Լաբորատորիա, արխիվային լուսանկար

Ռուս գիտնականները նոր հակաբիոտիկ են հայտնաբերել, որը կարող է պայքարել նաև ուռուցքների դեմ

100
(Թարմացված է 14:59 24.09.2020)
Այն հնարավորություն կտա արդյունավետ կերպով պայքարել մանրէների ու սնկերի պատճառով մարդկանց ու կենդանիների մոտ առաջացած ինֆեկցիոն հիվանդությունների մեծ մասի դեմ։

ԵՐԵՎԱՆ, 24 սեպտեմբերի — Sputnik. Տյումենի պետական համալսարանի գիտնականները գործընկերների հետ ունիվերսալ բնական հակաբիոտիկ են հայտնաբերել։ ՌԻԱ Նովոստիի փոխանցմամբ՝ հետազոտության տեքստը հրապարակվել է Applied BiochemistryandMicrobiology ամսագրում։

Նշվում է, ոչ այդ նյութը կարող է հաղթահարել պաթոգենների կայունությունը դեղորայքի հանդեպ։

Գիտնականների խոսքով՝ հայտնաբերված նյութը թույլ կտա արդյունավետ կերպով պայքարել մանրէների ու սնկերի պատճառով մարդկանց ու կենդանիների մոտ առաջացած ինֆեկցիոն հիվանդությունների մեծ մասի դեմ։

Այժմ դեղագիտության խնդիրներից մեկն է հայտնաբերել բնական հակաբիոտիկներ, որոնք կօգնեն պայքարել այն միկրոօրգանիզմների դեմ, որոնք բազմակի  (multi-drugresistant, MDR) կամ բացարձակ (extreme-drugresistant, XDR) դիմադրողականություն ունենան շուկայում առկա հակաբիոտիկների հանդեպ։

Հիվանդություն, որը իմունիտետ է ձևավորում կորոնավիրուսի նկատմամբ. նոր բացահայտում

Տյումենի պետական համալսարանի գիտնականները աշխարհում առաջինն են ցուցադրել պեպտիդէմերցիլիպսին А –ի եզակի հատկությունը։ Այս նյութն արտադրում է Emericellopsisalkalina սունկը։ Նյութի ազդեցության տակ մանրէների դիմացկունությունը հակաբիոոտիկների հանդեպ վերանում է։

Հակաբիոտիկի հեղինակները պարզաբանում են, որ ուսումնասիրված նյութի գլխավոր թերապևտիկ յուրահատկությունը ազդեցության եզակիությունն է։ Էմերցիլիպսին А-ի հանդեպ անպաշտպան են ոչ միայն մանրէների MDR ու XDR տեսակները, այլև գրեթե բոլոր պաթոգեն էուկարիոտները, օրինակ՝ միցելիալ սնկերն ու խմորասնկերը։

Գիտնականները պարզել են շաքարային դիաբետի զարգացման հիմնական պատճառը

Գիտնականների խոսքով՝ իրենց հայտնաբերած նյութը կարող է պայքարել ուռուցքների ու տարատեսակ մանրէների և սնկային վարակների դեմ։

Հետագայում գիտնականների խումբը մտադիր է բջջային մոդելների հետ աշխատանքից անցնել դեղամիջոցի լաբորատոր փորձարկումների:

100
թեգերը:
գիտնական, հակաբիոտիկ, լաբորատորիա
Ըստ թեմայի
Տոն, որ կրկնակի են նշում քաղաքագետը, գիտնականն ու սեքսապաթոլոգը
Գերհստակ պատկեր․ ֆինլանդահայ գիտնականը նկարահանման նոր տեխնոլոգիա է մշակում
Գիտնականները բացահայտել են կորոնավիրուսի «թույլ տեղը»
Ով է ստեղծել «Ավանգարդ» գերձայնային զենքը. Պուտինը հայտնել է գիտնականի անունը
Արա Այվազյան

Արա Այվազյանն ընդգծել է Պուտինի դերը պատերազմի դադարեցման գործում

37
(Թարմացված է 20:45 03.12.2020)
Հայաստանի արտաքին քաղաքական գերատեսչության ղեկավարը շնորհակալություն է հայտնել նաև Ֆրանսիային և ԱՄՆ-ին Լեռնային Ղարաբաղում կրակի դադարեցմանն ուղղված ջանքերի համար:

ԵՐԵՎԱՆ, 3 դեկտեմբերի - Sputnik. ՀՀ ԱԳ նախարար Արա Այվազյանը ԵԱՀԿ արտգործնախարարների խորհրդի նիստի ժամանակ հայտարարել է, որ Հայաստանը կարևորում է Ռուսաստանի նախագահ Վլադիմիր Պուտինի անձնական ջանքերը Ղարաբաղյան հակամարտության գոտում հրադադարի հաստատման գործում։

«Այսօր մենք պետք է ընդգծենք Ռուսաստանի ջանքերն ու նախագահ Վլադիմիր Պուտինի անձնական մասնակցությունը հրադադարի հաստատման և պատերազմի դադարեցման գործում, այդ թվում ՝ խաղաղապահ ուժերի տեղակայման միջոցով», - ասել է Այվազյանը։

Արտգործնախարարը նաև շնորհակալություն է հայտնել Ֆրանսիային և ԱՄՆ-ին Լեռնային Ղարաբաղում կրակի դադարեցմանն ուղղված ջանքերի համար:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1746 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

37
թեգերը:
Պատերազմ, Լեռնային Ղարաբաղ, Վլադիմիր Պուտին, Արա Այվազյան, Հայաստան
Ըստ թեմայի
Պուտինն Ադրբեջանում պահվող հարյուրավոր գերիների հարցերով անձամբ է զբաղվում. Արա Աբրահամյան
Քոչարյանը Պուտինի հետ հանդիպելու համար միջնորդի կարիք չունի. Վիկտոր Սողոմոնյան
Արմեն Սարգսյանը նամակ է գրել Վլադիմիր Պուտինին
Մարիա Զախարովա

Որոնք են Հայաստանի և Ադրբեջանի ժողովուրդների խաղաղ գոյակցության կարևոր բաղադրիչները

328
Ռուսաստանի արտաքին քաղաքական գերատեսչության պաշտոնական ներկայացուցիչ Մարիա Զախարովան կարծում է, որ ազգային–պատմական սթրեսի հաղթահարման թեմայով բազմաթիվ թեզեր կան:

ԵՐԵՎԱՆ, 3 դեկտեմբերի -Sputnik. Ռուսաստանի արտաքին քաղաքական գերատեսչության պաշտոնական ներկայացուցիչ Մարիա Զախարովան այսօր` ամենշաբաթյա ճեպազրույցի ժամանակ, առանձնացրել է երկու բաղադրիչ, առանց որոնց անհնար է պատկերացնել Հայաստանի և Ադրբեջանի ժողովուրդների խաղաղ գոյակցությունը:

«Առաջին կարևորագույն տարրը համապատասխան երկրների ղեկավարության քաղաքական կամքն է, առանց որի նման խնդիրների լուծումն ուղղակի անհնար է։ Երկրորդը՝ գերատեսչությունների, քաղաքացիական հասարակության ներգրավմամբ յուրաքանչյուր երկրում հասարակության համախմբման համակարգային աշխատանքն է», - ասել է Զախարովան։

Նրա խոսքով՝ դրանք այն բաղադրիչներն են, առանց որոնց անհնար է պատկերացնել, թե ինչպես կարելի է երկար սպասված այս նպատակին հասնել։ Սակայն նա չի բացառում այլ բաղադրիչների օգտակարությունը։

Ինչ վերաբերում է գոյություն ունեցող ազգային–պատմական սթրեսի հաղթահարման հնարավորություններին, Զախարովան նշել է, որ այդ մասին պետք է խոսեն պատմաբանները, ազգագրագետները, մշակութաբանները, սոցիոլոգները, քաղաքական փորձագետները:

Հայաստանյան ընդդիմադիր կուսակցությունները նոյեմբերի 11–ին և հաջորդող օրերին Երևանում հանրահավաքներ և երթեր էին իրականացնում, որի թեման պատերազմի դադարեցման մասին որոշումն ու դրա հետ կապված հետագա անելիքներն էին։

Մինչ այդ 16 կուսակցությունների խորհուրդը պահանջել էր վարչապետ Նիկոլ Փաշինյանի և կառավարության հրաժարականը:

Ոստիկանությունը և դատախազությունը հայտարարել էին, որ ռազմական դրության ժամանակ արգելված է հավաքներ իրականացնելը։ Հանրահավաքը վերածվեց քայլերթի։ Ցուցարարները շարժվեցին դեպի կառավարության շենք, ապա Ազգային ժողով։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Այս գործով արդեն կան ձերբակալվածներ։

328
թեգերը:
հայ-ադրբեջանական, Ադրբեջան, Հայաստան, Մարիա Զախարովա
Ըստ թեմայի
Լավրովը ԵԱՀԿ-ին հորդորել է ակտիվություն ցուցաբերել ղարաբաղյան կարգավորման հարցում
Զախարովան ներկայացրել է Մոսկվայում ՌԴ և ՀՀ արտգործնախարարների բանակցությունների օրակարգը
«Առանց Նիկոլ Հայաստան». Երևանում կրկին փողոցներ են փակել
Կարտոֆիլ

Ինչպես եփել կարտոֆիլը, որ վտանգավոր չլինի

3
(Թարմացված է 17:26 03.12.2020)
Ամենալավ տարբերակը մաքրած կարտոֆիլը խաշելն է կամ գոլորշու վրա եփելը, այդ դեպքում կպահպանվեն օգտակար նյութերը։

ԵՐԵՎԱՆ, 4 դեկտեմբերի – Sputnik. Էնդոկրինոլոգ Ելենա Գուբկինան «Արգումենտ ի ֆակտի» պարբերականին տված հարցազրույցում խոսել է կարտոֆիլի մասին։

Նրա խոսքով՝ այս մշակաբույսը պետք չէ եփել կեղևով, որում վնասակար նյութեր են կուտակվում հողից ու օդից։

«Պատրաստելիս պետք չէ կարտոֆիլը բարձր ջերմաստիճանի մշակման ենթարկել», - ավելացրել է մասնագետը։

Գուբկինան ընդգծել է, որ տապակելու ընթացքում կարտոֆիլը հագենում է ճարպերով ու տոքսիններով։

Սխտորի օգուտն ու վնասը. ինչ է տեղի ունենում օրգանիզմում, երբ սխտոր ենք ուտում

Բժիշկի խոսքով՝ ամենալավ տարբերակը մաքրած կարտոֆիլը խաշելն է կամ գոլորշու վրա եփելը, որպեսզի պահպանվեն օգտակար նյութերը՝ կալիումը, նատրիումը, վիտամին В6-ը։

Ի՞նչ է կատարվում օրգանիզմում, երբ մոշ ենք ուտում

Բժիշկը նշել է, որ առողջությունը չվնասելու համար կարելի է շաբաթական երկու անգամ 200-300 գրամ կարտոֆիլ ուտել։

Բեռնաթափման օրեր. ինչպես մեկ օրում մաքրել օրգանիզմը և նիհարել

3
թեգերը:
բժիշկ, կարտոֆիլ
Ըստ թեմայի
Ինչպես է սև շոկոլադն ազդում օրգանիզմի վրա
Սննդամթերքի ո՞ր տեսակներն են օրգանիզմը պաշտպանում վիրուսներից
Հավկիթն օրգանիզմի համար օգտակա՞ր է, թե ՞ վնասակար. միֆ և իրականություն