ՀՕՊ Ս-400 համակարգեր

Ս-500 համակարգն առաջին գնորդներն ունի սպառազինությունների համաշխարհային շուկայում

1059
(Թարմացված է 08:24 08.10.2020)
Նորագույն գերհեռահար համակարգը կարող է թիրախավորել ցածր ուղեծրային արբանյակներ, գերձայնային թևավոր հրթիռներ, միջմայրցամաքային բալիստիկ հրթիռներ, տիեզերական ինքնաթիռներ, հեռահար ռադիոլոկացիոն ինքնաթիռներ, ծանր ռմբակոծիչներ։

Ալեքսանդր Խրոլենկո, ռազմական վերլուծաբան

Մինչև 600 կմ հեռավորության թիրախների արդյունավետ խոցման Ս-500 «Պրոմեթեյ» զենիթահրթիռային համակարգը Ռուսաստանում մարտական հերթապահության կկանգնի 2021 թվականին։  Սակայն արդեն այսօր արտահանման լուրջ ներուժ է նկատվում այդ համալիրների հարցում։

Ս-500 «Պրոմեթեյ» զենիթահրթիռային համակարգի փորձարկումներն ավարտվում են ՌԴ ՊՆ զորավարժարանում, հրթիռների փորձնական արձակումները հաստատել են հայտարարված բոլոր բնութագրերը, արդյուաբերությունը պատրաստ է սերիական արտադրության։ Զորքերում փորձնական շահագործումից հետո կմեկնարկեն զանգվածային մատակարարումները։ Ս-300-ի և Ս-400-ի պահանջարկը օտարերկրյա պատվիրատուների մոտ թույլ է տալիս կանխատեսել հաջող մեկնարկ միջազգային շուկայում նաև Ս-500–ի համար։

Ամերիկյան Military Watch վերլուծական պարբերականն արդեն որոշել է «Պրոմեթեյ»–ի պոտենցիալ գնորդների առաջին հնգյակը, որում հայտնվել են Ալժիրը, Բելառուսը, Չինաստանը, Հնդկաստանն ու Իրանը։ Ինչո՞ւ հենց այս երկրները։ Պատճառը ԱՄՆ և մի շարք արևմտյան երկրների ռազմականացումն ու ՆԱՏՕ–ի նախկին ռազմական գործողությունների փորձն է։

Ռուսաստանը շատ ավելի մեծ լծակներ ունի. Արցախում առաջիկա օրերին սպասում են ՌԴ–ի արձագանքին

Նման հեռանկարները բազմաթիվ հարևանների (ոչ միայն Ռուսաստանին և Չինաստանին) են մտահոգում, և ստիպում ամրապնդել հակաօդային պաշտպանության (ՀՕՊ) ազգային համակարգերը։ Օրինաչափորեն աճում է օտարերկրյա պատվիրատուների պահանջարկը ռուսական արտադրության Ս-300, Ս-400  և Ս-500 համակարգերի նկատմամբ, որոնք կարող են թե’ առանձին, թե’ փոխգործակցությամբ արդյունավետորեն հակազդել սպառնալիքների լայն շրջանակի։

Տիեզերական հնարավորություններ

Ս-500 համակարգերը նմանակ չունեն, ինչն ընդունում են հայրենական և արտասահմանյան ռազմական փորձագետները։ Նկատենք, որ «Պրոմեթեյ»–ը «Տրիումֆին» (որն աշխատում է 5-ից մինչև 60 կմ բարձրությունների վրա) չի փոխարինում, և նախատեսված է ծայրահեղ հեռավորությունների վրա ռազմավարական նշանակության թիրախների (ցածր ուղեծրային արբանյակներ, գերձայնային թևավոր հրթիռներ, միջմայրցամաքային բալիստիկ հրթիռներ, տիեզերական ինքնաթիռներ, հեռահար ռադիոլոկացիոն ինքնաթիռներ, ծանր ռմբակոծիչներ) առաջնահերթ ոչնչացման համար։ Ս-400 համակարգը փոքր բարձրությունների և հեռավորությունների վրա ևս կարող է  խոցել այդ թիրախները, սակայն ինտեգրված «Տրիումֆ» ՀՕՊ–ՀՀՊ համակարգում այն ​​ավելի արդյունավետորեն կչեզոքացնի ավելի փոքր և պակաս արժեքավոր օբյեկտներ՝ «անտեսանելի» կործանիչներ, մարտավարական բալիստիկ և թևավոր հրթիռներ:

Մարտավարական տեխնիկական գերազանց բնութագրերը թույլ են տալիս դասել Ս-500-ը հակատիզերական պաշտպանության համակարգերի առաջին սերնդի շարքում։ «Պրոմեթեյն» ունի խոցման 600 կիլոմետր տրամագիծ։ Այդ հեռավորության վրա այն կարող է միաժամանակ ոչնչացնել մինչև տասը գերձայնային թիրախ (թևավոր ու բալիստիկ հրթիռներ), որոնք թռչում են մինչև ժամը 25 հազար կիլոմետր արագությամբ ու մինչև 200  կմ բարձրության վրա։ Դա շատ է անհանգստացնում ամերիկացի մասնագետներին, որոնք կասկածում են, որ  F-22, F-35 ու B-2 ինքնաթիռներն այլևս աննկատ չեն մնա Ս-500-ի ռադարների համար։

Միացյալ նահանգները տիեզերական հարձակման միջոցներ են մշակում, ու հեռանկարում կարող են օգտագործել դրանք Ռուսաստանին կանխարգելիչ հարված հասցնելու համար՝ օգտագործելով Եվրոպայում տեղակայված ռազմաբազաները։ Սակայն Ս-500 «Պրոմեթեյ» համակարգը տեխնոլոգիապես առաջ է ամերիկյան մշակումներից։ Նշենք, որ 600 կմ-ը դա թիրախներ խոցելու սահմանն է, իսկ «տեսնում է» Ս-500-ը ավելի հեռուն։ Նման տեխնոլոգիաներն ընդլայնում են հնարավորի սահմանները ռազմական գործում։

«Մենթալիտետն է բարբարոսական». գնդապետը ռուսաստանցի լրագրողի հարցին պատասխան չգտավ

Օրինակ, «Պրոմեթեյները» կարող են Ղրիմի թերակղզուց վերահսկել Սև ծովի ու Մարմարա ծովի ամբողջ ջրավազանի օդային տարածքը՝ ընդգրկելով նաև Բուլղարիայի ու Ռումինիայի (այդ թվում՝ Բուխարեստի) երկինքը։ Մարտական դրության ժամանակ Ս-500-ը Կալինինգրադի մարզից «կգտնի» Ֆ-35 թևավոր հրթիռներն ու անտեսանելի Ֆ-35-ը Սկագերակ նեղուցում, որը միացնում է Հյուսիսային ու Բալթիկ ծովերը։ Անհրաժեշտության դեպքում խոցելի կդառնան նաև օդային թիրախները Բեռլինի ու Դրեզդենի, ամբողջ Լեհաստանի վրա, էլ չենք խոսում Լիտվայի, Լատվիայի ու Էստոնիայի փոքր տարածքների մասին։ Բայց նախևառաջ Ս-500 նորագույն համակարգը վահան է, որը կարող է պաշտպանել Արևմտյան ռազմական օկրուգի զորքերի ու Ռուսաստանի տարբեր հեռավորության ու տեղակայման հրթիռային համալիրների արդյունավետ տեղաբաշխումը։

Ռուսաստանը Թուրքիային զսպելու համարժեք գործիքակազմ ունի. թուրքագետ

Ռուսաստանի զինված ուժերը կստանան «Պրոմեթեյի» առաջին նմուշներըն արդեն 2021 թվականին։ Ս-500, Ս-400 ու Ս-300 զենիթահրթիռային համակարգերը կմտնեն օդատիեզերական պաշտպանության միասնական համակարգի մեջ, որն ավելի արդյունավետ կպաշտպանի Ռուսաստանը տարատեսակ սպառնալիքներից, ու կմեծացնի կայունությունը մերձակա երկրներում ու տարածաշրջաններում։ Այնուհետև Մոսկվան նոր պաշտպանողական հնարավորությունները կտրամադրի մոտակա դաշնակիցներին ու գործընկերներին։ Ս-500-ի պատվիրատուների վերոնշյալ ցանկը հաստատ ավելի երկար կլինի։ Գերհեռահար նորագույն «Պրոմեթեյի» առանձնահատուկ գրավչությունն անկասկած է, քանի որ նման ՀՕՊ-ՀՀՊ համակարգի առկայությունը երկրի տարածքում նկատելիորեն կզսպի ցանկացած ագրեսորի։

1059
թեգերը:
սպառազինություն, Ռուսաստան, Հակաօդային պաշտպանություն (ՀՕՊ)
Ըստ թեմայի
«Իսկանդերները» կկիրառվե՞ն Արցախում. Փաշինյանը պատասխանեց Sputnik Արմենիայի հարցին
Հայկական զինուժը ոչնչացրել է հակառակորդի ծանր հրետանային «ՏՕՍ-1Ա» համակարգը
Ինչո՞ւ է Ռուսաստանը զորավարժություններ անցկացնում Կովկասի 5 տարածաշրջանում
Արխիվային լուսանկար

Ռուսաստանում մտադիր են արյան մեջ շաքարի և խոլեստերինի քանակը հաշվարկող թևնոց ստեղծել

19
(Թարմացված է 15:08 30.10.2020)
«Խելացի» թևնոցի ստեղծման համար նախատեսվում է տեխնոլոգիական մրցույթ հայտարարել։

ԵՐԵՎԱՆ, 30 հոկտեմբերի – Sputnik. Ռուսաստանում ապագայում կհայտնվեն «խելացի» թևնոցներ, որոնք ի վիճակի են իրական ժամանակի ռեժիմում հաշվարկել մարդու օրգանիզմում հորմոնների վիճակի, արյան մեջ շաքարի և խոլեստերինի մակարդակի տվյալները։ Տեղեկությունը ՌԻԱ Նովոստիին հայտնել է «Ռուսաստանի վենչուրային ընկերության» նորարարական ենթակառուցվածքների գծով փոխտնօրեն Միխայիլ Անտոնովը։

Նրա խոսքով՝ այդպիսի սարքի ստեղծման տեխնոլոգիական մրցույթը նախատեսվում է հայտարարել ապագայում։

«Տվիչների մրցույթի գաղափարը ենթադրում է թևնոցների ստեղծում, որոնք կարող են արագ տվյալներ հավաքել մարդու առողջական վիճակի մասին և անմիջապես հայտնել նրան շաքարի, խոլեստերինի, սթրեսի հորմանի մակարդակի բարձրացման մասին և այլն։ Ալգորիթմներն առցանց վերլուծելու են մարդու առողջության մասին տվյալները և ակնթարթորեն փոխանցելու են դրանք»,-ասել է Անտոնովը։

Նրա խոսքով՝ նախքան մրցույթ հայտարարելը մեկ տարի մանրակրկիտ աշխատանք է պետք կատարել։

Գիտնականները գտել են այն մթերքը, որն այրում է ճարպը և նվազեցնում զարկերակային ճնշումը

19
թեգերը:
գիտնական, Ռուսաստան, շաքար
Ըստ թեմայի
3 բեկումնային տարիք, երբ ծերությունը «վրա է տալիս». գիտնականների խորհուրդները
Գիտնականները պարզել են շաքարային դիաբետի զարգացման հիմնական պատճառը
Ռուս գիտնականները նոր հակաբիոտիկ են հայտնաբերել, որը կարող է պայքարել նաև ուռուցքների դեմ
Վարձկաններ. արխիվային լուսանկար

Ռուսաստանի ԱԳՆ-ում չեն ժխտում սիրիացի գրոհայինների «ներհոսքը» Արցախից Ռուսաստան

290
(Թարմացված է 12:59 30.10.2020)
ՌԴ արտաքին գործերի փոխնախարարի խոսքով՝ ահաբեկչության դեմ պայքարում մանրուքներ չեն լինում և կարևոր է վերլուծել բոլոր, այդ թվում՝ հավանական ռիսկերը։

ԵՐԵՎԱՆ, 30 հոկտեմբերի – Sputnik. ՌԴ արտաքին քաղաքական գերատեսչությունը չի բացառում, որ Լեռնային Ղարաբաղում մարտերին մասնակցող սիրիացի և լիբիացի վարձկանները կարող են «ներհոսել» Ռուսաստանի տարածք։ Այդ մասին ՌԻԱ Նովոստիին հայտնել է արտաքին գործերի փոխնախարար Օլեգ Սիրոմոլոտովը։ «Այդպիսի հավանականությունը, անկասկած, ժխտել չի կարելի»,-ասել է նա։

