տարբեր կողմերից նման մեղադրանքներ կլինեն»,-ասել է Մորոզովը։

Ռուս պատգամավորի խոսքով՝ Լեռնային Ղարաբաղի հակամարտության հետ կապված պարզաբանումը պետք է անցնի ՄԱԿ-ի Անվտանգության խորհրդի հարթակում և բազմակողմանի բնույթ կրի։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 18-ի ժամը 19:00-ի դրությամբ` հակառակորդի կրակոցների հետևանքով զոհվել են 710 զինծառայողներ և 36 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6109 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 192 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 558 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

«Գրադի» կրակի տակ. ինչպես են տարեց տղամարդիկ ապրում Մարտունու ապաստարաններից մեկում

 

843
թեգերը:
խաղաղապահ, ռուս, Պատգամավոր, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիան Արցախում - 2020 (1554)
Ըստ թեմայի
Ինչպես են հօդս ցնդում թշնամու ավտոշարասյունն ու զրահատեխնիկան. տեսանյութ
Ինչպես կարող է Գերմանիան օգնել Հայաստանին և ինչպես` խանգարել Բաքվին և Անկարային
Բաբլոյանը կոչ է արել ամուր պահել ռազմական ու բժշկական ճակատները
Արայիկ Հարությունյան

Արայիկ Հարությունյանը նամակ է գրել Վլադիմիր Պուտինին

1203
(Թարմացված է 16:42 23.10.2020)
Արցախի նախագահը հիշեցրել է Արցախի և Ռուսաստանի պատմական կապի մասին, շնորհակալություն հայտնել նրան «Վալդայ» ակումբի ելույթի համար և խոսել ներկա իրավիճակից։

ԵՐԵՎԱՆ, 23 հոկտեմբերի – Sputnik. Արցախի նախագահ Արայիկ Հարությունյանը նամակ է գրել Ռուսաստանի Դաշնության նախագահ Վլադիմիր Պուտինին։ Նամակի տեքստը նա հրապարակել է Facebook–ի իր էջում։

«Դուք այն անհատականությունը և պետության ղեկավարն եք, ով ունի հսկայական հեղինակություն աշխարհում և մեր տարածաշրջանում: Հաշվի առնելով այդ ամենը, խնդրում ենք Ձեզ գործադրել բոլոր հնարավոր ջանքերն ադրբեջանաղարաբաղյան հակամարտության գոտում պատերազմի դադարեցման և քաղաքական գործընթացների վերսկսման ուղղությամբ»,–գրել է նա:

Հարությունյանը հատուկ շեշտել է, որ ադրբեջանա-ղարաբաղյան հակամարտության կարգավորման բոլոր փուլերում ՌԴ-ն իրացրել է միջազգային իրավունքով սահմանված ուժի կամ ուժի սպառնալիքի չկիրառման և հակամարտությունների խաղաղ կարգավորման սկզբունքի օգտին ունեցած գործելակերպը: Ադրբեջանա-ղարաբաղյան հակամարտության կարգավորման գործընթացում ՌԴ-ն հանդես է գալիս թե՛ ԵԱՀԿ Մինսկի խմբի համանախագահության ձևաչափում և թե՛ առանձին դերակատարությամբ:

«Արցախի Հանրապետությունը բարձր է գնահատում Ռուսաստանի միջնորդական ջանքերը, ակտիվ դերակատարությունը և որոշիչ առաքելությունը հակամարտության կարգավորման բոլոր փուլերում՝ հատկապես, 1994 թ. հրադադարի Եռակողմ համաձայնագրի ձեռքբերման գործում: ՌԴ-ն որոշիչ դերակատարությամբ հանդես եկավ նաև ադրբեջանաղարաբաղյան հակամարտության սրման հերթական փուլում՝ 2016 թ. ապրիլի 5-ին՝ Ռուսաստանի միջնորդությամբ Մոսկվայում ձեռք բերվեց պայմանավորվածություն ռազմական գործողությունները դադարեցնելու և հրադադարը վերականգնելու մասին՝ համաձայն 1994 թ. հրադադարի հաստատման համաձայնագրի»,–գրել է նա:

