ԵՐԵՎԱՆ, 30 հուլիսի - Sputnik. Ռուսաստանցի ռեփեր, Versus Battle առցանց շոուի մասնակից Էնդի Կարտրայտը (իրական անունը Ալեքսանդր Յուշկո) մահացել է Ռուսաստանում։
Ռուսական լրատվամիջոցները գրում են, որ ռեփերի մահվան մասին հայտնել է նրա կինը՝ Մարինա Կոխալը, սակայն արել է դա միայն տղամարդու մահանալուց չորս օր անց։ Կոխալի խոսքով՝ նա հայտնաբերել է ամուսնուն անգիտակից վիճակում, կողքին ներարկիչ է ընկած եղել։ Նա մասնատել է ամուսնու մարմինը (ավելի քան երկու մետր հասակ ունեցող), դրել է տոպրակների մեջ ու մտածել է հետագա քայլերի մասին։
Սակայն Պետերբուրգի 36-ամյա բնակիչը քիչ թե շատ տրամաբանական լուծման չի եկել ու օգնության է դիմել փաստաբանին։
Այդ ժամանակ էլ սարսափելի ճշմարտությունը հայտնի է դարձել։ Քննիչները Նևսկու պողոտայում գտնվող բնակարանի սառնարանում հինգ տոպրակ են հայտնաբերել՝ հայտնի երաժշտի մարմնի մասերով։
Զարհուրելի դեպք Երևանում. մայրն իր նորածին փոքրիկին նետել է աղբարկղը
Կնոջ խոսքով՝ նա չէր ուզում, որ ԶԼՄ-ները գրեն, որ ամուսինը թմրանյութերի չարաշահումից է մահացել, այդ պատճառով էլ որոշել է, որ նա «պարզապես կանհետանա»։
Այժմ ոստիկանությունը նյութեր է պատրաստում, իսկ դատաբժշկական փորձագետները ստուգում են՝ արդյո՞ք Էնդի Կարտրայտի արյան մեջ թմրանյութերի մնացորդներ կան։
Մարինան ու Սաշան մի քանի տարի առաջ էին ամուսնացել։ Նրանց երեխան 2,5 տարեկան է։
