Կիբեռհարձակումների 75%-ն ԱՄՆ-ից է իրականացվում․ ՌԴ անվտանգության խորհուրդ
(Թարմացված է 16:55 25.08.2020)
ՌԴ անվտանգության խորհրդի փոխքարտուղար Օլեգ Վրամովը կարծում է, որ ԱՄՆ-ը հնարովի պատրվակներով ավելացնում է կիբեր-հարձակումների հնարավորությունները Ռուսաստանի վրա, ուստի Մոսկվան պետք է պաշտպանական միջոցներ ձեռնարկի:ԵՐԵՎԱՆ, 25 օգոստոսի – Sputnik. ԱՄՆ-ը և նրա դաշնակիցները ուժեղացնում են հետախուզական և ապակառուցողական գործողությունները այլ երկրների կիբեռտարածքում։ Տեղեկությունը, «Ռիա նովոստիի» փոխանցմամբ, հայտարարել է Ռուսաստանի Անվտանգության խորհրդի քարտուղարի տեղակալ Օլեգ Խրամովը «Аргументы и факты» թերթին տված հարցազրույցում։
«Իսկ մյուս (կողմից - խմբ․) Ռուսաստանը, Չինաստանը, Հյուսիսային Կորեան և Իրանն են հայտարարում կիբեռսպառնալիքների հիմնական աղբյուրների մասին»,-ասել է նա։
Ըստ Խրամով՝ ԱՄՆ-ը «նպատակաուղղված կերպով մեդիապատկեր է ձևավորում», որի նպատակն է միջազգային հանրության աչքում արդարացնել ցանկացած հետագա գործողություն, այդ թվում՝ ուժային բնույթի։
Նրա խոսքով՝ «տեղեկատվական ոլորտում դիմակայության արհեստական սրման» արդյունք է դառնում լարվածությունը միջազգային հարաբերություններում, համաշխարհային տնտեսության զարգացման արգելակումը՝ պատժամիջոցների հետևանքով, ինչպես նաև վստահության խարխլումը առհասարակ թվայնացման գործընթացների հանդեպ:
Հայաստանը համաշխարհային կիբեռպատերազմում պաշտպանվողի դերում է
«Նման պայմաններում զարմանալի չէ, որ պետությունները թվային ինքնաբավության հասնելու գիծն են բռնել։ Այն ուղղակիորեն բխում է թվային դարաշրջանում պետության ինքնիշխանությունը պահպանելու անհրաժեշտությունից»,-նշել է Խրամովը։
Նա ընդգծել է, որ աշխարհում տեղի ունեցող կիբեռհարձակումների զգալի թվի հետևում կանգնած է ԱՄՆ-ը։
«Վնասակար ակտիվության վիճակագրության մեջ ամերիկացիները զգալի կերպով առաջ են անցնում մյուսներից․ 2016-2019 թվականներին՝ 40-75%՝ կախված վնասաբեր ազդեցությունների տեսակից»,- շեշտել է նա։
Նրա խոսքով՝ «այդ վիճակագրության ընդամենը 2-7%-ն է բաժին ընկնում Ռուսաստանին։
«Այս տվյալները, որոնք Արևմուտքում չեն բարձրաձայնում և բաց հասանելիություն չունեն, ցանկացած ողջամիտ մարդու համար ակնհայտ ցույց են տալիս կիբեռտարածքում ռուսական տոտալ սպառնալիքի մասին թեզի անճարությունը»,-ասել է ՌԴ ԱԽ փոխքարտուղարը։
Խրամով կարծում է, որ ԱՄՆ-ն հնարովի պատրվակներով ավելացնում է կիբեռհարձակումների հնարավորությունները Ռուսաստանի վրա, ուստի Մոսկվան պետք է պաշտպանական միջոցներ ձեռնարկի։
