Նարգիզի համերգը Երևանում. արխիվային լուսանկար

Սա խեղկատակություն է, Եֆրեմովի տեղը բանտն է․ երգչուհի Նարգիզը զայրացել է

60
(Թարմացված է 13:30 06.09.2020)
Նարգիզը կարծում է, որ Եֆրեմովը պետք է բանտ նստի, քանի որ մարդ է սպանել, իսկ առողջական խնդիրներն արդարացում չեն։

ԵՐԵՎԱՆ, 6 սեպտեմբերի – Sputnik. Հայտնի ռուսաստանցի երգչուհի Նարգիզը մեկնաբանել է ՌԴ վաստակավոր արտիստ Միխայիլ Եֆրեմովի մասնակցությամբ մահացու ավտովթարի գործով դատավարությունը։ НТВ հեռուստաալիքի եթերում երգչուհին հայտարարել է, որ սկզբում խղճում էր դերասանին, բայց հիմա այդ ամբողջ պատմությունը վերածվում է ինչ-որ խեղկատակության։

 «Դատական նիստերի ժամանակ Միխայիլ Եֆրեմովը կոպտում է տուժածների ազգականներին, երբ նայում ու տեսնում եմ, թե ինչպես է նա նստում դատական նիստերին...»,-ասել է Նարգիզը` ավելացնելով, որ նրա տեղը բանտում է։

Նրա կարծիքով՝ առողջական խնդիրները Եֆրեմովին չեն ազատում պատասխանատվությունից։ Նարգիզը նաև խոստովանել է, որ թեև իր համար տհաճ է հետևել այդ դատավարությանը, սակայն չի կարողանում չհետևել։

Ավելի վաղ՝ օգոստոսի 11-ին, արտիստը դատարանի դահլիճում վատ էր զգացել։ Նրան տեղափոխել էին Բոտկինի հիվանդանոց՝ Մոսկվայում տեղի ունեցած ավտովթարի գործով լսումից առաջ։ Նախնական տվյալներով՝ Եֆրեմովին ծանր վիճակում տեղափոխել էին վերակենդանացման բաժանմունք։ Նրա մոտ գլխուղեղի արյան շրջանառության սուր խանգարում էին ախտորոշել։ Սակայն օգոստոսի 15-ին նրան դուրս են գրել։

Եֆրեմովի դեմ քրեական գործը վերաբերում է հունիսի 8-ին Մոսկվայի կենտրոնում տեղի ունեցած ավտովթարին: Քննության վարկածով՝ դերասանը Jeep Grand Cherokee մեքենայի ղեկին դուրս է եկել հանդիպակաց գոտի և բախվել «Լադային»:

«Լադայի» վարորդը՝ ինտերնետ-խանութի առաքիչ Սերգեյ Զախարովը, ժամեր անց մահացել է հիվանդանոցում: Վթարի պահին դերասանը ավտոմեքենային ղեկին է եղել հարբած վիճակում։

Դերասան Միխայիլ Եֆրեմովն ընդունել է, որ մահացու վթարի մեղավորն ինքն է

Սպասվում է, որ սեպտեմբերի 8-ին Մոսկվայի Պրեսնենսկի դատարանը կհրապարակի արտիստի դատավճիռը։ Մեղադրող կողմը դերասանի համար պահանջում է 11 տարվա ազատազրկում՝ խիստ ռեժիմի գաղութում` բացատրելով այդ պահանջը նրանով, որ դերասանի վարքը հնարավոր չի լինի ուղղել՝ առանց նրան հասարակությունից մեկուսացնելու։

Եֆրեմովի փաստաբանը դատարանում պնդում էր, որպեսզի իր պաշտպանյալին չզրկեն ազատությունից և ուղարկեն «գաղութ-ավան»։ Այս պահին Եֆրեմովը տնային կալանքի տակ է։

60
թեգերը:
Բանտ, ավտովթար, Դատարան, դատ, Նարգիզ Զակիրովա, Միխայիլ Եֆրեմով
Ըստ թեմայի
Վրաերթ Երևանում. 73-ամյա տղամարդը տեղում մահացել է
Եռաբլուրում շիրմաքարերին հայտնված հետքերը մոմավառության հետևանք չեն. ՀՅԴ ՀԵՄ–ի հերքումը
Նարգիզը դատի կտա Վլադիմիր Ժիրինովսկուն
ՌԴ–ում Հայաստանի դեսպանատուն

Բավական է, Արցախի համար բավարար չափով դեղորայք է հավաքվել․ Ռուսաստանում ՀՀ դեսպանատուն

