Ալեքսանդր Բաստրիկին

Ռուսաստանը կպայքարի նացիզմի վերստեղծման փորձերի դեմ․ ՔԿ-ում նոր բաժին է ստեղծվել

63
(Թարմացված է 01:14 18.09.2020)
Սեպտեմբերին Ռուսաստանի Քննչական կոմիտեում ստեղծվել է նացիզմի վերստեղծման և պատմության կեղծման հետ կապված հանցագործությունների հետաքննության բաժին։

Ինչու և ինչի համար է նացիզմի վերստեղծման և պատմության կեղծման հետ կապված առանձին ստորաբաժանման անհրաժեշտություն առաջացել, և ինչու է Ռուսաստանը պարտավոր արձագանքել արտերկրում զինվորական փառքի խորհրդանիշների պղծմանը, ՌԻԱ Նովոստիին տված հարցազրույցում ներկայացրել է Քննչական կոմիտեի նախագահ Ալեքսանդր Բաստրիկինը:

-Ալեքսանդր Իվանովիչ, վերջերս Քննչական կոմիտեում ստեղծվել է նացիզմի վերստեղծման և պատմության կեղծման հետ կապված հանցագործությունների հետաքննության բաժին։ Նորությունն աշխույժ քննարկումներ է առաջացրել ԶԼՄ-ներում և սոցիալական ցանցերում։ Պատմեք՝ ինչո՞վ էր պայմանավորված այդպիսի ստորաբաժանման ստեղծման անհրաժեշտությունը։

-Ինչպես գիտեք՝ Նյուրնբերգի ռազմական դատարանի վճիռը կարևորագույն փուլ դարձավ Երկրորդ համաշխարհայինի պատճառների գնահատման հարցում։ Բոլորը պետք է հիշեն, որ Երկրորդ համաշխարհայինի սանձազերծման և ընթացքի համար պատասխանատու գլխավոր նացիստական հանցագործների գործողությունները հանցավոր են ճանաչվել։ Այնուամենայնիվ, այսօր, շարունակական տեղեկատվական պատերազմի պայմաններում, աճում է նացիզմի ռեաբիլիտացիայի փորձերի թիվն ինչպես մեր երկրի ներսում, այնպես էլ արտերկրից, նաև տեսնում ենք ֆաշիզմի դեմ հաղթանակի հարցում մեր երկրի դերի կեղծ գնահատականներ։

Արդարությունը վերականգնելու համար հարկավոր է ակտիվացնել նմանատիպ երևույթներին հակազդող գործունեությունը։ Բացի այդ, մեր հասարակության ձգտումը՝ Հայրենիքի պաշտպանների հիշատակը հարգելու և պատմական ճշմարտությունը պաշտպանելու ուղղությամբ, օրենսդրական ձևակերպում ստացավ և այժմ ամրագրված է Ռուսաստանի Դաշնության Սահմանադրությամբ։

-Ինչո՞ւմն է նմանատիպ հանցագործությունների քննության բարդությունը։

-Թվում է, թե այս հանցակազմում ամեն ինչ ակնհայտ է ու պարզ։ Բայց դա այնքան էլ այդպես չէ, պարզության հետևում առանձնահատկություններ կան։ Հանցագործության հանգամանքները պարզելիս արձանագրում ենք ոչ միայն պատմական իրադարձություններին այս կամ այն արտահայտության անհամապատասխանության փաստը։

Իմաստն այն է, որ պարզվի անձի հակաիրավական գործողությունների շարժառիթն ու նպատակաուղղվածությունը, ինչպես նաև հանցակազմի օբյեկտիվ կողմը, որն այս դեպքում կարող է արտահայտվել ԽՍՀՄ գործունեության մասին ակնհայտ կեղծ տեղեկություններ տարածելով։