«Վերջին նմանատիպ ակցիաներից, մասնավորապես, կարելի է նշել 2019 թ․-ի հոկտեմբերին Վրաստանի պետական մարմինների և ԶԼՄ-ների վրա կիբեռգրոհների համար Ռուսաստանի հասցեին անապացույց մեղադրանքների առաջադրման փաստը»,-ասել է նա։
©
Sputnik / Наталья Селиверстова
Ճիշտ նույնկերպ, Խրամովի խոսքով, «աղմուկ էին բարձրացնում նաև Չեխիայի՝ կորոնավիրուսի դեմ պայքարում ներգրավված առողջապահության օբյեկտների վրա անմարդկային հարձակումների շուրջ»։
««Ռուս ցանցահեններին» փորձում են վերագրել ԱՄՆ-ի, Մեծ Բրիտանիայի և Կանադայի՝ COVID-19-ի դեմ պատվաստանյութեր մշակողների ցանցերին հասանելիություն ստանալու փորձերի համար։Այս խնդիրը «փոխառությունների դրամ» է դարձել ամերիկյան քաղաքական էլիտաների սրված հակամարտություններում»,-նկատել է ԱԽ փոխքարտուղարը։
Նա հիշեցրել է, որ ԱՄՆ նախագահ Դոնալդ Թրամփը կարգադրել է գաղտնի կիբեռգրոհ սկսել ռուսական Ինտերնետ-հետազոտությունների գործակալության դեմ, որը ամերիկյան հատուկ ծառայությունները, առանց ապացույցներ ներկայացնելու, որակել են տեղեկություններ տարածող գործակալություն:
Հայաստանը «Վայրի Արևմուտք» է. փորձագետը՝ բանկերի վրա իրականացված հաքերային հարձակումների մասին
«Այդ գրոհի փաստը Դոնալդ Թրամփը հրապարակայնորեն հաստատեց վերջերս, «The Washington Post» պարբերականին տված հարցազրույցում»,-պարզաբանել է Խրամովը։
Մինչդեռ, Խրամովը վստահ է՝ 2018թ․-ին ԱՄՆ-ի նախագահը ԿՀՎ-ին(CIA) օժտել է ընդլայնված լիազորություններով` կիբեռտարածությունում հարձակողական գործողություններ իրականացնելու համար, ներառյալ՝ հակառակորդի ենթակառուցվածքների շարքից դուրս բերումը:
Այս ամենը, նրա կարծիքով, պաշտպանական միջոցների անհրաժեշտություն է թելադրում՝ Ռուսաստանի տեղեկատվական անվտանգության սկզբունքների և ՌԴ օրենսդրության դրույթներին համապատասխան։
թեգերը:
Սպանություն Ռուսաստանում. ծեծկռտուքի մասնակիցների թվում հայեր ու ադրբեջանցիներ կան
(Թարմացված է 18:50 02.03.2021)
Դանակի հարվածներ ստացած երիտասարդը մահացել է հիվանդանոցում։ Մարդասպանի նկատմամբ հետախուզում է հայտարարվել։ԵՐԵՎԱՆ, 2 մարտի – Sputnik. Կրասնոդարի երկրամասում քննիչները պարզում են ռուսների, հայերի և ադրբեջանցիների մասնակցությամբ տեղի ունեցած զանգվածային ծեծկռտուքի պատճառները: Իրավապահներն արդեն հետախուզում են հայտարարել 22-ամյա երիտասարդին դանակահարած և նրա 31-ամյա ընկերոջը վնասվածք հասցրած տղամարդու նկատմամբ: Ինչպես հաղորդում է տեղական «Ռեգիոն Online» կայքը, Բելորեչենսկում տեղի ունեցած սպանությունից հետո քաղաքի բնակիչները ծեծկռտուքը կապում են մասնակիցների ազգության հետ:
Նշվում է, որ միջադեպի ժամանակ մասնակիցներից մեկը դանակով հարվածել է 22-ամյա երիտասարդի կրծքին և վնասվածքներ հասցրել նրա 31-ամյա ընկերոջ որովայնին: Չնայած ցուցաբերված բուժօգնությանը՝ երիտասարդը մահացել է հիվանդանոցում։ Սպանվածի և վիրավորի ինքնությունը չի նշվում։