36
(Թարմացված է 13:00 30.09.2020)
Դեսպանատունն ամենօրյա ռեժիմով հանդիպումներ է անցկացնում Հայաստանին և Արցախին աջակցություն ցուցաբերելուն ուղղված ջանքերն ու գործողությունները համակարգելու համար։

ԵՐԵՎԱՆ, 30 սեպտեմբերի – Sputnik. Ռուսաստանում Հայաստանի դեսպանատունը կոչ է անում հայրենակիցներին դադարեցնել մասնավոր նախաձեռնությունների ալիքը՝ ուղղված դեղորայք գնելուն ու դրանք Լեռնային Ղարաբաղ ուղարկելուն։ Արդեն իսկ բավական քանակությամբ դեղորայք է հավաքվել։

«Մենք անկեղծ շնորհակալ ենք բոլորին դեղորայք և անհրաժեշտ այլ միջոցների հավաքի հետ կապված նախաձեռնություններին մասնակցելու ու աջակցելու համար։ Արդեն մեծ քանակությամբ դեղորայք է հավաքվել, այս պահին լրացուցիչ օգնության կարիք չկա», - նշված է Facebook-ում դեսպանատան պաշտոնական էջում։

Դեսպանատունն ամենօրյա ռեժիմով հանդիպումներ է անցկացնում Հայաստանին և Արցախին աջակցություն ցուցաբերելուն ուղղված ջանքերն ու գործողությունները համակարգելու համար։ Տեղեկություն ճշտելու համար հայրենակիցները կարող են թեժ գիծ զանգահարել հետևյալ հեռախոսահամարներով. + 7(966) 118 - 89-84.; +7 (964) 505-87-59։

Թուրքիան պատճառ է փնտրում, որ իր զորքը Նախիջևան մտցնի. Փաշինյանի հարցազրույցը Россия 1–ին

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 74 ԱԹՍ–ից, 7 ուղղաթիռից, 137 զրահատեխնիկայից, 1 ինքնաթիռից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

36
թեգերը:
Դեղ, Արցախ, Ռուսաստան, դեսպանատուն
Ըստ թեմայի
Դեղերն Արցախ կուղարկվեն վերահսկողություն անցնելուց հետո
Ցավազրկողների մեծ խմբաքանակ է ուղարկվել Արցախ. ինչ վիճակ է ստեղծվել երևանյան դեղատներում
Որտե՞ղ են տեղավորվել Արցախից տարհանված մարդիկ. ԱՀ պետնախարարը մանրամասներ է հայտնում
Ռուսական ռազմաբազա. արխիվային լուսանկար

Ռուսական ռազմաբազան Հայաստանի անվտանգության կարևոր բաղադրիչ է․ Փաշինյան

609
(Թարմացված է 11:06 30.09.2020)
ՀՀ վարչապետ Նիկոլ Փաշինյանը կարծում է, որ կոնկրետ իրավիճակներում ռուսական ռազմական բազայի ներուժը պետք է կիրառվի։

ԵՐԵՎԱՆ, 30 սեպտեմբերի — Sputnik. Հայաստանում տեղակայված 102-րդ ռուսական ռազմաբազան հանրապետության անվտանգության կարևոր բաղադրիչ է: ՀՀ վարչապետ Նիկոլ Փաշինյանն այսպիսի հայտարարություն արեց այսօր ռուսական լրատվամիջոցների ներկայացուցիչների հետ հանդիպման ժամանակ։

Երեկ թուրքական F-16 կործանիչը խոցել է ՀՀ ԶՈւ ռազմաօդային ուժերի ՍՈւ-25 գրոհիչը: Հայ օդաչուն հերոսաբար մահացել է։ Նշենք, որ քիչ առաջ ՀՀ ՊՆ ներկայացուցիչ Արծրուն Հովհաննիսյանն էլ հայտնել էր, որ Թուրքիան ուղիղ ագրեսիա է իրականացնում ՀՀ–ի նկատմամբ։

Մամուլի ասուլիսի ընթացքում վարչապետին հարցրին՝ արդյո՞ք Երևանը դիտարկում է բազայի օգտագործման հնարավորությունը՝ Արցախում ընթացող մարտական գործողությունների համատեքստում սպառնալիքները չեզոքացնելու համար, մասնավորապես՝ հաշվի առնելով Թուրքիայի ակտիվությունը։

Նրա խոսքով՝ ռուսական բազան Հայաստանի անվտանգության համակարգի անբաժան մասն է, ու բազայի ներուժը պետք է օգտագործվի կոնկրետ դեպքերում։