Դրա հետ կապված՝ նացիզմի վերստեղծման մասին հոդվածով նախաքննության որոշ առանձնահատկություններ, ինչպես նաև մշակված քննչական փորձը քննչական կոմիտեի կառուցվածքում առանձնացված ստորաբաժանում ստեղծելու անհրաժեշտություն են առաջացրել։ Բացի այդ, առանձին հետաքննվող փաստերի միջազգային բնույթը նույնպես հմտությունների և գիտելիքների կենտրոնացում է պահանջում: Մանավանդ, որ այս խնդիրը, որքան էլ ցավալի է, ավելի ու ավելի հրատապ է դառնում։

-Բայց չէ՞ որ կարող են նաև առավել բարդ հանցագործություններ լինել, որոնք պատմության խորը վերլուծություն են պահանջում։ Արդյո՞ք ձեր աշխատակիցները կկարողանան հետաքննել դրանք։

- Նոր ստորաբաժանման կազմում կընդգրկվեն քննչական կոմիտեի քննիչները, ովքեր արդեն իսկ նման հանցագործությունների քննության փորձ ունեն։ Այդ աշխատակիցները, մասնավորապես, լայն գիտելիքներ ունեն ոչ միայն իրավագիտության, միջազգային իրավունքի, այլև պատմության ոլորտներում։ Նրանք պատերազմական և հետպատերազմյան ժամանակաշրջանների արխիվային մեծ թվով փաստաթղթեր են ուսումնասիրել՝ քննելով նացիստների հանցագործությունների վերաբերյալ այլ քրեական գործեր, անհրաժեշտության դեպքում դիմելով գիտնականների օգնությանը։

 Հանցագործությունների անմիջական հետաքննությունից բացի՝ նոր ստորաբաժանումը համակարգող կենտրոնի դեր կկատարի՝ մեթոդական-վերլուծական օգնություն ցուցաբերելով տարածաշրջանային քննչական մարմիններին քրեական գործերի քննության հարցում:

-Այլ երկրներում նմանատիպ հանցագործությունների կամ նացիստական գաղափարախոսության տարածման համար քրեական հետապնդում գոյություն ունի՞։

-Գերմանիայի ֆեդերատիվ հանրապետության քրեական օրենսգրքում պատասխանատվութուն է նախատեսված հակասահմանադրական կազմակերպությունների քարոզչական նյութերի տարածման համար, ընդ որում՝ մեծ պատասխանատվություն է սահմանում նյութերի տարածման համար, «որոնց բովանդակությունը կապված է նացիոնալ-սոցիալիզմի գաղափարախոսության հետ»:

Ինչպես էին ԽՍՀՄ ժողովուրդներն անձնվիրաբար պայքարում ֆաշիզմի դեմ. տեսանյութ

Բելառուսի հանրապետությունում նույնպես նացիզմի ռեաբիլիտացիայի համար քրեական պատասխանատվություն է սահմանված։

Միևնույն ժամանակ մենք տեսնում ենք, թե ինչպես են Լիտվայում, Լատվիայում և Էստոնիայում խրախուսվում ՍՍ ստորաբաժանումների նախկին զինծառայողների կազմակերպությունների ստեղծումը, որոնց գործունեությունը հանցավոր է ճանաչվել Նյուրնբերգի ռազմական տրիբունալի կողմից։ Ուկրաինայում դպրոցականներին տանում են ծաղիկներ դնելու նացիստների գերեզմաններին, որոնք մասնակից են եղել խաղաղ բնակչության զանգվածային սպանություններին, հերոսացնում են նրանց, ովքեր համագործակցել են հիտլերյան Գերմանիայի հետ: Եվրոպայում գլուխ են բարձրացնում ռևանշիստները և նեոնացիստները, մասնավորապես, նրանք ակտիվանում են Ավստրիայում, Իտալիայում, Իսպանիայում: Այդպիսի երևույթները, կարծես, դեռ չեն վախեցնում այդ երկրների իշխանություններին, սակայն հետագայում դրանք կարող են կործանարար ազդեցություն ունենալ հանրային գիտակցության վրա։

