Միխայիլ Եֆրեմով

Դերասան Միխայիլ Եֆրեմովն ընդունել է, որ մահացու վթարի մեղավորն ինքն է

68
(Թարմացված է 12:27 03.09.2020)
Դերասանը խոստովանական խոսք է ասել դատարանի դահլիճում։ Ավելի վաղ փաստաբան Էլման Փաշաևն ասել էր, որ իր պաշտպանյալը նման մտադրություն ունի։

ԵՐԵՎԱՆ, 3 սեպտեմբերի – Sputnik. ՃՏՊ–ի քրեական գործով անցնող դերասան Միխայիլ Եֆրեմովը խոստովանել է, որ Սադովոյե կոլցոյում տեղի ունեցած պատահարի մեղավորն ինքն է։

«Ես հայտարարություն ունեմ։ Հարգելի դատավոր, ես ընդունում եմ մեղքս», – հայտարարել է դերասանը դատարանում։

Ի սկզբանե նա խոստովանել էր, որ ինքն է մեղավոր, հետո պաշտպանական կողմը փոխել էր մարտավարությունը և որոշել, որ նա առժամանակ չխոսի այդ մասին։

Դերասանի խոստովանությունից հետո ելույթ է ունեցել դատախազը և նշել, որ Եֆրեմովի մեղավորությունն ապացուցված է։

«Հաջողվել է հստակ պարզել ՃՏՊ–ի ժամանակագրությունը։ Այն տեղի է ունեցել բազմաթիվ ականատեսների աչքի առաջ։ Նա ճաշից հետո մտել է «Ուլիս» բար, ավելի քան կես ժամ մնացել է այնտեղ, տաքսի կանչելու կամ սթափ վարորդի ծառայությունից օգտվելու փոխարեն ամբաստանյալը գիտակցաբար նստել է սեփական մեքենայի ղեկի դիմաց», – ասել է նա։

Աղջկան գրկել և մեքենա վարել․ ինչ է հուշում ֆիննական փորձը, կամ ինչպես խուսափել վթարներից

Եֆրեմովի նկատմամբ հարուցած քրեական գործն առնչվում է Մոսկվայի կենտրոնում` Սադովոյե կոլցոյում, հունիսի 8-ին տեղի ունեցած ճանապարհատրանսպորտային պատահարին։ Քննության վարկածով` դերասանը «Jeep Grand Cherokee»–ով դուրս է եկել հանդիպակաց երթևեկելի գոտի և բախվել «Լադային»։

Ինչ տեսք ունի Վրաստանում միկրոավտոբուսի սարսափելի վթարի վայրը․ տեսանյութ

«Լադայի» վարորդը` առաքիչ Սերգեյ Զախարովը, ժամեր անց մահացել է հիվանդանոցում։ Վթարի ժամանակ դերասանը ոչ սթափ վիճակում է եղել։

Եֆրեմովը տնային կալանքի տակ է, նրան 5-12 տարվա ազատազրկում է սպառնում։

Ողբերգական վթար Գյումրիում. մեքենան այրվել է, 24-ամյա վարորդը` տեղում մահացել

68
թեգերը:
Միխայիլ Եֆրեմով, դերասան
Ըստ թեմայի
Գյումրի-Սպիտակ ճանապարհին տեղի ունեցած վթարի հետևանքով 23-ամյա զինծառայող է մահացել
Թոմ Քրուզը վթարի է ենթարկվել նկարահանումների ժամանակ
Ողբերգական վթար Սիսիանում. անչափահաս երեխաներն ու նրանց ծնողները տեղում մահացել են
Ալեքսանդր Բաստրիկին

Ռուսաստանը կպայքարի նացիզմի վերստեղծման փորձերի դեմ․ ՔԿ-ում նոր բաժին է ստեղծվել

37
(Թարմացված է 01:14 18.09.2020)
Սեպտեմբերին Ռուսաստանի Քննչական կոմիտեում ստեղծվել է նացիզմի վերստեղծման և պատմության կեղծման հետ կապված հանցագործությունների հետաքննության բաժին։

Ինչու և ինչի համար է նացիզմի վերստեղծման և պատմության կեղծման հետ կապված առանձին ստորաբաժանման անհրաժեշտություն առաջացել, և ինչու է Ռուսաստանը պարտավոր արձագանքել արտերկրում զինվորական փառքի խորհրդանիշների պղծմանը, ՌԻԱ Նովոստիին տված հարցազրույցում ներկայացրել է Քննչական կոմիտեի նախագահ Ալեքսանդր Բաստրիկինը:

-Ալեքսանդր Իվանովիչ, վերջերս Քննչական կոմիտեում ստեղծվել է նացիզմի վերստեղծման և պատմության կեղծման հետ կապված հանցագործությունների հետաքննության բաժին։ Նորությունն աշխույժ քննարկումներ է առաջացրել ԶԼՄ-ներում և սոցիալական ցանցերում։ Պատմեք՝ ինչո՞վ էր պայմանավորված այդպիսի ստորաբաժանման ստեղծման անհրաժեշտությունը։

-Ինչպես գիտեք՝ Նյուրնբերգի ռազմական դատարանի վճիռը կարևորագույն փուլ դարձավ Երկրորդ համաշխարհայինի պատճառների գնահատման հարցում։ Բոլորը պետք է հիշեն, որ Երկրորդ համաշխարհայինի սանձազերծման և ընթացքի համար պատասխանատու գլխավոր նացիստական հանցագործների գործողությունները հանցավոր են ճանաչվել։ Այնուամենայնիվ, այսօր, շարունակական տեղեկատվական պատերազմի պայմաններում, աճում է նացիզմի ռեաբիլիտացիայի փորձերի թիվն ինչպես մեր երկրի ներսում, այնպես էլ արտերկրից, նաև տեսնում ենք ֆաշիզմի դեմ հաղթանակի հարցում մեր երկրի դերի կեղծ գնահատականներ։

Արդարությունը վերականգնելու համար հարկավոր է ակտիվացնել նմանատիպ երևույթներին հակազդող գործունեությունը։ Բացի այդ, մեր հասարակության ձգտումը՝ Հայրենիքի պաշտպանների հիշատակը հարգելու և պատմական ճշմարտությունը պաշտպանելու ուղղությամբ, օրենսդրական ձևակերպում ստացավ և այժմ ամրագրված է Ռուսաստանի Դաշնության Սահմանադրությամբ։

-Ինչո՞ւմն է նմանատիպ հանցագործությունների քննության բարդությունը։

-Թվում է, թե այս հանցակազմում ամեն ինչ ակնհայտ է ու պարզ։ Բայց դա այնքան էլ այդպես չէ, պարզության հետևում առանձնահատկություններ կան։ Հանցագործության հանգամանքները պարզելիս արձանագրում ենք ոչ միայն պատմական իրադարձություններին այս կամ այն արտահայտության անհամապատասխանության փաստը։

Իմաստն այն է, որ պարզվի անձի հակաիրավական գործողությունների շարժառիթն ու նպատակաուղղվածությունը, ինչպես նաև հանցակազմի օբյեկտիվ կողմը, որն այս դեպքում կարող է արտահայտվել ԽՍՀՄ գործունեության մասին ակնհայտ կեղծ տեղեկություններ տարածելով։

Դրա հետ կապված՝ նացիզմի վերստեղծման մասին հոդվածով նախաքննության որոշ առանձնահատկություններ, ինչպես նաև մշակված քննչական փորձը քննչական կոմիտեի կառուցվածքում առանձնացված ստորաբաժանում ստեղծելու անհրաժեշտություն են առաջացրել։ Բացի այդ, առանձին հետաքննվող փաստերի միջազգային բնույթը նույնպես հմտությունների և գիտելիքների կենտրոնացում է պահանջում: Մանավանդ, որ այս խնդիրը, որքան էլ ցավալի է, ավելի ու ավելի հրատապ է դառնում։

-Բայց չէ՞ որ կարող են նաև առավել բարդ հանցագործություններ լինել, որոնք պատմության խորը վերլուծություն են պահանջում։ Արդյո՞ք ձեր աշխատակիցները կկարողանան հետաքննել դրանք։

- Նոր ստորաբաժանման կազմում կընդգրկվեն քննչական կոմիտեի քննիչները, ովքեր արդեն իսկ նման հանցագործությունների քննության փորձ ունեն։ Այդ աշխատակիցները, մասնավորապես, լայն գիտելիքներ ունեն ոչ միայն իրավագիտության, միջազգային իրավունքի, այլև պատմության ոլորտներում։ Նրանք պատերազմական և հետպատերազմյան ժամանակաշրջանների արխիվային մեծ թվով փաստաթղթեր են ուսումնասիրել՝ քննելով նացիստների հանցագործությունների վերաբերյալ այլ քրեական գործեր, անհրաժեշտության դեպքում դիմելով գիտնականների օգնությանը։

