Վերին Լարս. արխիվային լուսանկար

Արդիականացումը չի՞ փրկի․ որն է Վերին Լարսի անցակետի խնդրի լուծումը

642
Տրանսպորտի ոլորտի մասնագետներն ասել են՝ ինչպես կանդրադառնա Վերին Լարսի անցակետի արդիականացումը ռուս-վրացական սահմանով անցնող բեռնափոխադրումների վրա։

ԵՐԵՎԱՆ, 24 օգոստոսի – Sputnik, Լաուրա Սարգսյան․ Ռուսական կողմից Վերին Լարսի անցակետի արդիականացումը  դրական կանդրադառնա երթևեկության վրա, կլավացնի թողունակությունն ու թույլ կտա փոխադրողներին ավելի արագ անցնել մաքսային ընթացակարգերը, սակայն դա չի լուծի այդ երթուղուց օգտվող փոխադրողների բոլոր խնդիրները։ Նման կարծիք է հնչում ինչպես Հայաստանում, այնպես էլ Վրաստանում։

Ավելի վաղ հայտնի էր դարձել, որ Ռուսաստանը որոշել է զբաղվել Վրաստանի հետ սահմանի Վերին Լարսի անցակետի վերակառուցմամբ։ Շինարարական աշխատանքները կսկսվեն 2021 թվականին, կավարտվեն 2023-ին։ Նախատեսվում է ճանապարհը երկու մետրից դարձնել չորս, հարմարավետ սպասասրահներ ստեղծել, էլեկտրոնային հերթերի համակարգեր ներդնել, նաև նոր տեսչական-վերահսկման համալիր կառուցել։

Նախատեսվում է նաև ավելացնել անցակետի թողունակությունը։  Այն կկազմի օրական 3800 տրանսպորտային միավոր։ Ի սկզբանե ենթադրվում էր, որ այդ կետով օրական պետք է անցնեն 170 բեռնատար, 200 մարդատար մեքենա ու 30 ավտոբուս։ Սակայն 2019 թվականին Վերին Լարսով օրական միջինը մոտ 650 բեռնատար ու մոտ 1700 մարդատար մեքենա էր անցնում։ Առավել բեռնված շրջանում (մայիսի վերջից` սեպտեմբեր) այդ ցուցանիշները կտրուկ աճում են։

Համբարձումյան. «Լաստանավն, իհարկե, լավ է, բայց Վերին Լարսին այլընտրանք չէ»

Տրանսպորտի ոլորտի մասնագետների կարծիքով՝ ռուս-վրացական սահմանի այդ հատվածի բեռնափոխադրումների խնդիրը կարելի է լուծել  գործող անցակետի հարևանությամբ նոր անցակետի կառուցման միջոցով։

Հայաստանի տրանսպորտային առաքողների միության նածագահ Եղիշե Հովհաննիսյանը նշեց, որ զուտ տեխնիկապես անհնար է Վերին Լարսի ներկայիս անցակետի հարցը լուծել այնպես, որ խնդիրներ ընդհանրապես չառաջանան։

«Լայնաշերտ ճանապարհ է պետք։ Գծերը պետք է շատ լինեն` առնվազն տասը մեքենայի համար լայնությամբ», - Sputnik Արմենիայի թղթակցի հետ զրույցում ասաց Հովհաննիսյանը։

Նրա խոսքով՝ անցակետի գլխավոր խնդիրն այն է, որ այն ի սկզբանե կառուցվել է ռուս-վրացական սահմանի ամենանեղ հատվածում։ Այն ժամանակ համարվում էր՝ որքան փոքր լինի անցակետի տարածքը, այնքան ավելի հեշտ կլինի վերահսկել այն, իսկ հիմա դա խանգարում է բեռների հոսքին։ Անցակետի մի կողմում սար է, մյուս կողմում՝ գետ։

Ի սկզբանե Վերին Լարսն ասես պահեստային տարբերակ լիներ ու նոյեմբերից ապրիլ փակվում էր։ Այսօր այնտեղով է անցնում բեռնափոխադրումների հիմնական երթուղին։ Այս տարիներին Վերին Լարս տանող ավտոմոբիլային ճանապարհի ու բուն անցակետի կատարելագործմանն ուղղված մեծ աշխատանք է արվել։ Սակայն դրա հետ միասին բեռների հոսքն էլ է ավելացել։

Հովհաննիսյանը նշեց, որ խնդիրը կարելի է լուծել բնակավայրերի մոտակայքում նոր անցակետ կառուցելով։ Այնտեղ և՛ ճանապարհն է ավելի լայն, և՛ տարածությունն է ավելի մեծ։

Վրաստանի միջազգային բեռնափոխադրողների ասոցիացիայի գլխավոր քարտուղար Գիա Ցիպուրիան իր հերթին հաստատեց, որ արդիականացումն իհարկե կթեթևացնի ծանրաբեռնվածությունը։

«Եթե գոնե անցնելու մեկ տեղ ավելացնեն, դա զգալիորեն կհեշտացնի իրավիճակը, կազատի խցանումներից ու դրական ազդեցություն կունենա ուղևորահոսքի վրա։ Որքան ավելի շատ անցնելու տեղ լինի, այնքան ավելի արագ կլինի երթևեկությունը»,- Sputnik Արմենիայի թղթակցի հետ զրույցում ասաց Ցիպուրիան։

Ինչ վերաբերում է Վերին Լարս տանող Կոբի-Գուդաուրի հատվածի վերականգնմանը, Ցիպուրիան պարզաբանեց, որ ամեն ինչ ըստ նախագծի է ընթանում։

Ձմռանը Կոբի-Գուդաուրին պարբերաբար փակվում է ձյան պատճառով։ Վրացական իշխանությունը պատրաստվում է 22,7 կմ երկարությամբ ճանապարհ, վեց կամուրջ ու հինգ թունել սարքել։ Այդ թվում է նաև Խաչի լեռնանցքի տակ գտնվող ինը կիլոմետրանոց թունելը։ Այն կլինի Եվրոպայում ամենաերկարներից։

Ցիպուրիան ընդգծեց, որ ռուսական կողմից անցակետի արդիականացման ֆոնին վրացական նախագծի իրականացումը առավելագույնս կթեթևացնի փոխադրողների աշխատանքը։

Հայկական բեռնատարները ե՞րբ կկարողանան անցնել Վերին Լարսի «կանաչ միջանցքով»

Փոխադրողները Հայաստանից տարեկան առնվազն 10 հազար անգամ անցնում են Վերին Լարսի անցակետով երկու ուղղությամբ։ Գործող ճանապարհը ներկայիս իրավիճակում Հայաստանից Ռուսաստան և հակառակ ուղղությամբ ապրանք մատակարարելու միակ տարբերակն է։

642
թեգերը:
Հայաստան, բեռնափոխադրում, Ռուսաստան, Վրաստանի Հանրապետություն, Վերին Լարս
Ըստ թեմայի
Հայաստանն ու «Վերին Լարսը». ե՞րբ կլուծվի ամենածանրաբեռնված անցակետի «ոդիսականը»
Բեռնատարները «Վերին Լարս» են հասնում պատրաստի փաստաթղթերով. ո՞րն է երկար հերթերի պատճառը
«Վերին Լարսի» անցակետն ու թղթի վրա մնացած համաձայնագիրը. ե՞րբ կլուծվի բազմաչարչար խնդիրը
Մոսկվայի և համայն Ռուսիո պատրիարք Կիրիլ

Պատրիարք Կիրիլն աղոթում է Ղարաբաղի խաղաղության համար․ Ռուս ուղղափառ եկեղեցի

49
(Թարմացված է 21:05 27.09.2020)
Ռուս ուղղափառ եկեղեցին միշտ աջակցել է հայկական ու ադրբեջանական կրոնական համայնքների երկխոսության պահպանմանը ու պատրաստ է շարունակել կատարել այդ առաքելությունը։

ԵՐԵՎԱՆ, 27 սեպտեմբերի – Sputnik. Մոսկվայի և համայն Ռուսիո պատրիարք Կիրիլն աղոթում է Ղարաբաղի հակամարտության արագ խաղաղ ավարտի համար։ Տեղեկությունը Telegram-ի իր ալիքում հրապարակել է Ռուս ուղղափառ եկեղեցու պաշտոնական խոսնակ Վլադիմիր Լեգոյդան։

 «Պատրիարքը կարևորում է երկու երկրների հոգևոր առաջնորդների դերակատարությունը․ նրանք պետք է ամեն ջանք գործադրեն խաղաղություն հաստատելու համար»,  - գրել է նա։

Լեգոյդայի խոսքով՝ Ռուս ուղղափառ եկեղեցին միշտ աջակցել է հայկական ու ադրբեջանական կրոնական համայնքների երկխոսության պահպանմանը ու պատրաստ է շարունակել կատարել այդ առաքելությունը։

Ադամ Շիֆը կոչ է արել պարզել, թե ով է բախումների նախաձեռնողը՝ Ադրբեջանին պատժելու համար

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

49
թեգերը:
հայ-ադրբեջանական, Արցախ, Մոսկվայի և Համայն Ռուսիո պատրիարք Կիրիլ Ա
թեմա:
Ադրբեջանական ագրեսիա Արցախում. 2020
Ըստ թեմայի
Մեր ու մանուկ, ամբողջ ազգով կանգնելու ենք ու հաղթենք. ԵԿՄ-ն պատրաստ է մեկնել Արցախ
Հայկական կողմը հերթական ԱԹՍ–ն է խոցել
Արցախում մարդկային և գույքային կորուստների, պատճառված վնասի առթիվ քրգործեր են հարուցվել
Նիկոլ Փաշինյանն ու Վլադիմիր Պուտինը. արխիվային լուսանկար

Փաշինյանը զանգել է Պուտինին

1546
(Թարմացված է 20:26 27.09.2020)
Հայաստանի վարչապետն ու Ռուսաստանի նախագահը շեշտել են, որ պետք է ամեն ինչ անել Լեռնային Ղարաբաղում ռազմական գործողությունները դադարեցնելու համար։

ԵՐԵՎԱՆ, 27 սեպտեմբերի - Sputnik. ՀՀ վարչապետ Նիկոլ Փաշինյանը Արցախում իրավիճակի սրման հետ կապված զանգել է ՌԴ նախագահ Վլադիմիր Պուտինին։ Տեղեկությունը հայտնում է Կրեմլի մամուլի ծառայությունը։

 

Վարչապետ Փաշինյանը մանրամասն անդրադարձել է ղարաբաղա-ադրբեջանական հակամարտ զորքերի շփման գծում իրավիճակին: Նիկոլ Փաշինյանը խորը մտահոգություն է հայտնել ադրբեջանական կողմից սանձազերծված ռազմական գործողությունների կապակցությամբ, որոնք ագրեսիա են Լեռնային Ղարաբաղի դեմ: Նա անթույլատրելի է համարել էսկալացիայի հետագա զարգացումը և դրանում արտատարածաշրջանային ուժերի ներգրավումը:

Վլադիմիր Պուտինը խորը մտահոգություն է հայտնել լայնամասշտաբ ռազմական գործողությունների կապակցությամբ: ՌԴ նախագահն ընդգծել է անհրաժեշտ ջանքերի ներդրման կարևորությունը, որպեսզի թույլ չտրվի հակամարտության հետագա էսկալացիա և դադարեցվեն ռազմական գործողությունները:

Ես պատրաստ եմ զոհվելու, հայ ժողովուրդը ծնկած չի եղել և չի լինի. Փաշինյան

Հիշեցնենք, որ այսօր` սեպտեմբերի 27–ի վաղ առավոտյան, Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 16 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։

Արցախում և Հայաստանում ռազմական դրություն և համատարած զորահավաք է հայտարարվել։

Հայաստանի ամբողջ տարածքում հայտարարվել է ռազմական դրություն. կառավարության որոշումը

