Ոստիկան

Նիժնի Նովգորոդի մարզում տղամարդը կրակ է բացել ավտոբուսի ուղղությամբ. կան զոհեր

161
(Թարմացված է 19:28 12.10.2020)
Տեղացիներից մեկը կրակել է ավտոբուսի ուղղությամբ, հետո ուսապարկով ու զենքով թաքնվել է անտառում։

ԵՐԵՎԱՆ, 12 հոկտեմբերի - Sputnik. Նիժնի Նովգորոդի մարզի Բոր քաղաքում տղամարդը կրակ է բացել ավտոբուսի վրա, չորս մարդ մահացել է, երեքը` վիրավորվել։ Տեղեկությունը հայտնում են ռուսական լրատվամիջոցները:

ՌԵՆ TV–ի տվյալներով՝ կրակողը տեղի բնակիչ է, անունը` Անդրեյ։ Նա կրակելուց հետո ուսապարկով և զենքով թաքնվել է անտառում։

Սան Ֆրանցիսկոյում կրակոցներ են արձակել հայկական դպրոցի ուղղությամբ

Դեպքի վայր են մեկնել քրեագետներն ու օպերատիվ խումբը։

Այս պահին դեպքի մանրամասները ճշտվում են։

Գեղարքունիքում որսի ժամանակ որդին անզգուշաբար կրակել է հոր վրա

161
թեգերը:
կրակոց, Մահ, ավտոբուս, Ռուսաստան
Վլադիմիր Պուտին. արխիվային լուսանկար

Ռուս բժիշկներն արդեն սովորել են պայքարել կորոնավիրուսի դեմ. Պուտին

99
(Թարմացված է 19:49 21.10.2020)
Պուտինը կոչ է արել ընդլայնել կորոնավիրուսի դեմ ռուսական երկու պատվաստանյութերի արտադրությունը և ապահովել նախևառաջ տեղական շուկան։

ԵՐԵՎԱՆ, 21 հոկտեմբերի – Sputnik. Ռուս բժիշկներն այսօր ընդհանուր առմամբ սովորել են պայքարել կորոնավիրուսային նոր վարակի դեմ, Ռուսաստանի արդյունաբերողների և ձեռնարկատերերի միության համագումարի ժամանակ հայտարարել է ՌԴ նախագահ Վլադիմիր Պուտինը։

«Թեպետ ցավոք, նոր վարակակիրների թիվն ավելացել է, բայց մեր բժիշկներն ընդհանուր առմամբ սովորել են պայքարել կորոնավիրուսի դեմ», – ասել է Պուտինը։

Հիշեցնենք, որ օգոստոսին Ռուսաստանն առաջինն աշխարհում գրանցեց COVID-19–ի դեմ պատվաստանյութ, որը ստեղծել են Գամալեայի կենտրոնն ու Ուղիղ ներդրումների ռուսական հիմնադրամը։ «Սպուտնիկ V» անվանումը ստացած պատվաստանյութի առաջին խմբաքանակն արդեն իսկ շրջանառության մեջ է դրվել և Ռուսաստանի մարզեր է մատակարարվում։

Ռուսաստանում զուգահեռաբար փորձարկվում է ևս 4 պատվաստանյութ, որոնք ստեղծել են «Վեկտոր» կենտրոնը, Չումակովի անվան ինստիտուտը, չինական Sinopharm և անգլո–շվեդական AstraZeneca ընկերությունները։

Կորոնավիրուսի դեմ ի՞նչ պատվաստանյութ կհասնի Հայաստանին. նախարարությունը քայլեր է անում

Սեպտեմբերի վերջին «Վեկտոր» կենտրոննում ավարտվեցին SARS-CoV-2–ի դեմ պատվաստանյութի կլինիկական փորձարկումները։  «ԷպիՎակԿորոնա» անվանումով «Վեկտորի» պատվաստանյութը կորոնավիրուսի դեմ ռուսական երկրորդ պատվաստանյութը դարձավ։ Այն արտադրվել է SARS-CoV-2–ի վիրուսի սպիտակուցների քիմիականորեն սինթեզված պեպտիդների անտիգենների և այլ բաղադրիչների հիման վրա։ Պատվաստանյութը կենդանի թուլացած վիրուսներ կամ կորոնավիրուսի գենետիկ նյութ չի պարունակում։ Պուտինը կոչ է արել ընդլայնել կորոնավիրուսի դեմ ռուսական երկու պատվաստանյութերի արտադրությունը և նախևառաջ ապահովել տեղական շուկան։

99
թեգերը:
պատվաստանյութ, կորոնավիրուս, Ռուսաստան, Վլադիմիր Պուտին
թեմա:
Կորոնավիրուսը աշխարհում
Ըստ թեմայի
Հայկական դրամը դիմադրել է COVID-ին և պատերազմին, իսկ թուրքական լիրան՝ ոչ․ որն է պատճառը
ԱՀԿ-ն մտահոգված է Հայաստանում և Ադրբեջանում COVID-19-ի դեպքերի կտրուկ աճով
Ո՞ր մարդկանց համար COVID-ի դեմ պատվաստումը կարող է անարդյունավետ լինել