Արցախի ղեկավարը բարձր է գնահատել ՌԴ-ի և անձամբ Պուտինի դիվանագիտական գործուն ջանքերն՝ ուղղված Ադրբեջանի կողմից Արցախի դեմ սանձազերծված ագրեսիան և լայնածավալ պատերազմը կանգնեցնելուն: Նա նաև տեղեկացնել է, որ Արցախի Հանրապետությունում և ողջ հայության շրջանում մեծ արձագանք են ստացել «Վալդայ» ակումբում Պուտինի ելույթում հնչած օբյեկտիվ գնահատականները ստեղծված իրավիճակի մասին:

Ի՞նչ են քննարկել ՀՀ դեսպանն ու ՌԴ փոխարտգործնախարարը Մոսկվայում

«Դուք նշել եք Ձեր ելույթում. «Այս հակամարտությունը սկսվեց ոչ թե որպես միջպետական հակամարտություն և տարածքների համար պայքար, այն սկսվեց էթնիկ դիմակայությունից: Ցավոք, սա փաստ է. Սումգայիթում, ապա Լեռնային Ղարաբաղում հայ ժողովրդի դեմ դաժան հանցագործություններ էին իրագործվել: Եվ այս ամենը մենք պետք է հանրագումարում հաշվի առնենք»: Դժբախտաբար, այս ցեղասպան քաղաքականությունն Ադրբեջանը շարունակում է առ այսօր»,–նշել է Հարությունյանը:

Նամակի սկզբում նա նշել է, որ Արցախ-Ռուսաստան առնչությունները դարերի պատմություն ունեն: Ռուսաստանը արցախցիների պատմական հիշողության մեջ ընկալվում է որպես եղբայրական երկիր, որը մշտապես, բոլոր դժվարին իրավիճակներում ձեռք է մեկնել հայության այս հատվածին:

«Այդ առնչությունները շարունակվել են նաև խորհրդային շրջանում: Հայրենական մեծ պատերազմի ժամանակ Լեռնային Ղարաբաղի Ինքնավար Մարզից և պատմական Արցախից Հայրենական մեծ պատերազմին մասնակցել է շուրջ 90 հազար հայորդի, որոնց կեսը իրենց կյանքն են նվիրաբերել հայրենիքի պաշտպանության գործին։ Մեկ շնչի հաշվով Խորհրդային Միության հերոսների և մարտական «Փառքի շքանշանի» ասպետների քանակով Արցախը ԽՍՀՄ-ում զբաղեցնում էր առաջատար տեղերից մեկը: ԽՍՀՄ հայազգի հինգ մարշալները արմատներով Արցախից էին՝ Հովհաննես Բաղրամյանը, Իվան Իսակովը, Համազասպ Բաբաջանյանը, Արմենակ Խանփերյանցը (Սերգեյ Խուդյակով), Սերգեյ Ագանովը։ Իրենց զորավարական տաղանդով փայլել են 30-ից ավելի գեներալներ ու հազարավոր սպաներ»,–գրել է նա` հավելելով, որ արմատներով Արցախից էին Անաստաս և Արտյոմ Միկոյանները, Իվան Թևոսյանը, Անդրանիկ Իոսիֆյանը, Նիկոլայ Ենիկոլոպովը, Միքայել Թարիվերդիևը և բազմաթիվ այլ երախտավորներ:

Պեսկովն ասել է` ինչի է ձգտում Պուտինը Ղարաբաղի հարցում

Հարությունյանը նշել է, որ Արցախ-Ռուսաստան սերտ առնչությունները շարունակվում են ցայսօր: Ռուսաստանաբնակ մոտ 3 միլիոն հայերի մի պատկառելի մասը Արցախից է, որոնց թվում շատ են նաև 1980-ական թթ. վերջին և 1990-ական թթ. ադրբեջանական ցեղասպան և էթնիկ զտումների քաղաքականության հետևանքով Արցախից բռնի տեղահանվածները:

Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակում էր հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

Ադրբեջանը մինչև այսօր էլ խախտում է հրադադարի վերաբերյալ պայմանավորվածությունները։

1203
թեգերը:
նամակ, Ղարաբաղյան հակամարտություն, Լեռնային Ղարաբաղ, Վլադիմիր Պուտին, Ռուսաստան, Արցախի նախագահ Արայիկ Հարությունյան, Արցախ
թեմա:
Ադրբեջանական ագրեսիան Արցախում - 2020 (1554)
Ըստ թեմայի
Արցախում զոհվել է Ալեքսանդր Նեչաևը` մոլոկանների Լերմոնտովո գյուղից
Ինչպես է Ադրբեջանը հիմնավորում Թուրքիային Մինսկի խմբում ներգրավելու իր առաջարկը
Լեռնային Ղարաբաղում տիրող իրավիճակի պատճառով Իրանն ուժեղացրել է սահմանների պաշտպանությունը
ԱՐԽԻՎԱՅԻՆ ԼՈՒՍԱՆԿԱՐ

Ինչ է Անկարան հասկացնում Մոսկվային, և որ դեպքում ՌԴ–ն ռազմական օգնություն կտրամադրի ՀՀ–ին

1224
(Թարմացված է 15:52 23.10.2020)
Ռուս պատգամավորի խոսքով՝ Մոսկվան անպայման կդիտարկի ռազմական օգնություն ցուցաբերելու մասին Երևանի դիմումը։

ԵՐԵՎԱՆ, 23 հոկտեմբերի — Sputnik. Թուրքական իշխանության պահվածքը բավականին հանդուգն է, Անկարան հետխորհրդային տարածքում հաստատվելու փորձերը չի դադարեցնում առաջին հերթին թուրքալեզու երկրների հաշվին։ Նման կարծիք է հայտնել ՌԴ Պետդումայի ԱՊՀ հարցերով հանձնաժողովի առաջին փոխնախագահ Կոնստանտին Զատուլինը, մեկնաբանելով Ղարաբաղ զորք մտցնելու հնարավորության մասին Թուրքիայի փոխնախագահի հայտարարությունը։

Ավելի վաղ Թուրքիայի փոխնախագահ Ֆուաթ Օքթայը հայտարարել էր, որ պատրաստ է զորք մտցնել մարտական գործողությունների գոտի, եթե Ադրբեջանը խնդրի այդ մասին։

Զատուլինի խոսքով՝ Թուրքիայի փոխնախագահի հայտարարությունը փորձ է վարժեցնել բոլորին (այդ թվում՝ Ռուսաստանին) այն մտքին, որ Անկարան ինչ ուզի` կարող է անել ու նրա համար չկան զսպող կարմիր գծեր, երբ խոսքը հետխորհրդային տարածքում դրսևորվող վարքի մասին է։

Պատգամավորի կարծիքով՝ Թուրքիան ուղղակիորեն դրդում է Ադրբեջանին, որ Բաքուն բանակ մտցնելու խնդրանքով դիմի Անկարային։

«Մենք նախկինում լսել ենք Ադրբեջանի ղեկավարությունից, իբր Անկարան ոչ մի կերպ չի մասնակցում իրադարձություններին։ Ինչպե՞ս հիմա գնահատենք Ադրբեջանի հնչեցրած այս հայտարարությունները։ Չէ՞ որ վերջին շաբաթների ընթացքում Թուրքիան առաջին անգամ չէ, որ Ադրբեջանից առաջ է ընկնում հակամարտության հետ կապված ցանկացած իրադարձության արձագանքելու առումով», - ասում է Զատուլինը։ 