1546
թեգերը:
Ղարաբաղյան հակամարտություն, Արցախ, Վլադիմիր Պուտին, Նիկոլ Փաշինյան
թեմա:
Ադրբեջանական ագրեսիա Արցախում. 2020
Ըստ թեմայի
ՆԱՏՕ-ն մտահոգված է արցախյան էսկալացիայով ու կողմերին կոչ է անում դադարեցնել կրակը
Բոլոր 16 զոհվածներն էլ զինծառայողներ են. Արծրուն Հովհաննիսյան
Մենք պետք է լուծենք այս հարցը. Մարուքյանը վարչապետին հորդորեց առաջ գնալու հրաման տալ
Անտոնիո Գուտերեշ

ՄԱԿ–ի գլխավոր քարտուղարը կոչ է անում դադարեցնել մարտերը

0
(Թարմացված է 23:29 27.09.2020)
Անտոնիո Գուտերեշը կոչ է անում ԵԱՀԿ Մինսկի խմբի շրջանակներում անհապաղ վերսկսել առանց նախապայմանների երկխոսությունը։

ԵՐԵՎԱՆ, 27 սեպտեմբերի– Sputnik. ՄԱԿ–ի գլխավոր քարտուղարը չափազանց մտահոգված է Լեռնային Ղարաբաղի հակամարտության գոտում շփման գծի երկայնքով ռազմական գործողությունների վերսկսմամբ: Այս մասին հայտարություն է տարածված ՄԱԿ–ի պաշտոնական կայքէջում։

Գլխավոր քարտուղարի մամուլի խոսնակի փոխանցմամբ` նա դատապարտում է ուժի գործադրումը և ցավում է մարդկային կորուստների համար։

«Գլխավոր քարտուղարը խստորեն կոչ է անում կողմերին անհապաղ դադարեցնել մարտերը, թուլացնել լարվածությունը և առանց հապաղելու վերադառնալ բանակցություններին: Նա կխոսի ինչպես Ադրբեջանի նախագահի, այնպես էլ Հայաստանի վարչապետի հետ»,– նշված է հաղորդագրության մեջ։

Գլխավոր քարտուղարը վերահաստատում է իր լիակատար աջակցությունը ԵԱՀԿ Մինսկի խմբի համանախագահների կարևոր դերակատարմանը և հորդորում կողմերին սերտորեն համագործակցել նրանց հետ `առանց նախապայմանների երկխոսության հրատապ վերսկսման համար:

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

11 միավոր զրահատեխնիկա, այդ թվում՝ ՀՄՄ-3. հայկական կողմն առգրավել է հակառակորդի տեխնիկան

Ըստ վերջին տեղեկությունների` ադրբեջանական զինուժը կորցրել է 3 ուղղաթիռ, 27 անօդաչու թռչող սարք, 30 տանկ և ՀՄՄ։

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։ Հայկական կողմը 100–ից ավելի վիրովոր ունի։ Արցախում և Հայաստանում ռազմական դրություն և համատարած զորահավաք է հայտարարվել։

 

0
թեգերը:
Ադրբեջան, ԵԱՀԿ Մինսկի Խումբ, Արցախ, Ղարաբաղյան հակամարտություն, Լեռնային Ղարաբաղ, Հայաստան, Միավորված ազգերի կազմակերպություն (ՄԱԿ), Անտոնիո Գուտերեշ
թեմա:
Ադրբեջանական ագրեսիա Արցախում. 2020
Ըստ թեմայի
Սիրիայից 4 000 գրոհային է մասնակցում Ադրբեջանի ռազմական գործողություններին
Արցախի դեմ ադրբեջանական ագրեսիան ոտնահարում է նաև Իրանի անվտանգային շահերը. Ոսկանյան
Զգուշացրեք Թուրքիային` դադարեցնի զենք և մարտիկներ ուղարկել Բաքու. Քարդաշյանի կոչը ԱՄՆ–ին