Միխայիլ Մյասնիկովիչ

ԵԱՏՀ–ում ՀՀ ներկայացուցչին կասկածում են չարաշահումների մեջ. Մյասնիկովիչի հանձնարարականը

249
(Թարմացված է 18:40 31.08.2020)
ԵԱՏՀ Կոլեգիայի նախագահ Միխայիլ Մյասնիկովիչի հանձնարարությամբ՝ ներքին քննություն է սկսվել, որը միտված է պարզելու ՀՀ ներկայացուցչի կողմից տնօրինվող միջոցների վատնման մասին տվյալներն ու հնարավոր կոռուպցիոն ռիսկերը։

ԵՐԵՎԱՆ, 31 օգոստոսի - Sputnik. Եվրասիական տնտեսական հանձնաժողովում ՀՀ ներկայացուցչին կասկածում են չարաշահումների մեջ։ Այս մասին գրում է «Փաստինֆոն», հղում անելով իր աղբյուրներին։

«Եվրասիական տնտեսական հանձնաժողովում սկանդալ է հասունանում։ 2018թ. Հեղափոխությունից հետո ՀՀ տրանսպորտի, կապի և տեղեկատվական տեխնոլոգիաների փոխնախարար նշանակված Գեղամ Վարդանյանին, որը 2019թ.-ից զբաղեցնում է Եվրասիական տնտեսական հանձնաժողովում ՀՀ ներկայացուցչի պաշտոնը, կասկածում են վատնումներ և չարաշահումներ կատարելու մեջ»,–գրում է կայքը։

Նշվում է, որ ԵԱՏՀ Կոլեգիայի նախագահ Միխայիլ Մյասնիկովիչի հանձնարարությամբ՝ ներքին քննություն է սկսվել, որը միտված է պարզելու Վարդանյանի կողմից տնօրինվող միջոցների վատնման մասին տվյալներն ու հնարավոր կոռուպցիոն ռիսկերը։

Մասնավորապես, Հայաստանի ներկայացուցչին կասկածում են գիտահետազոտական աշխատանքների համար հատկացված ֆինանսական միջոցների վատնման և տենդերների հայտարարման կանոնների խախտման մեջ։

Կորոնավիրուսի խնդիրը ԵԱՏՄ-ում լուրջ է, բայց վերահսկելի. ԵԱՏՀ սանիտարական վարչություն

Ըստ տեղեկությունների` քննության համար հիմք են հանդիսացել տվյալները, համաձայն որոնց՝ Գեղամ Վարդանյանն, օգտագործելով պաշտոնեական դիրքը, աշխատանքի է տեղավորվել իր մերձավորներին, որոնց միջոցով փորձել է ազդել տենդերների վերաբաշխման վրա։

Մասնավորապես, նոր պայմաններ են առաջ քաշել կապալառուների առջև, որպեսզի գործող կազմակերպությունների մասնակցությունը դառնա անհնար և մրցույթում հաղթեն նոր ընկերություններ՝ կոռուպցիոն սխեմաների գործադրմամբ։

ԵԱՏՀ պաշտոնյան նշել է, որ արդեն իսկ արձանագրված փաստ է, որ Վարդանյանի պաշտոնեական անգործության հետևանքով տապալվել է ինտեգրված տեղեկատվական համակարգի զարգացման աշխատանքները (ինչը միտված է ապահովելու Եվրասիական տնտեսական հաձնաժողովի անդամ երկրների մաքսային և այլ թվայնացված ընդհանուր համակարգերի շահագործման անխափանությունը), ընդգծելով, թե կա վարկած, որ հայկական կողմը հանձնաժողովի աշխատանքները տապալելու համար միտումնավոր է անգործություն դրսևորում։

ԵԱՏՀ–ն բոլոր պատնեշների միաժամանակյա չեղարկում է առաջարկել ԵԱՏՄ երկրների ղեկավարներին