Նա հիշեցրեց, որ երբ ԵԱՀԿ Մինսկի խմբի համանախագահները նախագահների մակարդակով հրադադարի կոչ արեցին, ոչ թե Ադրբեջանի նախագահ Իլհամ Ալիևը, այլ հենց Թուրքիայի նախագահ Ռեջեփ Թայիփ Էրդողանը կտրականապես մերժեց այդ տարբերակը։ Թուրքիան Ադրբեջանից շուտ պատասխանեց Ռուսաստանի, ԱՄՆ-ի ու Ֆրանսիայի նախագահների հայտարարությանը։

Զատուլինը կարծում է, որ Թուրքիայի փոխնախագահի հայտարարությունը սադրանք է, որին Ռուսաստանը պետք է պատասխանի, ոչ թե պարզապես հաշվի առնի այն։ Մեր զրուցակցի կարծիքով՝ Մոսկվան մինչ այժմ չի պատասխանում, քանի որ կարծում է, որ խաղաղ պայմանավորվածության, բանակցությունների և այլնի հնարավորությունները դեռ սպառված չեն։ Սակայն դա էլ չի կարող անվերջ տևել։ Մարտական գործողությունները շարունակվում ու ընդլայնվում են։ Դատելով Թուրքիայի հայտարարություններից՝ դրանք կարող են շարունակել տարածվել։ Այդ պատճառով Զատուլինը կարծում է, որ այդ խոսքերին պետք է որոշակիորեն արձագանքել։

Զատուլինը հաստատեց հարցազրույցներից մեկում արտահայտած կարծիքն այն մասին, որ Ռուսաստանը պետք է ուժեղացնի իր ներկայությունը Կովկասում, մասնավորապես՝ Հայաստանի տարածքում։ Հայաստանն էլ եթե կարծում է, որ Ռուսաստանին դիմելու հարց է հասունացել, պետք անի դա։ Առանց դիմելու Ռուսաստանն այդ քայլին չի դիմի։

Ղարաբաղում ռուս խաղաղապահներ մտցնելու առաջարկը բնական է․ Զատուլին

«Բայց ռուսական ռազմական ներկայության ուժեղացումը ինչ-որ չափով ասիմետրիկ պատասխան կլիներ հակամարտության մեջ Թուրքիայի ներգրավվելու մասին հայտարարությանը», - ասաց պատգամավորը։

Նրա կարծիքով՝ Սիրիայում և այլ երկրներում ռուսական հատուկ գործողությունների փորձը հուշում է, որ եթե ահաբեկչության, գրոհայինների տարածման սպառնալիք կա, ապա պետք է կոշտ արձագանքել։ Միաժամանակ այսօր Հայաստանի, ու դրա հետ Գյումրիում ռուսական ռազմաբազայի արգելափակման հետ կապված լուրջ խնդիր կա։ Նա կարծում է, որ այդ հարցը պետք է լուծել, և դա անել նաև Վրաստանի օգնությամբ։

Զատուլինը վստահ է, որ եթե Հայաստանը Ռուսաստանին դիմի ռազմական օգնություն տրամադրելու խնդրանքով, այդ դիմումն անպայման կդիտարկվի։ Պատգամավորի կարծիքով՝ հիմք չկա չհավատալու ՌԴ նախագահ Վլադիմիր Պուտինին, որը վերջերս ասել է, ու Ռուսաստանը կատարել ու կատարելու է Հայաստանի հանդեպ դաշնակցի իր պարտականությունները։

ՌԴ–ն չի պատրաստվում հրաժարվել Հայաստանի նկատմամբ պարտավորություններից. Զատուլին

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 23-ի ժամը 14։30-ի դրությամբ` հակառակորդի կրակոցների հետևանքով զոհվել են 927 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6539 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 206 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 588 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

