Պատվաստանյութ, արխիվային լուսանկար

«Պատվաստանյութերի մրցավազք»․ ինչու՞ է Արևմուտքը մեղադրում Ռուսաստանին

298
(Թարմացված է 20:46 03.08.2020)
Երբ կորոնավիրուսի համավարակը բառացիորեն ծնկի իջեցրեց համաշխարհային տնտեսությունը, քաղաքական ու լրատվական դաշտում ի հայտ եկավ միջազգային մրցակցության նոր ժանր՝ «պատվաստանյութերի մրցավազք»։ Հենց այս մասին է պատմում ՌԻԱ Նովոստիի սյունակագիր Իվան Դանիլովի նյութը։

Իվան Դանիլով

Պատվաստանյութերի մրցավազքում հաղթանակը ոչ միայն քաղաքական, այլև սկզբունքային հարց է՝ արևմտյան հասարակության համար սեփական «ես»-ի նկատմամբ հարգանքը պահպանելու տեսանկյունից։

Եվրոպական հումանիզմի լավագույն ավանդույթներով (ինչը ժամանակակից աշխարհում հիմնականում նշանակում է ոչ թե եվրոպացի կամ ամերիկացի, այլ խորհրդային կամ ռուսական կրթություն ունեցող մարդ) դաստիարակված մարդու համար բավական դժվար է հասկանալ «պատվաստանյութերի մրցավազքի» ժամանակակից մոլուցքը։ Սակայն դա կարելի է փորձել բացատրել քաղաքական կամ կոմերցիոն PR-ի տեսանկյունից։

PR տիրույթում հավաքական Արևմուտքը, ավելի կոնկրետ ԱՄՆ-ն ու Մեծ Բրիտանիան, մի քանի լուրջ «կորոնավիրուսային վնասվածք» են ստացել։ Նախևառաջ, հեռավոր Չինաստանին հաջողվեց ճնշել համավարակը․ Չինաստանն ավելի շուտ գիտակցեց խնդիրն ու արդյունավետ կերպով սահմանափակեց տնտեսական վնասը։ Այդ ֆոնին ԱՄՆ-ն ու Մեծ Բրիտանիան, նաև Եվրամիության որոշ երկրներ այնքան էլ ոգեշնչված չեն։

Հավաքական Արևմուտքի ինքնագնահատականին ակամա վնաս հասցրեց Ռուսաստանը, որտեղ կորոնավիրուսից մահացության մակարդակը զգալի ցածր է․ զանգվածային թեստավորում կազմակերպվեց, ինչն առաջ բերեց արևմտյան լրատվամիջոցների վրդովմունքը։ Ռուսաստանին սկսեցին մեղադրել վիճակագրությունը կեղծելու մեջ, թեև ակնհայտ էր, որ Նյու Յորքում համաճարակի զոհ դարձածների դիակները պահում էին փողոցներում նախատեսված հատուկ սառնարաններում, ինչն արդեն իսկ բավարար է բժշկական ու պետական կառավարման որակի տարբերությունը գնահատելու համար։

Այդ ֆոնին, անկախ պահանջվող ծախսերից ու հնարավոր ռիսկերից, հավաքական Արևմուտքի (նաև որոշ հավակնոտ արևմտյան քաղաքական գործիչների համար) պատվաստման արտադրության հարցում առաջինը լինելու հարցը կենսական անհրաժեշտություն է դառնում, քանի որ անհրաժեշտ է ցույց տալ, որ, օրինակ, ԱՄՆ-ն «դեռ առաջինն է աշխարհում»։

Միաժամանակ ամերիկյան ԶԼՄ-ներն ընթերցելիս տարօրինակ տպավորություն է ստեղծվում՝ կախված այն հանգամանքից, թե ում է պատկանում այս կամ այն պարբերականը, արդյո՞ք դրա սեփականատերը Դոնալդ Թրամփի կողմնակիցն է, թե ոչ։ Խմբագրությունները «երկրպագում» են կա՛մ պատվաստանյութի մշակմամբ զբաղվող ամերիկյան ընկերություններին, կա՛մ գերմանական, բրիտանական ու նույնիսկ հնդկական ընկերություններին ու համալսարաններին այն հաշվարկով, որ «պատվաստանյութի մրցավազքում» հաղթի «ճշմարտությունը», որ «Թրամփի անիծյալ ռեժիմը» չկարողանա դրանից քաղաքական բոնուսներ ստանալ։

