Քրիստինա Խաչատուրյան

Խաչատուրյան քույրերից ավագներին՝ Քրիստինային և Անգելինային, կդատեն երդվյալ ատենակալները

132
(Թարմացված է 14:04 03.08.2020)
Խաչատուրյան քույրերի պաշտպանները համաձայն չեն ՌԴ Գլխավոր դատախազության հետ, որը հրապարակել է մեղադրական եզրակացությունը։

ԵՐԵՎԱՆ, 3 օգոստոսի – Sputnik․ 2018թ․-ի ամռանը հորը սպանելու համար մեղադրվող Խաչատուրյան քույրերից ավագների գործը կդիտարկի ատենակալների դատարանը։ Մոսկվայի քաղաքային դատարանը հրապարակել է Անգելինայի և Քրիստինայի փաստաբանների միջնորդությունների հարցով որոշումները։

Կրտսեր քրոջը՝ Մարիային, անմեղսունակ են ճանաչել (ինչի հետ համաձայն չէր տուժող կողմը) և նրա գործն առանձին է ընթանում, քանի որ դատարանը հրաժարվել է երկու ավագ քույրերի գործը միացնել կրտսերի՝ Մարիայի գործին։ Նրա գործը դատարանը կքննի օգոստոսի 5-ին։

Բացի այդ,երկարաձգվել է նրանց խափանման միջոցը՝ որոշակի գործողությունների արգելքը։

Դատախազությունը հաստատել է Խաչատուրյան քույրերի գործով մեղադրական եզրակացությունը. Նրանց մեղադրում են հոր սպանության համար՝ մի խումբ անձանց կողմից նախնական համաձայնությամբ:

Քրիստինա և Անգելինա Խաչատուրյանների հանդեպ հարուցված գործը մեղադրական եզրակացությամբ ուղարկել են դատախազին, երրորդ քրոջ նկատմամբ «բժշկական բնույթի հարկադրանքի միջոց կիրառելու մասին» որոշում է կայացվել։

Խաչատուրյան քույրերի գործը ՌԴ գլխավոր դատախազությանն է փոխանցվելու. պաշտպան

Ավելի վաղ հետաքննությունը հրաժարվել էր Խաչատուրյան քույրերի գործը վերաորակավորել որպես անհրաժեշտ ինքնապաշտպանություն։

Հիշեցնենք` Միխայիլ Խաչատուրյանի աղմկահարույց սպանությունը տեղի էր ունեցել Մոսկվայում 2018 թվականի հուլիսի 27-ին։ 57-ամյա տղամարդու դին` վզի և կրծքավանդակի բազմաթիվ կտրած–ծակած վերքերով, հայտնաբերվել էր Մոսկվայի Լոբաչևսկի մայրուղում գտնվող տան շքամուտքում։ Երեք դուստրերը, որոնք մեղադրվում են հոր սպանության մեջ, խոստովանել են, որ իրենք են սպանել հորը։

Քննչական տվյալների համաձայն՝ քույրերից կրտսերը՝ 11-րդ դասարանի աշակերտուհի Մարիան, հորը դանակի մոտ 35 հարված է հասցրել։ Մյուս երկու աղջիկները՝ Քրիստինան (ավագ քույրը) և Անգելինան (միջնեկը) հարվածներ են հասցրել հոր գլխին, իսկ դեմքին գազային ցողիչ են փչել։

Խաչատուրյան քույրերի պաշտպանը դիմել է ՄԱԿ-ի հատուկ զեկուցողին

Ավելի ուշ հետմահու հոգեբանա-հոգեբուժական փորձաքննությունը հաստատեց, որ տղամարդն անձի խանգարումներ է ունեցել։ Համացանցում տեսագրություն հայտնվեց, որտեղ հայրը հոգեբանական բռնության է ենթարկում դուստրերին։ Պաշտպանական կողմը պնդում է, որ տարիներ շարունակ Խաչատուրյանը պարբերաբար ծեծել է դուստրերին, իսկ աղջիկները գործել են ելնելով անհրաժեշտ ինքնապաշտպանությունից։

132
թեգերը:
պաշտպան, դատախազ, Քրեական գործ, Խաչատուրյան քույրեր
թեմա:
Հայրասպան Խաչատուրյան քույրերի պատմությունը (90)
Ըստ թեմայի
Խաչատուրյան քույրերի գործը կկարճվի՞. դատախազության որոշումն ու պաշտպանների ակնկալիքը
Նա գազան էր, ոչ թե մարդ. Խաչատուրյան քույրերի մայրը չի զղջում ամուսնու մահվան համար
Խաչատուրյան քույրերի եղբայրն ամեն ինչից տեղյակ է եղել ու լռել է. նոր մանրամասներ
Խաչատուրյան քույրերի վերահսկման էլեկտրոնային թևնոցները հանել են
Նիկոլ Փաշինյանն ու Վլադիմիր Պուտինը. արխիվային լուսանկար

Պուտինն ու Փաշինյանը հեռախոսազրույց են ունեցել

100
(Թարմացված է 20:57 29.09.2020)
Հեռախոսազրույցը տեղի է ունեցել ՀՀ վարչապետ Նիկոլ Փաշինյանի նախաձեռնությամբ։

ԵՐԵՎԱՆ, 29 սեպտեմբերի - Sputnik. Ռուսաստանի նախագահ Վլադիմիր Պուտինը հեռախոսազրույց է ունեցել Հայաստանի վարչապետ Նիկոլ Փաշինյանի հետ: Տեղեկությունը հայտնում է Կրեմլի մամուլի ծառայությունը:

