Արխիվային լուսանկար

Երկար են մնալու․ ինչից ինչ է դարձել Սիրիայում ռուսական բազան

136
Փորձագետների գնահատմամբ՝ Հմեյմիմն ի վիճակի է տեղավորել և մարտական աշխատանքի նախապատրաստել ավելի շատ ինքնաթիռներ, քան այնտեղ տեղակայված են հիմա։ Նույնիսկ ավելի շատ, քան ահաբեկչական խմբավորումներին հարվածներ հասցնելու կիզակետային շրջանում։

ԵՐԵՎԱՆ, 27 օգոստոսի – Sputnik, Նիկոլայ Պրոտոպոպով

Էշելոնացված հակաօդային պաշտպանություն, անվտանգության մի քանի օղակ, ժամանակակից տեխնիկական կառույցներ և կարգավորված զինվորական ավան. ռուս օդաչուները Սիրիայում են արդեն հինգ տարի:

Ռուսական Սու-24Մ-ն Սիրիայի բազայից դուրս է եկել մարտական առաջադրանքի. թռիչքի կադրերը

Այս ընթացքում «Հմեյմիմ» ավիաբազան օրինակելի է դարձել ոչ միայն ուսների համար․ նմանատիպ օբյեկտների կառուցման հարցում ՌԴ պաշտպանության նախարարության փորձով են առաջնորդվում նաև օտարեկրյա պետությունները։ Վերջերս Դամասկոսը Մոսկվային խոստացավ տրամադրել ևս ութ հեկտար հողատարածք՝ զինծառայողների առողջարանային կենտրոն կառուցելու համար։ Ինչպես է փոփոխվել Հմեյմիմը և ինչպիսին են նրա հեռանկարները՝ ՌԻԱ Նովոստի հոդվածում։

Դատարկ դաշտում

Ռուսական խոշորագույն արտասահմանյան ավիաբազայի շինարարությանը ձեռնամուխ եղան 2015թ․-ին, երբ օդատիեզերական ուժերի խումբ ուղարկվեց Սիրիա՝ «Իսլամական պետության» ահաբեկիչների դեմ պատերազմում կառավարական ուժերին աջակցելու համար: Հիմքը դարձավ Լաթաքիա քաղաքից 25 կմ հեռու գտնվող Բասիլ ալ-Ասադի անվան միջազգային օդանավակայանը։

Քաղաքացիական օդանավակայանը մարտական ինքնաթիռներին հարմարեցնելու համար հարկ եղավ նոր ենթակառուցվածքներ ստեղծել, օդակայանային-տեխնիկական սարքավորումներ մոնտաժել, զինծառայողների համար բնակելի շինություններ կառուցել։ Ընդհանուր առմամբ Սիրիա են հասցրել մի քանի հարյուր հազար տոննա զանազան բեռներ։

Օպերացիայի սկզբնական փուլում օպերատիվ խումբը բաղկացած էր ընդամենը մոտ 50 մարտական մեքենաներից՝ Սու-25 գրոհային ինքնաթիռներ, Սու-24 և Սու-34 ռմբակոծիչներ, Սու-30ՍՄ կործանիչներ, Մի-24 և Մի-8ԱՄՏՇ ուղղաթիռներ: Բացի այդ, օպերատիվ կերպով Հմեյմիմ են տեղափոխել վառելիքի լիցքավորման տասնյակ կայաններ։

Օդաչուները և տեխնիկական անձնակազմը բնակություն են հաստատել փոքր մոդուլային վագոններում, որոնցից յուրաքանչյուրը նախատեսված է երկու կամ չորս մարդու համար: Դրանք, ըստ էության, մետաղական կոնտեյներներ են՝ կենցաղային հարմարություններով, օդորակիչներով և ջրատարով։ Մոտակայքում տեղադրված են շարժական հացի փռեր, լվացքի և հագուստի արդուկման տարածքներ, բաղնիքներ՝ ժամում 10 մարդ թողունակությամբ:

Հատուկ օպերացիա․ ՌԴ ԱԴԾ–ն գրոհայինների հավաքագրման կայան է չեզոքացրել

Քիչ ավելի ուշ հայտնվեցին ճաշարաններ, ակումբ, սպորտային հրապարակներ և նույնիսկ ավիաբազայի պատմությանը նվիրված փոքր թանգարան։

