Բռնություն

2 աղջիկների բռնաբարության և սպանության մեջ մեղադրվողի «գլխի» համար պարգև են խոստանում

193
(Թարմացված է 17:43 17.09.2020)
Նախկին հանցագործի կողմից երկու դպրոցականների աղմկահարույց սպանությունը ցնցել է հանրությանը։ Նրա «գլխի» համար պարգևատրում է նշանակվել։

ԵՐԵՎԱՆ, 17 սեպտեմբերի – Sputnik. Իր հետ բնակվողի 2 անչափահաս աղջիկների սպանության և բռնաբարության մեջ կասկածվող ՌԴ Ռիբինսկ քաղաքի բնակչին առնչվող ցանկացած տեղեկության համար կես միլիոն ռուբլու պարգևատրում է նշանակվել։ Ինչպես հայտնում է Life Shot Telegram-ալիքը, պարգևի մասին հայտարարել է Յարոսլավլի մարզպետ Դմիտրի Միրոնովը։

Ավելի վաղ ՔԿ–ն Ռիբինսկի բնակարանում (որտեղ հայտնաբերվել են 8 և 13 տարեկան աղջիկների մարմինները) քրեագետների աշխատանքի կադրեր էր հրապարակել։ Նրանց սեպտեմբերի 15-ի առավոտյան սպանված է գտել մայրը, երբ վերադարձել է աշխատանքից։ Երկու քույրերի մարմիններին բռնության հետքեր են եղել։

ՌԴ ՔԿ Յարոսլավլի մարզի քննչական մարմինները քրեական գործ են հարուցել ՌԴ ՔՕ 105-րդ հոդվածի 2 մասով։ Նախաքննության ընթացքում պարզվել է նաև, որ երեխաների նկատմամբ սեռական բռնություն է իրականացվել, ինչի առնչությամբ քրեական գործ է հարուցվել ՌԴ ՔԿ 131-րդ հոդվածի 4 մասով (բռնաբարություն), որը միացվել է նախկինում հարուցած քրգործին։

Հանցագործության կատարման մեջ կասկածվում է սպանված աղջիկների մոր կենակիցը, որը 2019 թվականի դեկտեմբերին կալանավայրից ազատ էր արձակվել, որտեղ պատիժ էր կրում առավել ծանր հանցագործություններ, այդ թվում սպանություն կատարելու համար։ Այժմ օպերատիվ–հետախուզական գործողություններ են ընթանում` նրա գտնվելու վայրը պարզելու ու նրան ձերբակալելու համար։

Որոշ աղբյուրների տվյալներով` Ռիբինսկում բռնաբարված և սպանված աղջիկները Օմսկի քրեական հետախուզության նախկին պետի աղջիկներն են։ Նրանց մայրը ամուսնալուծությունից հետո համացանցում ծանոթացել է նոր ընտրյալի հետ, իսկ մեկ ամիս անց Օմսկից նրա մոտ` Ռիբինսկ էր տեղափոխվել։ ԶԼՄ–ների տվյալներով` հետախուզվողը 40-ամյա Վիտալի Մոլչանովն է։

Կնոջ` աշխատավայրում գտնվելու ժամանակ նա մոտ 3 շիշ կոնյակ է խմել, այնուհետև բռնաբարել և սպանել աղջիկներին։

Երևանում խեղդամահ արված աղջկա ինքնությունը պարզվել է. որոնում են սպանության կասկածյալին

ՌԴ ՔԿ պետ Ալեքսանդր Բաստրիկինը կարգադրել է օպերատիվ կերպով ապահովել բոլոր հանգամանքների քննությունը, պարզել պատճառներն ու հանցագործության կատարման դրդապատճառը, ինչպես նաև կազմակերպել բոլոր անհրաժեշտ փորձաքննությունների անցկացում։ Բացի այդ գերատեսչության ղեկավարը պահանջել է գնահատական տալ իրավապահ մարմինների աշխատանքին, որոնք պատասխանատու էին պատիժը կրած անձի վարքագիծը վերահսկելու և նրա հետ կանխարգելիչ միջոցառումներ անցկացնելու համար:

193
թեգերը:
սիրեկան, մայր, Սպանություն, Բռնաբարություն, Ռուսաստան, աղջիկ
ՌԴ արտգործնախարար Սերգեյ Լավրով

Հայաստանն ու Ադրբեջանը ԵՄ-ի համար «երկրորդ կարգի» երկրներ են․ Լավրով

333
(Թարմացված է 16:05 26.11.2020)
Ռուսաստանի արտգործնախարարը կարծում է, որ Եվրամիության շատ երկրներ ունակ չեն հրաժարվել «ուժի դիրքից մյուսների հետ խոսելու վերամբարձ սովորությունից»։ 

