Պետդումա

Պետդուման Ղարաբաղի իրադրության վերաբերյալ հայտարարություն ընդունեց

2742
(Թարմացված է 14:21 29.09.2020)
Պետդումայի պատգամավորների հայտարարությունն ուղարկվելու է ՌԴ նախագահին, ՌԴ կառավարությանը, Ադրբեջանի և Հայաստանի խորհրդարաններին, ԵԱՀԿ Մինսկի խմբի համանախագահներին, ԱՊՀ միջխորհրդարանական վեհաժողովին, ԵԽԽՎ-ին և ԵԱՀԿ ԽՎ-ին:

ԵՐԵՎԱՆ, 29 սեպտեմբերի – Sputnik. Ռուսաստանի Պետդուման այսօրվա լիագումար նիստում Լեռնային Ղարաբաղի իրադրության վերաբերյալ հայտարարություն է ընդունել, որում խորհրդարանականները կողմերին կոչ են անում վերսկսել բանակցությունները։ 

«Պետական դուման հայտարարում է, որ պետք է անհապաղ դադարեցնել կրակը, տարածաշրջանում դիմակայության սրացում թույլ չտալ։ Իրավիճակի խաղաղ կարգավորումն այլընտրանք չունի։ Պետական դումայի պատգամավորները կողմերին կոչ են անում շուտափույթ վերադառնալ բանակցային գործընթացին և պատրաստ են միջնորդական օգնություն ցուցաբերել իրադրության կայունացման գործում»,- ասված Է հայտարարության մեջ:

Պատգամավորներն իրենց հայտարարության մեջ նաև լուրջ մտահոգություն են հայտնում Լեռնային Ղարաբաղի հակամարտության գոտում իրավիճակի կտրուկ սրման կապակցությամբ, որը հանգեցրել է բազմաթիվ մարդկային զոհերի, նրանք վճռականորեն դատապարտում են ուժի կիրառումը:

Այս հայտարարությունն ուղղվելու է ՌԴ նախագահին, ՌԴ կառավարությանը, Ադրբեջանի եւ Հայաստանի խորհրդարաններին, ԵԱՀԿ Մինսկի խմբի համանախագահներին, Միջխորհրդարանական միությանը, ՀԱՊԿ ԽՎ-ին, ԱՊՀ ՄԽՎ-ին, ԵԽԽՎ-ին և ԵԱՀԿ ԽՎ-ին:

Նոր տեսանյութ. ինչպես է հայկական կողմը խոցում Ադրբեջանի զրահատեխնիկան

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Արցախի ՊԲ ստորաբաժանումները «Իգլա» ԴԶՀՀ-ով հակառակորդի երկու ուղղաթիռ են ոչնչացրել

Հայկական կողմի գործողությունների արդյունքում հակառակորդը նաև զինտեխնիկայի մեծ կորուստներ ունի։

Պատասխան եք ստանալու. ՀՀ ԱԳ նախարարը Ադրբեջանին համարժեք արձագանք է խոստանում

2742
թեգերը:
Լեռնային Ղարաբաղ, Արցախ, Պետդումա, Ռուսաստան
թեմա:
Ադրբեջանական ագրեսիան Արցախում - 2020 (1583)
Ըստ թեմայի
Հայկական ԶՈւ–ն ստիպված է օգտագործել խոշոր տրամաչափի ռազմական տեխնիկա. ՀՀ ՊՆ
Նման բան չկա և ընդհանրապես չի էլ լինում. ՊՆ–ն հերքում է Մարտունու զորամասի ոչնչացման լուրը
«Հենց նոր ուղղաթիռ ենք խոցել, հավանական է` ուղղաթիռներ». Արծրուն Հովհաննիսյան
Դմիտրի Մեդվեդև. արխիվային լուսանկար

«Կա ռիսկ, որ սևը մատուցվելու է որպես սպիտակ...». Մեդվեդևը` ՄԱԿ-ի դերակատարության մասին

148
(Թարմացված է 20:23 24.10.2020)
Դմիտրի Մեդվեդևը նշել է, որ աշխարհի շատ կետերում շարունակում են մխալ զինված հակամարտությունների օջախներ, որոնց պատճառով ամեն օր մարդիկ են մահանում։ ՄԱԿ-ի Անվտանգության խորհրդի դերակատարությունն այդ համատեքստում շատ կարևոր է։