63
թեգերը:
Քննչական կոմիտե, նացիզմ, Ռուսաստան
Ըստ թեմայի
Abrams տանկեր և այլ սպառազինություն․ ի՞նչ են անում ամերիկացիները Բելառուսի սահմանների մոտ
Ֆինները դեռ չեն պատժվել. համակենտրոնացման ճամբարների նախկին կալանավորները ՌԴ ՔԿ են դիմել
Ստեփանակերտի օդանավակայան

Ինքնաթիռները Ռուսաստանից կարող են Արցախ թռչել արդեն դեկտեմբերին

163
(Թարմացված է 19:48 04.12.2020)
Օդանավակայանը սպասարկելու է նաև մարդատար չվերթեր ոչ միայն Մոսկվայից, այլև ՌԴ այլ շրջաններից։

ԵՐԵՎԱՆ, 4 դեկտեմբերի – Sputnik. Արցախի ու Ռուսաստանի իշխանությունները քննարկում են օդային հաղորդակցության հարցը։ Առաջին ինքնաթիռները Ռուսաստանից կարող են վայրէջք կատարել Ստեփանակերտի օդանավակայանում արդեն դեկտեմբերին։ Տեղեկությունը հայտնում է ՌԻԱ Նովոստին՝ հղում անելով Արցախի վարչակազմում ունեցած իր աղբյուրներին։

«Երկու կողմն էլ՝ մեր ու ռուսականը, ջանքեր են գործադրում, որ դա տեղի ունենա», -  ասել է գործակալության զրուցակիցը՝ պատասխանելով մինչ տարեվերջ Ստեփանակերտի օդանավակայանի աշխատանքի վերականգման մասին հարցին։

Նա ավելացրել է, որ օդանավակայանը սպասարկելու է նաև մարդատար չվերթեր ոչ միայն Մոսկվայից, այլև ՌԴ այլ շրջաններից։

Մեկ այլ աղբյուր հաստատել է այդ ծրագրերի հավաստիությունը։ Նրա խոսքով՝ «հավանաբար մինչ այս ամսվա մեջ մենք կտեսնենք՝ ինչպես են ռուսական առաջին ինքնաթիռները վայրէջք կատարում Լեռնային Ղարաբաղում»։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Ինչ տվեց Արցախի վերաբերյալ եռակողմ հայտարարությունը․ քարտեզ

 

163
թեգերը:
օդանավակայան, Ռուսաստան, Արցախ
ՌԴ ԱԳՆ

ՌԴ ԱԳՆ–ն դատապարտել է Լատվիայում Sputnik-ի և Baltnews-ի լրագրողների ձերբակալությունը

25
(Թարմացված է 16:26 04.12.2020)
Գերատեսչությունում հույս են հայտնել, որ ԶԼՄ-ների ազատության գծով ԵԱՀԿ նոր ներկայացուցիչը տեղի ունեցածն անուշադրության չի մատնի։

ԵՐԵՎԱՆ 4 դեկտեմբերի – Sputnik․ Ռուսաստանի ԱԳՆ-ն խստորեն դատապարտել է լատվիական իշխանությունների գործողությունները Baltnews և Sputnik Լատվիա կայքերի ռուսալեզու լրագրողների նկատմամբ, որոնց տներում խուզարկություններ էին իրականացվել:

Ավելի վաղ Sputnik Բլիժնեե զարուբեժեն հայտնել էր, որ այդ ԶԼՄ-ների աշխատակիցներին մեղադրանք է ներկայացվել Լատվիայի քրեական օրենսգրքի 84-րդ հոդվածով՝ Եվրամիության պատժամիջոցների ռեժիմը խախտելու համար: Հարցաքննություններից հետո նրանցից երկրից չհեռանալու մասին ստորագրություն են վերցրել։ Նրանց կարող է սպառնալ պատիժ՝ դրամական տուգանքից մինչև բանտարկություն։