ԵՐԵՎԱՆ, 26 նոյեմբերի - Sputnik.  «Երկրորդ կարգի» երկրների շարքը, որոնց հետ համագործակցությունը փաստացի կարող է սառեցվել, Ադրբեջանի ու Հայաստանի հետ միաժամանակ կարող է համալրել նաև Բելառուսը։ Այսօր Ռուսաստանի ու Բելառուսի ԱԳՆ-ների կոլեգիաների նիստում ելույթի ժամանակ նման կարծիք է հայտնել ՌԴ արտգործնախարար Սերգեյ Լավրովը։

Լավրովն ընդգծել է, որ Եվրամիության շատ երկրներ ունակ չեն հրաժարվել «ուժի դիրքից մյուսների հետ խոսելու վերամբարձ սովորությունից»։

«Այդ սովորությունը սահմանափակում է իրավահավասար, փոխհարգալից երկխոսության վերականգնման հնարավորությունը։ Նույնիսկ Արևելյան գործընկերության մասնակիցներին են կարգերի դասում։ «Երկրորդ կարգի» երկրների խմբին, որոնց հետ համագործակցությունը փաստացի կարող է սառեցվել, Ադրբեջանի ու Հայաստանի հետ միաժամանակ, դասվում է նաև Բելառուսը», - ավելացրել է նա։

Նա նշել է, որ ներկայիս իրավիճակում Ռուսաստանը ոչ թե մտածում է՝ ինչպես աշխատել Եվրամիության կառույցների հետ, այլ ուզում է հասկանալ՝ արդյո՞ք արժե համագործակցել նրանց հետ, քանի դեռ այդ կառույցներն այսպես են աշխատում։

Ղարաբաղի վերաբերյալ հայտարարության կենսունակությունը վերահաստատվում է ամեն օր. Լավրով

Նա նշել է, որ հարաբերությունները ԵՄ-ի հետ այսօր բարդ են։ Պատճառը ԵՄ մի շարք երկրների ոչ գործընկերային, հաճախ ոչ բարեկամական պահվածքն է, որն արժանանում է ամբողջ Եվրամիության հավանությանը։

333
թեգերը:
Եվրամիություն, Սերգեյ Լավրով, Ադրբեջան, Հայաստան
Ըստ թեմայի
Էրդողանի հայտարարությունը Մակրոնի հասցեին անընդունելի է Եվրամիության համար. Ժոզեպ Բորել
Եվրամիությունը 3 միլիոն եվրո օգնություն կհատկացնի ԼՂ բնակչությանը
Երևան և Բաքու կատարած այցերի արդյունքները կներկայացվեն Պուտինին. Լավրով
Միգրանտների աջակցության կենտրոն

Ռուսաստանում նորից տեղ կգտնվի ԵԱՏՄ երկրների միգրանտների համար․ ԵԱԶԲ փորձագետներ

100
(Թարմացված է 15:34 26.11.2020)
Նավթի գների աճին զուգահեռ Ռուսաստանում և Ղազախստանում տնտեսական ակտիվությունը կսկսի վերականգնվել, իսկ սահմանափակումների վերացումից հետո միգրանտները կկարողանան վերադառնալ այդ երկրներ։

ԵՐԵՎԱՆ, 26 նոյեմբերի – Sputnik. Եվրասիական զարգացման բանկի (ԵԱԶԲ) երկրների վերլուծության կենտրոնի ղեկավար Ալեքսեյ Կուզնեցովն այսօր Sputnik Արմենիա միջազգային մուլտիմեդիոն մամուլի կենտրոնում կայացած հեռուստակամուրջի ժամանակ վստահեցրեց, որ ճգնաժամի ավարտից հետո Ռուսաստանում կրկին տեղ կգտնվի ԵԱՏՄ երկրների աշխատանքային միգրանտների համար։

Բանկի կանխատեսումների համաձայն` 2021 թվականին Urals տեսակի նավթի գինը կկազմի մեկ բարելի դիմաց 49 դոլար: Կուզնեցովի խոսքով` դա բավական է, որ տնտեսության մեջ աստիճանաբար վերականգնվի վճարունակ պահանջարկը։

Վերականգնումը նույն կերպ տեղի կունենա նաև Ղազախստանում։ Այդ երկրների միջոցով դրական դինամիկան կփոխանցվի Տաջիկստանին, Ղրղզստանին և Հայաստանին։ Ղրղզստանի համար դա կնշանակի հավելյալ 1% ՀՆԱ աճ, Հայաստանի համար՝ 0,5%։

ԵԱԶԲ-ի երկրների վերլուծության կենտրոնի ավագ վերլուծաբան Կոնստանտին Ֆյոդորովն էլ նշեց` ինչ վերաբերում է Հայաստանին, Տաջիկստանին ու Ղրղզստանին, ապա նրանց համար բարենպաստ գներ են սահմանվել մետաղների, մասնավորապես՝ պղնձի և ոսկու համար, որոնք տևական ժամանակ պահվում են բորսաներում:

«Մենք չենք կարծում, որ ռուսական աշխատաշուկայում զանգվածային և մշտական կերպով կզբաղեցվեն այն աշխատատեղերը, որոնք զբաղեցնում էին միգրանտները։ Այդ պատճառով հաջորդ տարի մենք ակնկալում ենք, որ ԵԱՏՄ երկրների սեզոնային միգրանտներն աստիճանաբար կզբաղեցնեն այդ աշխատատեղերը»,-ասաց նա։

Դրա հետ մեկտեղ բանկը, ըստ ԵԱԶԲ-ի ու Կայունացման և զարգացման եվրասիական հիմնադրամի գլխավոր տնտեսագետ Եվգենի Վինոկուրովի, սթրես-սցենար ունի այն դեպքի համար, եթե համավարակը ձգձգվի: Նավթի գինն այս դեպքում կարող է կազմել մեկ բարելի դիմաց 40-42 դոլար, իսկ տնտեսական աճը Ռուսաստանում և Ղազախստանում կարող է կրճատվել 0,8-0,9 տոկոսով (հիշեցնենք` կորոնավիրուսային ճգնաժամից առաջ Urals-ը 55 ԱՄՆ դոլարից բարձր մակարդակում էր, մարտ-ապրիլին` 0-ի և ավելի ցածր մակարդակում, իսկ հիմա` 40-ից մի փոքր պակաս):

Նշենք, որ 2019 թ․-ին Ռուսաստանից ֆիզիկական անձանց դրամական փոխանցումների զուտ ծավալը կազմել է մոտ 630 մլն դոլար կամ ՀՆԱ-ի մոտ 5 տոկոսը:

100
թեգերը:
միգրանտ, Ռուսաստան
Ըստ թեմայի
«Ի՞նչ է լինելու վաղը» հարցի պատասխանը կառավարության որևէ անդամ չի տալիս. Արամյան
Կենտրոնական բանկը փորձում է պահել գներն ու ֆինանսական կայունությունը. հայտարարություն
Դրամի փոխարժեքն ընկնում է, բայց անհանգստանալ պետք չէ․ Արամյանը բացատրում է` ինչու
Հայկ Մամիջանյան

Հայկ Մամիջանյանին մեղադրանք է առաջադրվել

0
(Թարմացված է 12:14 27.11.2020)
ՀՀԿ երիտասարդական կազմակերպության նախագահը մեղադրվում է օրենքով սահմանված կարգի խախտմամբ հավաք կազմակերպելու և անցկացնելու համար։

ԵՐԵՎԱՆ, 27 նոյեմբերի – Sputnik. ՀՀԿ երիտասարդական կազմակերպության նախագահ Հայկ Մամիջանյանին մեղադրանք է առաջադրվել ՀՀ քրեական օրենսգրքի 225.1 (Օրենքով սահմանված կարգի խախտմամբ հավաք կազմակերպելը և անցկացնելը) հոդվածի հատկանիշներով։
Այդ առնչությամբ Մամիջանյանը Facebook-ի իր էջում գրառում է կատարել։

«Քիչ առաջ ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնի քննիչներից մեկի կողմից ներգրավվեցի որպես մեղադրյալ (կարգավիճակս կասկածյալից դարձավ մեղադրալ)»,–գրել է նա։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Ինչ տվեց Արցախի վերաբերյալ եռակողմ հայտարարությունը․ քարտեզ

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նոյեմբերի 11–ից սկսած հայաստանյան 16 ընդդիմադիր կուսակցություն հանրահավաքներ են կազմակերպում` իրենց անհամաձայնությունը հայտնելով եռակողմ հայտարարությանն ու պահանջելով ՀՀ վարչապետի հրաժարականը։ 

Նույն այդ պահանջով հացադուլ են հայտարարել ՀՅԴ ԳՄ անդամ Գեղամ Մանուկյանն ու ՀՅԴ–ական Գարիկ Ավետիսյանը։ Նրանց են միացել ՍԴ նախկին անդամ Կիմ Բալայանը և 2008 թվականին զոհված Անդրանիկ Կիրակոսյանի մայրը՝ Անահիտ Կիրակոսյանը։

0
թեգերը:
Եռակողմ հայտարարություն, Մեղադրանք, Հայկ Մամիջանյան
Ըստ թեմայի
Արթուր Վանեցյանին մեղադրանք կառաջադրվի. նա ՀՔԾ–ում է
«Չեմ ընդունել, ցուցմունք չեմ տվել». Բաբայանին ու Մանուկյանին ՀՔԾ–ն մեղադրանք է առաջադրել
Միհրան Հակոբյանին մեղադրանք է առաջադրվել, որը նա չի ընդունում