249
թեգերը:
չարաշահում, Ռուսաստան, Հայաստան, Միխայիլ Մյասնիկովիչ, Եվրասիական Տնտեսական Միություն (ԵԱՏՄ)
Ըստ թեմայի
«ԵԱՏՄ-ն ապացուցեց իր կենսունակությունը»․ Փաշինյանը շնորհակալություն հայտնեց գործընկերներին
Փաշինյանն ու Մյասնիկովիչը քննարկել են ԵԱՏՄ շուկայում առկա խոչընդոտների վերացման հարցերը
ԵԱՏՀ–ում կքննարկեն Հայաստանից Ղազախստան մեքենաների վերաարտահանման հարցը. Մյասնիկովիչ
Վլադիմիր Պուտին

Պուտինը կմասնակցի «Կովկաս» զորավարժություններին

18
(Թարմացված է 17:21 24.09.2020)
Ռուսաստանի նախագահի պլանավորում է այցելել «Կապուստին Յար» զորավարժարան, որտեղ տեղի կունենա «Կովկաս-2020» ռազմավարական հրամանատարաշտաբային զորավարժությունների հիմնական փուլը:

ԵՐԵՎԱՆ, 24 սեպտեմբերի — Sputnik. Ռուսաստանի նախագահ Վլադիմիր Պուտինը վաղը կայցելի «Կովկաս» զորավարժություններին։ Տեղեկությունը հայտնում է Կրեմլի մամուլի ծառայությունը։

Ռուսաստանի նախագահն աշխատանքային այցով կմեկնի Հարավային դաշնային շրջան։ Նա ծրագրում է նաև այցելել «Կապուստին Յար» զորավարժարան, որտեղ տեղի կունենա «Կովկաս-2020» ռազմավարական հրամանատարաշտաբային զորավարժությունների հիմնական փուլը:

«Կովկաս» զորավարժությունների նպատակն է ստուգել ռուսական ռազմակայանի ղեկավար կազմի և ռազմական կառավարման մարմինների մարտական պատրաստվածությունը, ինչպես նաև բարձրացնել զորքերի փոխգործակցության մակարդակը: Զորավարժություններին մասնակցում է շուրջ 80 հազար մարդ, այդ թվում  Հայաստանի, Բելառուսի, Իրանի, Չինաստանի, Մյանմարի և Պակիստանի մինչև հազար զինվորական:

18
թեգերը:
Վլադիմիր Պուտին, Զորավարժություններ, «Կովկաս-2020» ռազմավարական հրամանատարաշտաբային զորավարժություն
Ըստ թեմայի
Հայաստանում մեկնարկել են «Կովկաս 2020» ռազմավարական զորավարժությունները․ տեսանյութ
«Կովկաս – 2020». միջազգային զորավարժություններ, որոնք ուղղված չեն որևէ պետության դեմ
«Կովկաս-2020». «Մստա-Ս» ինքնագնաց հրետանին վերացրել է «հակառակորդի» տեխնիկան
Ալլա Պուգաչովա և Մաքսիմ Գալկին

Գալկինը հիանում է կնոջով, իսկ հետևորդներն այդ տեսանյութը տհաճ ու տարօրինակ են համարում

25
(Թարմացված է 16:53 24.09.2020)
Մաքսիմ Գալկինն Ալլա Պուգաչովային նայում է սիրահարված աչքերով, ինչը երևում է տեսանյութերում, որոնք նա տեղադրում է ցանցում: Շատերին, սակայն, դա բարկացնում է։

ԵՐԵՎԱՆ, 24 սեպտեմբերի — Sputnik. Ռուսական փոփ-աստղ Ալլա Պուգաչովային քննադատել են մի տեսանյութի համար, որը շատերը «տարօրինակ» են համարել։ Տեսահոլովակը Instagram-ի իր էջում տեղադրել է նրա ամուսինը՝  Մաքսիմ Գալկինը։

Նրանք արդեն 7 տարեկան են. Գալկինը երկվորյակների ծննդյան օրվա տեսանյութն է հրապարակել

Տեսանյութում Ալլա Բորիսովնան պարզապես նայում է տեսախցիկին և մի քիչ սեթևեթում է։ Այդ ամենը տեղի է ունենում ավտոմեքենայում Enigma-ի «Return to Innocence» երգի ներքո, ավելի ճիշտ ՝ այն հատվածի, որտեղ երգում է «սեր, զգացմունք, նվիրվածություն»:

View this post on Instagram

❤️

A post shared by Максим Галкин (@maxgalkinru) on

 

Շատ բաժանորդների տեսահոլովակը դուր է եկել, սակայն քիչ չեն նաև բացասական մեկնաբանություն գրողները։

«Տարօրինակ տեսանյութ», «Ինչքան էլ երիտասարդացնի իրեն, միևնույն է`երևում է այնքան, որքան իր կենսաբանական տարիքն է»։ «Նույնիսկ մի քիչ տհաճ է», «Ոնց որ անբնական տիկնիկ լինի, կներեք»,— գրել են նրանք։

Զույգի երկրպագուներին հիացրել է այն փաստը, որ Մաքսիմը չի դադարում կնոջով հիանալ։

«Նա շատ գեղեցիկ է իր տարիքի համեմատ, որն ի դեպ, չի թաքցնում։ Տա Աստված ես էլ նման տեսք ունենամ այդ տարիքում։ Մաքսիմ, Ալլա, երջանիկ եղեք», - գրել է oksana-ն ։ 3242.

Ավելի վաղ ԶԼՄ-ներում հերթական լուրեր էին շրջանառվում աստղային զույգի ամուսնալուծության մասին: Ի պատասխան Գալկինը Պուգաչովայի հետ համատեղ լուսանկարը տեղադրել է սոցցանցում եւ գրել. «Շատ կսպասեք, բամբասկոտներ»։

Ալլա Պուգաչովան և Մաքսիմ Գալկինը ամուսնացել են 2011-ից: Ամուսինները դաստիարակում են երկվորյակ երեխաների ՝ Լիզային և Հարրիին ։ Հեռուստահաղորդավարի համար սա առաջին ամուսնությունն է, երգչուհու համար`հինգերորդը:

25
թեգերը:
տեսանյութ, Մաքսիմ Գալկին, Ալլա Պուգաչովա
Ըստ թեմայի
Իմ մեջ արթնացավ հայը. Գալուստյանը պատմել է իր ու Արթուր Ջանիբեկյանի առաջին հանդիպման մասին
«Ինքդ քո ընթրիքը պատրաստիր». Միխայիլ Գալուստյանը ընտանեկան կյանքից դրվագներ է պատմել
«Պարզապես հրաշալի է». Գարիկ Մարտիրոսյանի կինը ցույց է տվել, թե ում հետ է «զվարճանում»
Նա ապրում էր սևահեր կնոջ հետ. Գարիկ Մարտիրոսյանի կինը արխիվային լուսանկար է հրապարակել
Տիգրան Փարվանյան

«Սա ինչ-որ մեկին ուղղված ուղերձ չէ»․ Փարվանյանը` հայ-ռուսական զորավարժությունների մասին

0
(Թարմացված է 17:34 24.09.2020)
«Կովկաս-2020» ռազմավարական զորավարժությունների մարտավարական գործողություններին մասնակցեցին հայ զինծառայողները, սահմանապահներն ու ռուսական ռազմակայանի զինվորականները։

ԵՐԵՎԱՆ, 24 սեպտեմբերի – Sputnik. Հայ–ռուսական համատեղ զորախմբի զորավարժության նպատակը մեկ հրամանատարության ներքո գործելն է։ Տեղեկությունը լրագրողների հետ զրույցում հայտնեց միացյալ զորախմբի հրամանատար, գեներալ-մայոր Տիգրան Փարվանյանը՝ մեկնաբանելով Հայաստանի «Ալագյազ» զորավարժարանում անցկացվող «Կովկաս-2020» զորավարժությունների պրակտիկ փուլը։

«Հայ-ռուսական խմբավորման զորավարժություններին միացել են սահմանապահ ուժերը։ Այսօր ավարտվեց կրակային փուլը, վաղն էլ են կրակելու, իսկ բուն զորավարժությունները կշարունակվեն մինչև սեպտեմբերի 26-ը», -ասաց նա։

Սցենարի համաձայն՝ հակառակորդը խախտել է սահմանն ու հայկական տարածք է մտել։ Հայ-ռուսական զորախումբը հետ է շպրտել հակառակորդին ու վերականգնել պետական սահմանի վերահսկողությունը։

