ԵՐԵՎԱՆ, 9 հոկտեմբերի - Sputnik. Ռուսաստանի նախագահ Վլադիմիր Պուտինն այսօր Անվտանգության խորհրդի մշտական անդամների հետ հանդիպման ժամանակ ասել է, որ ցանկանում է քննարկել Կովկասում, հարևան տարածաշրջաններում տիրող իրավիճակը:
Ռուսաստանի առաջնորդը նախ առաջարկել է քննարկել Հեռավոր Արևելքում տիրող իրավիճակը։
«Հետո, բնականաբար, կքննարկենք մեր սահմանների կողքին, այդ թվում՝ Հարավային Կովկասում տիրող իրավիճակը», - ասել է նա:
Հիշեցնենք` այսօր կեսգիշերին հայտնի դարձավ, որ Պուտինը կոչ է արել դադարեցնել Լեռնային Ղարաբաղի հակամարտության գոտում ընթացող ռազմական գործողությունները։ Նա ասել էր, որ հրադադար պետք է հաստատվի գերիներին և զոհվածների մարմինները փոխանակելու նպատակով։
Հայաստանի և Ադրբեջանի արտգործնախարարներն այսօր` հոկտեմբերի 9-ին, հրավիրվել են ՌԴ՝ Ղարաբաղի հարցով խորհրդակցությունների։
Վլադիմիր Պուտինի և Հայաստանի ու Ադրբեջանի արտգործնախարարների հանդիպում նախատեսված չէ
