Գարիկ Մարտիրոսյան

Հայերը խաղաղության կողմնակից են, սակայն պաշտպանելու են իրենց տունը մինչև վերջ. Մարտիրոսյան

287
(Թարմացված է 20:48 06.10.2020)
Արցախա–ադրբեջանական սահմանին տեղի ունեցողը, Մարտիրոսյանի կարծիքով, երկու երկրների հակամարտություն չէ, այլ խայտառակ մահացու ագրեսիա խաղաղ բնակչության դեմ։

ԵՐԵՎԱՆ, 6 հոկտեմբերի – Sputnik. Ռուսաստանաբնակ հայ շոումեն Գարիկ Մարտիրոսյանը Instagram—ի իր էջում գրառում է կատարել` ասելով, որ հայերը պատերազմ չեն ուզում, սակայն Ադրբեջանը պարտադրում է պատերազմել։

View this post on Instagram

ВНИМАНИЕ!!! Обращаюсь ко всем людям, кому небезразлична судьба армян и судьба мира. Азербайджан продолжает убивать армян. В эти минуты идёт война. Остановитесь! Преступный режим Алиева под лозунгами «возвращения контроля над территориями» вынуждает наш народ идти на смертельную битву в целях самозащиты! Против армян воюют турки и сирийские террористы (это уже доказано официально), привлеченные властями Азербаджана! МЫ ЗА МИР! Но! Армяне защищали и будут защищать свою жизнь и свой дом до конца. Это не конфликт двух стран. Это позорная смертельная агрессия против мирного населения. Нас вынуждают воевать. ОСТАНОВИТЕ ВОЙНУ! Это катастрофа. Для всех!!! ОСТАНОВИТЕ АГРЕССИЮ!! УМИРАЮТ ЛЮДИ! НЕЛЬЗЯ МОЛЧАТЬ! #нетвойне #мызамир #армения 🇦🇲❤️

A post shared by Гарик Мартиросян (@martirosian_official) on

«Դիմում են նրանց, ովքեր անտարբեր չեն հայերի ճակատագրի, խաղաղության նկատմամբ։ Ադրբեջանը շարունակում է սպանել հայերին։ Հենց հիմա պատերազմ է գնում։ Կանգ առեք։ Ալիևի հանցագործ ռեժիմը «տարածքների նկատմամբ վերահսկողությունը վերադարձնելու» անվան տակ ստիպում է մեր ազգին կյանքի ու մահվան կռիվ գնալ ինքնապաշտպանության համար»,–գրել է նա։

Մարտիրոսյանի խոսքով` հայերի դեմ կռվում են ոչ միայն ադրբեջանցիները, այլ նաև թուրքերը և սիրիացի ահաբեկիչները (սա ապացուցված է)։ Նա նշում է նաև, որ հայերը խաղաղության կողմնակից են, սակայն նրանք պաշտպանել են և շարունակում են պաշտպանել իրենց կյանքը և տունը մինչև վերջ։

Տեղի ունեցողը, Մարտիրոսյանի կարծիքով, երկու երկրների հակամարտություն չէ, այլ խայտառակ մահացու ագրեսիա խաղաղ բնակչության դեմ։
«Կանգնեցրեք պատերազմը, դադարեցրեք ագրեսիան, մարդիկ են մահանում` չի կարելի լռել»,–հորդորով հանդես է եկել Մարտիրոսյանը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 6-ի ժամը 09։00-ի դրությամբ` հակառակորդի կրակոցների հետևանքով զոհվել են 244 զինծառայողներ և 19 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3454 զոհ ունի, ավելի քան 5000 վիրավոր։

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 126 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 379 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ

287
թեգերը:
Ղարաբաղյան հակամարտություն, Լեռնային Ղարաբաղ, Արցախ, Հայաստան, Գարիկ Մարտիրոսյան, հայ-ադրբեջանական, Ադրբեջան, Իլհամ Ալիև
թեմա:
Ադրբեջանական ագրեսիան Արցախում - 2020 (1769)
Ըստ թեմայի
ՀՀ ՄԻՊ–ի գրասենյակն ուսումնասիրել է Արցախից Հայաստան տեղափոխված մարդկանց կարիքները
Հայի սրտով ռուսը․ Երևանում հրաժեշտ տվեցին Արցախում զոհված Եվգենի Գորոդնիչիին
Որքա՞ն կտևի պատերազմը. այսօրվա և 90-ականների մարտական գործողությունների տարբերությունը
ՌԴ արտգործնախարարություն

Ռուսաստանի ԱԳՆ-ն անպատասխանատու է որակել Արևմուտքի արձագանքը Պուտինի առաջարկին

269
(Թարմացված է 00:45 29.10.2020)
Ռուսատանի արտգործնախարարությունը մեկնաբանել է Միջին ու փոքր հեռահարության հրթիռների ոչնչացման մասին պայմանագրի դադարեցման պայմաններում լարվածության դեէսկալացիային ուղղված Մոսկվայի ջանքերի մասին հարցը։