Զորավարժություններին մասնակցել է մոտ 1,5 հազար զինծառայող, օգտագործվել է մինչև 300 միավոր տեխնիկա (հիմնականում՝ զրահատեխնիկա)։

«Շանթ-2020». Հայաստանում զորավարժություն կանցկացվի

«Մասնակցել են բանակային տարբեր կորպուսի հայկական զորամասերը, սահմանապահներն ու 102-րդ ռուսական բազայի ստորաբաժանումները», - նշեց Փարվանյանը։

Զորավարժությունների ընթացքում խաղարկվել են նոր էլեմենտներ, որոնք այս պահին բարձրաձայնման ենթակա չեն։

Գեներալ–լեյտենանտը գոհ է զորավարժություններից։ «Երբ ընդհանուր զորավարժությունը վերջացնենք, կլինեն համապատասխան մարդիկ, որոնք կխրախուսվեն, սպասում եմ ստորաբաժանումների հրամանատարների զեկույցներին` ովքեր են աչքի ընկել, ով ինչպիսի խոցում է իրականացրել, որպեսզի կարողանամ մարդկանց խրախուսել ըստ արժանվույն»,– ասաց նա։

Խոսելով համատեղ զորավարժությունների կարևորության մասին`Փարվանյանը կարծիք հայտնեց, որ հայ և ռուս զինծառայողները, սահմանապահները պետք է կարողանան գործել միասնական հրամանատարության ներքո` հակառակորդի հետ արդյունավետ պայքարելու համար։

«Այդ ներդաշնակությունը ես տեսնում եմ», – ասաց նա։

Փարվանյանի խոսքով` իհարկե կային նաև թերություններ։ «Անթերի գործ չի լինում, բայց այդ թերություններն այնքան չնչին են, որ ես ասում եմ` մեր մարտական խնդիրը այսօր կատարեցինք։ Սակայն դրանք չխանգարեցին կատարել դրված առաջադրանքը»,– ավելացրեց գեներալ –լեյտենանտը։

Հարցին, թե արդյոք վարժանքները որևէ մեկին ուղղված ուղե՞րձ են, Փարվանյանը բացասական պատասխան տվեց։

«Սա մեր մարտական ծրագրի կատարումն է, որը մենք տարեսկզբին մշակել ենք համատեղ Հարավային ռազմական օկրուգի հետ ։ Համաձայն այդ ծրագրի` շարժվում ենք առաջ։ Այսպիսի միջոցառում պետք է իրականացնեինք նաև ապրիլին, բայց համավարակի պատճառով չարեցինք։ Այսպիսի միջոցառումներ լինելու են տարին երկուսից երեք անգամ, սա առաջին անգամը չէ և ոչ մեկին ուղղված ուղերձ չէ. մենք մեր գործն ենք անում», – շեշտեց Փարվանյանը։

«Կովկաս-2020» զորավարժություններն անցկացվում են սեպտեմբերի 21-26-ը ՀՌՕ տարածքում և Սև ու Կասպից ծովերում` ՌԴ ԶՈւ գլխավոր շտաբի պետ, գեներալ Վալերի Գերասիմովի գլխավորությամբ։ Զորավարժություններին մասնակցում է շուրջ 80 հազար մարդ, այդ թվում` ԱԻՆ–ի և Ռոսգվարդիայի աշխատակիցները, ինչպես նաև շուրջ 1000 զինվորականներ Հայաստանից, Բելառուսից, Իրանից, Չինաստանից, Մյանմայից և Պակիստանից։

0
թեգերը:
Տիգրան Փարվանյան, զինծառայող, Ռուսաստան, Զորավարժություններ, Հայաստան
Ըստ թեմայի
Վաղ առավոտից ՀՀ զորամասերում մեկնարկել են հրամանատարաշտաբային զորավարժություններ
Ի՞նչ կապ կա ՀԱՊԿ զորավարժությունների ու տավուշյան դեպքերի միջև. պարզաբանում է Վերանյանը
Հայաստանը Բելառուսում կմասնակցի ՀԱՊԿ–ի խաղաղապահ զորավարժություններին