«Լատվիայի պետական անվտանգության ծառայության ագրեսիվ գործողությունները, որոնք դեկտեմբերի 3-ին ձեռնարկվել են Ռիգայում Sputnik-ի բյուրոյի աշխատակիցների և ռուսալեզու լրագրողների նկատմամբ, գնահատում ենք որպես ժողովրդավարական հասարակության հիմքերի՝ ԶԼՄ-ների ազատության և կարծիքների արտահայտման իրավունքի ոտնահարման աղաղակող օրինակ: Հիշեցնենք, որ լրագրողների նկատմամբ կատարվել են ձերբակալություններ, հարցաքննություններ և խուզարկություններ, ներկայացվել են քրեական մեղադրանքներ»,-ասվում է ԱԳՆ-ի կայքում հրապարկված հաղորդագրության մեջ։

Ինչպես նշում են գերատեսչությունում, Sputnik Լատվիայի աշխատակազմի կողմից ԵՄ պատժամիջոցների խախտման մեղադրանքները բացարձակապես անընդունելի են։

«Այս սահմանափակումները անձնական բնույթ ունեն, վերաբերում են անձամբ «Ռոսիա սեգոդնյայի» գլխավոր տնօրեն Դմիտրի Կիսելյովին և չեն կարող տարածվել բոլոր նրանց վրա, ովքեր համագործակցում են մեդիահոլդինգի հետ»,-ընդգծել են նախարարությունում։

ԱԳՆ-ում հայտարարել են, որ «միաժամանակ հաշվեհարդար է ձեռնարկվել Baltnews լրատվական գործակալության ռուսալեզու լրագրողների և Լատվիայի մի շարք հասարակական գործիչների նկատմամբ»:

«Այս ամենն իսկական պատժիչ ակցիա է, որը ոչ մի կասկած չի թողնում, որ շինծու մեղադրանքները ռուսատյաց ենթատեքստ ունեն։ Հարցը կբարձրացվի ԵԱՀԿ արտգործնախարարների խորհրդի հարթակում», - նշվում է հաղորդագրության մեջ։

Գերատեսչությունում հույս են հայտնել, որ ԶԼՄ-ների ազատության գծով ԵԱՀԿ նոր ներկայացուցիչը տեղի ունեցածն անուշադրության չի մատնի և Լատվիային մատնացույց կանի զանգվածային լրատվամիջոցների վրա «նման հարձակումների անընդունելիությունը», ինչպես նաև «խոսքի ազատության ապահովման ոլորտում միջազգային պարտավորությունների կատարման անհրաժեշտությունը»:

«Խա՞ղ է»․ ինչու են արգելափակվել Բելառուսի դեմ ԵՄ պատժամիջոցները

«Համարժեք գնահատական ենք ակնկալում նաև ԵՄ-ի կողմից», - եզրափակել է Ռուսաստանի արտաքին գործերի նախարարությունը:

«Ռոսիա սեգոդնյա»-ի և RT-ի գլխավոր խմբագիր Մարգարիտա Սիմոնյանն էլ Telegram-ի իր էջում հույս է հայտնել, որ Ռուսաստանը կպատասխանի Baltnews-ի և Sputnik Լատվիայի աշխատակիցների քրեական հետապնդումներին:

Նմանատիպ իրավիճակ էր ստեղծվել անցյալ տարի Էստոնիայում։ Երկրի ոստիկանության և Սահմանապահ վարչության ղեկավարությունը Sputnik Էստոնիայի աշխատակիցներին սպառնացել է նրանց դեմ քրեական գործեր հարուցել, եթե վերջիններս չդադարեցնեն աշխատանքային հարաբերությունները գլխավոր կազմակերպության հետ: Այդ գործողությունները բացատրել են Եվրամիության՝ 2014 թվականի մարտի 17-ի պատժամիջոցներով մի շարք ֆիզիկական և իրավաբանական անձանց դեմ։

Սակայն ԵՄ-ի սահմանափակումները վերաբերում են ոչ թե «Ռոսիա սեգոդնյային», որի կազմում է Sputnik-ը, այլ անձամբ գործակալության գլխավոր տնօրեն Դմիտրի Կիսելյովին։

Ինչպես ավելի վաղ ընդգծել էր ԶԼՄ-ների ազատության հարցերով ԵԱՀԿ ներկայացուցիչ Արլեմ Դեզիրը, Եվրամիության անձնական պատժամիջոցների գործողությունը Sputnik Էստոնիայի կոլեկտիվի վրա տարածելու Տալլինի ձգտումը խնդիր է ստեղծում զանգվածային լրատվամիջոցների ազատության ոլորտում:

RT-ի հեռարձակման արգելքը. ճչացող ոչ պրոֆեսիոնալիզմ, կամ չի եղել և չկա որևէ պատահական սխալ

Մեկնաբանելով Sputnik Էստոնիայի շուրջ ստեղծված իրավիճակը, ՌԴ նախագահ Վլադիմիր Պուտինը նշել էր, որ ռուսական իշխանությունները կանեն ամեն ինչ՝ մյուս երկրներում Sputnik-ի աշխատանքին աջակցելու համար։

25
թեգերը:
Արտաքին գործերի նախարարություն (ԱԳՆ), Ռուսաստան, Լատվիա, Ձերբակալում, Լրագրող, Sputnik
Ըստ թեմայի
RT-ի հեռարձակման արգելքը. ճչացող ոչ պրոֆեսիոնալիզմ, կամ չի եղել և չկա որևէ պատահական սխալ
Բաշկիրիայում հայ գործարարների վրա հարձակում նախապատրաստող խումբ է ձերբակալվել
Կիսելյովը Sputnik Լատվիայի փակումն անվանել է խուճապ իրավական դաշտից դուրս
Արայիկ Հարությունյանն ընդունել է Ռուսաստանի Դաշնության զինված ուժերի ինժեներական զորքերի պետ, գեներալ-լեյտենանտ Յուրի Ստավիցկու գլխավորած պատվիրակությանը։

Արցախի նախագահը ռուս բարձրաստիճան զինվորականի հետ քննարկել է երկրի անվտանգային խնդիրներ

0
(Թարմացված է 20:24 04.12.2020)
Հանդիպմանը մասնակցել է նաև Անվտանգության խորհրդի նորանշանակ քարտուղար Վիտալի Բալասանյանը։

ԵՐԵՎԱՆ, 4 դեկտեմբերի - Sputnik. Արցախի նախագահ Արայիկ Հարությունյանն ընդունել է Ռուսաստանի Դաշնության զինված ուժերի ինժեներական զորքերի պետ, գեներալ-լեյտենանտ Յուրի Ստավիցկու գլխավորած պատվիրակությանը:

Facebook-ի իր պաշտոնական էջում ԱՀ նախագահը հայտնում է, որ ռուս բարձրաստիճան զինվորականն Արցախում է աշխատանքային այցով։

Президент НКР Араик Арутюнян принял делегацию во главе с командующим инженерными войсками ВС РФ генерал-лейтенантом Юрием Ставицким (4 декабря 2020). Степанакерт
Գեներալ-լեյտենանտ Յուրի Ստավիցկի

Հաղորդագրության մեջ նշվում է, որ ԱՀ Անվտանգության խորհրդի քարտուղար Վիտալի Բալասանյանի և պետական բարձրաստիճան այլ պաշտոնյաների մասնակցությամբ քննարկվել են Արցախի անվտանգային խնդիրներին վերաբերող հարցերի լայն շրջանակ:

Президент НКР Араик Арутюнян принял делегацию во главе с командующим инженерными войсками ВС РФ генерал-лейтенантом Юрием Ставицким (4 декабря 2020). Степанакерт
Արայիկ Հարությունյանն ընդունել է Ռուսաստանի Դաշնության զինված ուժերի ինժեներական զորքերի պետ, գեներալ-լեյտենանտ Յուրի Ստավիցկու գլխավորած պատվիրակությանը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

0
Ըստ թեմայի
Ռուս խաղաղապահներն ամեն ինչ անում են Ղարաբաղում խաղաղության պահպանման համար․ Շոյգու
Ռուս խաղաղապահներն օգնել են գտնել և վերադարձնել կորած արցախցիներին
Արայիկ Հարությունյանն ընդունել է անհետ կորածների և գերիների հարազատներին