Евгений Петросян на концерте-съёмке Петросян ШОУ (25 февраля 2018). Москвa

«Հզոր է». Եվգենի Պետրոսյանի կրակոտ պարը. տեսանյութ

149
(Թարմացված է 14:28 16.09.2020)
Արտիստն այսօր տոնում է իր 75-ամյակը։ Նրան արդեն տոնական օրվա առթիվ շնորհավորել է ՌԴ նախագահ Վլադիմիր Պուտինը։

ԵՐԵՎԱՆ, 16 սեպտեմբերի – Sputnik. Ռուսաստանի հայերի միությունն արտասովոր կերպով է շնորհավորել Ռուսաստանի ժողովրդական արտիստ, հայտնի երգիծաբան Եվգենի Պետրոսյանի 75-ամյակը։ Facebook–ում միությունը տեսանյութ է հրապարակել, որում Պետրոսյանը ինչ–որ կնոջ հետ կրակոտ պարում է։

«Ռուսաստանի հայերի միությունն անկեղծորեն շնորհավորում է Եվգենի Վահանովիչին և մաղթում երկար տարիների կյանք, անսպառ ստեղծագործական էներգիա և կենսախնդություն։ Ահա այսպիսին է մեր հոբելյարը՝ հզոր», – գրված է տեսանյութին կից։

Ավելի վաղ արտիստին հոբելյանի կապակցությամբ շնորհավորել էր Ռուսաստանի նախագահ Վլադիմիր Պուտինը։

Ինքը` Պետրոսյանը, հոբելյանի առիթով երկրպագուներին նվեր էր մատուցել` հաստատելով որդու ծննդյան մասին երկար սպասված տեղեկությունը։

Հումորիստի իսկական ազգանունը Պետրոսյանց է։ 12 տարեկանից մշակույթի տան բեմում հանդես է եկել ինչպես առանձին համարներով, այնպես էլ պրոֆեսիոնալ արտիստների հետ։ Էստրադային բազմամթիվ համարների և ծրագրերի հեղինակ է. «Հումորի երեկո», «Առավոտյան փոստ», «Անշլագ», «Ծուռ հայելիներ», «Սմեխոպանորամա»։ Նա ավագ սերնդի սիրելին է, իսկ երիտասարդների համար՝ մեմերի հերոս։ Ակնհայտ է, որ Պետրոսյանը նոր ձևաչափ բերեց երգիծաբանության մեջ։ Նրա հումորներն ու կրկնօրինակումները դարձան բրենդ։

75-ամյա արտիստը շատ ակտիվ է ոչ միայն ստեղծագործական, այլև անձնական կյանքում։ Գործընկերոջ՝ Ելենա Ստեպանենկոյի (որի հետ ապրել էր 33 տարի) հետ աղմկահարույց բաժանումից հետո, նա 2019 թվականի վերջին ամուսնացավ իր 30-ամյա օգնականի՝ Տատյանա Բրուխունովայի հետ։

149
թեգերը:
ծնունդ, Պար, Եվգենի Պետրոսյան
Սերգեյ Կոպիրկինը

Պետք կանխվի դրսից եկող ապակայունացնող ազդեցությունը. ՌԴ դեսպան

18
(Թարմացված է 14:31 29.09.2020)
ՀՀ-ում ՌԴ դեսպանի խոսքով` Ռուսաստանն անում է ամեն ինչ, այդ թվում՝ Մինսկի խմբի մյուս համանախագահների հետ փոխգործակցությամբ, որպեսզի էսկալացիան դադարի։

ԵՐԵՎԱՆ, 29 սեպտեմբերի – Sputnik. Ռուսաստանն ակտիվորեն աշխատում է ղարաբաղյան հակամարտության գոտում էսկալացիան դադարեցնելու համար և ակտիվ կապի մեջ է բոլոր՝ հայկական, ադրբեջանական ու թուրքական կողմերի հետ։ Տեղեկությունը լրագրողների հետ զրույցում հայտարարեց Հայաստանի Հանրապետությունում Ռուսաստանի Դաշնության դեսպան Սերգեյ Կոպիրկինը:

«Ամեն ինչ արվում է, որպեսզի լարումը թուլանա։ Մեր դիրքորոշումը հստակ է։ Իրավիճակը պետք է վերադառնա խաղաղ բանակցային հուն, և կանխվի դրսից եկող ապակայունացնող ազդեցությունը։ Ալտերնատիվ տարբերակ այս հարցում չկա», - ասել է Սերգեյ Կոպիրկինը:

Նրա խոսքով՝ Ռուսաստանի իր խնդիրն է թույլ չտա էսկալացիան և որպես միջնորդ պայմաններ ստեղծել փախադարձ ընդունելի խաղաղ որոշում գտնելու համար:

«Ռուսաստանն անում է ամեն ինչ, այդ թվում՝ Մինսկի խմբի մյուս համանախագահների հետ փոխգործակցությամբ, որպեսզի էսկալացիան դադարի», - ասաց նա:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։

Արմեն Գրիգորյանը Նիկոլայ Պատրուշևին է ներկայացրել Ադրբեջանի վտանգավոր միտումները

Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Ըստ վերջին տեղեկությունների` Ադրբեջանը զրկվել է նաև 50 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

18
թեգերը:
Ադրբեջան, Ռուսաստան, Արցախ, Ղարաբաղյան հակամարտություն, Լեռնային Ղարաբաղ, Հայաստան, Սերգեյ Կոպիրկին, Դեսպան
Անվտանգության խորհրդի քարտուղար Արմեն Գրիգորյանը հեռախոսազրույց է ունեցել Ռուսաստանի Դաշնության անվտանգության խորհրդի քարտուղար Նիկոլայ Պատրուշևի հետ

Արմեն Գրիգորյանը Նիկոլայ Պատրուշևին է ներկայացրել Ադրբեջանի վտանգավոր միտումները

71
(Թարմացված է 14:17 29.09.2020)
Ռուսաստանի Դաշնության անվտանգության խորհրդի քարտուղար Նիկոլայ Պատրուշևը խորը մտահոգություն է հայտնել ստեղված իրավիճակի առնչությամբ։

ԵՐԵՎԱՆ, 29 սեպտեմբերի – Sputnik. Այսօր Անվտանգության խորհրդի քարտուղար Արմեն Գրիգորյանը հեռախոսազրույց է ունեցել Ռուսաստանի Դաշնության անվտանգության խորհրդի քարտուղար Նիկոլայ Պատրուշևի հետ: Տեղեկությունը հայտնում են ԱԽ մամուլի ծառայությունից։

«ԱԽ քարտուղարն անդրադարձել է արցախա-ադրբեջանական սահմանագոտում տիրող իրավիճակին, ընդգծել է Ադրբեջանի կողմից սանձազերծված պատերազմի, այդ թվում նաև Ադրբեջանի կողմից հակամարտությունը Հայաստանի Հանրապետության տարածք տեղափոխելու միտումների և խաղաղ բնակչությանը թիրախավորելու փաստերին»,–ասված է հաղորդագրության մեջ:

ԱԽ քարտուղար Արմեն Գրիգորյանն ընդգծել է, որ Արցախի Պաշտպանության բանակը ռազմաճակատի ողջ երկայնքով, ինչպես նաև ՀՀ զինված ուժերը երկրի սահմաններն անառիկ պահելու առումով փայլուն կերպով կատարում են իրենց առջև դրված բոլոր մարտական առաջադրանքները և իրավիճակը պահում են լիակատար վերահսկողության տակ: Արմեն Գրիգորյանն նշել է նաև տարածաշրջանային անվտանգության վրա բացասական ազդեցություն ունեցող Թուրքիայի ապակայունացնող դիրքորոշման հանգամանքը:

Ռուսաստանի Դաշնության անվտանգության խորհրդի քարտուղար Նիկոլայ Պատրուշևը խորը մտահոգություն է հայտնել ստեղված իրավիճակի առնչությամբ և զարգացումներով՝ ընդգծելով հակամարտության միմիայն խաղաղ ճանապարհով կարգավորման անհրաժեշտությունը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Զինվորների մասին տեղեկություն հավաքելու փորձերից պետք է զերծ մնալ. ԱԱԾ

Արցախի ՊԲ ստորաբաժանումները «Իգլաով» հակառակորդի երկու ուղղաթիռ են ոչնչացրել։

Ըստ վերջին տեղեկությունների` Ադրբեջանը զրկվել է նաև 50 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

 

71
թեգերը:
Ղարաբաղյան հակամարտություն, Լեռնային Ղարաբաղ, Արցախ, Հայաստան, հայ-ադրբեջանական, Ադրբեջան, հեռախոսազրույց, Նիկոլայ Պատրուշև, Արմեն Գրիգորյան
թեմա:
Ադրբեջանական ագրեսիա Արցախում. 2020
Ըստ թեմայի
Պատասխան եք ստանալու. ՀՀ ԱԳ նախարարը Ադրբեջանին համարժեք արձագանք է խոստանում
Ռոբերտ Քոչարյանը մեկնել է Արցախ
Վիրավոր զինվորներին հուզող միակ հարցը պաշտպանությանը վերադառնալն է. Զարուհի Բաթոյան