Նադեժդա Բաբկինա. արխիվային լուսանկար

Բաբկինան կորոնավիրուսից հետո անճանաչելիորեն գեղեցկացել է. լուսանկար

413
(Թարմացված է 23:35 31.07.2020)
Գարնանը 70-ամյա երգչուհին վարակվել էր կորոնավիրուսով ու բավականին ծանր տարել հիվանդությունը, իսկ հիմա նա ներկայացել է «նոր» դեմքով։

ԵՐԵՎԱՆ, 31 հուլիսի – Sputnik. Երգչուհի Նադեժդա Բաբկինան զարմացրել է բաժանորդներին 70 տարեկանում ունեցած իր տեսքով։ Նա Instagram-ում լուսանկար է հրապարակել, որում անբնական երիտասարդ «ճենապակյա դեմքով» է։

Մեկնաբանություններում երկրպագուներն ակնարկել են, որ նրա դեպքում դեմքը հարթեցնող հավելված օգտագործելն անտեղի է։ Թեև հիվանդությունից հետո Բաբկինան  նկատելի նիհարել ու գեղեցկացել է։

View this post on Instagram

A post shared by Надежда Бабкина (@ngbabkina) on

Բաժանորդները հիշել են՝ ինչ ծանր վիճակում էր նա, երբ կորոնավիրուս էր տանում։ Երգչուհուն նույնիսկ դեղորայքային կոմայի մեջ էին գցել։ Նա գրեթե մեկ ամիս հիվանդանոցում է անցկացրել, սակայն բժիշկներին հաջողվել է փրկել նրա կյանքը։

Կորոնավիրուսը հաղթահարած Նադեժդա Բաբկինան ուղերձ է հղել տնից. տեսանյութ

Բաժանորդները չեն գնահատել Բաբկինայի նոր կերպարն ու նշել են, որ նա լուսանկարները մշակելու համար հավելված է օգտագործել։ Նաև գրել են, որ դա վիրաբույժների աշխատանքի արդյունք է։

Բաբկինան հիվանդությունից հետո՝ հուլիսի սկզբին է գրանցվել Instagram-ում։ Այն ժամանակվանից նա ակտիվորեն ապրում է սոցցանցում։ Վերջերս Ղրիմում անցկացրած հանգստից նա լուսանկար էր հրապարակել թոռան հետ։

View this post on Instagram

A post shared by Надежда Бабкина (@ngbabkina) on

Բաբկինան արդեն վերադարձել է «Модный приговор» հաղորդման նկարահանումներին ու «Русская песня» թատրոնում աշխատանքին։

«Ամեն ռուսի կյանքում պիտի մի հայ լինի». Նադեժդա Բաբկինան՝ իր ֆոլկ խմբի հայ դուդուկահարին

413
թեգերը:
Լուսանկար, ինստագրամ, կորոնավիրուս, երգչուհի, Նադեժդա Բաբկինա
Ըստ թեմայի
Նադեժդա Բաբկինային թոքերի արհեստական շնչառության սարք են միացրել
Գոռը Նադեժդա Բաբկինայի առողջական վիճակի մասին տեղեկություններ է հայտնել
Նադեժդա Բաբկինան պատրաստվում է դուրս գրվել հիվանդանոցից
«Թունելի վերջում լույս կա»․ Բաբկինան պատմել է կոմայի ժամանակ իր զգացողությունների մասին
ՌԴ–ում Հայաստանի դեսպանություն

Դավիթ Տոնոյանը Մոսկվա չի մեկնել. ՌԴ-ում ՀՀ դեսպանությունը հերքում է լուրը

6
(Թարմացված է 13:56 27.09.2020)
Ավելի վաղ տեղեկություն էր տարածվել, թե Հայաստանի պաշտպանության նախարարը Ղարաբաղյան հակամարտության գոտու լարվածության ֆոնին մեկնել է Մոսկվա։

ԵՐԵՎԱՆ, 27 սեպտեմբերի - Sputnik. ՌԴ-ում ՀՀ դեսպանությունը հերքում է այն տեղեկությունը, թե  ՀՀ պաշտպանության նախարար Դավիթ Տոնոյանն այսօր մեկնել է Մոսկվա։ Այս մասին ՌԻԱ Նովոստիին ասել է դիվանագիտական առաքելության խորհրդական Էդվարդ Ջամբազյանը։

Ավելի վաղ telegram ալիքներում տեղեկություն էր տարածվել, որ Տոնոյանը ՌԴ է մեկնել Ղարաբաղյան հակամարտության լարվածության ֆոնին։

«Մենք չենք հաստատում այդ տեղեկությունը, դեսպանատանը հերքել են»,— ասել է Ջամբազյանը:

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։ 

Արցախում և Հայաստանում ռազմական դրություն և համատարած զորահավաք է հայտարարվել։

6
թեգերը:
Դավիթ Տոնոյան, Ռուսաստան, Հայաստան
Ըստ թեմայի
ԱԳ նախարարը մշտական կապի մեջ է ԵԱՀԿ ՄԽ համանախագահների հետ
Արցախի պաշտպանության բանակն առաջնագծից տեսանյութ է հրապարակել
Հազարավոր կյանքերի գնով վաստակած մեր անկախությունը նորից վտանգված է. Օնիկ Գասպարյան
Վլադիմիր Ջաբարով. արխիվային լուսանկար

«Կրակը պետք է դադարեցվի». Ջաբարովը կողմերին բանակցություններ սկսելու կոչ է արել

151
(Թարմացված է 12:00 27.09.2020)
ՌԴ Դաշնային խորհրդի առաջին փոխնախագահը հիշեցրել է, որ ԼՂ հակամարտության կարգավորման համար գոյություն ունի ԵԱՀԿ Մինսկի խումբը:

ԵՐԵՎԱՆ, 27 սեպտեմբերի - Sputnik. Լեռնային Ղարաբաղի հակամարտության կողմերը պետք է դադարեցնեն կրակը և նստեն բանակցությունների սեղանի շուրջ, հակամարտությունը չպետք է լուծվի կռվի դաշտում: Այս մասին ՌԻԱ Նովոստի լրատվական գործակալության հետ զրույցում հայտարարել է ՌԴ Դաշնային խորհրդի առաջին փոխնախագահ Վլադիմիր Ջաբարովը:

«Պետք է ամեն բան տեղափոխել բանակցությունների սեղան, կրակը պետք է դադարեցվի»,-հայտարարել է Ջաբարովը:

Նա շեշտել է, որ հակամարտության կարգավորման համար գոյություն ունի ԵԱՀԿ Մինսկի խումբը:

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Գործողությունները վաղուց պլանավորված են եղել. Շուշան Ստեփանյան

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները:

Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

Ադրբեջանի լայնածավալ հարձակումից վնասներ են կրել քաղաքացիական անձինք. ՀՀ ՄԻՊ

151
թեգերը:
Արցախ, Հայաստան, Ադրբեջան
թեմա:
Ադրբեջանական ագրեսիա Արցախում. 2020
Ըստ թեմայի
Արցախում ռազմական դրություն և համատարած զորահավաք է հայտարարվել
Մարտերը շարունակվում են. հայկական կողմը խոցել է 2 ուղղաթիռ, 14 ԱԹՍ, տանկեր. տեսանյութ
Ինչպես է հայկական զինուժը ոչնչացնում ադրբեջանական տանկերը. տեսանյութ
Ստեփանակերտ

ԱՀ ԱԳՆ-ն ուղիղ կապի մեջ է ԵԱՀԿ գործող նախագահի անձնական ներկայացուցչի հետ

0
Երկու հայկական պետությունների արտաքին քաղաքական գերատեսչությունները համակարգված աշխատանք են տանում համապատասխան միջազգային կառույցների հետ՝ ադրբեջանական ագրեսիան կասեցնելու նպատակով։

ԵՐԵՎԱՆ, 27 սեպտեմբերի - Sputnik. Արցախի Հանրապետության արտաքին գործերի նախարարությունն ուղիղ կապի մեջ է ԵԱՀԿ գործող նախագահի անձնական ներկայացուցչի հետ: Տեղեկությունը հայտնում են Արցախի Հանրապետության արտաքին գործերի նախարարության մամուլի ծառայությունից։

«ԵԱՀԿ Մինսկի խմբի համանախագահները նույնպես իրազեկվել են Ադրբեջանի կողմից զինված հարձակման մասին: Երկու հայկական պետությունների արտաքին քաղաքական գերատեսչությունները համակարգված աշխատանք են տանում համապատասխան միջազգային կառույցների հետ՝ ադրբեջանական ագրեսիան կասեցնելու նպատակով»,-նշված է հաղորդագրության մեջ։

Հայտնում են նաև, որ զինված հարձակմանը նախորդել են Ադրբեջանի իշխանությունների կողմից հայկական կողմերի և ադրբեջանա-ղարաբաղյան հակամարտության խաղաղ կարգավորման գործընթացի հրապարակային թիրախավորումը, Արցախի Հանրապետության դեմ ուժի կիրառման բացահայտ սպառնալիքները, ինչպես նաև զինված ուժերի շփման գծում հոկտեմբերի 1-ին նախատեսված ԵԱՀԿ դիտարկման անցկացման մերժումը:
«Ադրբեջանի ռազմաքաղաքական ղեկավարությունն ամբողջական պատասխանատվություն է կրում ագրեսիայի հանցագործության համար՝ միջազգային իրավունքի նորմերի համաձայն։ Արցախի Հանրապետության դեմ Ադրբեջանի հերթական ագրեսիան ոչ մի կասկած չի թողնում, որ հակամարտությունն ուժի միջոցով լուծելու Ադրբեջանի փորձերին միջազգային հանրության կողմից ամենաարդյունավետ պատասխանը Արցախի Հանրապետության ճանաչումն է»,-նշված է հաղորդագրության մեջ:

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:
Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։
ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:
Մարտերը շարունակվում են:

0