ԵՐԵՎԱՆ, 24 հոկտեմբերի — Sputnik. Հասարակության շրջանում պառակտում մտցնելն ու գործող իշխանությանը գահընկեց անելու համար ընդդիմությանն աջակցելը` ձևականորեն հղում անելով «ժողովրդավարական արժեքներին», այլ երկրների գործերին ապօրինի միջամտության տիպիկ սցենար է, որը շարունակում է կրկնվել։ Այս մասին նշված է ՌԴ Անվտանգության խորհրդի նախագահի տեղակալ Դմիտրի Մեդվեդևի «ՄԱԿ-ի 75-ամյանը․ հին խնդիրները, նոր մարտահրավերներն ու գլոբալ լուծումները» խորագրով հոդվածում, որը հրապարակվել է RT հեռուստաալիքի կայքում։

Մեդվեդևը նշել է նաև, որ 2003 թվականին ԱՄՆ գլխավորությամբ միջազգային կոալիցիան, որում ներառված էին ՆԱՏՕ-ի մի շարք երկրներ, Իրաք է ներխուժել։ Միջազգային ահաբեկչության դեմ պայքարի ու զանգվածային ոչնչացման զենքի որոնման պատրվակով գահընկեց է արվել ու ապօրինի մահապատժի ենթարկվել երկրի նախագահ Սադամ Հուսեյնը, վերացվել է «ինքնավար պետությունն» ու «իրական ժողովրդավարական» պետություն է ստեղծվել։ Մեդվեդևը նշել է, որ բոլորին հայտնի է՝ ինչ դուրս եկավ դրանից։

Նա մեկ ուրիշ օրինակ էլ է բերել․ 2012 թվականին «ԱՄՆ-ն, համագործակցելով ՆԱՏՕ-ի անդամ այլ երկրների հետ, գաղտնի ռազմական աջակցություն է ցուցաբերել Սիրիայի ապստամբներին»։

«Դա հանգեցրեց միայն մեծ արյունահեղության ու երկրում ներքին ճգնաժամի», - փաստել է ՌԴ Անվտանգության խորհրդի փոխնախագահը։

ՄԱԿ–ի Անվտանգության խորհուրդն Արցախի թեմայով փակ խորհրդակցություն կանցկացնի

Մեդվեդևն ասել է նաև, որ հետխորհրդային տարածքում կան «չկայացած պետություններ», որոնք ունակ չեն կայուն քաղաքական համակարգ կառուցել ու ապահովել իրենք քաղաքացիների վստահությունը վաղվա օրվա հանդեպ։ Նրա խոսքով՝ «Վեյմարի հանրապետության՝ Երրորդ ռեյխի վերածվելու դրամատիկ վերածննդի օրինակը հստակորեն ցուց տվեց, որ լայն ժողովրդավարական ազատության տրամադրումը, որը ապահովված չէ տնտեսական աճով, քաղաքացիների մասին հոգատարությամբ ու ծայրահեղական դրսևորումներին իսկապես հակազդելու` պետության ունակությամբ, անխուսափելիորեն տանում է քաղաքական օրակարգի մեկուսացման, հանցագործությունների աճի, ժողովրդավարական ինստիտուտների խոցելիության, որի հետևանքը լինում է պետության կազմաքանդումը կամ անցումը դիկտատուրայի»։

«Ցավոք, նախորդ դարի ընթացքում (1917 ու 1991 թվականներին) Ռուսաստանը նույնպես երկու անգամ եղել է փլուզվելու ու անարխիայի եզրին։ Երկու անգամ էլ պետության փլուզումն ուղեկցվել է համընդհանուր ազատության ու ժողովրդավարության մասին կարգախոսներով։ Այսօր էլ տեսնում ենք «չկայացած պետությունների» (failed states) օրինակներ (այդ թվում նաև հետխորհրդային տարածքում), որոնք ունակ չեն կայուն քաղաքական համակարգ կառուցել, իրենք քաղաքացիների մոտ վաղվա օրվա հանդեպ վստահություն ապահովել»,-նշել է նա։