Քննիչները պաշտոնապես չեն հայտարարել ազգամիջյան թշնամանքի հավանականության մասին։ Իսկ Բելորեչենսկի շրջանում Ռուսաստանի հայերի միության բաժանմունքի ղեկավար Ռուբեն Մադելյանը հայտարարել է, որ ազգամիջյան բախման նշաններ չկան։
Մոսկվայում ձերբակալել են քրեական հեղինակություն Զիրոյանի կնոջ սպանության կասկածյալին
Միաժամանակ Բելորեչենսկի շրջանի ադրբեջանական համայնքի ներկայացուցիչ Աֆղանօղլի Ալազովը կայքին ասել է` ինքն ամաչում է, որ իր ազգի ներկայացուցիչներն այդպես են վարվել։
«Նման բան չպետք է լիներ։ Նա խայտառակել է ազգին, ես ներողություն եմ խնդրում նրա փոխարեն», – նշել է Ալազովը։
Նրա ասածից կարելի է ենթադրել, որ հետախուզման մեջ գտնվող ենթադրյալ հանցագործը ծնունդով Ադրբեջանից է։
Մոսկվայում խեղդամահ արված 2 երեխայի են գտել. սպանության մեջ կասկածվում է նրանց մայրը
թեգերը:
«Քաղաքական իսկանդեր», կամ հայ–ռուսական հարաբերությունների մեջ նոր սեպ են փորձում խրել
(Թարմացված է 17:38 02.03.2021)
ԱԺ պատգամավորն իշխանություններից պահանջում է բացահայտել, թե ով է վարչապետին մատուցել «Իսկանդերի» մասին տեղեկատվությունը, ով է նրան թյուրիմացության մեջ գցել։ԵՐԵՎԱՆ, 2 մարտի - Sputnik. Ռազմական «Իսկանդերը» Փաշինյանի հայտարարության հետևանքով դարձավ քաղաքական «Իսկանդեր» հայ–ռուսական հարաբերություններում։ Այսօր ԱԺ խմբակցությունների հայտարարությունների ժամին խորհրդարանական ամբիոնից հայտարարեց «Բարգավաճ Հայաստան» խմբակցության անդամ Միքայել Մելքումյանը` անդրադառնալով Հայաստանի ռազմավարական գործընկերոջ հետ հարաբերություններին։
«Մենք չգիտես, թե ինչպես ենք պատասխանում մեր ռազմավարական գործընկերոջ հարցադրումներին։ Ինչո՞ւ չենք պատասխանում Ադրբեջանի նախագահ Իլհամ Ալիևին, որն ամեն օր ձեռք առնելով ինչ–որ բաներ է ասում, ու Հայաստանից որևէ պատասխան չկա։ Ես կարծում եմ, որ եթե «Իսկանդերի» մասին ՀՀ բարձրագույն պաշտոնյան հայտարարություններ է կատարում, և սա թյուրիմացություններ է առաջացնում, սա նշանակում է` հայ–ռուսական հարաբերությունների մեջ նոր սեպ ենք փորձում խրել»,– ասաց Մելքումյանը։
Որպես ԱԺ պատգամավոր` նա իշխանություններից պահանջեց բացահայտել, թե ով է վարչապետին մատուցել այդ տեղեկատվությունը, ով է նրան թյուրիմացության մեջ գցել։
Ինչ վերաբերում է Մելքումյանի հիշատակած «տնտեսական Իսկանդերին», դրա հետևանքն, ըստ նրա, արտահայտվում է նրանով, որ Հայաստանի պոտենցիալ ներդրումները հոսում են ՀՀ ռազմավարական գործընկեր երկիր։ Արդյունքում` 2020թ–ին 2019-ի համեմատ Հայաստանում ներդրումների ծավալը 11 անգամ կրճատվել է։
