Լաբորատորիա

Ռուսաստանի մասնագետները կորոնավիրուսն օդում հայտնաբերող սարք են ստեղծել

47
(Թարմացված է 15:21 27.08.2020)
Սարքավորման պետական փորձարկումներն ավարտվել են հունիսին, նախապատրաստվում է հավաստագրման գործընթացը։

ԵՐԵՎԱՆ, 27 օգոստոսի – Sputnik. Կրասնոգորսկի Ս․Ա․ Զվերևի անվան գործարանը («Շվաբե», ընդգրկված է «Ռոստեխ» ընկերությունների կազմում) «Բանակ-2020» համաժողովի ընթացքում ներկայացրել է Ռուսաստանում առաջին սարքավորումը, որը վիրուսները (այդ թվում` կորոնավիրուսը) հայտնաբերում է օդում։ Ձեռնարկության գլխավոր տնօրեն Ալեքսանդր Նովիկովն այդ մասին հայտնել է ՌԻԱ Նովոստիին տված հարցազրույցում։

Նրա խոսքով` «Դետեկտոր-ԲԻՈ-ն» կարող է տարբերակել նաև բակտերիաներն ու թունանյութերը։ Սարքավորումը մշակվել է ՌԴ ԱՆ Գամալեայի անվան համաճարակաբանության և միկրոկենսաբանության գիտահետազոտական կենտրոնի հետ համատեղ։

«Այս սարքի օգնությամբ օդի փորձանմուշի ավտոմատ անալիզը տևում է 10-30 րոպե՝ կախված պաթոգենների խտությունից և այլ գործոններից»,-ասել է Նովիկովը։

Նրա խոսքով՝ սարքավորման պետական փորձարկումներն ավարտվել են հունիսին, իսկ հավաստագրումը դեռ նախապատրաստական փուլում է, ուստի պատվերների մասին խոսելը դեռ վաղ է։

«Բայց մենք պատրաստ ենք և անհրաժեշտության դեպքում կարող ենք արտադրել այնքան, որքան պետք կլինի պատվիրատուին։ Կարևոր է, որ սարքն արձագանքում է օդում առկա զանազան պաթոգեններին, ուստի այն կարելի է կիրառել ինչպես քաղաքացիական նպատակներով, այնպես էլ կենսաբանական անվտանգության ապահովման համար»,-նշել է Նովիկովը։

Ռուսաստանում COVID-19-ի դեմ պայքարող ջերմազգայուն տեսախցիկներ են ստեղծել

«Շվաբե» հոլդինգի մամուլի ծառայությունից հայտնել են, որ «Դետեկտոր-ԲԻՈ»-ն բացառիկ արտադրանք է։ Սարքն ավտոմատ ռեժիմում կարող է հայտնաբերել ինֆեկցիոն հիվանդությունների մինչև 86 հարուցիչներ՝ վիրուսային և մանրէածին բնույթի, ինչպես նաև շրջակա միջավայրի օդում առկա տոքսինները։

Անալիզն իրականացվում է երկու անկախ մեթոդով․ պոլիմերազային շղթայական ռեակցիա՝ իրական ժամանակի ռեժիմում, և իմունոֆլուորեսցենցիա։ Սարքը նախատեսված է մարդկանց զանգվածային կուտակման վայրերում, զանգվածային միջոցառումների ժամանակ, ենթակառուցվածքային օբյեկտներում, մետրոյում, օդանավակայաններում, երկաթուղային կայարաններում և տրանսպորտային հանգույցներում անվտանգություն ապահովելու համար:

«Ռոստեխի» և Ռուսաստանի առողջապահության նախարարության միջև տեխնոլոգիական գործընկերության շրջանակում «Շվաբեն» հանդես է գալիս որպես ինտեգրացիոն կենտրոն՝ առաջատար գիտական կազմակերպությունների կողմից մշակված կենսաբանական անվտանգության սարքավորումների, ինչպես նաև արտադրատեսակների՝ փոքր և միջին բիզնեսի կազմակերպությունների ներգրավմամբ ստեղծված փորձանմուշների արդյունաբերական արտադրության համար։

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում:

Համաշխարհային վիճակագրությունների Worldometer կայքի տվյալներով՝ օգոստոսի 27-ի դրությամբ աշխարհում կորոնավիրուսով վարակվելու հաստատված դեպքերի թիվը հասել է 24,3 միլիոնի։ Համավարակի զոհ է դարձել ավելի քան 830 հազար մարդ։

Որքան է պետք սպասել․ COVID-19-ի դեմ պատվաստումների սկզբում ՌԴ–ում դեղամիջոցի դեֆիցիտ կլինի

47
թեգերը:
Սարք, կորոնավիրուս, Ռուսաստան
թեմա:
Կորոնավիրուսը աշխարհում (904)
Ըստ թեմայի
Մրցավազքը 6 երկիր է գլխավորում. հայ պրոֆեսորը` կորոնավիրուսի դեմ պատվաստանյութերի մասին
Հայտնի են կորոնավիրուսի դեմ չինական պատվաստանյութի փորձարկման արդյունքները
Ինչ ազդեցություն և հետևանք է թողնում  COVID-19-ի դեմ ռուսական պատվաստանյութը
Մոսկվայի և համայն Ռուսիո պատրիարք Կիրիլ

Պատրիարք Կիրիլն աղոթում է Ղարաբաղի խաղաղության համար․ Ռուս ուղղափառ եկեղեցի

52
(Թարմացված է 21:05 27.09.2020)
Ռուս ուղղափառ եկեղեցին միշտ աջակցել է հայկական ու ադրբեջանական կրոնական համայնքների երկխոսության պահպանմանը ու պատրաստ է շարունակել կատարել այդ առաքելությունը։

ԵՐԵՎԱՆ, 27 սեպտեմբերի – Sputnik. Մոսկվայի և համայն Ռուսիո պատրիարք Կիրիլն աղոթում է Ղարաբաղի հակամարտության արագ խաղաղ ավարտի համար։ Տեղեկությունը Telegram-ի իր ալիքում հրապարակել է Ռուս ուղղափառ եկեղեցու պաշտոնական խոսնակ Վլադիմիր Լեգոյդան։

 «Պատրիարքը կարևորում է երկու երկրների հոգևոր առաջնորդների դերակատարությունը․ նրանք պետք է ամեն ջանք գործադրեն խաղաղություն հաստատելու համար»,  - գրել է նա։

Լեգոյդայի խոսքով՝ Ռուս ուղղափառ եկեղեցին միշտ աջակցել է հայկական ու ադրբեջանական կրոնական համայնքների երկխոսության պահպանմանը ու պատրաստ է շարունակել կատարել այդ առաքելությունը։

Ադամ Շիֆը կոչ է արել պարզել, թե ով է բախումների նախաձեռնողը՝ Ադրբեջանին պատժելու համար

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

52
թեգերը:
հայ-ադրբեջանական, Արցախ, Մոսկվայի և Համայն Ռուսիո պատրիարք Կիրիլ Ա
թեմա:
Ադրբեջանական ագրեսիա Արցախում. 2020
Ըստ թեմայի
Մեր ու մանուկ, ամբողջ ազգով կանգնելու ենք ու հաղթենք. ԵԿՄ-ն պատրաստ է մեկնել Արցախ
Հայկական կողմը հերթական ԱԹՍ–ն է խոցել
Արցախում մարդկային և գույքային կորուստների, պատճառված վնասի առթիվ քրգործեր են հարուցվել
Նիկոլ Փաշինյանն ու Վլադիմիր Պուտինը. արխիվային լուսանկար

Փաշինյանը զանգել է Պուտինին

1608
(Թարմացված է 20:26 27.09.2020)
Հայաստանի վարչապետն ու Ռուսաստանի նախագահը շեշտել են, որ պետք է ամեն ինչ անել Լեռնային Ղարաբաղում ռազմական գործողությունները դադարեցնելու համար։

ԵՐԵՎԱՆ, 27 սեպտեմբերի - Sputnik. ՀՀ վարչապետ Նիկոլ Փաշինյանը Արցախում իրավիճակի սրման հետ կապված զանգել է ՌԴ նախագահ Վլադիմիր Պուտինին։ Տեղեկությունը հայտնում է Կրեմլի մամուլի ծառայությունը։

 

Վարչապետ Փաշինյանը մանրամասն անդրադարձել է ղարաբաղա-ադրբեջանական հակամարտ զորքերի շփման գծում իրավիճակին: Նիկոլ Փաշինյանը խորը մտահոգություն է հայտնել ադրբեջանական կողմից սանձազերծված ռազմական գործողությունների կապակցությամբ, որոնք ագրեսիա են Լեռնային Ղարաբաղի դեմ: Նա անթույլատրելի է համարել էսկալացիայի հետագա զարգացումը և դրանում արտատարածաշրջանային ուժերի ներգրավումը:

Վլադիմիր Պուտինը խորը մտահոգություն է հայտնել լայնամասշտաբ ռազմական գործողությունների կապակցությամբ: ՌԴ նախագահն ընդգծել է անհրաժեշտ ջանքերի ներդրման կարևորությունը, որպեսզի թույլ չտրվի հակամարտության հետագա էսկալացիա և դադարեցվեն ռազմական գործողությունները:

Ես պատրաստ եմ զոհվելու, հայ ժողովուրդը ծնկած չի եղել և չի լինի. Փաշինյան

Հիշեցնենք, որ այսօր` սեպտեմբերի 27–ի վաղ առավոտյան, Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 16 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։

Արցախում և Հայաստանում ռազմական դրություն և համատարած զորահավաք է հայտարարվել։

Հայաստանի ամբողջ տարածքում հայտարարվել է ռազմական դրություն. կառավարության որոշումը

1608
թեգերը:
Ղարաբաղյան հակամարտություն, Արցախ, Վլադիմիր Պուտին, Նիկոլ Փաշինյան
թեմա:
Ադրբեջանական ագրեսիա Արցախում. 2020
Ըստ թեմայի
ՆԱՏՕ-ն մտահոգված է արցախյան էսկալացիայով ու կողմերին կոչ է անում դադարեցնել կրակը
Բոլոր 16 զոհվածներն էլ զինծառայողներ են. Արծրուն Հովհաննիսյան
Մենք պետք է լուծենք այս հարցը. Մարուքյանը վարչապետին հորդորեց առաջ գնալու հրաման տալ
Հիվանդանոց, արխիվային լուսանկար

Հիվանդանոցները միայն անհետաձգելի բուժօգնություն կտրամադրեն . Թորոսյանը հրաման է ստորագրել

17
(Թարմացված է 00:50 28.09.2020)
Հիվանդանոցային պայմաններում բուժվող քաղաքացիները դուրս կգրվեն` նրանց առողջական վիճակի գնահատումից հետո։

ԵՐԵՎԱՆ, 28 սեպտեմբերի– Sputnik. Դադարեցվում է բժշկական կազմակերպություններ պլանային կարգով բուժօգնության համար դիմած քաղաքացիների ընդունումը: Առողջապահության նախարարության մամուլի ծառայության հաղորդմամբ`այս մասին հրաման է ստորագրել նախարար Արսեն Թորոսյանը։

«Հիմք ընդունելով «Ռազմական դրության իրավական ռեժիմի մասին» օրենքի 12-րդ հոդվածի 1-ին մասի «դ» կետը, Հայաստանի Հանրապետության կառավարության 2020 թվականի օգոստոսի 20-ի թիվ 1370-Ա որոշման հավելվածի 1-ին կետի 1-ին ենթակետը` Հայաստանի Հանրապետությունում ռազմական դրությամբ պայմանավորված բնակչության բժշկական օգնությունը և սպասարկումը կազմակերպելու նպատակով առողջապահության նախարար Արսեն Թորոսյանը հրաման է ստորագրել, ըստ որի` դադարեցվում է բժշկական կազմակերպություններ պլանային կարգով հիվանդանոցային բուժօգնության համար դիմած պացիենտների ընդունումը»,– նշված է հաղորդագրության մեջ։

Ըստ հրամանի` կիրականացվեն բացառապես վերակենդանացման միջոցառումներ, անհետաձգելի բժշկական օգնություն և սպասարկում պահանջող հիվանդների ընդունում: Հիվանդանոցային պայմաններում բուժվող քաղաքացիները դուրս կգրվեն` նրանց առողջական վիճակի գնահատումից հետո։ Հետագա հսկողությունը կկազմակերպվի սպասարկող առողջության առաջնային պահպանման հաստատությունների միջոցով:

Ադրբեջանական հրետակոծության հետևանքով նաև հղի կին է տուժել

Նախարարությունը լիահույս է, որ մեր համաքաղաքացիներն ըմբռնումով կմոտենան կայացված որոշմանը և կհետաձգեն իրենց հիվանդանոցային պլանային այցելությունները մինչև ռազմական դրության ավարտը:

17
թեգերը:
հիվանդանոց, Արսեն Թորոսյան, ՀՀ Առողջապահության նախարարություն, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
11 միավոր զրահատեխնիկա, այդ թվում՝ ՀՄՄ-3. հայկական կողմն առգրավել է հակառակորդի տեխնիկան
Մակրոնը մտահոգություն է հայտնել. Փաշինյանը զրուցել է Ֆրանսիայի նախագահի հետ
Հակառակորդի կորուստների թիվն ավելացել է. ևս 1 ուղղաթիռ, 3 տանկ և 7 ԱԹՍ է խոցվել
Տեղեկություններ կան, որ Թուրքիան ավելի քան 300 վարձկան է ուղարկել Ադրբեջան. Սաֆրաստյան