Մեդվեդևի խոսքով՝ այդ ֆոնին ՄԱԿ-ը տապալելու ու դրա փոխարեն «ժողովրդավարական ազգերի միություն» ստեղծելու փորձերը զգուշավորություն են առաջացնում, նման գաղափարները կարող են տանել դեպի միջազգային լարվածության և ուղիղ հակամարտությունների։

Նա ընդգծել է, որ ՄԱԿ-ը ստեղծվել է մարդու իրավունքների հայեցակարգի զարգացման ու տարբեր ոլորտներում պետությունների համագործակցությանը մարդասիրական ուղղվածություն հաղորդելու ֆոնին։ Այսօր մարդու իրավունքով ուղեկցվում են գրեթե բոլոր թեմաները, որոնք գտնվում են ՄԱԿ-ի կառույցների ուշադրության կենտրոնում` սկսած բնապահպանությունից ու անձնական տվյալների պաշտպանությունից մինչև կիբեռանվտանգությունն ու կենսատեխնոլոգիաները։

Մեդվեդևը նշել է նաև, որ ոչ մի միջազգային այլ կառույց, հատկապես ռազմական դաշինքներ, չեն կարող խախտել համաշխարհային հանրության կամքն արտահայտելու հարցում ՄԱԿ-ի կանոնակարգային մարմինների մենաշնորհը։

«Գլոբալ անվտանգության համար պատասխանատվության բեռ դնելը, տարբեր կազմակերպությունների ու տերությունների փորձերը՝ ուղղված պետություններն ու կառավարությունները պիտակավորելուն ու աշխարհի ճակատագրերը վճռելուն, մեզ անխուսափելիորեն մի քանի տասնյակ տարի հետ կշպրտեն», - վստահ է Մեդվեդևը։

«Ինչպե՞ս սա հասկանանք». Արտակ Բեգլարյանը քննադատել է ՄԱԿ–ին

Նա ընդգծել է, որ միայն ՄԱԿ-ի Անվտանգության խորհրդի համաձայնեցված կարծիքն է թույլ տալիս հասկանալ՝ զինված բախումներում ով է ագրեսոր, իսկ ով՝ ագրեսիայի զոհ։ Նա նշել է նաև, որ աշխարհի շատ կետերում շարունակում են զինված հակամարտության օջախներ լինել, որոնց արդյունքում ամեն օր մարդիկ են մահանում։

«Որպես կանոն` ՄԱԿ-ի Անվտանգության խորհրդի կողմից միայն այս կամ այն իրավիճակի մասին համաձայնեցված իրավական գնահատականն է թույլ տալիս հասկանալ՝ ով է իրավացի և ով` մեղավոր, ով է ագրեսոր, իսկ ով՝ ագրեսիայի զոհ։ Հակառակ դեպքում տեղեկատվական նետումների, փաստերը կեղծելու, «հիբրիդային» պատերազմի պայմաններում կա ռիսկ, որ սևը մատուցվելու է որպես սպիտակ, անօրինականը դառնալու է օրինական, ճշմարտությունը կթաքցնեն գեղեցիկ հեռուստատեսային պատկերի կամ սոցիալական ցանցերի հրապարակումների հետևում», - նշված է հոդվածում։

Հիշեցնենք՝ ՄԱԿ-ը նշում է իր 75-ամյակը ամբողջ աշխարհի համար հսկայական ցնցումների պայմաններում, որոնք սրվում են առողջապահության ոլորտում աննախադեպ գլոբալ ճգնաժամով, որը սպառնում է լուրջ տնտեսական ու սոցիալական հետևանքներ ունենալ։

ՄԱԿ–ն արցախյան հակամարտության ֆոնին առաջարկել է թռիչքների անվտանգության միջոցներ ձեռնարկել

148
թեգերը:
Ռուսաստան, Դմիտրի Մեդվեդև, Միավորված ազգերի կազմակերպություն (ՄԱԿ)
Ըստ թեմայի
Երևանն ու Բաքուն պետք է զերծ մնան չկշռադատված գործողություններից. Մեդվեդև
Ղարաբաղյան հակամարտությունը ռազմական լուծում չունի. Դմիտրի Մեդվեդև
ՌԴ ԱԽ–ում խոսվել է գրոհայիններին Ղարաբաղ տեղափոխելու վտանգների մասին․ Պեսկով
Արայիկ Հարությունյան