Նրա խոսքով՝ ահաբեկչության դեմ պայքարում մանրուքներ չեն լինում և կարևոր է վերլուծել բոլոր, այդ թվում՝ հավանական ռիսկերը։

«Ռուսաստանի իրավապահ մարմիններն ամենաուշադիր կերպով հետևում են իրավիճակին և, ինչպես ասում են, «ձեռքը զարկերակին են պահում»»,-եզրափակել է Սիրոմոլոտովը։

Ինչպես հայտնի է, Թուրքիան վարձկաններին Սիրիայից տեղափոխում է մարտական գործողությունների գոտի, ինչի մասին ավելի վաղ խոսել էին Սիրիայի նախագահ Բաշար Ասադը, Ռուսաստանի արտաքին հետախուզության ծառայության ղեկավար Սերգեյ Նարիշկինը և այլ պաշտոնատար անձինք։ Հայտնի է դարձել, որ «Ֆիրքաթ Ալ-Համզա» խմբավորման հրամանատարներից մեկը՝ Ադել ալ-Շահիրը, ոչնչացվել է Արցախում, մարտական գործողությունների գոտում։ Նա այստեղ հայտնվել էր վերջերս և ոչնչացվել է հայկական ուժերի հրետանային հարվածի արդյունքում։

Ավելի վաղ հայտնի էր դարձել, որ Թուրքիան Սիրիայի հյուսիսից վարձկաններ է ուղարկել Ադրբեջան՝ Արցախի ու Հայաստանի դեմ օգտագործելու նպատակով։ Տեղեկություններ կան, որ նրանց 1,5-2 հազար դոլար են վճարել ռազմական գործողություններին մասնակցելու համար։ Այս տեղեկությունը հաստատել են ոչ միայն հայաստանյան և արցախյան իշխանությունները, միջազգային ԶԼՄ-ներն ու արտասահմանյան իրավապաշտպան կազմակերպությունները, այլև Սիրիայի, Ֆրանսիայի, Ռուսաստանի, ԱՄՆ–ի և այլ երկրների իշխանությունների ներկայացուցիչներ։

ՌԻԱ Նովոստին էլ տեղեկացրել է, որ հոկտեմբերի 16-ին ավելի քան 1000 գրոհային է տեղափոխվել ղարաբաղյան հակամարտության գոտի։

Թուրքիան Հարավային Կովկասը լցրել է ահաբեկիչներով. ՀՀ ԱԳ նախարարի հարցազրույցը

290
թեգերը:
ահաբեկիչ, Ռուսաստան, Թուրքիա, վարձկաններ
թեմա:
Ադրբեջանական ագրեսիան Արցախում - 2020
Ըստ թեմայի
Պուտինը Էրդողանին իր մտահոգությունն է հայտնել Արցախում կռվող ահաբեկիչների վերաբերյալ
Արդբեջանցիներն առաջնագծում ահաբեկչական խմբավորումների բազաներ են ստեղծում. ԱՀ ՊՆ
Ադրբեջանը որոշ ուղղություններով վերահսկողությունը հանձնել է ահաբեկչական խմբավորումներին

Արցախի պաշտպանության բանակը հերթական դիվերսիոն խմբին է ոչնչացրել. տեսանյութ

0
Արցախի պաշտպանության նախարարությունը տեսանյութ է հրապարակել` ներկայացնելով գիշերն իրականացված գործողությունները։

Արցախի զինված ուժերն ադրբեջանական հերթական դիվերսիոն խմբին են ոչնչացրել։ Արցախի պաշտպանության նախարարությունը տեսանյութ է հրապարակել` ներկայացնելով, թե ինչպես են ոչնչացնում ահաբեկիչներին, նրանցից ոմանք էլ փորձում են փախուստի դիմել։

ՊԲ–ն հայտնում է, որ Արցախի պաշտպանության բանակի ճշգրիտ գործողությունների շնորհիվ այս գիշեր ոչնչացվել է ադրբեջանական բանակի հատուկ նշանակության ստորաբաժանումների դիվերսիոն խումբը։

Հիշեցնենք, որ ՀՀ ՊՆ ներկայացուցիչ Արծրուն Հովհաննիսյանն էլ այսօր հայտնել էր, որ Քարին տակ գյուղից արևելք ընկած մեկ-երկու գյուղից մաքրվել են ադրբեջանական դիվերսանտները։

0