 Հանցագործությունների անմիջական հետաքննությունից բացի՝ նոր ստորաբաժանումը համակարգող կենտրոնի դեր կկատարի՝ մեթոդական-վերլուծական օգնություն ցուցաբերելով տարածաշրջանային քննչական մարմիններին քրեական գործերի քննության հարցում:

-Այլ երկրներում նմանատիպ հանցագործությունների կամ նացիստական գաղափարախոսության տարածման համար քրեական հետապնդում գոյություն ունի՞։

-Գերմանիայի ֆեդերատիվ հանրապետության քրեական օրենսգրքում պատասխանատվութուն է նախատեսված հակասահմանադրական կազմակերպությունների քարոզչական նյութերի տարածման համար, ընդ որում՝ մեծ պատասխանատվություն է սահմանում նյութերի տարածման համար, «որոնց բովանդակությունը կապված է նացիոնալ-սոցիալիզմի գաղափարախոսության հետ»:

Ինչպես էին ԽՍՀՄ ժողովուրդներն անձնվիրաբար պայքարում ֆաշիզմի դեմ. տեսանյութ

Բելառուսի հանրապետությունում նույնպես նացիզմի ռեաբիլիտացիայի համար քրեական պատասխանատվություն է սահմանված։

Միևնույն ժամանակ մենք տեսնում ենք, թե ինչպես են Լիտվայում, Լատվիայում և Էստոնիայում խրախուսվում ՍՍ ստորաբաժանումների նախկին զինծառայողների կազմակերպությունների ստեղծումը, որոնց գործունեությունը հանցավոր է ճանաչվել Նյուրնբերգի ռազմական տրիբունալի կողմից։ Ուկրաինայում դպրոցականներին տանում են ծաղիկներ դնելու նացիստների գերեզմաններին, որոնք մասնակից են եղել խաղաղ բնակչության զանգվածային սպանություններին, հերոսացնում են նրանց, ովքեր համագործակցել են հիտլերյան Գերմանիայի հետ: Եվրոպայում գլուխ են բարձրացնում ռևանշիստները և նեոնացիստները, մասնավորապես, նրանք ակտիվանում են Ավստրիայում, Իտալիայում, Իսպանիայում: Այդպիսի երևույթները, կարծես, դեռ չեն վախեցնում այդ երկրների իշխանություններին, սակայն հետագայում դրանք կարող են կործանարար ազդեցություն ունենալ հանրային գիտակցության վրա։

37
թեգերը:
Քննչական կոմիտե, նացիզմ, Ռուսաստան
Ըստ թեմայի
Abrams տանկեր և այլ սպառազինություն․ ի՞նչ են անում ամերիկացիները Բելառուսի սահմանների մոտ
Ֆինները դեռ չեն պատժվել. համակենտրոնացման ճամբարների նախկին կալանավորները ՌԴ ՔԿ են դիմել
Բուզովան ու Դավան, արխիվային լուսանկար

Դավան ու Բուզովան բաժանվե՞լ են. երգչուհին հեռացրել է զուգընկերոջ հետ բոլոր լուսանկարները

51
(Թարմացված է 23:07 17.09.2020)
Դավան էլ Բուզովայի վերջին հրապարակման տակ տխուր «սմայլիկ դրել»։ Հետաքրքիր է, որ Օլյայի նկարն էլ բավականին տխուր է։

ԵՐԵՎԱՆ, 17 սեպտեմբերի – Sputnik. Ռուսաստանի ամենագլամուր և հայտնի զույգերից մեկը` երգչուհի Օլգա Բուզովան և բլոգեր Դավա Մանուկյանը, կարծես բաժանվել են։ Բոլոր փաստերն այդ մասին են խոսում` Օլգան ջնջել է սիրելիի հետ բոլոր լուսանկարները Instagram-ում, իսկ Դավան՝ ընդհանրապես իր էջն է ջնջել։

Մինչև իր էջի ապաակտիվացումը, Մանուկյանը հասցրել է Բուզովայի վերջին հրապարակման տակ տխուր «սմայլիկ դնել»։ Հետաքրքիր է, որ Օլյայի նկարն էլ բավականին տխուր է` արված է սև ու սպիտակ գույների մեջ, երգչուհին նստած է բեմին և անտրամադիր տեսք ունի։