Արայիկ Հարությունյանը նամակ է գրել Վլադիմիր Պուտինին

1344
(Թարմացված է 16:42 23.10.2020)
Արցախի նախագահը հիշեցրել է Արցախի և Ռուսաստանի պատմական կապի մասին, շնորհակալություն հայտնել նրան «Վալդայ» ակումբի ելույթի համար և խոսել ներկա իրավիճակից։

ԵՐԵՎԱՆ, 23 հոկտեմբերի – Sputnik. Արցախի նախագահ Արայիկ Հարությունյանը նամակ է գրել Ռուսաստանի Դաշնության նախագահ Վլադիմիր Պուտինին։ Նամակի տեքստը նա հրապարակել է Facebook–ի իր էջում։

«Դուք այն անհատականությունը և պետության ղեկավարն եք, ով ունի հսկայական հեղինակություն աշխարհում և մեր տարածաշրջանում: Հաշվի առնելով այդ ամենը, խնդրում ենք Ձեզ գործադրել բոլոր հնարավոր ջանքերն ադրբեջանաղարաբաղյան հակամարտության գոտում պատերազմի դադարեցման և քաղաքական գործընթացների վերսկսման ուղղությամբ»,–գրել է նա:

Հարությունյանը հատուկ շեշտել է, որ ադրբեջանա-ղարաբաղյան հակամարտության կարգավորման բոլոր փուլերում ՌԴ-ն իրացրել է միջազգային իրավունքով սահմանված ուժի կամ ուժի սպառնալիքի չկիրառման և հակամարտությունների խաղաղ կարգավորման սկզբունքի օգտին ունեցած գործելակերպը: Ադրբեջանա-ղարաբաղյան հակամարտության կարգավորման գործընթացում ՌԴ-ն հանդես է գալիս թե՛ ԵԱՀԿ Մինսկի խմբի համանախագահության ձևաչափում և թե՛ առանձին դերակատարությամբ:

«Արցախի Հանրապետությունը բարձր է գնահատում Ռուսաստանի միջնորդական ջանքերը, ակտիվ դերակատարությունը և որոշիչ առաքելությունը հակամարտության կարգավորման բոլոր փուլերում՝ հատկապես, 1994 թ. հրադադարի Եռակողմ համաձայնագրի ձեռքբերման գործում: ՌԴ-ն որոշիչ դերակատարությամբ հանդես եկավ նաև ադրբեջանաղարաբաղյան հակամարտության սրման հերթական փուլում՝ 2016 թ. ապրիլի 5-ին՝ Ռուսաստանի միջնորդությամբ Մոսկվայում ձեռք բերվեց պայմանավորվածություն ռազմական գործողությունները դադարեցնելու և հրադադարը վերականգնելու մասին՝ համաձայն 1994 թ. հրադադարի հաստատման համաձայնագրի»,–գրել է նա:

Արցախի ղեկավարը բարձր է գնահատել ՌԴ-ի և անձամբ Պուտինի դիվանագիտական գործուն ջանքերն՝ ուղղված Ադրբեջանի կողմից Արցախի դեմ սանձազերծված ագրեսիան և լայնածավալ պատերազմը կանգնեցնելուն: Նա նաև տեղեկացնել է, որ Արցախի Հանրապետությունում և ողջ հայության շրջանում մեծ արձագանք են ստացել «Վալդայ» ակումբում Պուտինի ելույթում հնչած օբյեկտիվ գնահատականները ստեղծված իրավիճակի մասին:

Ի՞նչ են քննարկել ՀՀ դեսպանն ու ՌԴ փոխարտգործնախարարը Մոսկվայում

«Դուք նշել եք Ձեր ելույթում. «Այս հակամարտությունը սկսվեց ոչ թե որպես միջպետական հակամարտություն և տարածքների համար պայքար, այն սկսվեց էթնիկ դիմակայությունից: Ցավոք, սա փաստ է. Սումգայիթում, ապա Լեռնային Ղարաբաղում հայ ժողովրդի դեմ դաժան հանցագործություններ էին իրագործվել: Եվ այս ամենը մենք պետք է հանրագումարում հաշվի առնենք»: Դժբախտաբար, այս ցեղասպան քաղաքականությունն Ադրբեջանը շարունակում է առ այսօր»,–նշել է Հարությունյանը:

Նամակի սկզբում նա նշել է, որ Արցախ-Ռուսաստան առնչությունները դարերի պատմություն ունեն: Ռուսաստանը արցախցիների պատմական հիշողության մեջ ընկալվում է որպես եղբայրական երկիր, որը մշտապես, բոլոր դժվարին իրավիճակներում ձեռք է մեկնել հայության այս հատվածին:

«Այդ առնչությունները շարունակվել են նաև խորհրդային շրջանում: Հայրենական մեծ պատերազմի ժամանակ Լեռնային Ղարաբաղի Ինքնավար Մարզից և պատմական Արցախից Հայրենական մեծ պատերազմին մասնակցել է շուրջ 90 հազար հայորդի, որոնց կեսը իրենց կյանքն են նվիրաբերել հայրենիքի պաշտպանության գործին։ Մեկ շնչի հաշվով Խորհրդային Միության հերոսների և մարտական «Փառքի շքանշանի» ասպետների քանակով Արցախը ԽՍՀՄ-ում զբաղեցնում էր առաջատար տեղերից մեկը: ԽՍՀՄ հայազգի հինգ մարշալները արմատներով Արցախից էին՝ Հովհաննես Բաղրամյանը, Իվան Իսակովը, Համազասպ Բաբաջանյանը, Արմենակ Խանփերյանցը (Սերգեյ Խուդյակով), Սերգեյ Ագանովը։ Իրենց զորավարական տաղանդով փայլել են 30-ից ավելի գեներալներ ու հազարավոր սպաներ»,–գրել է նա` հավելելով, որ արմատներով Արցախից էին Անաստաս և Արտյոմ Միկոյանները, Իվան Թևոսյանը, Անդրանիկ Իոսիֆյանը, Նիկոլայ Ենիկոլոպովը, Միքայել Թարիվերդիևը և բազմաթիվ այլ երախտավորներ:

Պեսկովն ասել է` ինչի է ձգտում Պուտինը Ղարաբաղի հարցում

Հարությունյանը նշել է, որ Արցախ-Ռուսաստան սերտ առնչությունները շարունակվում են ցայսօր: Ռուսաստանաբնակ մոտ 3 միլիոն հայերի մի պատկառելի մասը Արցախից է, որոնց թվում շատ են նաև 1980-ական թթ. վերջին և 1990-ական թթ. ադրբեջանական ցեղասպան և էթնիկ զտումների քաղաքականության հետևանքով Արցախից բռնի տեղահանվածները:

Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակում էր հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

Ադրբեջանը մինչև այսօր էլ խախտում է հրադադարի վերաբերյալ պայմանավորվածությունները։

1344
թեգերը:
նամակ, Ղարաբաղյան հակամարտություն, Լեռնային Ղարաբաղ, Վլադիմիր Պուտին, Ռուսաստան, Արցախի նախագահ Արայիկ Հարությունյան, Արցախ
թեմա:
Ադրբեջանական ագրեսիան Արցախում - 2020 (1583)
Ըստ թեմայի
Արցախում զոհվել է Ալեքսանդր Նեչաևը` մոլոկանների Լերմոնտովո գյուղից
Ինչպես է Ադրբեջանը հիմնավորում Թուրքիային Մինսկի խմբում ներգրավելու իր առաջարկը
Լեռնային Ղարաբաղում տիրող իրավիճակի պատճառով Իրանն ուժեղացրել է սահմանների պաշտպանությունը
Պարգև սրբազան

Պարգև սրբազանը դիմել է Մակրոնին, Թրամփին ու Պուտինին. տեսանյութ

21
(Թարմացված է 21:54 24.10.2020)
Արցախի թեմի առաջնորդի խոսքով`խաղաղությունից լավ բան չկա, աշխարհի ամենավատ բանը պատերազմն է, իսկ բոլոր պատերազմները ուշ թե շուտ ավարտվում են:

ԵՐԵՎԱՆ, 24 հոկտեմբերի – Sputnik. Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը կոչով դիմել է միջազգային հանրությանը՝ ԵԱՀԿ Մինսկի խմբի համանախագահող երկրների ղեկավարներին` Արցախի Հանրապետությունում պատերազմը կանգնեցնելու ու կյանքեր փրկելու համար։

Նա նշում է, որ արդեն գրեթե մեկ ամիս է` դաժան պատերազմ է գնում Արցախում, Թուրքիան իր ամբողջական ուժով ուղղակի ներգրավվել է պատերազմում և սատարում է Ադրբեջանին, մոտ 4 հազար միջազգային ահաբեկիչներ է ուղարկել այս տարածք և հիմա էլ 1200 հատուկ ծառայողներ է ուղարկել, որոնք լեռնային, անտառային մասնագետներ են:

«Ես դիմում եմ ԵԱՀԿ Մինսկի խմբի համանախագահ երկրների ղեկավարներին՝ պարոն Մակրոնին, պարոն Թրամփին ու պարոն Պուտինին, որ իրենց վճռական ձայնը բարձրացնեն և կանգնեցնեն այս նոր ցեղասպանությունը: 100 տարի անց Թուրքիան փորձում է երկրորդ ցեղասպանությունը կատարել այստեղ և ինչպես 1988-1990 թվականներին Սումգայիթում, Բաքվում Ադրբեջանը փորձեց ցեղասպանություն անել հայության նկատմամբ»,–ասում է Պարգև արքեպիսկոպոսը:

Նրա խոսքով`Էրդողանն ունի մեծ երազանք՝ նեոօսմանյան կայսրություն ստեղծել Թուրքիայից մինչև Չինաստան: Եվ այդ խաչմերուկի վրա Հայաստանն ու Արցախն են, նա կամենում է մաքրել հայությունն այս տարածքից, ճանապարհ հարթել դեպի Հյուսիսային Կովկաս, Կասպից ծովի հյուսիսային մասը և մտնել Միջին Ասիա, այնտեղից էլ գնալ Չինաստան:

«Ես դիմում եմ նաև աշխարհի բոլոր ղեկավարներին, բոլոր կրոնապետներին, քաղաքագետներին, բարի կամք ունեցող մարդկանց, որ իրենց վճռական ձայնը բարձրացնեն և վերջացնեն այս արյունահեղությունը. երկկողմանի ժողովուրդ է զոհվում, քաղաքացիական մարդիկ, երիտասարդներ, երեխաներ ու կանայք: Ես հույս ունեմ` ինչպես 1990-ականներին, 2016-ի ապրիլին Մոսկվային հաջողվեց երկու անգամ դադարեցնել պատերազմը, այս անգամ էլ ավելի վճռական խոսքով կկասեցնի այս երրորդ պատերազմը Արցախի տարածքում»,–ասել է նա:

Արցախի թեմի առաջնորդի խոսքով`խաղաղությունից լավ բան չկա, աշխարհի ամենավատ բանը պատերազմն է, իսկ բոլոր պատերազմները ուշ թե շուտ, ավարտվում են:

«Մարդը բանական էակ է, Աստված իրեն տրամաբանություն է տվել, միշտ կարելի է խոսքով հարցեր լուծել, սեղանի շուրջ մի օպտիմալ լուծում գտնել: Գործեք։ Դիմում եմ ձեզ, որպեսզի կյանքեր փրկենք: Ամենայն բարիք բոլորիդ»,- ասել է Պարգև սրբազանը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 24-ի ժամը 17։00-ի դրությամբ` հակառակորդի կրակոցների հետևանքով Արցախում զոհվել են 963 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6614 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 217 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

21
թեգերը:
Դոնալդ Թրամփ, Էմանուել Մակրոն, Վլադիմիր Պուտին, Պարգև սրբազան (Արցախի թեմի առաջնորդ), Արցախ
Ըստ թեմայի
Պուտինն օրը մի քանի անգամ հեռախոսազրույց է ունենում Փաշինյանի հետ
Չի կարելի մոռանալ հայ ժողովրդի ապրած ողբերգությունը. Պուտինը խոսել է Ղարաբաղի մասին
Պեսկովն ասել է` ինչի է ձգտում Պուտինը Ղարաբաղի հարցում