«Այստեղ փաստացի դատարկ օդանավակայան էր և օդային երթևեկության կառավարման ծառայություն»,- ՌԻԱ Նովոստիին պատմեց ռազմաարդյունաբերական համալիրի կոլեգիային կից փորձագիտական խորհրդի անդամ Վիկտոր Մուրախովսկին, որն աշխատանքային այցով եղել է ավիաբազայում։

Նա նշեց, որ թռիչքի և ժամանման ոչ մեծ սրահները պահպանել են, բայց դրանք ավելի շատ հավելյալ դեր են խաղում։ Հիմնական շինությունները զրոյից են կառուցել։ Թռիչքուղին վերանորոգել և լայնացրել են։ Հիմա օդանավակայանն ի վիճակի է ընդունել ծանր դասի ինքնաթիռներ, ընդհուպ մինչև ռազմավարական ավիացիա։ Կարևոր է, որ Հմեյմիմն օգտագործում են նաև որպես միջանկյալ կետ աշխարհի այլ շրջաններ, օրինակ՝ Աֆրիկա թռիչքների համար։

Անառիկ ամրոց

Հատուկ ուշադրություն են դարձրել օբյեկտի անվտանգությանը։ Սիրիա են ուղարկվել C-400 հեռահար գործողության զենիթահրթիռային համակարգեր, «Տոր-Մ2» մերձակա գործողության համալիրներ և «Պանցիր-Ս1» զենիթահրթիռային-հրանոթային համալիրներ: ՀՕՊ բազան 20-250 կմ հեռավորության վրա կարող է ոչնչացնել բոլոր տեսակի օդային թիրախները։

«Հմեյմիմում ստեղծվել Է հակաօդային պաշտպանության էշելոնացված համակարգ,-բացատրում է Մուրախովսկին,-Տարբեր հասանելիության և տարբեր տեսակի միջոցներ են օգտագործվում: Մշտական մարտական հերթապահության մեջ են C-400 զենիթահրթիռային կայանը, «Տոր» ԶՀՀ-ն և «Պանցիր» շարժական ԶՀՀ-ն: Բացի այդ, կան ZU-23 զենիթային հրետանային սարքավորումներ։ Հետախուզման, ուղղորդման և թիրախավորման համար պատասխանատու են ռադիոլոկացիոն կայանները, որոնք կարող են հայտնաբերել ցանկացած օդային թիրախ, ներառյալ փոքր չափի անօդաչու թռչող սարքեր և ռեակտիվ արկեր, այդ թվում՝ արհեստագործական արտադրության»։

Ավիաբազայի պահպանության համակարգում երկու պաշտպանական գիծ կա։ Արտաքին պարագիծը ռուս զինվորականների հետ միասին վերահսկում են Սիրիական արաբական բանակի մարտիկները։ Ներքին գծից ներս օտարերկրացիների մուտքն արգելված է։ Անվտանգությունն ապահովում է նաև անօդաչու ավիացիան. Հմեյմիմի երկնքում միաժամանակ և շուրջօրյա պտտվում է շուրջ տասը ԱԹՍ։

Որոշված է` Չինաստանին կխեղդեն տասը հոգով. Ռուսաստանը կհրավիրվի՞

Արտաքին աշխարհի հետ կապն ապահովվում է բոլոր մատչելի միջոցներով ՝ ՈւԿԱ-ռադիոկայաններից մինչև արբանյակային համալիրներ՝ ինտեգրված միասնական համակարգին, որն իր հերթին գործարկվում է Մարտական կառավարման կենտրոնում։

«Խմբավորման հրամանատարը և մարտական կառավարման շտաբն ուղիղ կապի մեջ են Մոսկվայի Պաշտպանության կառավարման կենտրոնի հետ,-նշեց Մուրախովսկին,-հրամանատարը նաև այսպես կոչված դեկոնֆլիկտացիայի գիծ ունի Իրաքի կոալիցիոն խմբավորման ներկայացուցիչների հետ։ Դա համաձայնագիր է ամերիկացիների հետ, որը թույլ է տալիս կանխել միջադեպերը Սիրիայում»։

 Սիրիական առողջարանը

Սիրիայի ավիաբազայի «կահավորման» համար նախատեսված բեռները տեղ էին հասցնում ծովային և օդային ճանապարհով․ մի քանի ամիս շարունակ նավերի ու տրանսպորտային ինքնաթիռների «երամներ» էին ձգվում դեպի Հմեյմիմ։ Չնայած աշխատանքներն ընթանում էին քաղաքացիական կատաղի պատերազմի ժամանակ և ծանր կլիմայական պայմաններոււմ, ռուս մասնագետներին հաջողվեց կարճ ժամանակում կառուցել աշխարհի ամենաժամանակակից և պաշտպանված ռազմական օբյեկտներից մեկը։

Այսօր ավիաբազան պատրաստ է ընդունել ցանկացած տեսակի ինքնաթիռ, այդ թվում՝ Տու-22Մ3 հեռահար ռմբակոծիչներ, Տու-95 և Տու-160 ռազմավարական հրթիռակիրներ: Օդանավակայանում տեղակայել են վառելիքի կենտրոնացված լիցքավորման համակարգը՝ միաժամանակ տասնյակ թռչող սարքեր սպասարկելու հնարավորությամբ, ավիացիոն տեխնիկայի համար խիստ պաշտպանված թաքստոցներ են կառուցել:

Փորձագետների գնահատմամբ՝ Հմեյմիմն ի վիճակի է տեղավորել և մարտական աշխատանքի նախապատրաստել ավելի շատ ինքնաթիռներ, քան այնտեղ տեղակայված են հիմա։ Նույնիսկ ավելի շատ, քան ահաբեկչական խմբավորումներին հարվածներ հասցնելու կիզակետային շրջանում։

Իսրայելական «դրոնաթափ». Հրեական պետությունը կվերանայի՞ Ադրբեջանի հետ իր քաղաքականությունը

Փորձագետն ընդգծում է, որ ինքնաթիռները կարելի է թաքցնել հուսալի թաքստոցներում։ Հատուկ շինություններում պահեստավորվում են նաև վառելիքի, հրթիռների, զինամթերքի պաշարներ, կա հրթիռահրետանային սպառազինության փոխադրման համար անհրաժեշտ ողջ տեխնիկան: Հայտնի է, որ քաղաքացիական պատերազմի ամենածանր պահերին ինքնաթիռները լիակատար մարտական բեռնվածությամբ օրական մի քանի թռիչք են կատարել։  

Թիկունքային ապահովման տեսանկյունից ռուս զինվորականների համար բավական հարմարավետ պայմաններ են ստեղծել։ Նրանք հիմնականում սնվում են մատակարարվող մթերքներով, բայց սննդակարգում խիստ սանիտարական հսկողությամբ ավելացնում են նաև տեղական պարենային ապրանքներ։

Սիրիական կառավարության կողմից Ռուսաստանին հատկացված նոր հողատարածքը նախատեսված է առաջին հերթին բժշկական առողջարանական համալիրի կառուցման համար:

«Կենտրոնը, ամենայն հավանականությամբ, կօգտագործեն ոչ միայն Սիրիայում ծառայողական գործուղման մեջ գտնվող զինծառայողները, այլև առհասարակ ՌԴ զինված ուժերը»,-նշում է Մուրախովսկին,-Հայտնի է, որ մեր զինվորականների համար արտասահմանյան առողջարանները փակ են։ Իսկ Լաթաքիայի ափը դրախտային վայր է։ Այստեղ գալիս են անգամ Արաբական Էմիրություններից։ Տեղացիները դժվար թե այցելեն այդ համալիրը, նրանք առանց այդ էլ ծովում հանգստանալու բոլոր հնարավորություններն ունեն»։

Ինչ էլ լինի՝ հինգ տարվա ընթացքում Հմեյմիմի ավիաբազան մի քանի անգարով և մեկ տերմինալով ոչ մեծ օդանավակայանից վերածվել է քաղաքի՝ փողոցներով, հրապարակներով և անգամ զբոսայգով։ Փողոցները կոչվում են սիրիական օպերացիաների հերոսների կամ հայտնի զորահրամանատարների` Ռուսաստանի Դաշնության հերոսներ գեներալ Վալերի Ասապովի, օդաչուներ Օլեգ Պեշկովի և Ռոման Ֆիլիպովի (որոնք զոհվել են Սիրիայում), ԽՍՀՄ հերոս, բանակի գեներալ Վասիլի Մարգելովի անուններով։

Չպայթած արկեր, հակատանկային ականներ. հայ սակրավորների աշխատանքը Սիրիայում. լուսանկարներ

136
թեգերը:
ռազմաբազա, Ռուսաստան, Սիրիա
Ըստ թեմայի
Անձնական ոչինչ․ ԱՄՆ-ն Ռուսաստանից ռեկորդային քանակի նավթ է գնել
«Ֆինանսական դաշինք»․ Ռուսաստանն ու Չինաստանը հրաժարվում են դոլարից
Ռուսաստանը չի ցանկանում, որ Անդրկովկասում լարվածության աճ լինի. Շոյգու
Հրետակոծությունից վնասված տուն Հադրութում

Արցախյան սրացումը և ռուսական գործոնը Կովկասում

464
ԼՂՀ–ում զինված դիմակայության սրացումը, Բաքվի և Երևանի երկար տարիների ռազմաքաղաքական հակասություններն այսօր երրորդ երկրներն օգտագործում են որպես գործիքներ` ոչ բարի նպատակների հասնելու համար։

Ալեքսանդր Խրոլենկո, ռազմական վերլուծաբան

Տպավորություն է ստեղծվում, որ ինչ–որ մեկը ձգտում է Ռուսաստանին Կովկասում ներքաշել մեծ պատերազմի մեջ Բելառուսից, Սիրիայից,  «Հյուսիսային հոսք-2»–ից և աշխարհաքաղաքական դիմակայման այլ կետերից նրա ուժերն ու միջոցները շեղելու համար։ Հակամարտության անմիջական մասնակիցները` Երևանն ու Բաքուն, գիտակցաբար կամ հարկադրաբար «քաշում են» Մոսկվային, քանդում ԱՊՀ և ՀԱՊԿ անվտանգության համակարգը։

Կան նաև աշխարհաքաղաքական ռիսկեր, կապված սեփական շահերը Կովկասում ունեցող մի շարք արևմտյան երկրների «ուժերի արտաքին պրոյեկտման» հետ։

ԼՂՀ խնդիրը ռազմական ճանապարհով չի լուծվում։  Կարգավորման այս կանխադրույթի հետ համաձայն են հակամարտության երկու կողմերը` Ադրբեջանն ու Հայաստանը (որը պաշտպանում է բանակցությունների կողմ չհանդիսացող ԼՂՀ շահերը) և ԵԱՀԿ ՄԽ–ն իր երեք համանախագահների` Ռուսաստանի, ԱՄՆ–ի և Ֆրանսիայի գլխավորությամբ։ Բանակցային գործընթացը ընթանում է դանդաղ և դժվար, սակայն օբյեկտիվ պատճառներ չկան, որպեսզի սեպտեմբերի 27-ը վերածվի ակտիվ ռազմական գործողությունների` ծանր հրետանու, տանկերի, հրթիռային համալիրների և հարվածային ավիացիայի կիրառմամբ։

Հայաստանի և Ադրբեջանի ռազմական գերատեսչությունների ծավալած «մրցակցությունը» հակառակորդի խոցված տանկերի տեսանյութերի հրապարակման առումով, երկու կողմից մտահոգիչ վիճակագրությունը Ռուսաստանում անկեղծ կարեկցանք է առաջացնում հայ և ադրբեջանցի ժողովուրդների նկատմամբ։ Օբյեկտիվորեն մարտական գործողությունները շահավետ չեն հակամարտության և ոչ մի կողմի համար, և հետագա էսկալացիայի դեպքում կարող են ամենաանսպասելի հետևանքները լինել. օտարերկրյա խաղաղապահների  մուտք (անվտանգության գոտիների ձևավորում) կամ դեպքերի ամենաբացասական զարգացումների դեպքում` ՀԱՊԿ անդամ–երկրների (նախևառաջ` Ռուսաստանի-ի) և ՆԱՏՕ–ի (ակնարկում է Թուրքիան) մասնակցությամբ լայնածավալ պատերազմ Հարավային Կովկասում։

Ռուսաստանի 20 հազար հայ կամավորագրվել են Արցախ մեկնելու համար. Արա Աբրահամյան

Հիշեցնեմ, որ ադրբեջանահայկական բնակչությամբ տարածաշրջանում հակամարտությունը սկսվել է 1988 թվականի փետրվարին, երբ ԼՂՀ ինքնավար մարզը հայտարարեց Ադրբեջանական ԽՍՀ–ի կազմից դուրս գալու մասին։ Առաջին փուլում խաղաղապահների դերը կատարում էին ԽՍՀՄ ՆԳՆ ներքին զորքերը, որոնց հաջողվում էր երեք տարի զսպել ակտիվ զինված հակամարտությունը։ Խորհրդային Միության փլուզումից  և ներքին զորքերի դուրսբերումից հետո մարտերը նոր թափ առան, և 1994 թվականին Ադրբեջանը կորցրեց վերահսկողությունը ԼՂՀ մեծ մասի և 7 հարակից շրջանների նկատմամբ։ ԵԱՀԿ ՄԽ–ի շրջանակում հակամարտության խաղաղ կարգավորմանն ուղղված բանակցություններն ընթանում են 1992 թվականից, ժամանակ առ ժամանակ զինված դիմակայությունը սրվում է։

Անհապաղ դադարեցնել կրակը

Մարտական գործողությունների յուրաքանչյուր օրը նոր զոհեր և ավերումներ է խոստանում։ Ստեղծված իրավիճակում արդեն սկզբունքային չէ, թե սեպտեմբերի 27-ին առաջինն ո՞վ է կրակ բացել ծանր հրետանուց և տանկերից, ո՞վ մարտի դաշտում օպերատիվ արվեստի ոլորտում կցուցադրի իր գերակայությունը։ Այսօր գլխավորը ԼՂՀ սահմանին էսկալացիան կասեցնելն է, բանակցությունների սեղանի շուրջ վերադառնալն ու մարդկային կյանքերը պահպանելն է։ Պետք չէ մոռանալ նաև դաշնակցային պարտավորությունների մասին։

Եթե Բաքուն և Երևանն իրենց Մոսկվայի դաշնակից են համարում, նրանք պետք է հաշվի առնեն ռուսական դիրքորոշումը, գիտակցեն փոխհարաբերությունների առկա համակարգի ու տարածաշրջանային անվտանգության համակարգի փլուզման հետևանքները։ Նույնիսկ հաշվի առնելով դժվարագույն հակասությունների փունջը, զինված հակամարտության կողմերի ծանրակշիռ փաստարկներն ու պատճառաբանությունները, Ռուսաստանին Կովկասում պատերազմ հարկավոր չէ։ ՌԴ ԱԳՆ-ում ԼՂՀ հակամարտության կողմերին կոչ են արել «անհապաղ դադարեցնել կրակը»։

Կարծում եմ, բանականությունը կհաղթանակի, և իրավիճակը տարածաշրջանում չի հասնի կոալիցիոն խմբավորումների մասնակցությամբ լայնամասշտաբ ռազմական էսկալացիայի։ Առավել ևս, որ միջազգային արձագանքը ղարաբաղյան սրացման նկատմամբ ընդհանուր առմամբ կառուցողական է։ Մտահոգություն են հայտնում և միջնորդական ծառայություններ են առաջարկում ԵՄ երկրները, ԱՄՆ-ը, Իրանը։

Ուժային սցենարի զարգացմանն աջակցում է միայն Թուքիայի նախագահ Ռեջեփ Թայիփ Էրդողանը, բայց գերազանցապես խոսքերով։ Նույնիսկ ռազմատենչ Անկարան Հարավային Կովկասում ծավալված վտանգավոր խաղում կորցնելու բան ունի։ Հայաստանի վրա հարձակումն անխուսափելիորեն կառաջացնի ՀԱՊԿ-ի պատասխանը, այսինքն պատերազմ Ռուսաստանի հետ (իսկ դա Հունաստանն ու Կիպրոսը չեն)։ Ո՞վ է թեժ իրադարձությունների հիմնական պատվիրատուն և շահառուն։

Զարմանալի պայծառատեսություն

Զգալիորեն կանխելով իրադարձություններն ու դրանց նկատմամբ Վաշինգտոնի պաշտոնական արձագանքը, ԱՄՆ–ի դիվանագիտական ներկայացուցչությունները Ադրբեջանում և Հայաստանում ուրբաթ օրը` սեպտեմբերի 25-ին, նախազգուշացրին իրենց քաղաքացիներին սրվող իրավիճակի վերաբերյալ։  Հայաստանում ԱՄՆ դեսպանատունը խորհուրդ էր տվել զերծ մնալ ԼՂՀ, Դիլիջանի ազգային պարկից հյուսիս ընկած շրջաններ (մինչև Տավուշի մարզում Վրաստանի հետ սահման) այցելությունից։ Նույն օրը Ադրբեջանում ԱՄՆ դեսպանատունը կոչ արեց իր քաղաքացիներին դուրս չգալ Ապշերոնյան  թերակղզու սահմաններից «հայ–ադրբեջանական սահմանագոտում լարվածության սրացման հետ կապված»։ Գուցե սա ոչ թե սովորական զուգադիպություն է, այլ բարդ ռազմաքաղաքական կոմբինացիայի հետևանք։

Արցախի խաղաղ բնակչության շրջանում կա 4 զոհ. ՄԻՊ

Ռուսաստանի սահմանների մոտ տնտեսական և ռազմական ոլորտներում գերակայություն հաստատելու Միացյալ Նահանգների ձգտմանը լիովին համապատասխանում են Կովկասում և այլ տարածաշրջաններում միջին ինտենսիվության մի շարք ծրագրված զինված հակամարտությունները։  ԱՊՀ երկրների բնակիչներին նրանք չեն խղճում, իսկ ռուսական ռեսուրսները երաշխավորված կուղղվեն ռազմական սպառնալիքը վերացնելուն։  Այսինքն, Մոսկվայի մոտ պակաս ուժ և միջոցներ կմնա աշխարհի այլ հատվածներում Վաշինգտոնի հետ մրցակցելու համար։ ԼՂՀ հակամարտության սրացումը ակնհայտորեն խնդիրներ է ստեղծում Ռուսաստանի համար և լիովին համապատասխանում ԱՄՆ ազգային շահերին։

 

464
թեգերը:
հայ-ադրբեջանական, ԱՄՆ, Ռուսաստան, Արցախ
Ըստ թեմայի
Ռուսաստանը մշտական շփման մեջ է նաև ԵԱՀԿ ՄԽ համանախագահների հետ
Ռուսաստանը Թուրքիային զսպելու համարժեք գործիքակազմ ունի. թուրքագետ
«Հենց նոր ուղղաթիռ ենք խոցել, հավանական է` ուղղաթիռներ». Արծրուն Հովհաննիսյան
Նիկոլ Փաշինյանն ու Վլադիմիր Պուտինը. արխիվային լուսանկար

Պուտինն ու Փաշինյանը հեռախոսազրույց են ունեցել

801
(Թարմացված է 20:57 29.09.2020)
Հեռախոսազրույցը տեղի է ունեցել ՀՀ վարչապետ Նիկոլ Փաշինյանի նախաձեռնությամբ։

ԵՐԵՎԱՆ, 29 սեպտեմբերի - Sputnik. Ռուսաստանի նախագահ Վլադիմիր Պուտինը հեռախոսազրույց է ունեցել Հայաստանի վարչապետ Նիկոլ Փաշինյանի հետ: Տեղեկությունը հայտնում է Կրեմլի մամուլի ծառայությունը:

«Հայկական կողմի նախաձեռնությամբ Ռուսաստանի Դաշնության նախագահ Վլադիմիր Պուտինը հեռախոսազրույց է ունեցել Հայաստանի Հանրապետության վարչապետ Նիկոլ Փաշինյանի հետ»,-ասված է հաղորդագրության մեջ:

Նշվում է, որ Պուտինի և Փաշինյանի հեռախոսազրույցի ընթացքում շեշտվել է հակամարտող կողմերի միջև հրադադարի անհրաժեշտությունը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

ԱԳՆ-ն հերքում է. Հայաստանն Ադրբեջանի Դաշքեսանի շրջանը չի հրթիռակոծել

Ըստ այս պահին հայտնի տեղեկությունների` Ադրբեջանը զրկվել է նաև 52 ԱԹՍ–ից, 6 ուղղաթիռից, 92 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանի ԶՈւ–ի թիրախ դարձած Մարտունին «Գրադից» հետո. լուսանկարներ, տեսանյութ

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

801
թեգերը:
հեռախոսազրույց, Նիկոլ Փաշինյան, Վլադիմիր Պուտին
Ըստ թեմայի
«Դա անհնար է». Փաշինյանն ասաց` ինչ է պետք բանակցությունների համար
Թուրքիան ու այլ երկրներ չպետք է միջամտեն Հայաստանի և Ադրբեջանի հակամարտությանը. Բայդեն
Փաշինյանը զանգել է Պուտինին
Վրաց-թուրքական սահման

Սամցխե Ջավախքի հայերը փակել են Թուրքիայի հետ սահմանը. ո՞րն է նրանց պահանջը

17
(Թարմացված է 03:01 30.09.2020)
Այս պահին ցուցարարները հեռացել են: Նրանք մտադիր են հայ-վրացական սահմանի բացման հարցը լուծել այլ ճանապարհով։

ԵՐԵՎԱՆ, 30 սեպտեմբերի Sputnik. Սամցխե Ջավախքի տարածաշրջանից հարյուրավոր հայեր ի նշան բողոքի մի քանի ժամով փակել են վրաց-թուրքական սահմանը։ Այս մասին Sputnik Արմենիայի թղթակցի հետ զրույցում ասել է Վրաստանի խորհրդարանի նախկին պատգամավոր Սամվել Պետրոսյանը։

Ցուցարարները Վրաստանի իշխանություններից պահանջել են բացել հայ-վրացական սահմանը ՝ հումանիտար բեռը Ղարաբաղ հասցնելու համար և թույլատրել կամավորների մեկնումը Արցախ։ Բացի այդ, ցուցարարները կասկածներ են հայտնել, որ Թուրքիան Վրաստանի տարածքով ռազմական բեռ է հասցնում Ադրբեջան։

Նշենք, որ նոր տիպի SARS-CoV-2 կորոնավիրուսային համաճարակի բռնկման պահից երկու երկրների միջև սահմանը փակ է։ Բացառություն են կազմում բեռնափոխադրումները։

«Սա մեզ համար առանձնակի ցավոտ է». Վրաստանի պատրիարք Իլյա II–ը դիմել է Երևանին և Բաքվին

Պետրոսյանը նշել է, որ ցուցարարները հասկացել են՝ արմատական (ռադիկալ) միջոցներով հարցը չի կարող լուծվել, և որոշել են չվնասել հայ-վրացական հարաբերությունները:

Ավելի վաղ Վրաստանի պաշտպանության և ազգային անվտանգության խորհրդարանական հանձնաժողովի նախագահ Իրակլի Սեսիաշվիլին հայտարարել էր, որ Վրաստանի տարածքը չի կարող օգտագործվել որևէ երկրի ռազմական շահերից ելնելով, և, որ դրանով է պայմանավորված Վրաստանի տարածքով ռազմական բեռների տարանցման արգելքը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Պաստառներ ձկնկիթի փոխարեն․ հայերի հանրահավաքն ու Փարիզում Ադրբեջանի դեսպանատան արձագանքը

 

17
թեգերը:
Բողոքի ակցիա, Սահման, Վրաստանի Հանրապետություն, Ադրբեջան, Պատերազմ, Արցախ
Ըստ թեմայի
Հայ զինծառայողները մի քանի վայրկյանում երկու ԱԹՍ են խոցում. տեսանյութ
Ադրբեջանը 790 զոհ ունի, որից 180-ը` Քարվաճառի ուղղությամբ. Արծրուն Հովհաննիսյան
Հայկական զինուժը խոցել է հակառակորդի զինամթերքով բեռնված մեքենաների շարասյունը. տեսանյութ
Որտե՞ղ են տեղավորվել Արցախից տարհանված մարդիկ. ԱՀ պետնախարարը մանրամասներ է հայտնում