 «Արդյո՞ք ներկայիս իրավիճակն այդպիսին է։ Հասկանալի է, որ ոչ։ Բայց լրիվ հնարավոր է` ստեղծվի իրավիճակ, որ պետք լինի օգտագործել բազայի ներուժը», - ասաց Փաշինյանը։

Փաշինյանը կարծում է, որ այժմ դժվար է կանխատեսումներ անել, քանի որ իրավիճակը բավականին անկանխատեսելի է։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 74 ԱԹՍ–ից, 7 ուղղաթիռից, 137 զրահատեխնիկայից, 1 ինքնաթիռից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

609
թեգերը:
Արցախ, Նիկոլ Փաշինյան, Հայաստան, Գյումրու 102–րդ ռազմաբազա
թեմա:
Ադրբեջանական ագրեսիա Արցախում. 2020
Армянский самолет СУ-25, сбитый турецким истребителем F-16

Համացանցում են հայտնվել թուրքական F-16 կործանիչի խոցած հայկական ՍՈւ-25-ի լուսանկարները

109
(Թարմացված է 13:24 30.09.2020)
Վարդենիսի տարածքում խոցված ՀՀ ԶՈՒ ռազմաօդային ուժերի ՍՈւ-25 գրոհիչի օդաչուն զոհվել էր:

ԵՐԵՎԱՆ, 30 սեպտեմբերի - Sputnik. Հայկական միասնական տեղեկատվական կենտրոնը լուսանկարներ է հրապարակել Թուրքական F-16 կործանիչի կողմից  Վարդենիսի տարածքում խոցված ՀՀ ԶՈՒ ռազմաօդային ուժերի ՍՈւ-25 գրոհիչի մնացորդներից։

Армянский самолет СУ-25, сбитый турецким истребителем F-16
Թուրքական F-16 կործանիչի խոցած ՍՈւ-25-ի մնացորդները

Հիշեցնենք, որ երեկ առավոտյան, Ադրբեջանի «Գյանջա» օդանավակայանում տեղակայված Թուրքիայի Հանրապետության ռազմաօդային ուժերին պատկանող F-16 կործանիչներից մեկը խոցել էր ռազմական և քաղաքացիական օբյեկտների վրա ադրբեջանական հարձակումները հետ մղելու նպատակով ՀՀ օդային տարածքում՝ Վարդենիսի շրջանում, մարտական խնդիրները կատարող ՀՀ ԶՈւ ռազմաօդային ուժերի ՍՈւ-25 գրոհիչը: Զոհվել էր  ՀՀ ԶՈՒ օդաչու մայոր Վալերի Դանելինը:

Армянский самолет СУ-25, сбитый турецким истребителем F-16
Թուրքական F-16 կործանիչի խոցած ՍՈւ-25-ի մնացորդները

Ավելի վաղ ՀՀ արտաքին գործերի նախարարությունը արձանագրել էր, որ թուրքական օդուժը Ադրբեջանում հայտնվել է հուլիսի 29-ից օգոստոսի 13-ը տեղի ունեցած թուրք-ադրբեջանական լայնածավալ զորավարժությունների ժամանակ և մինչ օրս դուրս չի բերվել Ադրբեջանի տարածքից:

Նշվում է, որ հայ-ադրբեջանական սահմանի Վարդենիսի հատվածում սեպտեմբերի 27-ին թուրքական F-16 ինքնաթիռը խախտել է Հայաստանի օդային սահմանը և հրթիռներ արձակել Վարդենիսի շրջանի ուղղությամբ:

Армянский самолет СУ-25, сбитый турецким истребителем F-16
Թուրքական F-16 կործանիչի խոցած ՍՈւ-25-ի մնացորդները

Նախարարությունը նաև հայտնում է, որ թուրքական սադրիչ թռիչքներն այժմ էլ իրականացվում են նաև հայ-թուրքական սահմանի երկայնքով՝ առանձին դեպքերում խախտելով Հայաստանի օդային սահմանը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Ըստ այս պահին հայտնի տեղեկությունների` Ադրբեջանը զրկվել է նաև 74 ԱԹՍ–ից, 7 ուղղաթիռից, 137 զրահատեխնիկայից, 1 ինքնաթիռից։ Արցախում և Հայաստանում ռազմական դրություն և համատարած զորահավաք է հայտարարվել։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

109
թեմա:
Ադրբեջանական ագրեսիան Հայաստանի վրա - 2020