Առավել դրական տրամադրված երկրպագուները ենթադրում են, որ պասիվությունը պայմանավորված է նրանով, որ արտիստները զբաղված են իրենց նախագծերով։ Որոշներն էլ ենթադրում են, որ բլոգերի ու հեռուստաաստղի վարքագիծը PR քայլ է։ Բայց երկրպագուների մեծ մասը տխրում է զույգի համար` հորդորելով Դավային ներողություն խնդրել ու նորից շահել Օլյայի սիրտը։

Դավան և Բուզովան նշում են իրենց հանդիպման հոբելյանը․ ի՞նչ նվեր է մատուցել բլոգերը սիրելիին

Օլգա Բուզովան և Դավան երկու տարի է՝ հանդիպում են։ Վերջին հրապարակումների համաձայն` նրանք միասին են ապրում։ Դավան տատու է արել սիրելիի անունը մարմնի վրա, ծանոթացրել նրան իր ծնողների հետ, Օլգան էլ ամեն կերպ օգնում է ընկերոջը կայանալ շոու բիզնեսում։

51
թեգերը:
շոու բիզնես, երգչուհի, սեր, Դավիթ (Դավա) Մանուկյան, Օլգա Բուզովա
Ըստ թեմայի
Հայերենը, մեքենաները, աղջիկները. ի՞նչ են քննարկել բլոգեր Ադամյանն ու Բուզովայի հայ ընկերը
Բուզովայի փեսացուն ամեն ինչի պատրաստ է․ Մանուկյանը դեմ չէ «մեծական» ֆիլմում նկարահանվելուն
Ալֆո՞նս, թե՞ երկար սպասված արքայազն․ ինչո՞վ է հայտնի Բուզովայի հայ փեսացուն
«Գժվե՞լ ես, ինչ է». Բորոդինան Բուզովային խորհուրդ է տվել զգուշանալ հայ տղաներից
Արխիվային լուսանկար

Ոստիկաններն օրենքից չբխող պահվածք են դրսևորում. Թաթոյանը հայտարարություն է արել

0
(Թարմացված է 12:10 18.09.2020)
Արման Թաթոյանն առավել անընդունելի է համարում այն դեպքերը, երբ քաղաքացին դիմակով է լինում, բայց ոստիկանի իրավական ներգործությանն է արժանանում անձը հաստատող փաստաթուղթ չունենալու համար։

ԵՐԵՎԱՆ, 18 սեպտեմբերի — Sputnik. ՀՀ Մարդու իրավունքների պաշտպան Արման Թաթոյանը հանդես է եկել հայտարարությամբ, որտեղ նշում է, որ դիմակ չդնելու կամ դիմակը ոչ պատշաճ դնելու համար վարչական տուգանքն ու մարդուն ազատությունից զրկելը ստանում են պատժիչ բնույթ:

«Սա անընդունելի ու մարդու իրավունքների համակարգի տեսանկյունից վտանգավոր մոտեցում է: Ոստիկանության գործողությունները դիմակ չկրելու կամ դիմակը ոչ պատշաճ կրելու համար մարդկանց տուգանելու և ոստիկանության բաժին բերման ենթարկելու հետ կապված դառնում են մտահոգիչ ու համակարգային առումով ստանում ոչ ճիշտ զարգացումներ»,– ասված է պաշտպանի տարածած հաղորդագրության մեջ:

Պաշտպանը հիշեցնում է, որ դիմակ դնելու պահանջի նպատակը նոր կորոնավիրուսային վարակի (COVID-19) կանխարգելումը կամ վարակի տարածման դեմ պայքարն է, ուստի և պետության ցանկացած մարմնի կամ պաշտոնատար անձի գործունեությունը պետք է ուղղված լինի այդ նպատակին։

«Բերման ենթարկված կամ ազատությունից զրկված մարդու նվազագույն իրավունքները չեն ապահովվում, խախտվում է ազատությունից զրկելու պատճառները մարդուն պատշաճ ներկայացնելու պարտադիր պահանջը, խնդիրներ են արձանագրվում բերման ենթարկելու առնչությամբ կազմվող փաստաթղթերում»,– արձանագրում է ՄԻՊ–ը։

Բացի այդ, նրա դիտարկմամբ, քաղաքացուն մոտեցած ոստիկաններն օրենքից չբխող պահվածք են դրսևորում, նրան անընդունելի ձևով բերման ենթարկում ու այդ ընթացքում անհամաչափ ուժ գործադրում։