ԵՐԵՎԱՆ, 29 հոկտեմբերի — Sputnik. Ռուսաստանի արտգործնախարարությունում կարծում են, որ արևմտյան գործընկերները փորձում են հեռու մնալ Եվրոպայում իրավիճակի կայունացմանն ուղղված Ռուսաստանի փորձերից։ Տեղեկությունը հայտնում է ՌԻԱ Նովոստին։

Ավելի վաղ ՌԴ նախագահ Վլադիմիր Պուտինն առաջարկել էր քայլեր ձեռնարկել Միջին ու փոքր հեռահարության հրթիռների ոչնչացման մասին պայմանագրի դադարեցման պայմաններում լարվածության դեէսկալացիայի համար։ Նա կոչ էր արել մշակել զսպման մեխանիզմներ, որոնք հիմնված կլինեին փոխադարձության սկզբունքների վրա։ Եվրոպացի գործընկերները կասկածամտորեն վերաբերվեցին նախաձեռնությանը։ Մասնավորապես՝ Բեռլինում ասացին, որ նման գաղափարները «վստահության արժանի չեն»։

«Մենք հենց Եվրոպայից լսեցինք առաջին բացասական, բավականին անխոհեմ ազդակները», - ՌԻԱ Նովոստիի հետ զրույցում նշել է ՌԴ արտգործնախարարի տեղակալ Սերգեյ Ռյաբկովը։

Նա ընդգծել է, որ խաղադրույքները հիմա «բավականին բարձր են» և նա, ով «փորձում է անտեսել նախագահ Պուտինի առաջարկը, ով փորձում է բանի տեղ չդնել», «բավականին անպատասխանատու մոտեցում է ցուցաբերում» Եվրոպական անվտանգությունն ապահովելու հարցում։

Ինչո՞ւ է Լավրովը խոստացել դադարեցնել շփումը եվրոպական պետությունների հետ

«Հնչեցված առաջարկությունների լրջությունը դրանց մանրակրկիտ ուսումնասիրություն է պահանջում։ Այդ առաջարկների խորությունը դրանց հիմնովին իմաստավորում է պահանջում, դա Ռուսաստանի Դաշնության ղեկավարության տրամադրվածության արտացոլումն է Եվրոպայում ռազմա-քաղաքական կայունացման ուղիներ գտնելու համար՝ նոր «հրթիռային ճգնաժամեր» թույլ չտալու տեսակետից», - ավելացրել է դիվանագետը։

Միջին ու փոքր հեռահարության հրթիռների ոչնչացման մասին պայմանագիրը կոչված է գլոբալ ռազմավարական կայունության ապահովմանը։ 2019 թվականին ԱՄՆ-ն դուրս է եկել պայմանագրից «ռուսական կողմի խախտումների պատճառով»։ Վաշինգտոնը մեղադրում էր Մոսկվային, որ այն 9М729 արգելված հրթիռ է մշակում ու փորձարկում։ Մոսկվայում պնդում են, որ դրա գործելու տրամագիծը թույլատրելիի սահմաններում է՝ 500 կիլոմետրից պակաս։

Թրամփն ու Պուտինը «հոկտեմբերյան անակնկալ» են պատրաստել

269
թեգերը:
Միջին և փոքր հեռահարության հրթիռների մասին պայմանագիր, Ռուսաստան
Ըստ թեմայի
Պուտինն ասել է, թե ինչով կպատասխանեն ԱՄՆ–ի՝ միջին ու փոքր հեռահարության հրթիռների մշակմանը
Մարտական համակարգերի «մարդասպանը». ՌԴ-ում 10 կմ հեռահարության թնդանոթներ են ստեղծել
ՌԴ ռազմատիեզերական ուժերը 2021-ին մեծ հեռահարության հարվածային դրոններ կթողարկեն
ԲՀԿ պատգամավորներ

ԲՀԿ պատգամավորները հրատապ գործուղվել են Մոսկվա

683
(Թարմացված է 22:39 28.10.2020)
Ռազմավարական գործընկերների հետ քննարկման առարկա են դառնալու թուրք-ադրբեջանական ահաբեկչական տանդեմի կողմից սանձազերծված պատերազմի, այս պատերազմում Թուրքիայի անմիջական ներգրավվածության և միջազգային ահաբեկիչներով զինելուն վերաբերող հարցեր:

ԵՐԵՎԱՆ, 28 հոկտեմբերի — Sputnik. ՀՀ ԱԺ փոխնախագահ Վահե Էնֆիաջյանը , ՀՀ ԱԺ Տարածաշրջանային և եվրասիական ինտեգրման հարցերի մշտական հանձնաժողովի նախագահ Միքայել Մելքումյանը, ԲՀԿ խմբակցության քարտուղար Արման Աբովյանը, ԲՀԿ Կանանց խորհրդի համանախագահ Լուիզա Սարգսյանը հրատապ գործուղվել են ՌԴ մայրաքաղաք Մոսկվա:

Որոշումը կայացվել է այսօր՝ հոկտեմբերի 28-ին տեղի ունեցած «Բարգավաճ Հայաստան» կուսակցության քաղաքական խորհրդի նիստի ժամանակ, որը նախագահել է ԲՀԿ ղեկավար Գագիկ Ծառուկյանը:

«Հաշվի առնելով «Բարգավաճ Հայաստան» կուսակցության և ՌԴ իշխող «Եդինայա Ռոսիա» կուսակցությունների միջև երկարամյա գործակցությունը ՝ ԲՀԿ նախագահ Գագիկ Ծառուկյանը որոշում է կայացրել հրատապ կարգով միջկուսակցական մակարդակում գործընկերների հետ քննարկել Արցախում և Հայաստանի սահմաններին ստեղծված ծանր իրավիճակը»,–ասված է հաղորդագրության մեջ:

Ռազմավարական գործընկերների հետ քննարկման առարկա են դառնալու ինչպես թուրք-ադրբեջանական ահաբեկչական տանդեմի կողմից սանձազերծված պատերազմին, այնպես էլ այս պատերազմում Թուրքիայի անմիջական ներգրավվածության և Թուրքիայի միջոցով ադրբեջանական բանակը միջազգային ահաբեկիչներով զինելուն վերաբերող հարցեր:

Գագիկ Ծառուկյանը ևս մեկ անգամ վերահաստատել է, որ անհրաժեշտ է օր առաջ վերականգնել Հայաստանի դարավոր բարեկամ և դաշնակից Ռուսաստանի լիարժեք հարաբերությունները, քանի որ տարածաշրջանում անվտանգության միակ երաշխավորը հենց Ռուսաստանն է: «Անհրաժեշտ է գործընկերային և դիվանագիտական բոլոր հնարավոր եղանակներն ու խողովակներն օգտագործելով անհապաղ հասնել կրակի դադարեցմանը և նախանշել ամենասեղմ ժամկետներում իրավիճակի հանգուցալուծման տարբերակները»,-ամփոփել է Գագիկ Ծառուկյանը:

Պատվիրակությունը Մոսկվա կմեկնի վաղը՝ հոկտեմբերի 29-ին:

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1068 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 223 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 618 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

683
թեգերը:
Արցախ, Ղարաբաղյան հակամարտություն, Լեռնային Ղարաբաղ, Մոսկվա, Գագիկ Ծառուկյան, Վահե Էնֆիաջյան, Արման Աբովյան, Բարգավաճ Հայաստան կուսակցություն (ԲՀԿ)
թեմա:
Ադրբեջանական ագրեսիան Արցախում - 2020 (1769)
Ըստ թեմայի
ՄԱԿ-ի գլխավոր քարտուղարը Ղարաբաղյան հակամարտության կողմերին կրկին հրադադարի կոչ է արել
Լավրովն ու Դրիանը քննարկել են Ղարաբաղում իրավիճակի հետագա զարգացման հնարավոր սցենարները
Արցախն Ադրբեջանի քաղաքացիներին կոչ է անում հեռանալ ռազմական օբյեկտների մոտից

«Լավաշ ենք թխում, ուղարկենք սահման»․ Տեղ գյուղում կանայք իրենց գործը լավ գիտեն

0
Կանայք պատերազմի առաջին օրից հաց թխելու առաքելությունն են ստանձնել։ Ասում են՝ հայ զինվորի համար հացը պարտադիր է, որ ուժը տեղը լինի ու կարողանա պայքարել թշնամու դեմ։

Սյունիքի մարզի Տեղ գյուղում կանայք սահմանում կռվող տղաների համար լավաշ են թխում։ Ասում են դա էլ պայքարի իրենց եղանակն է։ Sputnik Արմենիայի նկարահանող խումբը եղել է գյուղում ու զրուցել հացթուխ կանանց հետ։

«Լավաշ ենք թխում ուղարկենք սահման մեր զինվորների,որդիների, եղբայրների համար։ Աշխարհին թող խաղաղություն լինի, բոլորը ողջ ու առողջ վերադառնան իրենց ծնողների մոտ»,-ասում է Կարին Սմբատյանը։

Հացթուխ կանանցից մյուսն էլ, շարունակելով Կարինի խոսքը, հայ զինվորին ուժ ու կորով է մաղթում։

«Ուզում եմ, որ բոլոր զինվորները, այդ թվում իմ տղան, առողջ ու անփրձանք վերադառնան իրենց ընտանիքների, իրենց մայրերի մոտ»,-ասում է Թերեզա Մեսրոպյանը։

Կանայք պատերազմի առաջին օրից հաց թխելու առաքելությունն են ստանձնել։

Ասում են՝ հայ զինվորի համար հացը պարտադիր է, որ ուժը տեղը լինի ու կարողանա պայքարել թշնամու դեմ։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1119 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեմա:
Ադրբեջանական ագրեսիան Արցախում - 2020 (1769)