«Հայկական կողմի նախաձեռնությամբ Ռուսաստանի Դաշնության նախագահ Վլադիմիր Պուտինը հեռախոսազրույց է ունեցել Հայաստանի Հանրապետության վարչապետ Նիկոլ Փաշինյանի հետ»,-ասված է հաղորդագրության մեջ:

Նշվում է, որ Պուտինի և Փաշինյանի հեռախոսազրույցի ընթացքում շեշտվել է հակամարտող կողմերի միջև հրադադարի անհրաժեշտությունը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

ԱԳՆ-ն հերքում է. Հայաստանն Ադրբեջանի Դաշքեսանի շրջանը չի հրթիռակոծել

Ըստ այս պահին հայտնի տեղեկությունների` Ադրբեջանը զրկվել է նաև 52 ԱԹՍ–ից, 6 ուղղաթիռից, 92 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանի ԶՈւ–ի թիրախ դարձած Մարտունին «Գրադից» հետո. լուսանկարներ, տեսանյութ

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

100
թեգերը:
հեռախոսազրույց, Նիկոլ Փաշինյան, Վլադիմիր Պուտին
Ըստ թեմայի
«Դա անհնար է». Փաշինյանն ասաց` ինչ է պետք բանակցությունների համար
Թուրքիան ու այլ երկրներ չպետք է միջամտեն Հայաստանի և Ադրբեջանի հակամարտությանը. Բայդեն
Փաշինյանը զանգել է Պուտինին
Ռուսաստանի ԱԳՆ

ՌԴ ԱԳՆ-ում Հայաստանի և Ադրբեջանի դեսպանների մասնակցությամբ հանդիպումներ են ընթանում

312
(Թարմացված է 18:24 29.09.2020)
Ռուսաստանի ԱԳՆ պաշտոնական ներկայացուցիչն ասել է, որ հանդիպումների ավարտից հետո հաղորդագրություն կհրապարակվի։

ԵՐԵՎԱՆ, 29 սեպտեմբերի – Sputnik. Ռուսաստանի ԱԳՆ-ում Հայաստանի և Ադրբեջանի դեսպանների մասնակցությամբ հանդիպումներ են ընթանում: Տեղեկությունը ՌԻԱ Նովոստիին է հայտնել ՌԴ ԱԳՆ պաշտոնական ներկայացուցիչ Մարիա Զախարովան։

«Ընթանում են ծրագրված հանդիպումներ, որոնց ավարտից հետո համապատասխան հաղորդագրություն կարվի ԶԼՄ-ների համար»,- ասել է նա։

Հիշեցնենք, որ հուլիսի 12–ից իրավիճակը սրվել էր հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր էին արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել էին իրենց դիրքեր:

Դրանից հետո հակառակորդը պարբերաբար վերսկսում էր գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Պաշտոնական տվյալներով՝ Ադրբեջանն ունի 13 զոհ, վիրավորների մասին որևէ բան չի հաղորդվում, իսկ հայկական կողմը 5 զոհ ունի, 36 վիրավոր (ևս մեկը խաղաղ բնակչությունից)։

312
թեգերը:
Դեսպան, Հայաստան, Ադրբեջան, Ռուսաստան
Ըստ թեմայի
Ղարաբաղյան էսկալացիան ՀԱՊԿ-ի շրջանակում խորությամբ վերլուծելու թեմա է. Պեսկով
Սամվել Կարապետյանը դիմել է ՌԴ հայկական ու ադրբեջանական համայնքների ներկայացուցիչներին
Հետախուզման մեջ գտնվող ՀՀ նախկին բարձրաստիճան պաշտոնյաները ցանկանում են մեկնել Արցախ
Արարատ Միրզոյան

Այս պատերազմն ավարտվելու է Ադրբեջանի բանակի լիակատար ոչնչացմամբ. Արարատ Միրզոյան

0
(Թարմացված է 20:59 29.09.2020)
ՀՀ ԱԺ խոսնակը համոզված է, որ այս անգամ Ադրբեջանը ջախջախիչ պարտություն է կրելու, և մեծ կորուստներ է ունենալու։

ԵՐԵՎԱՆ, 29 սեպտեմբերի - Sputnik. ՀՀ Ազգային ժողովի նախագահ Արաատ Միրզոյանի դիտարկմամբ՝ պատերազմական գործողությունների հետևանքով կրած կորուստները վերականգնելու համար Ադրբեջանից երկար ժամանակ կպահանջվի: Միրզոյանը նման կարծիք է հայտնել Facebook-ի իր էջում արված գրառման մեջ:

«Այս պատերազմն ավարտվելու է Ադրբեջանի բանակի կամ առնվազն դրա ողջ հարվածային պոտենցիալի լիակատար ոչնչացմամբ և վերականգնվելու համար այդ երկրին մի քանի տասնյակ տարի է հարկավոր լինելու»,- գրել է նա։

Միրզոյանը միաժամանակ նշել է, որ սա քարոզչական ու ոգևորիչ նշանակության գրառում չէ, և իր խոսքը եզրափակել սոցցանցերում արդեն լայն տարածում գտած #Հաղթում_ենք հեշթեգով:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Ըստ այս պահին հայտնի տեղեկությունների` Ադրբեջանը զրկվել է նաև 52 ԱԹՍ–ից, 6 ուղղաթիռից, 92 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

 

 

0
թեգերը:
Ադրբեջան, Արցախ, Պարտություն, հաղթանակ, Արարատ Միրզոյան, Հայաստան
թեմա:
Ադրբեջանական ագրեսիա Արցախում. 2020