1224
թեգերը:
Ադրբեջան, Ռուսաստան, Թուրքիա, Հայաստան
թեմա:
Ադրբեջանական ագրեսիան Արցախում - 2020 (1554)
Ըստ թեմայի
Պուտինն ու Մակրոնը քննարկել են Լեռնային Ղարաբաղում տիրող իրավիճակը
Չի կարելի մոռանալ հայ ժողովրդի ապրած ողբերգությունը. Պուտինը խոսել է Ղարաբաղի մասին
Պեսկովն ասել է` ինչի է ձգտում Պուտինը Ղարաբաղի հարցում
Արցախ

Ադամ Շիֆը կոչ է արել ԱՄՆ-ին ճանաչել Արցախի անկախ հանրապետությունը

81
(Թարմացված է 00:39 24.10.2020)
ԱՄՆ կոնգրեսականի խոսքով` Ալիևին ու Էրդողանին պետք է հասկացնել, որ եթե շարունակեն պատերազմը, ապա կտեսնեն դրա հետևանքները։ Միացյալ Նահանգները «ձեռքերը ծալած» չի նստելու։

ԵՐԵՎԱՆ, 23 հոկտեմբերի - Sputnik. ԱՄՆ կոնգրեսական Ադամ Շիֆը պաշտոնապես կոչ է արել ԱՄՆ-ին ճանաչել Արցախի անկախ հանրապետությունը։

«Տևական ժամանակ է, ինչ Թուրքիան և Ադրբեջանը պատերազմում են Արցախի դեմ, գնդակոծում խաղաղ բնակավայրերը, եկեղեցիները` ռազմական հանցագործություններ կատարելով: Ադրբեջանի գրոհները հետ մղելիս զոհվել է ավելի քան 800 զինծառայող, ինչպես նաև տասնյակ խաղաղ բնակիչներ »,–իր կոչում նշել է Շիֆը։

Շիֆի խոսքով` ձմռան շեմին Արցախի քաղաքացիական բնակչության կեսից ավելին ստիպված է տեղափոխվել այլ քաղաք, քնել մեքենաներում կամ բաց դաշտերում ՝ ընկնող ռումբերից հեռու։

Նա նշում է, որ չեն կարող թույլ տալ, որ պատմությունը կրկնվի։ Եթե Ադրբեջանն ու Թուրքիան որոշել են պատերազմել, ապա ԱՄՆ–ն, ԵԱՀԿ Մինսկի խումբը և միջազգային հանրությունը պետք է հստակ ասեն, որ Ադրբեջանն ու Թուրքիան իրենց ցանկություններում հաջողության չեն հասնելու։
Ալիևին ու Էրդողանին պետք է հասկացնել, որ եթե շարունակեն պատերազմը, ապա կտեսնեն դրանց հետևանքները։ Միացյալ Նահանգները «ձեռքերը ծալած» չի նստելու։

Շիֆն իր աջակցությունն է հայտնել Հայաստանին և Արցախին։

Ավելի վաղ` հոկտեմբերի 6-ին, Շիֆը Facebook–ի իր էջում գրել էր, որ Լոս Անջելեսը սատարում է Հայաստանի և Արցախի ժողովրդին։

Նշենք, որ Ադամ Շիֆը հայտնի է իր հայամետ դիրքորոշմամբ։ Նա լավ հարաբերություններ ունի հայ համայնքի ներկայացուցիչների հետ ու հաճախ է մասնակցում Հայոց ցեղասպանության զոհերի հիշատակի ոգեկոչմանը նվիրված միջոցառումներին։

81
թեգերը:
ԱՄՆ, Ադամ Շիֆ, Արցախյան պատերազմ
Ըստ թեմայի
Միլանի քաղաքային խորհուրդը ճանաչել է Արցախի անկախությունը
Ֆրանսիայի Վիեն քաղաքը ճանաչեց Արցախի անկախությունը
ԱՄՆ կոնգրեսականը կոչ է արել ճանաչել Արցախի անկախությունը