Բանակային խաղեր ու համաժողով․ Շոյգուն ազդարարեց միջազգային ռազմական նախագծի մեկնարկը

65
(Թարմացված է 18:44 24.08.2020)
«Պատրիոտ» ցուցասրահի կենտրոնում, «Կուբինկա» օդանավակայանում և «Ալաբինո» զորավարժարանում առաջիկա շաբաթներին թեժ է լինելու. միաժամանակ երկու միջազգային ռազմական միջոցառում է անցկացվելու:

Ալեքսեյ Ստեֆանով

Միջազգային բանակային խաղերն ու «Բանակ» ռազմատեխնիկական համաժողովն ավանդաբար տարբեր ժամանակ էին անցկացվում, սակայն այս տարի համավարակի պատճառով, իսկ գուցե նաև հյուրերի ու մասնակիցների հարմարավետության համար երկու միջոցառումներն էլ տեղի կունենան միաժամանակ: Միայն թե համաժողովը կավարտվի օգոստոսի 29-ին, իսկ խաղերը ՝ սեպտեմբերի 5-ին։

Առաջին իսկ օրը մերձմոսկովյան շրջանում հավաքվել էին 92 պատվիրակություններ (18 պետություն Ռուսաստան է գործուղել պաշտպանության նախարարներին և փոխնախարարներին): Խաղերի և համաժողովի պաշտոնական բացումից առաջ բոլոր մասնակից պետությունների դրոշները հանդիսավորությամբ անցկացրին «Պատրիոտ» զբոսայգու գլխավոր բեմի դիմացով։

Շոյգու․ «Երկրորդից սկսած՝ բոլոր տեղերը ձերն են»

«Այս տարի այս խոշոր միջոցառումները միաժամանակ են սկսվում, և վստահ եմ, որ դիտարժան ու հագեցած ծրագրերն այսպիսի համադրությունից միայն կշահեն»,-համաժողովի մասնակիցներին դիմեց ՌԴ նախագահ Վլադիմիր Պուտինը։ Նրա ուղերձը հեռարձակվում էր «Պատրիոտ» զբոսայգու գլխավոր բեմի երկու կողմերում տեղակայված մեծ էկրաններին։ Պուտինի ելույթից հետո բեմ բարձրացան ՌԴ վարչապետ Միխայիլ Միշուստինը և ՌԴ պաշտպանության նախարար Սերգեյ Շոյգուն։

Дмитрий Астахов
Միշուստինն ու Շոյգուն

«Համոզված եմ, որ բանակային խաղերի մասնակիցներին ու երկրպագուներին գունեղ և տեսարժան տոն է սպասում, իսկ համաժողովը կամրապնդի բացառիկ հարթակի իր կարգավիճակը։ Սա շահավետ պայմանագրերի ու նոր բիզնես-նախագծերի ստեղծման հարթակ է ստեղծագործ և բեկումնային գաղափարների համար, և որ ամենակարևորն է՝ շփման և ռազմատեխնիկական ոլորտում միջազգային համագործակցության զարգացման համար»,-ասաց Միխայիլ Միշուստինը։

Սերգեյ Շոյգուն շնորհակալություն հայտնեց օտարերկրյա պատվիրակություններին, որ նրանք այս դժվարին պահին հնարավորություն են գտել գալու և դիտելու ռուս զինագործների ձեռքբերումները, նաև այն ամենը, ինչը պաշտպանական արդյունաբերությունը կարող է անել առօրյա կյանքի համար, որպեսզի այն դառնա ավելի լավը, ավելի հեշտ, ավելի արդյունավետ:

Ռուսաստանի պաշտպանության նախարարը նշեց, որ «Բանակ» ռազմատեխնիկական համաժողովը դարձել է սպառազինության և ռազմական տեխնիկայի խոշորագույն ֆորումն աշխարհում: Եվ նախքան համաժողովի և խաղերի մեկնարկի մասին հայտարարելը, մրցույթին ժամանած բոլոր մասնակիցներին հաջողություն մաղթեց՝ միևնույն ժամանակ կատակելով. «Երկրորդից սկսած բոլոր տեղերը ձերն են»։

Բալթիկ-սևծովյան թիրախը․ «Պրոմեթեյը» խոցում է 550 կմ հեռավորության թիրախները

Այնուհետև պաշտոնական միջոցառումները տեղափոխվեցին «Ալաբինո» զորավարժարան, որտեղ տեղափոխվեցին նաև բարձրագույն հրամանատարությունը և տարբեր երկրների պաշտպանության նախարարները, ինչպես նաև ՌԴ վարչապետ Միխայիլ Միշուստինը։