Առավել անընդունելի են այն դեպքերը, երբ քաղաքացին դիմակով է, բայց ոստիկանի իրավական ներգործությանն է արժանանում անձը հաստատող փաստաթուղթ չունենալու համար։ Պաշտպանը հիշեցնում է, որ անձը հաստատող փաստաթուղթ չունենալը քաղաքացուն պատասխանատվության ենթարկելու հիմք լինել չի կարող:

Կարելի՞ է բազմակի օգտագործման դիմակ դնել. դասերը մեկնարկելուն պես նոր հարցեր են ծագել

Մյուս կողմից, Թաթոյանի դիտարկմամբ, ոստիկաններն իրենք են դարձել գոյություն ունեցող անորոշ կարգավորումների «զոհը», քանի որ ոստիկանության ծառայողների համար չկան մանրամասն կանոններ կամ ուղեցույցեր` համավարակի պայմաններում նրանց աշխատանքի վերաբերյալ։

«Բերման ենթարկելն իրականում պետք է լինի վերջին միջոց և գործադրվի միայն այն բացառիկ դեպքերում, երբ քաղաքացուն մոտեցած ոստիկանը սպառել է իրեն օրենքով հասանելի բոլոր մյուս միջոցները և դա պահանջված է կոնկրետ իրավիճակի պայմաններով: Ոստիկանը պետք է ցուցաբերի նաև անհատական մոտեցում իրգործողություններն իրականացնելիս՝ յուրաքանչյուր դեպքի առանձնահատկություններըհաշվի առնելով,– նշում է պաշտպանը,–Անհրաժեշտության դեպքում ոստիկանը պետք է քաղաքացուն տրամադրի դիմակ, այլ ոչ թե ոստիկանության բաժին հարկադրաբար տանելը դիտարկի՝ որպես հիմնական ու այն էլ առաջնային այլընտրանք»:

Բացի այդ, ոստիկանը քաղաքացուն պետք է պարզաբանի դիմակ կրելու պահանջի էությունը, դիմակ չկրելու կամ դիմակը ոչ պատշաճ կրելու հետևանքները, իսկ դրա համար ոստիկանները նախ պետք է հատուկ դասընթացներ անցնեն։

Սևազգեստ աղջիկներ, ասֆալտին փռված դիմակներ. ինչ էր կատարվում Մաշտոցի պողոտայում. տեսանյութ

«Այս ամենն իր հերթին երկրում առաջացնում է լրացուցիչ լարվածություն առանց այն էլ նոր կորոնավիրուսային վարակի առաջացրած դժվարությունների պայմաններում»,– փաստում է պաշտպանը` հավելելով, որ համավարակից պաշտպանվելու միջոցառումները պետք է ուղղված լինեն երկրում համերաշխության մթնոլորտ ապահովելուն։

Պաշտպանը հայտնում է նաև, որ ՄԻՊ գրասենյակը բազմաթիվ բողոքներ է ստանում քաղաքացիներից, իսկ ոստիկանության բաժիններ այցերի ընթացքում ՄԻՊ աշխատակիցները փորձում են պաշտպանել քաղաքացիների իրավունքները։

Հիշեցնենք` մարտի 16–ից Հայաստանում արտակարգ դրություն էր գործում, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով լինեն։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Սեպտեմբերի 11–ին ՀՀ կառավարությունը որոշեց, որ Հայաստանում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Կարանտինի ընթացքում որոշ սահմանափակումներ մեղմացվել են, բայց հասրարակական վայրերում դիմակ դնելու պահանջը շարունակում է գործել։

Երբ և որտեղ է պարտադիր դիմակ դնելը. Արսեն Թորոսյանը նոր հրաման է ստորագրել

0
թեգերը:
կորոնավիրուս, Տուգանք, դիմակ, Արման Թաթոյան
թեմա:
Կորոնավիրուսը Հայաստանում և Արցախում
Ըստ թեմայի
Թավշյա տուգանք. դիմակ չդնելու համար տուգանվածների քանի՞ տոկոսն է վճարել այն. «Ժողովուրդ»
Երբ կարելի է դիմակ չդնել, իսկ երբ առանց դրա հնարավոր չէ
Ամեն ինչ կանենք, որ մեր երեխաները լիաթոք շնչեն. վարչապետը` դպրոցներում դիմակ դնելու մասին