ԵՐԵՎԱՆ, 16 սեպտեմբերի – Sputnik. Ռուսաստանի նախագահ Վլադիմիր Պուտինը շնորհավորել է ՌԴ ժողովրդական արտիստ Եվգենի Պետրոսյանին 75-ամյակի առթիվ։ Կրեմլի կայքում հրապարակված հեռագրում նշվում է, որ երկրպագուները գնահատում են նրա արտիստիկ խառնվածքը։

«Դուք հաջողությամբ կայացել եք ստեղծագործական ոլորտում, վառ էջեր եք թողել հայրենական էստրադային արվեստի  տարեգրության մեջ։ Հավատարիմ երկրպագուները բարձր են գնահատում հանպատրաստից ստեղծագործողի Ձեր տաղանդը և անկրկնելի արտիստիկ խառնվածքը», – գրված է հաղորդագրության մեջ։

Հայտնի հումորիստն իր ծննդյան օրվա առթիվ առաջին անգամ հրապարակել է որդու լուսանկարը։ Տղային անվանակոչել են Վահան, նա մի քանի ամսական է։ Ծնողները նրան հեռու են պահում անծանոթներից։

Հումորիստի իսկական ազգանունը Պետրոսյանց է։ 12 տարեկանից մշակույթի տան բեմում նա հանդես է եկել ինչպես սեփական համարներով, այնպես էլ պրոֆեսիոնալ արտիստների հետ։ Էստրադային անթիվ համարների և ծրագրերի հեղինակ է. «Հումորի երեկո», «Առավոտյան փոստ», «Անշլագ», «Ծուռ հայելի», «Սմեխոպանորամա»։ Նա դարձել է ավագ սերնդի սիրելին, իսկ երիտասարդների համար՝ մեմերի հերոս։ Ակնհայտ է, որ Պետրոսյանը նոր ձևաչափ բերեց երգիծաբանության մեջ։ Նրա ծամածռություններն ու կրկնօրինակումները դարձան բրենդ։

«Ահա և նա` Վահանը». Եվգենի Պետրոսյանը ցույց է տվել իր և Բրուխունովայի որդուն. լուսանկար

75-ամյա արտիստը շատ ակտիվ է ոչ միայն ստեղծագործական, այլև անձնական կյանքում։ Գործընկերոջ՝ Ելենա Ստեպանենկոյի (որի հետ ապրել էր 33 տարի) հետ աղմկահարույց բաժանումից հետո, նա 2019 թվականի վերջին ամուսնացավ իր՝ 30-ամյա օգնականի՝ Տատյանա Բրուխունովայի հետ։

ԵՐԵՎԱՆ, 3 մարտի - Sputnik. ՀՀ ԶՈւ գլխավոր շտաբի պետին պաշտոնից ազատելու միջնորդության վերաբերյալ Հանրապետության նախագահի՝ 02․03․2021թ․ որոշման մասին հայտարարության վերլուծություն

Նախագահը հայտարարել է Սահմանադրության 139-րդ հոդվածի 2-րդ մասի 2-րդ նախադասությամբ սահմանված իմպերատիվ երկու պահանջներից երկրորդի կատարման մտադրության՝ առանձին դիմումով Սահմանադրական դատարան դիմելու մասին, հիմքը՝ Սահմանադրության 169-րդ հոդվածի 1-ին մասի 4-րդ կետը։
Սահմանադրական դատարանի լիազորությունները սահմանված են Սահմանադրության 168-րդ հոդվածով, որով վերաբերելի կետն առաջինն է, օրենքի համապատասխանությունը որոշելը։ Սահմանադրության 168-րդ հոդվածով Նախագահի հրամանագրի նախագծի սահմանադրականության կամ ՀՀ ԶՈՒ ԳՇ պետին պաշտոնից ազատման հարց լուծելու իրավասություն Սահմանադրական դատարանը չունի, այսինքն՝ Նախագահը վերաբերելիի մասով կարող է դիմել Սահմանադրական դատարան բացառապես «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի (այսուհետ՝ Օրենք)՝ որպես նախագծի իրավական հիմքի՝ Սահմանադրությանը համապատասխանելու հարցը որոշելու խնդրանքով և ոչ կոնկրետ օրենքի հոդվածի կամ մասի։
Սահմանադրական դատարան դիմելու ժամկետ Սահմանադրության 139-րդ հոդվածի 2-րդ մասի 2-րդ նախադասությամբ և վերաբերող մասով Սահմանադրությամբ ընդհանրապես սահմանված չէ։ Վերաբերող մասով ժամկետները սահմանված են Օրենքի 35․1-րդ հոդվածի
3-րդ մասով՝ հրամանագրի նախագծի վերադարձից հետո 8 օր (ազատման հիմք Օրենքի 40-րդ հոդվածի 3-րդ մասը հղում է նշանակման կարգին)։
Հայտարարությամբ Նախագահը գործել է և հայտնել է մտադրությունը գործելու Սահմանադրությանը բացառապես համապատասխան։
ՀՀ ԶՈՒ գլխավոր շտաբի պետ, գեներալ-գնդապետ Օնիկ Վիկտորի Գասպարյանը մինչև 8-օրյա ժամկետի լրանալը (Նախագահի կողմից Սահմանադրական դատարան դիմելուց հետո սկսում են գործել այլ ժամկետներ) շարունակում է իր ծառայությունը հայրենիքին և ժողովրդին, հանդիսանում է Զինված ուժերի բարձրագույն զինվորական հրամանատարը։