«Ալաբինոյում» հանդիսատեսի համար ցուցադրական ելույթներ էին կազմակերպել «Ստրիժիի», «Ռուսսկիե վիտյազիի», «Բերկուտիի» անձնակազմերը և 16 երկրների տանկային ստորաբաժանումները։ Դրանց թվում էին Աբխազիայից, Ադրբեջանից, Բելառուսից, Ղազախստանից, Ղրղզստանից, Տաջիկստանից, Ուզբեկստանից և Հարավային Օսեթիայից ՌԴ մեկնած զինվորականները։

Տանկիստները տանկի փողով նկարեցին տանկի ուրվագիծը, պտույտներ արեցին փողին կապված ջրով լի սափորով, մեխեր խփեցին փայտին։ Իսկ արդեն «Տանկային բիաթլոն» մրցույթի մեկնարկից առաջ չմոռացան Հաղթանակի 75-ամյակը՝ չորս Տ-34 տանկեր ցուցադրական ելույթներ ունեցան։

«Կանտեմիրովեց», «Դմիտրի Դոնսկոյ», «Ազատագրիչ» և «Կործանիչ» անվանումները կրող տանկերը զորավարժարանում անցան գրեթե նույն տարածությունը, որը պետք է անցնեին չորս երկրների՝ Բելառուսի, Ադրբեջանի, Չինաստանի և Սերբիայի թիմերը։

Դա մրցույթի առաջին դիվիզիոնի մուտքն էր։ Հաղթեց Չինաստանը, որն ավանդաբար եկել էր իր տանկով (ժամանակը՝ 19։20)։ Երկրորդ տեղը զբաղեցրեց Բելառուսի թիմը (21:57), երրորդը՝ Ադրբեջանը (22:31), չորրորդը՝ Սերբիան (29:59)։

Մի՛ ստիպեք գործի գցել Իսկանդերները. թող դրանց եզակի ուժը բացառապես զորավարժարաններում երևա

«Տանկային բիաթլոնի» առաջին օրվա ավարտից հետո ՌԴ Զինված ուժերի մարտական պատրաստության գլխավոր վարչության պետ, գեներալ-գնդապետ Իվան Բուվալցևը ասաց, որ «Բանակային խաղերը» անցկացվում են Ռուսաստանի տարբեր շրջաններում և հինգ տարբեր երկրներում (ընդամենը 158 թիմ՝ 32 պետություններից), բայց անձամբ իր համար ամենահետաքրքիր մրցույթը տանկիստների ելույթներն են:

«Առջևում ևս երկու շաբաթ հետաքրքիր պայքար է լինելու, և ես ձեզ բոլորիդ հրավիրում եմ շարունակել ներկա լինել, երկրպագել մեր թիմին... լավ, կամ էլ մյուս թիմերին։ Եվ հաջողություն եմ մաղթում այս դժվարին պայքարում»,-ասաց Իվան Բուվալցևը։

Առաջին օրն ավարտվեց ուշ երեկոյան տոնական մեծ համերգով, որը նվիրված էր բոլոր նրանց, ովքեր մասնակցել են ՌԴ Զինված ուժերի Գլխավոր տաճարի և «Հիշատակի ճանապարհ» թանգարանային համալիրի ստեղծմանն ու կառուցմանը:

ՌԴ ռազմատիեզերական ուժերը 2021-ին մեծ հեռահարության հարվածային դրոններ կթողարկեն

65
Ըստ թեմայի
Ինչ տեղի կունենա ջերմամիջուկային ռումբի հետ, եթե F-35-ի պոչի մասը թռիչքի սկզբում պոկվի
Տեղում դոփելով․ ամերիկյան Patriot ՀՕՊ համալիրների հերթական ձախողումը
«Արմատան» կարտահանվի․ ով առաջինը կստանա Տ-14 նորագույն ռուսական հզոր տանկը
Совместные батальонные тактические учения военнослужащих российской военной базы ЮВО и военнослужащих ВС МО РА

«Կովկաս 2020» զորավարժությունների ժամանակ Հայաստանում ավիացիա է գործարկվել

36
(Թարմացված է 19:33 21.09.2020)
Հարավային ռազմական շրջանի ու ՀՀ ԶՈւ ստորաբաժանումների պրակտիկ մարտական գործողությունների խաղարկումն անցկացվում է այս տարվա սեպտեմբերի 21-ի 26-ը հայ-ռուսական միացյալ խմբավորման հրամանատար Տիգրան Փարվանյանի ղեկավարության ներքո։

ԵՐԵՎԱՆ, 21 սեպտեմբերի – Sputnik. Հարավային ռազմական շրջանի ու ՀՀ պաշտպանության նախարարության մոտ քսան միավոր ավիացիա է գործարկվել Հայաստանում կայացած «Կովկաս 2020» ռազմավարական զորավարժությունների ընթացքում։ Տեղեկությունը հայտնում է ՀՌՇ մամուլի ծառայությունը։  

«Ալագյազ» զորավարժարանում անցկացված զորավարժություններում գործարկվել են դեսանտային-գրոհիչ Մի-8ՄՏՎ ու հարվածային Մի-24 ուղղաթիռները։

«Բանակային ավիացիան կապահովի դեսանտի անցումն ու վայրէջքը, զորքերի հարձակման պահպանությունը, կրակային հարվածներ կհասցնի պայմանական հակառակորդի ռազմական տեխնիկայի շարասյուներին ու օբյեկտներին։ Հարավային ռազմական շրջանի ու ՀՀ ԶՈւ ստորաբաժանումների պրակտիկ մարտական գործողությունների խաղարկումն անցկացվում է այս տարվա սեպտեմբերի 21-ի 26-ը հայ-ռուսական միացյալ խմբավորման հրամանատար Տիգրան Փարվանյանի ղեկավարության ներքո», - նշված է հաղորդագրության մեջ։

Այս զորավարժություններն առանձնահատուկ են, որովհետև կորոնավիրուսի տարածմամբ պայմանավորված` դրանք անցկացվում են հակահամաճարակաբանական միջոցների խիստ պահպանմամբ։

«Կովկաս-2020»-ը ՌԴ-ում. ինչպես են ընթանում վարժանքների նախապատրաստական աշխատանքները

Ընդհանուր առմամբ «Կովկաս 2020» զորավարժություններին Հայաստանում մասնակցում է ավելի քան 1,5 հազար մարդ, 300 միավոր ռազմական տեխնիկա, այդ թվում նաև երկու երկրների օպերատիվ-մարտավարական, բանակային ու անօդաչու ավիացիան։

«Կովկաս 2020» զորավարժությունը կանցկացվի Հարվային ռազմական շրջանի տարածքում 2020 թվականի 21-ից 26 –ը ՌԴ ԶՈւ Գլխավոր շտաբի պետ, ՌԴ պաշտպանության նախարարի առաջին տեղակալի ղեկավարության ներքո ու կլինի Ռուսաստանի Զինված Ուժերի օպերատիվ (մարտական) պատրաստականության համալիր միջոցառումների վերջին փուլը։

36
թեգերը:
Ռուսաստան, Զորավարժություններ, Հայաստան, «Կովկաս-2020» ռազմավարական հրամանատարաշտաբային զորավարժություն
Ըստ թեմայի
Հայաստանը կմասնակցի «Կովկաս-2020» զորավարժությունների ցամաքային մասին
Հայաստանում ՀԱՊԿ երկու զորավարժություն կանցկացվի. ինչ խնդիր է դրված
Հայաստանը Բելառուսում կմասնակցի ՀԱՊԿ–ի խաղաղապահ զորավարժություններին
Վլադիմիր Պուտինն ու Նիկոլ Փաշինյանը, արխիվային լուսանկար

Շնորհավորանքներ Ռուսաստանից․ Պուտինն ու Միշուստինն ուղերձ են հղել ՀՀ ղեկավարությանը

101
(Թարմացված է 13:53 21.09.2020)
ՌԴ նախագահն ընդգծել է, որ Հայաստանի և Ռուսաստանի միջև տարբեր ուղղություններով համագործակցությունը, ինչպես նաև եվրասիական տարածքում ինտեգրացիոն գործընթացների շրջանակում փոխգործակցությունը հետագայում ևս ակտիվ զարգանալու են։

ԵՐԵՎԱՆ, 21 սեպտեմբերի - Sputnik. Վլադիմիր Պուտինը շնորհավորական հեռագրեր է հղել ՀՀ նախագահ Արմեն Սարգսյանին և վարչապետ Նիկոլ Փաշինյանին Հայաստանի ազգային տոնի` Անկախության օրվա կապակցությամբ։

Գնացք, արխիվային լուսանկար
© Photo : Facebook / Հարավկովկասյան երկաթուղի - Южно-Кавказская железная дорога

Շնորհավորական հեռագրերում ՌԴ ղեկավարը նշել է, որ Հայաստանի և Ռուսաստանի միջև հարաբերությունները հիմնված են բարեկամության, փոխադարձ հարգանքի բարի ավանդույթների վրա, և դաշնակցային կապերի, բազմակողմանի համագործակցության  հետագա զարգացումն համապատասխանում է երկու երկրների ժողովուրդների երկարաժամկետ շահերին և նպաստում Անդրկովկասյան տարածաշրջանում խաղաղության, կայունության և անվտանգության ամրապնդմանը:

«Մեր երկրների միջև առկա կառուցողական երկխոսությունը, տարբեր ուղղություններով երկկողմանի համագործակցությունը, ինչպես նաև եվրասիական տարածքում ինտեգրացիոն գործընթացների շրջանակում փոխգործակցությունը հետագայում ևս ակտիվ զարգանալու են»,– ընդգծել է ՌԴ նախագահը։

Հայաստանի երրորդ Հանրապետության հռչակման օրվա առթիվ շորհավորական ուղերձ է հղել նաև ՌԴ կառավարության ղեկավար Միխայիլ Միշուստինը:

Մեկտեղելու ենք ջանքերը խաղաղություն ապահովելու համար. վարչապետն ընդունել է ԱՀ նախագահին

 

«Կցանկանայի հատկապես նշել ռուս-հայկական հարաբերությունների բարեկամական, գործընկերային և դաշնակցային բնույթը: Համոզված եմ` առևտրատնտեսական և ներդրումային համագործակցության հետագա ամրապնդումը, էներգետիկ, արդյունաբերական և տրանսպորտային ենթակառուցվածքներում համատեղ նախագծերի իրականացումը, ԵՏՄ–ում ինտեգրացիոն համագործակցության խորացումը համապատասխանում են Ռուսաստանի և Հայաստանի շահերին»,–նշել է նա։

Հիշեցնենք` 1990 թվականի օգոստոսի 23-ին Հայաստանի նորընտիր Գերագույն խորհուրդն իր առաջին նստաշրջանում ընդունեց «Հայաստանի անկախության մասին» հռչակագիրը: Մեկ օր անց` օգոստոսի 24-ին, ՀԽՍՀ Գերագույն խորհուրդը որոշեց Հայկական Խորհրդային Սոցիալիստական Հանրապետությունը վերանվանել Հայաստանի Հանրապետություն:

Մեկ տարի անց` 1991թ-ի սեպտեմբերի 21-ին, անցկացված անկախության հանրաքվեի արդյունքում ընտրողների 99.5%-ն «այո» ասաց «Համաձա՞յն եք, որ Հայաստանի Հանրապետությունը լինի ժողովրդավարական անկախ պետություն` ԽՍՀՄ կազմից դուրս» հարցին։ Սեպտեմբերի 23-ին Գերագույն Խորհուրդը Հայաստանը հռչակեց անկախ, ինքնիշխան հանրապետություն:

101
թեգերը:
Եվրասիական Տնտեսական Միություն (ԵԱՏՄ), ուղերձ, շնորհավորանք, Անկախության օր, Արմեն Սարգսյան, Նիկոլ Փաշինյան, Վլադիմիր Պուտին
Ըստ թեմայի
Լավրովը հայ գործընկերոջը շնորհավորել է Անկախության օրվա առթիվ
Ամենադժվարն առաջին անկախությունն էր. ինչով են նման Առաջին և Երրորդ հանրապետությունները
Մատաղ սերունդը, անկախությունն ու լյուստրացիան. Պասկևիչյանը` այն մասին, թե ուր ենք գնում
Լուկաշենկոն Սարգսյանին շնորհավորել է Հայաստանի Անկախության օրվա առթիվ
Թևան Պողոսյան

Ինչ պետք է արվի, որ Փաշինյանի ներկայացրած ծրագիրը կենացների փաստաթուղթ չդառնա

0
(Թարմացված է 20:57 21.09.2020)
«Մարդկային զարգացման միջազգային կենտրոնի» ղեկավար Թևան Պողոսյանը Sputnik Արմենիայի եթերում անդրադարձել է ՀՀ վարչապետ Նիկոլ Փաշինյանի կողմից Անկախության օրվա կապակցությամբ ներկայացված` Հայաստանի` մինչև 2050 թ. վերափոխման ռազմավարությանը։ 
Պողոսյան. «Չէի ցանկանա, որ նման փաստաթուղը վերջում մնա որպես կենացների փաստաթուղթ»

Ուրախալի է այն իրողությունը, որ Հայաստանում փորձում են սցենարներ ու պլաններ ծրագրավորել, մշակել ռազմավարություն և այդ ուղղությամբ իրականացնել քայլեր։ Խոսելով ՀՀ վարչապետ Նիկոլ Փաշինյանի ներկայացրած` Հայաստանի` մինչև 2050 թ. վերափոխման ռազմավարությանը, նման տեսակետ հայտնեց «Մարդկային զարգացման միջազգային կենտրոնի» ղեկավար Թևան Պողոսյանը։ 

«Ռազմավարությունը ներկայացվեց հանրության դատին, և ես շատ ուրախ կլինեմ, որ սա ոչ թե դիտարկվի որպես վերջնական գաղափար, այլև լինի այն հիմքը, որի վրա գուցե լայն հանրային քննարկումների միջոցով հնարավոր լինի ավելի ճիշտ, բոլորի կողմից ընկալելի ծրագիր ընդունել ոչ միայն ցուցանիշների մասով, այլև մեխանիզմների առումով` թե ինչ է արվելու և ինչպես»,– նշում է «Մարդկային զարգացման միջազգային կենտրոնի» ղեկավարը։

Պողոսյանն ուրախ կլինի, եթե տեսլականների հետ ներկայացվեն նաև գործողություններ, թե կոնկրետ հաջորդ տարվա կտրվածքով, օրինակ, ինչ պետք է արվի` նպատակակետին այդ միջանկյալ ժամանակահատվածում հասնելու համար, ու նաև բյուջեում նշվեն այն ծրագրերը, որոնց շնորհիվ մեկ քայլ ավել կարվի դեպի 2050 թվականը։ 

«Օրինակ` ինչ քայլեր են արվելու Հայաստանում 5 միլիոն բնակչություն ունենալու համար, կամ ինչ է արվելու, որ մեր երեք լավագույն համալսարաններն ընդգրկվեն արտերկրի լավագույն համալսարանների ցանկում, և առհասարակ ինչ է արվելու ներկայացված տնտեսական ցուցանիշների ու մոդելների առումով, ինչպես նաև մեր արժեքային դաշտը պահպանելու, միասնականության ապահովման, ռազմարդյունաբերության զարգացման և այլ խնդիրների լուծման համար»,– նշում է նա։ 

Թևան Պողոսյանի գնահատմամբ` պետք է ապահովել հանրային քննարկումների հնարավորինս լայն դաշտ, որպեսզի ռազմավարության ներկայացումից հետո լինի նաև քայլերի հերթականություն, որպեսզի նորից չկիրառվի անցյալի պրակտիկան, երբ ձևավորվում էին փաստաթղթեր, իսկ հաջորդ օրը մոռանում էին, որ կան նման փաստաթղթեր։ 

Նիկոլ Փաշինյանը խոստանում է հրապարակել Հայաստանի՝ մինչև 2050թ. վերափոխման ռազմավարությունը

«Հստակ քայլերից մեկն այն է, որ ընկալենք, թե ներկայացված փաստաթուղթն ինչպես ենք ընդգրկելու լայն քննարկումների մեջ։ Վարչապետը շատ գեղեցիկ կերպով նշեց, որ կարևոր չէ, թե ինչ իշխանություններ են գալու ապագայում և ինչ փոփոխություններ են լինելու ընտրություններից հետո, բայց պետք է հասկանալ, որ այսօրվա դրությամբ սա մի նախագիծ է, որը մշակվել է առնվազն գործադիրի կողմից, մենք չենք լսել, որ քննարկումներին մասնակցել են քաղաքական ուժեր կամ ինստիտուտներ։ Ցանկալի է, որ ներկայացված ռազմավարությունը դառնա համազգային փաստաթուղթ»,– նշում է «Մարդկային զարգացման միջազգային կենտրոնի» ղեկավարը։ 

«Իմ գրառումը զգոնության կոչ է և սրտացավ մարդու վերաբերմունք». Թևան Պողոսյան

Նա չի ցանկանում, որ նման փաստաթուղթը վերջում մնա որպես կենացների փաստաթուղթ, ուզում է` իսկապես ունենա միս ու արյուն`պատկերացնելով ամեն տարվա մեր ռեզերվներն ու հնարավորությունները, քայլերի հերթականությունը, որպեսզի հասնենք մեր նպատակներին։ 

0
թեգերը:
Հայաստան, Թևան Պողոսյան, փաստաթուղթ, Նիկոլ Փաշինյան
Ըստ թեմայի
«Անկախ նրանից` ով կլինի ՄԱԿ–ի նստաշրջանի նախագահող, պետք է առաջ տանենք մեր շահը». Պողոսյան
Հարված թշնամու «մռութին». ի՞նչ կարողացանք ապացուցել վերջին օրերի ընթացքում
Եթե ձգտում ենք գրավիչ երկիր դառնալ, պետք է պատրաստ լինենք օտարազգիների ներգաղթին. Պողոսյան