Հրետանային ինքնագնաց համակարգ

Ինչո՞ւ է Ռուսաստանը զորավարժություններ անցկացնում Կովկասի 5 տարածաշրջանում

1415
(Թարմացված է 23:45 30.07.2020)
Հյուսիսային և Հարավային Կովկասի հինգ տարածաշրջանում միաժամանակ գումարտակային մարտավարական զորավարժություններ են ընթացել ավելի քան 5 հազար զինծառայողի և շուրջ 800 միավոր սպառազինության և ռազմատեխնիկայի ներգրավմամբ:

Ալեքսանդր Խրոլենկո, ռազմական վերլուծաբան

Դաղստանում, Հյուսիսային Օսեթիայում, Չեչնիայում 58-րդ բանակի, ինչպես նաև Աբխազիայում և Հարավային Օսեթիայում ռուսական ռազմակայանների գումարտակային մարտավարական զորավարժությունները թույլ են տալիս զորքին ավելի լավ նախապատրաստվել «Կովկաս 2020» ռազմավարական հրամանատարաշտաբային զորավարժություններին և ՀՌՕ ուժերն ու միջոցները բերել պատրաստվածության աստիճանի՝ արտաքին ռազմական սպառնալիքներին արագ ու արդյունավետ արձագանքելու համար:

Կովկասի հինգ տարածաշրջաններում անցկացվող զորավարժություններին մասնակցել են մոտոհրաձիգներ, տանկիստներ, հրետանավորներ, ինչպես նաև հետախուզության, ՀՕՊ-ի, ինժեներական զորքերի և այլ ստորաբաժանումներ: Կիրառվել են Տ-72Բ3, Տ-90 տանկեր և հետևակի ԲՄՊ-3 մարտական մեքենաներ: Մարտական հրաձգության փուլում ներգրավվել են հրետանային դիվիզիոններ և «Տորնադո», «Գրադ» համազարկային կրակի ռեակտիվ համակարգերի մարտկոցներ, ինչպես նաև ինքնագնաց «Մստա-Ս», «Գվոզդիկա», «Ակացիա» կայանքներ: Օդային մարտավարական դեսանտի մարտական խմբերի անձնակազմի կրակային աջակցությունն ու օպերատիվ տեղափոխումն ապահովել են ՌՕՈւ և ՀՕՊ միավորումների ինքնաթիռներն ու ուղղաթիռները:

Հուլիսի 28-ին ստրատոսֆերայում ուսումնամարզական թռիչքներ են իրականացրել Ղրիմում և Կրասնոդարի երկրամասում տեղակայված ՀՌՕ ավիացիոն միավորումների Սու-27ՍՄ3 և Սու-30Մ2 կործանիչների անձնակազմները: Օդաչուները մշակել են պայմանական հակառակորդի թռչող սարքերի որոնման և հայտնաբերման, ինչպես նաև 12-15 կմ բարձրության վրա օդային մարտեր վարելու գործողությունները:

Учения ко Дню ракетных войск в Ростовской области
© Sputnik / Сергей Пивоваров
«Գրադ» համակարգ

Միաժամանակ Սևծովյան նավատորմի ավելի քան 20 մարտանավեր ծովամարտի վարման, ծովային և առափնյա թիրախների ոչնչացման, հակաօդային և հակադիվերսիոն պաշտպանության պլանային զորավարժություններ են անցկացրել:

Հարավային ռազմական օկրուգի մարտական ու հզոր օրգանիզմը շարժման մեջ է մտել. ամռան ուսումնական շրջանում ավելի քան 20 գումարտակային մարտավարական և ավելի քան տասը հատուկ զորավարժություններ են նախատեսված: ՀՌՕ զորահրամանատար Ալեքսանդր Դվորնիկովն ավելի վաղ հայտարարել էր. «Գումարտակային մարտավարական զորավարժությունները, ինչպես նաև մի շարք հատուկ զորավարժություններ հիմք են ծառայում «Կովկաս 2020» ռազմավարական հրամանատարաշտաբային զորավարժությունների անցկացմանը նախապատրաստվելու համար»:

Մեծ Կովկաս

ՀՌՕ 58-րդ համազորային բանակի մոտոհրաձգային միավորումը հուլիսի 28-ին ոտքի հանվեց տագնապի ազդանշանով: Միավորման գումարտակային մարտավարական երկու խմբերի անձնակազմի տարբեր տեսակի զորամիավորումների ստորաբաժանումներ զենք-զինամթերք ստացան ու հաստիքային մարտական տեխնիկայով շարժվեցին դեպի համակենտրոնացման վայրեր: «Դալնի» համազորային լեռնային զորավարժարանում զինվորականները պետք է ուսումնամարտական առաջադրանքներ կատարեին՝ օգտագործելով մարտավարական հնարքների և սպառազինության ողջ սպեկտրը: Գումարտակային մարտավարական խմբերը միմյանց դեմ գործողություններ մշակեցին բանակային ավիացիայի ծածկապաշտպանությամբ:

Ռուսական նոր զենք. «Ստրելա» զրահամեքենան շարժվում է աննկարագրելի արագությամբ

Աբխազիայում ՀՌՕ ռուսական ռազմակայանի ավելի քան 500 հրետանավորներ լեռնային զորավարժարաններում մասնակցեցին դաշտային վարժանքներին: Ներգրավվեցին «Գրադ» համազարկային կրակի ռեակտիվ համակարգերը, «Ակացիա» ինքնագնաց հաուբիցներն ու Դ-30 հաուբիցները, հակատանկային հրթիռային համալիրներն ու միավորման այլ հրետանային սպառազինությունը: Մարտկոցների և դիվիզիոնների կազմում հրետանավորները փակ կրակային դիրքերից տարատեսակ ռազմամթերքով մեկական և խմբակային թիրախների ուղղությամբ պետք է մարտական կրակոցներ արձակեին ուղիղ և կիսաուղիղ նշանառությամբ. ընդհանուր առմամբ տարբեր տեսակի ավելի քան 200 կրակային առաջադրանք կատարեցին:

Самоходная артиллерийская установка 2СЗМ Акация
© Sputnik / Сергей Пивоваров
«Ակացիա» ինքնագնաց հաուբից

«Նագվալոու» և «Ցաբալ» զորավարժարանների տարածքում, լեռներում և Աբխազիայի սևծովյան ափերին հուլիսի սկզբին աբխազական բանակը և ռուսական 7-րդ ռազմակայանի ստորաբաժանումները համատեղ զորավարժություններ անցկացրին, որոնց մասնակցեցին ավելի քան 3 հազար զինծառայող, ներգրավված էր 300 միավոր մարտական և հատուկ տեխնիկա: Երկու երկրների միացյալ զորախմբերը մշտապես սովորում են արդյունավետ հակազդել մարտի դաշտում՝ մարտավարական հնարքների և սպառազինության լայն շրջանակի կիրառմամբ:

Հարավային Օսեթիայում ռուսական ռազմակայանի մոտոհրաձգային, տանկային և հրետանային ստորաբաժանումների գումարտակային մարտավարական խմբերը քայլերթ իրականացրին դեպի զորավարժարաններ, որտեղ ուսումնական առաջադրանքներ կկատարեն մարտական կրակոցների անցկացմամբ: Հրաձգության ժամանակ կկիրառվեն «Տորնադո» և «Գրադ» համազարկային կրակի ռեակտիվ համակարգերի դիվիզիոններ և մարտկոցներ, «Մստա-Ս», «Գվոզդիկա», «Ակացիա» ինքնագնաց կայանքներ: Զորավարժությունների առանձին դրվագներ թույլ կտան տեսնել, թե կոնկրետ ինչ է ակնկալում ագրեսորը Ռուսաստանի դաշնակիցների տարածքում: Հիշեցնեմ, որ հենց 58-րդ բանակի գումարտակային մարտավարական խմբավորումներն էին 2008 թվականի օգոստոսին սկսել Վրաստանին խաղաղություն պարտադրելու գործողությունը:

Համընկնո՞ւմ

Հայ–ադրբեջանական սահմանային իրավիճակի սրացման ֆոնին հուլիսի 29-ին մեկնարկել են ադրբեջանա-թուրքական համատեղ զորավարժությունները: Մարտական հրաձգությամբ մարտավարական և թռիչքամարտավարական զորավարժությունները փուլ առ փուլ կանցկացվեն Բաքվում, Նախիջևանում, Գյանջայում, Քյուրդամիրում, Եվլախում և կավարտվեն օգոստոսի 10-ին:

Միևնույն ժամանակ Բաքուն նշում է, որ զորավարժությունները պլանային բնույթ ունեն, իրականացվում են երկկողմ համաձայնագրի հիման վրա, ծառայում են երկու երկրների ԶՈւ առաջատար փորձի փոխանակմանն ու համակարգմանը, նպաստում տարածաշրջանային խաղաղության ու անվտանգության ամրապնդմանը:

Բնականաբար, Հյուսիսային և Հարավային Կովկասի տարբեր երկրներում մարտական պատրաստվածության միջոցառումների համընկնումն իր մեջ ինտրիգ կամ կոնֆլիկտային պոտենցիալ չի պարունակում: Ռուսական զորքերի զորաշարժերը միշտ անցկացվում են հստակ պլանի համաձայն, նույնիսկ եթե այն անսպասելի ստուգում է՝ 150 հազար զինծառայողի, 26 հազար սպառազինության և տեխնիկայի միավորի, 400 թռչող սարքերի և Հարավային և Արևմտյան ռազմական օկրուգների ՌԾՆ-ի ավելի քան 100 նավերի ներգրավմամբ:

Զորավարժություններն անցկացվել են հուլիսի 17-21-ը։

«Արմատան» կարտահանվի․ ով առաջինը կստանա Տ-14 նորագույն ռուսական հզոր տանկը

1415
թեգերը:
Զորավարժություններ, զորավարժարան, Ռուսաստան
Ըստ թեմայի
Միայն Ռուսաստանը նման զենք ունի, բայց առանց լուրջ պատճառի երբեք չի գործարկի
Առանց պաթոսի. ռազմական ոլորտում Հայաստանի և Ռուսաստանի բարեկամության մասին խոսում են թվերը
Ռուսաստանը հաուբիցն է ընտրել․ ո՞րն է «Կոալիցիա-ՍՎ»-ի առավելությունը
Վլադիմիր Պուտին

Պուտինը Ղարաբաղում տիրող իրավիճակը քննարկել է Անվտանգության խորհրդի անդամների հետ

268
(Թարմացված է 16:11 30.10.2020)
Խորհրդակցության մասնակիցները ևս մեկ անգամ վճռականորեն դատապարտել են ահաբեկչությունն իր բոլոր դրսևորումներով։

ԵՐԵՎԱՆ, 30 հոկտեմբերի - Sputnik. Ռուսաստանի նախագահ Վլադիմիր Պուտինը ՌԴ Անվտանգության խորհրդի մշտական անդամների հետ քննարկել է Ղարաբաղում տիրող իրավիճակը, Եվրոպայում տեղի ունեցող ողբերգական իրադարձությունները, ինչպես նաև այլ հարցեր: ՌԻԱ Նովոստիի փոխանցմամբ` տեղեկությունը հայտնել է ՌԴ նախագահի մամուլի քարտուղար Դմիտրի Պեսկովը։

«Քննարկվել է Անդրկովկասի իրադրությունը՝ շեշտը դնելով Ղարաբաղում տիրող իրավիճակի զարգացման վրա», - նշել է Պեսկովը:

Նրա խոսքով` խորհրդակցության մասնակիցները ևս մեկ անգամ վճռականորեն դատապարտել են ահաբեկչությունն իր բոլոր դրսևորումներով։

Պեսկովն ասել է նաև, որ որպես Անվտանգության խորհրդի մշտական անդամների հետ օպերատիվ խորհրդակցության հիմնական հարց քննարկվել է պետական նյութական պահուստի ձևավորման թեման:

Խորհրդակցությանը մասնակցել են ՌԴ վարչապետ Միխայիլ Միշուստինը, խորհրդարանի երկու պալատների խոսնակները` Վալենտինա Մատվիենկոն և Վյաչեսլավ Վոլոդինը, ԱԽ ղեկավարի տեղակալ Դմիտրի Մեդվեդևը, ԱԽ աշխատակազմի ղեկավար Անտոն Վայնոն, ԱԽ քարտուղար Նիկոլայ Պատրուշևը, պաշտպանության նախարար Սերգեյ Շոյգուն և ներքին գործերի նախարար Վլադիմիր Կոլոկոլցևը, Անվտանգության դաշնային ծառայության տնօրեն Ալեքսանդր Բորտնիկովը, Արտաքին հետախուզության ծառայության ղեկավար Սերգեյ Նարիշկինը:

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

268
թեմա:
Ադրբեջանական ագրեսիան Արցախում - 2020
Ըստ թեմայի
Չի կարելի մոռանալ հայ ժողովրդի ապրած ողբերգությունը. Պուտինը խոսել է Ղարաբաղի մասին
Պուտինն օրը մի քանի անգամ հեռախոսազրույց է ունենում Փաշինյանի հետ
Պեսկովն ասել է` ինչի է ձգտում Պուտինը Ղարաբաղի հարցում
Արխիվային լուսանկար

Ռուսաստանում մտադիր են արյան մեջ շաքարի և խոլեստերինի քանակը հաշվարկող թևնոց ստեղծել

29
(Թարմացված է 15:08 30.10.2020)
«Խելացի» թևնոցի ստեղծման համար նախատեսվում է տեխնոլոգիական մրցույթ հայտարարել։

ԵՐԵՎԱՆ, 30 հոկտեմբերի – Sputnik. Ռուսաստանում ապագայում կհայտնվեն «խելացի» թևնոցներ, որոնք ի վիճակի են իրական ժամանակի ռեժիմում հաշվարկել մարդու օրգանիզմում հորմոնների վիճակի, արյան մեջ շաքարի և խոլեստերինի մակարդակի տվյալները։ Տեղեկությունը ՌԻԱ Նովոստիին հայտնել է «Ռուսաստանի վենչուրային ընկերության» նորարարական ենթակառուցվածքների գծով փոխտնօրեն Միխայիլ Անտոնովը։

Նրա խոսքով՝ այդպիսի սարքի ստեղծման տեխնոլոգիական մրցույթը նախատեսվում է հայտարարել ապագայում։

«Տվիչների մրցույթի գաղափարը ենթադրում է թևնոցների ստեղծում, որոնք կարող են արագ տվյալներ հավաքել մարդու առողջական վիճակի մասին և անմիջապես հայտնել նրան շաքարի, խոլեստերինի, սթրեսի հորմանի մակարդակի բարձրացման մասին և այլն։ Ալգորիթմներն առցանց վերլուծելու են մարդու առողջության մասին տվյալները և ակնթարթորեն փոխանցելու են դրանք»,-ասել է Անտոնովը։

Նրա խոսքով՝ նախքան մրցույթ հայտարարելը մեկ տարի մանրակրկիտ աշխատանք է պետք կատարել։

Գիտնականները գտել են այն մթերքը, որն այրում է ճարպը և նվազեցնում զարկերակային ճնշումը

29
թեգերը:
գիտնական, Ռուսաստան, շաքար
Ըստ թեմայի
3 բեկումնային տարիք, երբ ծերությունը «վրա է տալիս». գիտնականների խորհուրդները
Գիտնականները պարզել են շաքարային դիաբետի զարգացման հիմնական պատճառը
Ռուս գիտնականները նոր հակաբիոտիկ են հայտնաբերել, որը կարող է պայքարել նաև ուռուցքների դեմ
Սպիտակ. արխիվային լուսանկար

Տուժածներ չկան. ինչ է եղել Սպիտակի հիվանդանոցում

0
(Թարմացված է 16:43 30.10.2020)
Համայնքապետարանից տեղեկացրեցին, որ անսարքությունն արդեն վերացված է, հիվանդներն անգամ չեն էլ իմացել խնդրի մասին։

ԵՐԵՎԱՆ, 30 հոկտեմբերի - Sputnik. Սպիտակի հիվանդանոցում պայթյուն չի եղել։  Տեղեկությունը Sputnik Արմենիայի հետ զրույցում հայտնեց Սպիտակի համայնքապետարանի պատասխանատուն։ Հիշեցնենք՝ քիչ առաջ ԱՆ մամուլի խոսնակ Ալինա Նիկողոսյանը հայտնել էր, որ Սպիտակ բժշկական կենտրոնում պայթյուն է տեղի ունեցել։ Նախարարության նախնական տեղեկություններով՝ թթվածնի մատակարարման համակարգն է պայթել:

«Հիվանդանոցում պայթյուն չի եղել, անսարքություն է եղել թթվածնի բալոնի ռեդուկտորի հետ կապված»,- նշեց համայնքապետարանի ներկայացուցիչը։

Իրենց ունեցած տեղեկություններով՝ ներսում գտնվող հիվանդներն անգամ չեն էլ զգացել կատարվածը։

«Տուժածներ, վախեցողներ չեն եղել»,- հավելեց կինը։

Նրա խոսքով՝ անսարքությունն արդեն վերացված է։

0
թեգերը:
ՀՀ Առողջապահության նախարարություն, պայթյուն, հիվանդանոց, Սպիտակ