Մակրոմակարդակում էլ նման հակամարտություն կա․ ՆԱՏՕ-ի կամ G7 գործընկերների հետ ջանքերը համաձայնեցնելու փոխարեն՝ Վաշինգտոնը, համենայնդեպս, որոշ գերմանական լրատվամիջոցների գնահատմամբ, փորձում է «խլել» ու Գերմանիայից ԱՄՆ տեղափոխել հեռանկարային կենսատեխնոլոգիական ընկերությունը, որը կարևոր հակհամաճարակային մշակումներ ունի։

Այս համատեքստում տրամաբանական է, որ ցանկացած հաղորդագրություն, որ Ռուսաստանը կամ Չինաստանը մոտ են կորոնավիրուսի դեմ պատվաստանյութի ստեղծմանն ու զանգվածային կիրառմանը, արևմտյան լրատվական դաշտում ալերգիկ ռեակցիայի, նույնիսկ անաֆիլակտիկ շոկի զգացողություն է առաջացնում։

Իհարկե, կարելի է ենթադրել, որ ամերիկյան առողջապահական ոլորտի պաշտոնյաներն իսկապես առաջնորդվում են միայն մասնագիտական նկատառումներով, սակայն հաշվի առնելով վերոհիշյալը, լուրջ կասկածներ կան իրադարձություններին քաղաքական երանգ հաղորդելու վերաբերյալ։ Որպես օրինակ կարելի է նշել ԱՄՆ գլխավոր վարակաբանի՝ The Wall Street Journal-ում հրապարակված կարծիքը, ինչը նրա արձագանքն է Ռուսաստանում արդեն այս աշնանը ծրագրվող բուժաշխատողների զանգվածային պատվաստման, ինչպես նաև չինական պատվաստանյութերի հնարավոր բարեհաջող փորձարկումների մասին լուրերին։

Կոնգրեսի COVID-19-ի ենթակոմիտեի լսումների ժամանակ բժիշկ Էնտոնի Ֆուչին, որը ԱՄՆ-ում ինֆեկցիոն հիվանդությունների գլխավոր մասնագետն է, հայտնել է, որ ամենայն հավանականությամբ ԱՄՆ-ն չի օգտագործի Չինաստանում կամ Ռուսաստանում մշակված պատվաստանյութերը։

«Ես իսկապես հույս ունեմ, որ չինացիներն ու ռուսները իրականում թեստավորում են պատվաստանյութը՝ որևէ մեկին ներարկում անելուց առաջ։ Մինչև թեստավորում անցկացնելը պնդել, թե պատվաստանյութը պատրաստ է կիրառման, իմ կարծիքով, առնվազն խնդրահարույց է»,- ասել է նա։

Բժիշկ Ֆաուչին հույս է հայտնել, որ ԱՄՆ-ն մինչև տարեվերջ պատվաստանյութ կստանա։

Ելնելով տարբեր երկրներում հնարավոր պատվաստանյութերի համեմատական վերլուծությունից, որը ներկայացնում է Bloomberg գործակալությունը, Ֆուչին հույսը դրել է Moderna ամերիկյան ընկերության պատվաստանյութի վրա։

Հատկանշական է, որ Bloomberg-ի ցանկում ռուսական մշակումները չկան (համենայնդեպս՝ այդպես էր հոդվածը գրելու պահին), ինչը կարող է արևմտյան ընթերցողի մոտ սխալ տպավորություն գործել ու այնպիսի կարծիք ստեղծել, որ ռուսական պատվաստանյութը «օդից է հայտնվել»։

Արդեն իսկ կարելի է ենթադրել՝ ինչպես է շարունակվելու «պատվաստանյութերի մրցավազքը»․ ռուսական ու չինական պատվաստանյութերը կհայտարարվեն վտանգավոր՝ ուղեկցվելով կեղծ լուրերի արտանետումներով։ 

Առավել կասկածամիտ արևմտյան լսարանի համար առաջ կմղվի այն թեզը, որ նույնիսկ, եթե պատվաստանյութերն «աշխատում» են, ապա դրանք ստացվել են չինացի, իրանցի ու ռուս հաքերների գողացած տվյալների հիման վրա, ընդ որում՝ հանրությանն արդեն պատրաստել են նման կարծիքի համար։ Իսկ վերջում Ռուսաստանին ու Չինաստանին կմեղադրեն «պատվաստանյութային ազգայնականության» ու համաճարակի դեմ պայքարը միջազգային մրցումի վերածելու մեջ։ Զուգահեռաբար առաջ կտարվի Արևմուտքում սեփական պատվաստանյութը ստեղծելու թեզը՝ այդ կարևոր հարցում Պեկինից կամ Մոսկվայից կախվածություն չունենալու համար։

Բանն  այն է, որ այս «վերահսկելի նահանջի» (արդեն կասկած չկա, որ դա նահանջ է անողոք իրականության առջև) յուրաքանչյուր փուլում արևմտյան մեդիամեքենան կկորցնի իր լսարանի նորանոր սեգմենտներին։ Իսկ այդ ամենը կավարտվի ռուսական ու չինական ապատեղեկատվության դեմ պայքարելու անհրաժեշտության մասին հերթական համաժողովներով ու ամերիկյան և եվրոպական պրոֆիլային կառույցների՝ նախկին իմիջային վեհությունը վերականգնելու համար բյուջե տրամադրելու պահանջով։

Սակայն լսարանի վստահությունը հեշտ է կորցնել, և այն դանդաղ է վերականգնվում, ընդ որում՝ կորոնավիրուսը կարագացնի հասարակության վստահության դեգրադացիայի ընթացքը, որն առանց այդ էլ առկա էր արևմտյան աշխարհում։ Իսկ Ռուսաստանը, Չինաստանն ու մյուս «շարքային մեղավորները», որոնց սիրում են մեղադրել արևմտյան լրատվամիջոցները, իրականում այս խնդրի հետ որևէ կապ չունեն, ու մեր արևմտյան գործընկերները տառապելու են «պատվաստանյութային ազգայնականությունից» սեփական մեղքով ու, հավանաբար, հպարտ միայնության մեջ։

298
թեգերը:
տնտեսություն, կորոնավիրուս, պատվաստումներ, պատվաստանյութ, ԱՄՆ, Ռուսաստան
թեմա:
Կորոնավիրուսը աշխարհում (904)
Ըստ թեմայի
COVID-19-ի պատվաստանյութը Ռուսաստանում աշնանը կլինի, բայց սահմանափակ խմբաքանակով
Ռուսաստանում հաջողությամբ փորձարկել են կորոնավիրուսի դեմ պատվաստանյութը
Կորոնավիրուսը նոր թափ է հավաքում. ԱՀԿ–ն հետաքրքրվել է Сovid-19–ի ռուսական պատվաստանյութով
Ելքը գտնվե՞լ է․ COVID-19-ի դեմ ռուսական պատվաստանյութը նպաստում է իմունիտետի ձևավորմանը
Բալթիկ ծով

Կհաջողվի՞ ռուսական գազը փոխարինել ամերիկյանով

65
«Հյուսիսային հոսք-2» գազատարի կառուցման նախագծի շուրջ կրքերը դեռ չեն հանդարտվում։ Փորձագետները քննարկում են ռուսական գազն ամերիկյան հեղուկ բնական գազով (ՀԲԳ) փոխարինելու հավանականության հարցը։

Ալեքսանդր Սոբկո, ՌԻԱ Նովոստի

Վերջին շրջանում «Հյուսիսային հոսք-2»–ի շինարարության ավարտի հետ կապված խնդիրների ֆոնին ԶԼՄ–ներում ավելի հաճախ է լսվում հետևյալ կարծիքը. «Առանց ռուսական մատակարարումների Եվրոպան ավելի շատ կվճարի ամերիկյան թանկարժեք ՀԲԳ–ի համար»։

Այս դրույթի քննադատները ծիծաղում են և ասում` նույն ամերիկյան ՀԲԳ–ն եվրոպական գազի բորսայում վաճառվում է նույն գնով (իսկ այսօր ընդհանրապես գերցածր), որ գնով վաճառվում են մյուս գազերը։

Ո՞վ է ճիշտ։ Կյանքը, ինչպես միշտ, ավելի բարդ է, քան հասարակ սխեմաները։ Առաջարկում ենք պարզել։

Սկզբում հիշեցնենք, որ «Հյուսիսային հոսք-2»–ը, մեծ հաշվով, կառուցվում է ուկրաինական տարանցման մեծ մասը փոխարինելու համար, քանի որ ապագայում ռուսական գազի արտահանման (վերջին տարիների «ստանդարտ» 200 մլրդ խմ–ի համեմատ) զգալի աճ ակնկալել չարժե։ Բացի այդ, ուկրաինական տարանցումը (համենայն դեպս առայժմ) թույլ է տալիս ներկայիս ծավալներից ավելի շատ տեղափոխել։ Այդ պատճառով թվում է, թե պահանջարկի և առաջարկի հավասարակշռության տեսանկյունից ոչինչ չի փոխվի։

Նավթային կոլապս. խոշոր ընկերությունները սնանկացման հայտեր են ներկայացում

Ավելին`ուկրաինական տարանցման 4 տարվա համար վճարված է (տարեկան 40 մլրդ խմ), իսկ «Հյուսիսային հոսք-2»–ը 55 մլրդ հզորություն կունենա։ Այսինքն` մտորումների ներկա փուլում «Հյուսիսային հոսք-2»–ի կառուցման ավարտից հիպոթետիկ հրաժարումն ընդմիշտ կամ որոշ ժամանակով կհանգեցնի միայն «Գազպրոմի» ակնհայտ ֆինանսական կորուստների (չէ՞ որ շինարարության համար խոշոր գումարները պարզապես ստիպված կլինեն դուրս գրել), բայց չի օգնի ստիպել Եվրոպային ռուսական գազի փոխարեն գնել ամերիկյան ՀԲԳ–ն։

Այնպես որ եթե ելնենք այն դրույթից, որ ամերիկյան կողմը, դժվարություններ ստեղծելով «Հյուսիսային հոսք-2»–ի համար, մտադիր է իր ՀԲԳ–ի համար նոր նշաձող ստանալ (մոտ 50 մլրդ խմ գազ), դա մեկ բան է նշանակում` «Հյուսիսային հոսք-2»–ի արգելափակմանը պետք է հաջորդի ուկրաինական տարանցման դադարեցումը (էական չէ` ինչ պատճառով. խողովակի մաշվածություն, տարանցման մեծ սակագին, թե այլ հանգամանքներ)։

Նախ` ամեն դեպքում գազը (և ՀԲԳ–ն) կթանկանա, շուկայից 50 մլրդ խմ գազ հեռացնելը բավականին զգալի ծավալ է համաշխարհային առևտրի համար։ Իսկ բորսայի ավելի բարձր գները անխուսափելիորեն բարձր շահութաբերության կհանգեցնեն նաև ամերիկյան ՀԲԳ–ի վաճառքի դեպքում։

Երկրորդ` պետք է հիշեցնել, որ հեղուկ գազի իր ընթացիկ տարանցման շրջանակում ԱՄՆ–ն ամեն դեպքում երաշխավորված վճար է ստանում հեղուկացնելու համար։ Գլոբալ ցածր գնանշումներից տուժում են թրեյդերները։ Այսինքն` Միացյալ Նահանգները, մեծ հաշվով, անհրաժեշտություն չունի որևէ կերպ խթանելու ՀԲԳ–ի վաճառքը արդեն իսկ կառուցած գործարաններից։

Նավթային պատերազմ. Վաշինգտոնը խախտել է գլխավոր արգելքը

Առավել կարևոր է ՀԲԳ–ի նոր պայմանագրեր կնքելը։ Բայց քանի որ հիմա ՀԲԳ–ի ամերիկյան ներմուծողները բախվել են մի իրավիճակի, երբ վառելիք չեն գնում, բայց վճարում են հեղուկացման պարտադիր գումարը (իսկ դա ՀԲԳ–ի վերջնական գնի շուրջ կեսն է), դժվար է որևէ մեկին համոզել, որ պայմանագիր կնքի նոր խմբաքանակների համար։ Իսկ չիրականացված նախագծերը շատ են։ Այստեղ էլ պետք կգար եվրոպական շուկան։

Այստեղից էլ բխում է այն թվացյալ հակասությունը, որի մասին գրել էինք ամենասկզբում։ Այո, հիմա ամերիկյան ՀԲԳ–ն, ինչպես և ցանկացած այլ գազ, իսկապես ցածր գներով է վաճառվում, այդ թվում` Եվրոպայում։ Շուկայում ճգնաժամ է, բայց արտադրանքն ամեն դեպքում իրացնել է պետք, գործարաններն արդեն կառուցվել են, իսկ թրեյդերները պայմանագիր են կնքել «հեղուկացրու կամ վճարիր» պայմանով։

Մյուս կողմից Եվրոպան ևս պետք է հասկանա, որ ամերիկյան էժան գազն ավելցուկ է, որը այլ հանգամանքներում շատ արագ կգնան ասիական` հաճախ ավելի եկամտաբեր շուկաներ։ Երաշխավորված մատակարարումներ են ցանկալի. կնքեք երկարաժամկետ պայմանագիր և վճարեք ավելի շատ։

Այստեղ հարկ է նշել, որ ներկա պահին գազի գնագոյացման երեք հիմնական տարբերակ կա` սպոտային, նավթի հետ կապված և ամերիկյան ՀԲԳ–ի համար, որը հիմնված է ԱՄՆ–ի ներսում գազի գնի և հեղուկացման վճարի վրա։

Համարվում է, որ եթե շուկան վերադառնա նորմային, բորսայական գինը կլինի մոտ 200 դոլար 1000 խմ–ի դիմաց։ Գազի գները մոտավորապես նույնքան կլինեն նաև նավթի հետ կապված, երբ նավթը լինի մեկ բարելի դիմաց 50 դոլար։ Ամեն դեպքում հիմա «Գազպրոմն» արդեն գազի մեծ մասը ԵՄ–ում վաճառում է բորսայական գներով, այդ պատճառով պետք է կողմնորոշվել հենց այդ գներով, ոչ թե նավթի հետ փոխկապակցվածության։

Իսկ ի՞նչ գնով է մատակարարվելու ամերիկյան ՀԲԳ–ն։ Գինը կախված է ԱՄՆ–ում գազի (այն տատանվում է, և դա անորոշության հիմնական գործոնն է), հեղուկացման և Եվրոպա մատակարարման գնից։ Հաշվարկային մանրամասների մեջ չխորանալով` կարելի է խոսել 1000 խմ–ի դիմաց 220-270 դոլարի մասին։

Այլ կերպ ասած, եթե ի սկզբանե 2013 թվականին ամերիկյան ՀԲԳ–ն մյուս մատակարարումներից ավելի մատչելի էր թվում (այն ժամանակ նավթն ու հեղուկ գազն ավելի թանկ էին), ապա ներկայիս պայմաններում (էժանացած նավթ, ՀԲԳ–ի բարձր մրցակցություն) այն ավելի թանկ է ստացվում։

Եվս մեկ հարց։ Իսկ ինչո՞ւ Եվրոպան պետք է գնի հենց ամերիկյան ՀԲԳ–ն և ոչ թե Կատարինը կամ Ռուսաստանինը։ Առավել ևս, որ զարմանալի չի լինի, եթե առաջիկայում Կատարի գազի մի մասը վաճառվի բորսայական շուկայի գներով։

Եթե մի կողմ դնենք ԵՄ–ի և ԱՄՆ–ի հարաբերությունների հատուկ հարաբերությունների հետ կապված ասպեկտները, նման պատճառներ չկան։ ԵՄ–ն հավանական դեֆիցիտը կարող է լրացնել ցանկացած գազով։

Նավթն իր հետևից ռուսական գազի գները ներքև չի տանի. ահա թե ինչու

Հնարավոր է` հիմա այդ պատճառով է խոսվում փոխարինման մասին. հենց ամերիկյան ՀԲԳ–ի (օրինակ` 10-20 մլրդ գազի կամ «Հյուսիսային հոսք-2»–ի հզորության 20-40 տոկոսի չափով) մի քանի տերմինալներ Գերմանիայում` խողովակաշարի շինարարության ավարտի թույլտվության փոխարեն։

Ամփոփենք։

Նախ` ռուսական գազի փոխարինումը ամերիկյան ՀԲԳ–ով հնարավոր է միայն երկու պայմանների միաժամանակյա կատարման դեպքում` «Հյուսիսային հոսք-2» նախագծի փակում և ուկրաինական տարանցման դադարեցում։ Այդ դեպքում ռուսական արտահանման սահմանափակումը կպահպանի գները գազի ամբողջ շուկայում։

Երկրորդ` ամեն դեպքում ամերիկյան ՀԲԳ–ն ոչ թե մի քանի անգամ, այլ 10-30 տոկոսով թանկ կլինի շուկայի մյուս գազերից, հնարավոր է նաև` նույն գնի լինի. ամեն ինչ կախված է գազի ներամերիկյան գներից։ Սակայն ԱՄՆ–ից ՀԲԳ–ի մատակարարման երկարաժամկետ պայմանագրեր կնքելու դեպքում Եվրոպան ստանձնում է ողջ ռիսկը` կապված ԱՄՆ–ում գազի ներքին գների հետ։

Միևնույն ժամանակ ամերիկյան էժան ՀԲԳ–ն (և մնացած բոլորը), որն այսօր տեսնում ենք Եվրոպայում, շուկայում գազի ավելցուկի հետևանք է. թրեյդերները այն վաճառում են, որպեսզի մասնակի փոխհատուցեն ամերիկյան ՀԲԳ–ի գնման պայմանագրերով նախատեսված վնասները: Իսկ եթե Եվրոպան երաշխավորված մատակարարումներ ցանկանա ԱՄՆ–ից, ստիպված կլինի վճարել ամերիկյան ՀԲԳ–ի գնագոյացման բանաձևով, իսկ հրաժարվել արդեն չի կարողանա։

Եվ վերջինը` սեփական ՀԲԳ–ն Եվրոպայի վզին փաթաթելով` ԱՄՆ–ն նախևառաջ մտածում է ոչ թե ընթացիկ մատակարարումների, այլ հեռանկարների մասին։ Խոսքը հեղուկացման նոր գործարանների և ՀԲԳ–ի մատակարարման երաշխավորված պայմանագրերով դրանց ապահովման մասին է։ Գործարանների կառուցումը տևում է շուրջ 4 տարի։ Իսկ հենց այդ ժամանակ կավարտվի Ուկրաինայի հետ գործող տարանցման պայմանագիրը։

«Գազային արմագեդոն». ի՞նչ է կատարվում համաշխարհային շուկայում

65
թեգերը:
գազ, ԱՄՆ, Ռուսաստան
Վլադիմիր Մուսայելյան

Մահացել է Վլադիմիր Մուսայելյանը՝ Բրեժնևի անձնական լուսանկարիչը

45
(Թարմացված է 21:44 28.09.2020)
Լեոնիդ Բրեժնևի ամենահայտնի կադրերն արել է 60 տարի ՏԱՍՍ-ում աշխատած ֆոտոլրագրողը։

ԵՐԵՎԱՆ, 28 սեպտեմբերի - Sputnik. 81 տարեկան հասկանում մահացել է ՏԱՍՍ-ի ֆոտոթղթակից Վլադիմիր Մուսայելյանը, որը 14 տարի եղել է ԽՄԿԿ ԿԿ գլխավոր քարտուղար Լեոնիդ Բրեժնևի անձնական լուսանկարիչը։

Ձկնապուր Բրեժնևին և պաղպաղակ Պուտինին. Կրեմլի խոհարարի համար լավաշն ամենաօգտակար հացն է

«Մեր լուսանկարչական աշխարհում անդառնալի կորուստ է եղել։ Կյանքից հեռացել է տաղանդավոր թղթակից ու մեծատառով մարդ Վլադիմիր Մուսայելյանը։ Չեմ հանդիպել մարդու, որը կարող է նրա մասին որևէ վատ բան ասել»,- գրել է ֆոտոլրագրող Անատոլի Խրուպովը Facebook-ի իր էջում։

Մուսայելյանը գրեթե 60 տարի աշխատել է ՏԱՍՍ-ում։ Այդ ընթացքում նա լուսանկարել է առաջին տիեզերական անձնակազմերի պատրաստությունը, հրթիռների գործարկումը, Բայկոնուրի կառուցումը։

1982 թվականին Բրեժնևի մահից հետո Մուսայելյանը լուսանկարել է պետության այլ առաջին դեմքերի՝ Անդրոպովին, Չեռնենկոյին, Ռիժկովին, Լուկյանովին, Լիգաչովին և այլ մարդկանց։ Լուսանկարել է ՌԴ ու ԽՍՀՄ ժողովրդական պատգամավորների հավաքները։

Նա բազում մրցանակներ է ստացել, իսկ 2019 թվականին արժանացել է նախագահական Պատվո շքանշանի՝ «հայրենական լրատվամիջոցների զարգացման մեջ մեծ ներդրումի ու երկար տարիների արդյունավետ գործունեության համար»։

Պատմության անհայտ էջերը. մահափորձ Բրեժնևի դեմ

45
թեգերը:
Վլադիմիր Մուսայելյան, լուսանկարիչ, Լեոնիդ Բրեժնև
Ըստ թեմայի
Ժերար Դեպարդիեն կմարմնավորի Լեոնիդ Բրեժնևին խորվաթ ռեժիսորի ֆիլմում
Տարիներ անցան. ինչպես է «համով» Զառան համբուրվել Բրեժնևի հետ. պատվաբեր էր, բայց տհաճ
Լեոնիդ Բրեժնևի վարորդական իրավունքը մոտ 12 մլն դրամով դրվել է աճուրդի. լուսանկարներ
Ադրբեջանական զրահատեխնիկա, արխիվային լուսանկար

Ինչ կորուստներ ունի Ադրբեջանը

268
(Թարմացված է 01:50 29.09.2020)
Ադրբեջանն իր իսկ սանձազերծած ռազմական գործողությունների հետևանքով արդեն 80 զրահատեխնիկայից է զրկվել։

ԵՐԵՎԱՆ, 29 սեպտեմբերի – Sputnik. ՀՀ ՊՆ մամուլի խոսնակ Շուշան Ստեփանյանը Facebook–ի իր էջում ներկայացրել է հայկական զինուժի կողմից խոցված սպառազինությունը սեպտեմբերի 28-ի, ժամը 21:00-ի դրությամբ։ 

Ըստ այդմ` Ադրբեջանը կորցրել է 19 ԱԹՍ, 4 ուղղաթիռ, 80 զրահատեխնիկա, 1 ինքնաթիռ և 82 ավտոտրանսպորտ։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 2 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, հայկական կողմը հայտնում է, որ հակառակորդի կորուստներն անհամեմատ մեծ են։

Արցախում և Հայաստանում ռազմական դրություն և համատարած զորահավաք է հայտարարվել։

Սա մեր վերջին ու ամենապատասխանատու ճակատամարտն է լինելու. ԱՀ նախագահը` կամավորականներին

268
թեգերը:
ինքնաթիռ, անօդաչու թռչող սարք, տանկ, Ադրբեջան
թեմա:
Ադրբեջանական ագրեսիա Արցախում. 2020