«Փոխանակ դու ռազմավարական գործընկերոջդ հետ ձևավորես նորմալ հարաբերություններ, ներդրումները հոսում են այնտեղ։ Եվ մենք տեսնում ենք, որ ոչ միայն 2020թ–ին, այլև հունվար ամսին երկնիշ թվերով անկում ունենք արտահանման, ներկրման, արտաքին առևտրաշրջանառության և բոլոր տնտեսական ցուցանիշներով։ Սա նշանակում է` պետական կառավարման համակարգը չի գործում»,– ասաց Մելքումյանը։
Նույն խմբակցության անդամ, ԱԺ փոխնախագահ Վահե Էնֆիաջյանն էլ, շարունակելով գործընկերոջ միտքը, հայտնեց, որ հայ–ռուսական բարեկամությունը խաթարելու բոլոր փորձերն ի սկզբանե դատապարտված են անհաջողության։
«Եվ վերջում. Ստեփանակերտից մինչև Բաքվի բռնապետի նստավայր 247 կմ է։ Ռուսական արտադրության բարձրակարգ «Իսկանդերն» այն անցնում է 2 րոպե 10 վայրկյանում։ Սա` ի դեպ»,– ասաց Էնֆիաջյանը։
Հիշեցնենք` փետրվարի 23-ին Նիկոլ Փաշինյանը 1in.am-ին տված հարցազրույցում, անդրադառնալով նախկին նախագահ Սերժ Սարգսյանի` 44-օրյա պատերազմի ընթացքում «Իսկանդերը» ժամանակին չօգտագործելու վերաբերյալ մեղադրանքներին, ասել է, որ Սարգսյանը թող հարց տա՝ ինչո՞ւ է «Իսկանդերը» պայթել 10%-ով։
Փետրվարի 25-ին ՌԴ ՊՆ–ն հայտարարեց, որ Ղարաբաղում «Իսկանդեր» ընդհանրապես չի կիրառվել։
Փաշինյանը սխալ հաշվարկ արեց. Սարգսյանը` «Իսկանդերի» և վտանգված հարաբերությունների մասին
Իլոն Մասկը որոշել է նոր քաղաք կառուցել Տեխասում. քաղաքապետը դոժի տիտղոս կունենա
(Թարմացված է 10:18 03.03.2021)
Ամերիկացի միլիարդատերը դեռ անցյալ տարվա վերջին Կալիֆոռնիայից տեղափոխվել էր Տեխաս, որտեղ գտնվում են «Tesla»-ի ստորաբաժանումները։ԵՐԵՎԱՆ, 3 մարտի – Sputnik. Ամերիկացի գործարար, «Tesla» և «SpaceX» ընկերությունների հիմնադիր Իլոն Մասկը Ստարբեյզ (Starbase) անվանումով քաղաք է կառուցելու Տեխասում։ Նա իր որոշման մասին գրել է Twitter-ում։
Creating the city of Starbase, Texas
— Elon Musk (@elonmusk) March 2, 2021
Գործարարը նշել է, որ քաղաքն ավելի մեծ կլինի, քան Բոկա Չիկա գյուղը, որտեղ գտնվում է «SpaceX» տիեզերակայանը:
Միլիարդատիրոջ խոսքով՝ իր ստեղծած քաղաքում լավ վերաբերմունքի կարժանանան շները, իսկ քաղաքապետը դոժի տիտղոս կունենա (իտալական տիտղոս, որը նման է անգլերեն «dog» (շուն) բառին):
Իլոն Մասկը խոստացել է ինքնակառավարվող մեքենաներ թողարկել ու ասել է դրանց գինը
Հիշեցնենք, որ անցյալ տարվա վերջին Մասկը հայտնել էր, որ Կալիֆոռնիայից տեղափոխվել է Տեխաս, որտեղ գտնվում են «Tesla»-ի և «Boring Company»-ի ստորաբաժանումները, ինչպես նաև «SpaceX» մասնավոր տիեզերակայանը։
Իլոն Մասկը չիպավորել է կապիկին. կենդանին համակարգչային խաղեր է խաղում
թեգերը: