Արխիվային լուսանկար

Ընտանիքի վերամիավորման համար մուտքը ՌԴ թույլատրվում է. դեսպանատան պատասխանը Մելքումյանին

1226
(Թարմացված է 20:14 11.09.2020)
ՌԴ դիվանագիտական առաքելությունում ընդգծել են, որ սահմանափակումները կիրառվել էին միայն մեկ նպատակով` վտանգավոր հիվանդության տարածումը կանխելու։

ԵՐԵՎԱՆ, 11 սեպտեմբերի – Sputnik. Երևանում ՌԴ դեսպանատան մամուլի ծառայությունը մեկնաբանել է ՀՀ ԱԺ պատգամավոր Միքայել Մելքումյանի հայտարարությունը, որը կապված էր Ռուսաստանի Դաշնություն ՀՀ քաղաքացիների մուտքի հետ։

Միքայել Մելքումյանը ՌԴ մեկնել ցանկացող հայերի հարցով դիմել է Լեոնիդ Կալաշնիկովին

Ավելի վաղ «Բարգավաճ Հայաստան» խմբակցության պատգամավոր Միքայել Մելքումյանը դիմել էր ԱՊՀ գործերով Պետդումայի կոմիտեի ղեկավար Լեոնիդ Կալաշնիկովին` խնդրելով օգնել Ռուսաստան մեկնելու և ընտանիքի հետ վերամիավորվելու ցանություն ունեցող հայերին։ Ըստ նրա` հազարավոր հայեր չեն կարողանում Ռուսաստան մեկնել և վերամիավորվել իրենց ընտանիքների հետ։

Թեմայի առնչությամբ պարզաբանումներ ստանալու համար Sputnik Արմենիա գործակալությունը դիմել է Ռուսաստանի դեսպանատուն և պատասխան ստացել։

Ընտանիքների վերամիավորում

Դիվանագիտական առաքելության մամուլի ծառայությունում նշել են, որ կորոնավիրուսի համավարակի պատճառով Ռուսաստանի կառավարությունը մարտի 16-ին որոշում էր կայացրել օտարերկրյա քաղաքացիների և քաղաքացիություն չունեցող անձանց համար ժամանակավորապես սահմանափակել մուտքը ՌԴ։

«ՌԴ կառավարության կարգադրության համաձայն` Ռուսաստան օտարերկրյա քաղաքացիների մուտքի սահմանափակումն ուժի մեջ է մինչ օրս։ Այնուամենայնիվ, կցանկանայինք ընդգծել, որ օտարերկրյա բոլոր քաղաքացիները, այդ թվում նաև ՀՀ քաղաքացիները, կարող են Ռուսաստան մուտք գործել մի շարք հիմքերի առկայության պարագայում, որոնք նախևառաջ պայմանավորված են մարդասիրական գործոններով», – ասվում է դեսպանատան մեկնաբանության մեջ։

Այսպես, Ռուսաստան կարող են մուտք գործել այն օտարերկրացիները, որոնք հանդիսանում են ՌԴ քաղաքացիների ընտանիքի անդամներ (ամուսին, ծնող, երեխա)։

Թույլատրված է նաև այն անձանց մուտը, որոնք Ռուսաստանում կեցության գործող թույլտվություն ունեն կամ նրանց, ովքեր ռուսական բուժհաստատություններ բուժման են մեկնում։

«Ուզում եմ Ռուսաստան գնալ». ակցիան շարունակվում է, բայց կոչ են անում չքաղաքականացնել այն

Բացի այդ, մուտք գործել կարող են այն քաղաքացիները, որոնք ժամանում են հիվանդ հարազատին (ամուսին, ծնող, երեխա, որդեգրող, որդեգրած) խնամելու համար, հանդիսանում են խնամակալ և հոգեբարձու։

«Այդպիսով, ինչպես տեսնում ենք, Ռուսաստան մուտքը ընտանիքի վերամիավորման նպատակներով և մի շարք այլ մարդասիրական դեպքերում թույլատրվում է», – ընդգծված է հաղորդագրության մեջ։

Աշխատանքային միգրանտներ

Աշխատանքային գործունեություն ծավալելու նպատակով այժմ Ռուսաստան կարող են մուտք գործել միայն այն քաղաքացիները, որոնք մասնակցում են գործադիր իշխանության դաշնային մարմնի կողմից (որի տնօրինության ներքո է այդ սարքավորման պատվիրատուն) ՌԴ ԱԴԾ և ՌԴ ՆԳՆ ուղարկած ցանկում նշված արտասահմանյան արտադրության սարքավորումների կարգավորմանը և տեխսպասարկմանը։

Բացի այդ, թույլատրվում է նաև ֆիզիկական դաստիարակության և սպորտի ոլորտում բարձր որակավորում ունեցող մասնագետների մուտքը:

Ինչպես նշել են դասպանատանը, հասկանալու համար, թե որքան դժվար է Ռուսաստան մուտք գործել, կարող եք նայել թվերին, որոնք բավական խոսուն են։ Ապրիլի 27-ից, երբ իրականացվեց առաջին հատուկ չվերթը, Ռուսաստան մուտք գործեց շուրջ 9 հազար մարդ, որոնցից մոտ 30%–ը` ՀՀ քաղաքացի։

«Հերթական անգամ կցանկանայինք ընդգծել. բոլոր սահմանափակումները կիրառվել էին մեկ նպատակով` կանխելու վտանգավոր հիվանդության տարածումը, առավելագույնս ապահովելու քաղաքացիների կյանքի և առողջության անվտանգությունը», – ասվում է դիվանագիտական ներկայացուցչության մեկնաբանության մեջ։

Նշվում է, որ համաճարակային իրավիճակի կարգավորմանը զուգընթաց` սահմանափակումներն աստիճանաբար հանվում են։

Եվս 200 մարդ Երևանից ու Գյումրիից Ռուսաստան են մեկնել

«Կգա ժամանակը, և լիարժեք կվերականգնվի նաև ավիահաղորդակցությունը։ Այդ ուղղությամբ աշխատանքներ են տարվում։ Հույս ունենք, որ երկար չենք սպասի», – ասացին Հայաստանում Ռուսաստանի դեսպանատանը։

Հիշեցնենք, որ Հայաստանի և Ռուսաստանի միջև կանոնավոր ավիափոխադրումներ դեռ չեն գործում, իրականացվում են միայն հատուկ չարտերային չվերթեր։ Վրաստան և Վրաստանի տարածքով ցամաքային փոխադրումներ դեռ չեն իրականացվում։

1226
թեգերը:
դեսպանատուն, Միքայել Մելքումյան, Ռուսաստան, ռուս, ընտանիք
Ըստ թեմայի
Ինչպե՞ս է, որ Ռուսաստանը կարող է Վրաստանով ապահովել իր քաղաքացիների ելքը, իսկ ՀՀ–ն` ոչ
Հայաստանն ու Ռուսաստանը սերտացնում են կապերը
Եվս 364 քաղաքացի Հայաստանից վերադարձել են Ռուսաստան. դեսպանատուն
Արայիկ Հարությունյան

Այս անգամ զինադադար հաստատելու համար Ռուսաստանը ստիպված է բանակցել Թուրքիայի հետ

61
(Թարմացված է 23:10 30.09.2020)
Ի տարբերություն 2016–ի Ապրիլյան պատերազմի, այս անգամ միջնորդները գործ ունեն ոչ թե Ադրբեջանի, այլ Թուրքիայի հետ։

ԵՐԵՎԱՆ, 30 սեպտեմբերի — Sputnik. Այս անգամ զինադադար հաստատելու համար Ռուսաստանը ստիպված կլինի բանակցել Թուրքիայի, ոչ թե Ադրբեջանի հետ։ Նման կարծիք այսօր հայտնեց Արցախի Հանրապետության նախագահ Արայիկ Հարությունյանը` պատասխանելով լրագրողներից մեկի հարցին, թե Քառօրյա պատերազմի օրերին Ռուսաստանը միջամտեց, և հրադադար կնքվեց` արդյոք այս անգամ կան նման ազդակներ։

«2016 թվականին Արցախը կռվում էր Ադրբեջանի դեմ, և ՌԴ–ն ի վիճակի էր «համոզելու» Ադրբեջանին։ Այժմ ՌԴ–ն պետք է խոսի Հայաստանի և Թուրքիայի հետ։ Ես չգիտեմ, թե որքանով է պատրաստ ռուսական իշխանությունը խոսելու Թուրքիայի ղեկավարության հետ»,–ասաց նա։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 83 ԱԹՍ–ից, 7 ուղղաթիռից, 170 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

61
թեգերը:
Ադրբեջան, Թուրքիա, Ռուսաստան, Արցախի նախագահ Արայիկ Հարությունյան, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Դիրքային շոշափելի փոփոխություններ առաջնագծում տեղի չեն ունեցել. Արայիկ Հարությունյան
Կանգնեցրեք Ալիևին և Էրդողանին. Մերկելի նստավայրի մոտ ակցիա է տեղի ունեցել
Երևանում հնդիկ ուսանողներն օգնություն են հավաքում և ուղարկում Արցախ. տեսանյութ
ՌԴ արտգործնախարարության շենքը

Օտարերկրյա վարձկաններն Արցախում սպառնալիք են տարածաշրջանի համար. ՌԴ-ն մտահոգված է

340
(Թարմացված է 21:40 30.09.2020)
ՌԴ-ն կոչ է անում շահագրգիռ պետություններին գործնական միջոցներ ձեռք առնել՝ տարածաշրջանից օտարերկրյա վարձկաններին ու ահաբեկիչներին անհապաղ դուրս բերելու համար։

ԵՐԵՎԱՆ, 30 սեպտեմբերի – Sputnik. Մոսկվան մտահոգված է ապօրինի զինված խմբավորումների գրոհայիններին ղարաբաղյան հակամարտության գոտի տեղափոխելու լուրերից, ասվում է ՌԴ ԱԳՆ Տեղեկատվության ու տպագրության դեպարտամենտի մեկնաբանության մեջ։

Նշվում է, որ ստացվող տեղեկությունների համաձայն, ղարաբաղյան հակամարտության գոտի են տեղափոխվում ապօրինի զինված խմբավորումների անդամներ մասնավորապես Սիրիայից, Լիբիայից՝ մարտական գործողություններին անմիջական մասնակցություն ունենալու համար։

«Խորապես մտահոգված ենք այդ գործընթացներով, որոնք ոչ միայն ավելի կավելացնեն ռազմական լարվածությունը հակամարտության գոտում, այլև երկարաժամկետ սպառնալիքներ կստեղծեն տարածաշրջանի բոլոր երկրների համար»,-նշվում է հաղորդագրության մեջ։

ՌԴ արտգործնախարարությունը կոչ է անում շահագրգիռ պետություններին գործնական միջոցներ ձեռք առնել՝ հակամարտության մեջ օտարերկրյա վարձկանների ու ահաբեկիչների օգտագործումը թույլ չտալու և տարածաշրջանից նրանց անհապաղ դուրս բերելու համար։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

ՀՀ ՊՆ–ն ներկայացրել է հակառակորդի վերջին կորուստները` 113 մահացած, 200 վիրավոր

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 83 ԱԹՍ–ից, 7 ուղղաթիռից, 166 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

340
թեգերը:
Արցախ, գրոհային, հայ-ադրբեջանական, Ռուսաստան
թեմա:
Ադրբեջանական ագրեսիա Արցախում. 2020
Ըստ թեմայի
Մենք դա թույլ չենք տա. Մակրոնն անդրադարձել է Ղարաբաղի մասին Թուրքիայի ռազմատենչ կոչերին
Զոհերի թիվը ցնցող է. Գերմանիայի արտգործնախարարը` ղարաբաղյան էսկալացիայի մասին
Հայկական կողմը ադրբեջանական դիրք է գրավել. տեսանյութ