ՌԴ ԱԴԾ–ն ձերբակալել է Շամիլ Բասաևի ավազակախմբի երկու անդամի. տեսանյութ

227
(Թարմացված է 18:48 21.10.2020)
Ռուսաստանում շարունակվում են նախորդ տարիների ահաբեկչական բնույթի հանցագործությունների՝ քրեական պատասխանատվությունից խուսափած մասնակիցների հետախուզման միջոցառումները։

ԵՐԵՎԱՆ, 21 հոկտեմբերի – Sputnik. Անվտանգության Դաշնային ծառայության աշխատակիցները ձերբակալել են 1999թ․-ին Դաղստանի վրա կատարված հարձակման երկու մասնակցի։ Այն ժամանակ գրոհայիններն ավելի քան 280 մարդ էին սպանել։

Ինչպես հայտնում է ՌԻԱ Նովոստին՝ հղում անելով ԱԴԾ հանրային կապերի կենտրոնին, ծառայության աշխատակիցները ՆԳՆ-ի, ՔԿ-ի հետ համագործակցությամբ և Ռոսգվարդիայի ուժային աջակցությամբ ձերբակալվել և նախաքննության մարմին են տեղափոխվել Ստավրոպոլի երկրամասի բնակիչներ՝ 1975 թվականին ծնված Մայլուբաև Ռասուլը և 1977 թվականին ծնված Յակուբով Զագիրը:

Տեղեկատվության համաձայն՝ նրանք 1999 թ․-ի օգոստոսին Բասաևի և Խատաբի ավազակային կազմավորումների կազմում Դաղստանի Բոտլիխի շրջանի բնակավայրերի վրա զինված հարձակման մասնակիցներ են, որոնք դրա համար քրեական պատիժ չեն կրել:

Նշվում է, որ Բոթլիխի շրջանի վրա ավազակների հարձակման հետևանքով զոհվել են ավելի քան 280 և վիրավորվել 800-ից ավելի զինծառայողներ, իրավապահներ և քաղաքացիական անձինք, զգալի վնաս է հասցվել Դաղստանի տնտեսությանը:

ԱԴԾ–ն Սևաստոպոլում զինվորականի է ձերբակալել Ուկրաինայի օգտին լրտեսություն անելու համար

Ձերբակալվածների գործողություններում առկա են հանցագործության հատկանիշներ «Իրավապահ մարմնի աշխատակցի կյանքի նկատմամբ ոտնձգություն» հոդվածով:

Նախորդ տարիների ահաբեկչական բնույթի հանցագործությունների՝ քրեական պատասխանատվությունից խուսափած մասնակիցների հետախուզման միջոցառումները շարունակվում են:

Մոտակա ժամանակում հետաքննությունը դատարանին կխնդրի ձերբակալել Մայլուբաևին և Յակուբովին։

Հիշեցնենք, որ 1999-2019թթ. դատվել և 3-15 տարվա ազատազրկման են դատապարտվել Դաղստանի Բոտլիխի և Ցումադինի շրջանների վրա հարձակման ավելի քան 80 մասնակիցներ: 7 գրոհայինների, այդ թվում Բասաևի քրեական հետապնդումը դադարեցվել է նրանց մահվան պատճառով, շուրջ 30 մարդու նկատմամբ դաշնային և միջազգային հետախուզում է հայտարարվել:

ԱԴԾ–ն ձերբակալել է ահաբեկիչների, որոնք ուժայինների սպանություն էին ծրագրում

227
թեգերը:
Ձերբակալում, Անվտանգության դաշնային ծառայություն (ԱԴԾ), Ռուսաստան
Ըստ թեմայի
Ռուսաստանի ԱԴԾ–ն ահաբեկիչների է ձերբակալել Թաթարստանում. տեսանյութ
Իրանցին և շվեյցարացին փորձել են թմրանյութ ներմուծել Հայաստան. ՌԴ ԱԴԾ
ԱԴԾ–ն հրապարակել է «Հիզբ ութ Թահրիրի» իսլամիստներին ձերբակալելու տեսանյութը
ՀՀ ԱԳՆ

ՀՀ ԱԳՆ–ն հերքում է Ադրբեջանի հերթական մանիպուլյատիվ հայտարարությունը

197
(Թարմացված է 01:07 22.10.2020)
ՀՀ ԱԳՆ կոչ է անում Ադրբեջանին և իր հովանավոր Թուրքիային հրաժարվել միջազգային հանրության՝ կրակի դադարեցման վերահսկելի ռեժիմի հաստատմանն ուղղված ջանքերը տապալելու գործողություններից և մեղքը հայկական կողմի վրա բարդելու իրենց ավանդական քաղաքականությունից:

ԵՐԵՎԱՆ, 22 հոկտեմբերի – Sputnik. Ադրբեջանի ԱԳՆ-ն հանդես է եկել մանիպուլյատիվ հայտարարությամբ, որտեղ փորձ է արվում ԼՂ հիմնախնդրի խաղաղ կարգավորումը մերժող Ադրբեջանի և Թուրքիայի դիրքորոշումը հրամցնել որպես հայկական կողմի մոտեցում: Տեղեկությունը հայտնում է ՀՀ ԱԳՆ մամուլի ծառայությունը։

Նշվում է, որ Թուրքիայի և նրա կողմից հովանավորվող ահաբեկիչների ուղղակի ներգրավմամբ Ադրբեջանի կողմից Արցախի ժողովրդի դեմ իրականացվող ռազմական ագրեսիան ուղղված է Արցախի բնիկ ժողովրդի բնաջնջմանը և առաջին իսկ օրվանից ուղեկցվում է միջազգային հումանիտար իրավունքի բազմաթիվ խախտումներով ու պատերազմական հանցագործություններով: Այս գործողություններն օրվա հրամայական են դարձնում Արցախի ժողովրդի գոյութենական անվտանգության լիակատար ապահովումը:

«ՀՀ-ն հետևողականորեն աջակցում է ԵԱՀԿ Մինսկի խմբի համանախագահող երկրների ղեկավարների միջնորդությամբ հոկտեմբերի 10-ի և 17-ի հայտարարություններով համաձայնեցված կրակի դադարեցման պայմանավորվածությունների անվերապահ իրականացմանը: 

Մշտապես հանդես գալով հակամարտության ռազմական կարգավորումը բացառող դիրքերից՝ մեկ անգամ ևս շեշտում ենք, որ ԼՂ հիմնախնդիրը կարող է կարգավորվել բացառապես խաղաղ միջոցներով միջազգային մանդատ ունեցող ձևաչափի՝ ԵԱՀԿ Մինսկի խմբի համանախագահության շրջանակներում»,–ասված է հաղորդագրության մեջ: 

ՀՀ ԱԳՆ կոչ է անում Ադրբեջանին և իր հովանավոր Թուրքիային հրաժարվել միջազգային հանրության՝ կրակի դադարեցման վերահսկելի ռեժիմի հաստատմանն ուղղված ջանքերը տապալելու գործողություններից և մեղքը հայկական կողմի վրա բարդելու իրենց ավանդական քաղաքականությունից:

Ավելի վաղ Ադրբեջանի նախագահի օգնական Հիքմեթ Հաջիևը, մեկնաբանելով Հայաստանի վարչապետ Նիկոլ Փաշինյանի հայտարարությունը, որ այս պահին անիմաստ է խոսել հակամարտությունը դիվանագիտական ճանապարհով լուծելու մասին, հայտարարել էր, որ պաշտոնական Բաքուն աջակցում է բանակցությունների միջոցով ՄԱԿ-ի Անվտանգության խորհրդի բանաձևերի հիման վրա հարցի կարգավորմանը:

Նշենք, որ հոկտեմբերի 21–ին ՀՀ վարչապետ Նիկոլ Փաշինյանը Facebook–ի իր ուղիղ միացման ժամանակ ասել էր, որ Ղարաբաղյան հիմնահարցի դիվանագիտական լուծման մասին այս փուլում խոսելն անիմաստ է։ «Պետք է հստակ գիտակցենք, որ Ղարաբաղի հարցը գոնե այս փուլում և այս փուլից սկսած` երկար ժամանակ դիվանագիտական լուծում չունի։ Բոլոր հույսերը, առաջարկները, թե պետք է Արցախյան հիմնահարցի առնչությամբ դիվանագիտական լուծում գտնել, ըստ էության, պետք է ավարտված համարել»,–ասել էր վարչապետը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 21-ի ժամը 16:40-ի դրությամբ` հակառակորդի կրակոցների հետևանքով զոհվել են 834 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:

Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Պատերազմ Արցախում` առանց սեփական զինվորների. ո՞րն է Էրդողանի գերնպատակը

197
թեգերը:
Արցախ, Ղարաբաղյան հակամարտություն, Լեռնային Ղարաբաղ, ՀՀ Արտաքին գործերի նախարարություն. ԱԳՆ, Հայաստան, Ադրբեջան
թեմա:
Ադրբեջանական ագրեսիան Արցախում - 2020
Ըստ թեմայի
Թշնամին հրետանի է կիրառել Մարտունի քաղաքի և Հերհեր գյուղի ուղղությամբ
Հադրութում հայ գերիներին գնդակահարած հանցագործներից մեկը ոչնչացվել է. Razm.info
Եթե Ադրբեջանը ցանկանա, Թուրքիան Լեռնային Ղարաբաղ զորք կուղարկի. Ֆուաթ Օքթայ